[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Laghukavyani](https://indike.org/pramana/in.lit.kavya.misc.laghukavyani) › 6 # Laghukavyani 6 Laghukāvyāni 6 - **Language:** Sanskrit ### [6.1](https://indike.org/pramana/in.lit.kavya.misc.laghukavyani.6.1) iti kaliviḍambanaṃ saṃpūrṇam śrīḥ sabhārañjanaśatakam ṣaḍdarśanīparijñānamaṇḍitairiva paṇḍitaiḥ stambhaiścitrairvitānaiśca sabhā kimavabhāsate ### [6.2](https://indike.org/pramana/in.lit.kavya.misc.laghukavyani.6.2) santi sarvavidhā martyā na santyeke vipaścitaḥ asūryeṇeva lokena kiṃ tena viṣayeṇa naḥ ### [6.3](https://indike.org/pramana/in.lit.kavya.misc.laghukavyani.6.3) udyantu śatamādityā udyantu śatamindavaḥ na vinā viduṣāṃ vākyairnaśyatyābhyantaraṃ tamaḥ ### [6.4](https://indike.org/pramana/in.lit.kavya.misc.laghukavyani.6.4) bahubhyo bahu boddhavyaṃ bahudhā bahuvāsarān bahukalpaśatasthāyi labdhuṃ bahuvidhaṃ yaśaḥ ### [6.5](https://indike.org/pramana/in.lit.kavya.misc.laghukavyani.6.5) pāṣāṇāḥ sarva evaite padmarāgeṣu ko guṇaḥ prakāśaḥ kaścidatrāste paratra sa na vidyate ### [6.6](https://indike.org/pramana/in.lit.kavya.misc.laghukavyani.6.6) jātyandhā jātibadhirā jātimūkāśca te janāḥ samyagārādhitā yairna santo vijñānasindhavaḥ ### [6.7](https://indike.org/pramana/in.lit.kavya.misc.laghukavyani.6.7) api mānuṣyakaṃ labdhvā bhavanti jñānino na ye paśutaiva varaṃ teṣāṃ pratyavāyāpravartanāt ### [6.8](https://indike.org/pramana/in.lit.kavya.misc.laghukavyani.6.8) kiṃ parokṣaṃ kimadhyakṣaṃ kiṃ labhyaṃ kiṃ nu durlabham sarvamaindriyikaṃ vastu sarvaṃ karagataṃ satām ### [6.9](https://indike.org/pramana/in.lit.kavya.misc.laghukavyani.6.9) sthāvarā jaṅgamā martyā brāhmaṇā munayaḥ surāḥ śiva ityapyamī bhedāścidutkarṣanibandhanāḥ ### [6.10](https://indike.org/pramana/in.lit.kavya.misc.laghukavyani.6.10) vidyujjaladharo vṛṣṭiścandrārkau sāgarā iti sarvamadbhutamajñānāṃ jānatāṃ tu na kiṃcana ### [6.11](https://indike.org/pramana/in.lit.kavya.misc.laghukavyani.6.11) tatra tatra sthitairjñānakaraṇairiva vigrahaḥ vidvadbhiḥ śobhate deśastairvihīnastvamaṅgalaḥ ### [6.12](https://indike.org/pramana/in.lit.kavya.misc.laghukavyani.6.12) amalīmasa macchidramakreyamatisundaram adeyamapratigrāhyamaho jñānaṃ mahādhanam ### [6.14](https://indike.org/pramana/in.lit.kavya.misc.laghukavyani.6.14) saṃdarbhaśaktihīnānāṃ śabdābhyāso vṛthāśramaḥ mugdhāni labdhvā puṣpāṇi muṇḍitaḥ kiṃ kariṣyati śāstreṣu durmaho'pyarthaḥ sphurate kavisūktiṣu dṛśyaṃ karagataṃ ratnaṃ dāruṇaṃ phaṇimūrdhani ### [6.15](https://indike.org/pramana/in.lit.kavya.misc.laghukavyani.6.15) jñāsthyaṃ vyavahārāṇāmārjavaṃ paramaṃ dhiyām svātantryamapi tantreṣu sūte kāvyapariśramaḥ ### [6.16](https://indike.org/pramana/in.lit.kavya.misc.laghukavyani.6.16) sāhityavidyāhīnānāṃ sarvaśāstravidāmapi samājaṃ paripaśyanti samañjaṃ buddhiśālinaḥ ### [6.17](https://indike.org/pramana/in.lit.kavya.misc.laghukavyani.6.17) aśikṣitānāṃ kāvyeṣu śāstrābhyāso nirarthakaḥ kimastyanupanītasya vājapeyādibhirmakhaiḥ ### [6.18](https://indike.org/pramana/in.lit.kavya.misc.laghukavyani.6.18) andhā vidvajjanairhīnā mūkā kavibhirujjhitā badhirā gāyakairhīnā sabhā bhavati bhūbhṛtām ### [6.19](https://indike.org/pramana/in.lit.kavya.misc.laghukavyani.6.19) sāhityādapi śāstrāṇi viśiṣṭānīti cenmatiḥ tato'pi vedādhyayanaṃ tato'pi śivakīrtanam ### [6.20](https://indike.org/pramana/in.lit.kavya.misc.laghukavyani.6.20) santvaśvāḥ santu mātaṅgāḥ santu yodhāḥ sahasraśaḥ narendrāṇāṃ viśeṣeṇa na vinā kavinā yaśaḥ ### [6.21](https://indike.org/pramana/in.lit.kavya.misc.laghukavyani.6.21) kāṇāḥ kamalapatrākṣāḥ kadaryāḥ kalpaśākhinaḥ kātarā vikramādityāḥ kavidṛggocaraṃ gatāḥ ### [6.22](https://indike.org/pramana/in.lit.kavya.misc.laghukavyani.6.22) pāradeśyaṃ vṛthādāsyaṃ pañcānāmekadāratā pāṇḍavānāmabhūtkīrtyai pārāśaryakavergirā ### [6.23](https://indike.org/pramana/in.lit.kavya.misc.laghukavyani.6.23) jānāte yanna candrākò jānante yanna yoginaḥ jānīte yanna bhargo'pi tajjānāti kaviḥ svayam ### [6.24](https://indike.org/pramana/in.lit.kavya.misc.laghukavyani.6.24) sarvāsāmapi vidyānāṃ sāhityaṃ hi kaveḥ padam sādhārapye'pi yatraiva sārasvatapadaṃ dhruvam ### [6.25](https://indike.org/pramana/in.lit.kavya.misc.laghukavyani.6.25) nādātavyaṃ na dātavyaṃ na kartavyaṃ ca kiṃcana sāntvamekaṃ prayoktavyaṃ sarvaṃ tasya vaśe jagat ### [6.26](https://indike.org/pramana/in.lit.kavya.misc.laghukavyani.6.26) nāmarūpātmakaṃ viśvaṃ dṛśyate yadidaṃ dvidhā tatrādyasya kavirvedhā dvitīyasya caturmukhaḥ ### [6.27](https://indike.org/pramana/in.lit.kavya.misc.laghukavyani.6.27) agniṣṭome kimukthye kiṃ kimājye kiṃ rathantare stutiritthevaṃ hṛṣyanti sarvajñā api devatāḥ ### [6.28](https://indike.org/pramana/in.lit.kavya.misc.laghukavyani.6.28) na jātirūpakarmāṇi dṛśyante mṛdubhāṣiṇi pakṣiṇo malināstatra parapuṣṭā nidarśanam ### [6.29](https://indike.org/pramana/in.lit.kavya.misc.laghukavyani.6.29) arthahīno'pi madhuraḥ śabdo lokapriyaṃkaraḥ vīṇāveṇumṛdaṅgādyairnanvodāharaṇāni naḥ ### [6.30](https://indike.org/pramana/in.lit.kavya.misc.laghukavyani.6.30) jighāṃsanto'pi paśavo rudanto'pi stanaṃdhayāḥ kranto'pi ripavo yuddhe vaśamāyānti sāntvataḥ ### [6.31](https://indike.org/pramana/in.lit.kavya.misc.laghukavyani.6.31) dātuḥ pratigrahītuśca yau hastāvuttarādharau tayorapyauttarādharyaṃ tābhyāmevopapadyate ### [6.32](https://indike.org/pramana/in.lit.kavya.misc.laghukavyani.6.32) amartyāḥ santu martyā vā cetanāḥ santvacetanāḥ dānameva puraskṛtya stūyante bhuvanaistribhiḥ ### [6.33](https://indike.org/pramana/in.lit.kavya.misc.laghukavyani.6.33) deyadravyamiyattā vā dānotkarṣe na kāraṇam kiṃ tvavacchedarāhityaṃ dhanadāmbudayoriva ### [6.35](https://indike.org/pramana/in.lit.kavya.misc.laghukavyani.6.35) dadātirādadāniśca dvāvetau paramādbhutau yayoḥ svāmyaṃ ca dāsyaṃ ca līlāmātravijṛmbhitam doṣā api guṇāyante dātāraṃ samupāśritāḥ kālimānaṃ kilāmbya kālamegha iti stutiḥ ### [6.36](https://indike.org/pramana/in.lit.kavya.misc.laghukavyani.6.36) kiṃ dāturākhilairdoṣaiḥ kiṃ lubdhasyākhilairguṇaiḥ na lobhādadhiko doṣo na dānādadhiko guṇaḥ ### [6.37](https://indike.org/pramana/in.lit.kavya.misc.laghukavyani.6.37) arthāḥ sādhāraṇā eva viyujyante svabhāvataḥ mamatāṃ tyajatāṃ teṣu mahadutpadyate yaśaḥ ### [6.38](https://indike.org/pramana/in.lit.kavya.misc.laghukavyani.6.38) mṛto'pyarthaṃ na mokṣyāmi baddhvā neṣyāmi mūrdhani iti cetsudṛḍho lobhaḥ pātre deyamaśaṅkitam ### [6.39](https://indike.org/pramana/in.lit.kavya.misc.laghukavyani.6.39) ṣaṣṭirdeśāntare labhyā śataṃ dattvā'tra naigame pātre tvekamihotsṛjya paratrānantamāpyate ### [6.40](https://indike.org/pramana/in.lit.kavya.misc.laghukavyani.6.40) ko datte ka ivādatte svāddṛṣṭaṃ svena bhujyate dhībhedamātre dātṛtve kliśyante kṛpaṇāḥ kiyat ### [6.42](https://indike.org/pramana/in.lit.kavya.misc.laghukavyani.6.42) svātantryaṃ yadi coreṣu bhoktṛtvaṃ yadi bandhuṣu niṣkarṣe tu śramaḥ svāmyaṃ tadyaktvā labhyatāṃ yaśaḥ na dhairyeṇa vinā lakṣmīnai śauryeṇa vinā jayaḥ na jñānena vinā mokṣo na dānena vinā yaśaḥ ### [6.43](https://indike.org/pramana/in.lit.kavya.misc.laghukavyani.6.43) svakīyānbhuñjate matsyāḥ svāpatyāni phaṇādharāḥ balābalavyavastheyaṃ balinastvakutobhayāḥ ### [6.44](https://indike.org/pramana/in.lit.kavya.misc.laghukavyani.6.44) guruṃ hatvā divaṃ yāti tṛṇaṃ chittvā patatyadhaḥ balināṃ durbalānāṃ ca śrutayo'pi dvidhā sthitāḥ ### [6.45](https://indike.org/pramana/in.lit.kavya.misc.laghukavyani.6.45) balino balinaḥ ślāghyantyabalaṃ tu nigṛhṇate dāvaṃ dīpayate caṇḍo dīpaṃ vyāhanti mārutaḥ ### [6.46](https://indike.org/pramana/in.lit.kavya.misc.laghukavyani.6.46) bādhakā api lokānāṃ balino bibhyati svayam sarvaṃ balavatāṃ pathyaṃ bhiṣagbhirabhidhīyate ### [6.47](https://indike.org/pramana/in.lit.kavya.misc.laghukavyani.6.47) śubhaprārabdhalabdhāpi lakṣmīḥ śauryavivarjitā śokena dahyamānāste ṣaṇḍe kulavadhūriva ### [6.48](https://indike.org/pramana/in.lit.kavya.misc.laghukavyani.6.48) sarvatra lālyate śūro bhīruḥ sarvatra hanyate pacyante kevalā meṣāḥ pūjyante yuddhadurmadāḥ ### [6.49](https://indike.org/pramana/in.lit.kavya.misc.laghukavyani.6.49) bhāryāyāḥ sundaraḥ snigdho veśyāyāḥ sundaro dhanī śrīdevyāḥ sundaraḥ śūro bhāratyāḥ sundaraḥ sudhīḥ ### [6.50](https://indike.org/pramana/in.lit.kavya.misc.laghukavyani.6.50) na śauryaṃ śauryamityeva stūyate buddhiśālibhiḥ kiṃ tu nītyā samāśliṣṭaṃ vāgmitvamiva medhayā ### [6.51](https://indike.org/pramana/in.lit.kavya.misc.laghukavyani.6.51) śauryeṇa lokasevyatvaṃ śauryeṇa kṣitipālatā śauryeṇa labhyaḥ svargo'pi śauryaṃ kasya na sādhanam ### [6.52](https://indike.org/pramana/in.lit.kavya.misc.laghukavyani.6.52) samareṣu narendrāṇāṃ savaneṣu dvijanmanām pratikarmasu nārīṇāṃ śauryaṃ bhavati bhūṣaṇam ### [6.53](https://indike.org/pramana/in.lit.kavya.misc.laghukavyani.6.53) śaurye tulye kathaṃ vṛttaṃ svāmī dāsa iti dvidhā anvayavyatirekābhyāṃ nīterityavadhāryatām ### [6.54](https://indike.org/pramana/in.lit.kavya.misc.laghukavyani.6.54) na jayāya svataḥ śauryaṃ kiṃ tu nītyopabṛṃhitam prayuktaṃ hi jayatyastraṃ prayoktrā na svataḥ kvacit ### [6.55](https://indike.org/pramana/in.lit.kavya.misc.laghukavyani.6.55) idameva paraṃ śauryamupāyaistribhiranvitam idameva paraṃ mauryamupāyaistribhirujjhitam ### [6.56](https://indike.org/pramana/in.lit.kavya.misc.laghukavyani.6.56) parākramante yuddheṣu samamevobhaye bhaṭāḥ vijayante'pyupāyajñā vijīyante tadujjhitāḥ ### [6.57](https://indike.org/pramana/in.lit.kavya.misc.laghukavyani.6.57) kiṃ śāstrairbahudhā'bhyastaiḥ kiṃ cāturyeṇa kiṃ dhiyā kiṃ śauryeṇānivāryeṇa lalāṭe cenna likhyate ### [6.58](https://indike.org/pramana/in.lit.kavya.misc.laghukavyani.6.58) ghaṭamānāḥ kuṭumbeṣu daridrati vipaścitaḥ mūḍheṣu ramate lakṣmīraho diṣṭasya ceṣṭitam ### [6.59](https://indike.org/pramana/in.lit.kavya.misc.laghukavyani.6.59) tulyaṃ karṣanti pṛthivīṃ tulyaṃ śāstrāṇyadhīyate unmajjanti nimajjanti daivasyaikasya ceṣṭayā ### [6.60](https://indike.org/pramana/in.lit.kavya.misc.laghukavyani.6.60) lubhyanti vitaranto'pi kupyanti saralā api muhyanti matimanto'pi bhokturbhāgyaviparyayāt ### [6.61](https://indike.org/pramana/in.lit.kavya.misc.laghukavyani.6.61) adhīyate vijānanti virajyanti muhurmuhuḥ nātyantāya nivartante narā vaiṣamyato vidheḥ ### [6.62](https://indike.org/pramana/in.lit.kavya.misc.laghukavyani.6.62) dohadairalivālaiśca kiyadvṛkṣānupāsahe te tu kālaṃ pratīkṣante phalapuṣpasamudrame ### [6.63](https://indike.org/pramana/in.lit.kavya.misc.laghukavyani.6.63) kaḥ prasūte purovātaṃ kaḥ prerayati vāridam prāpte tu śrāvaṇe māsi bhavatyekārṇavaṃ jagat ### [6.64](https://indike.org/pramana/in.lit.kavya.misc.laghukavyani.6.64) kālaḥ karoti kāryāṇi kāla eva vihanti ca karomīti vihanmīti mūrkho muhyati kevalam ### [6.65](https://indike.org/pramana/in.lit.kavya.misc.laghukavyani.6.65) api kālasya yaḥ kālaḥ so'pi kālamapekṣate kartuṃ jaganti hartuṃ vā kālajñena jagatprabhuḥ ### [6.66](https://indike.org/pramana/in.lit.kavya.misc.laghukavyani.6.66) kālaḥ sadāgatirapi sthāyīva pariceṣṭate caṇḍamārutavadviśvamadharottarayankṣaṇāt ### [6.67](https://indike.org/pramana/in.lit.kavya.misc.laghukavyani.6.67) kālaścālayati prāyaḥ paṇḍitānpāmarānapi taṃ ceccikīrṣasi vaśe titikṣaiva mahauṣadham ### [6.68](https://indike.org/pramana/in.lit.kavya.misc.laghukavyani.6.68) randhreṣu prahariṣyantaḥ kati kāmādayo'rayaḥ kṣaṇānnaśyati loko'yaṃ kṣamā cenna niyacchati ### [6.69](https://indike.org/pramana/in.lit.kavya.misc.laghukavyani.6.69) apakāraparāṇāmapyupakurvanti sādhavaḥ chindantamapi vṛkṣaḥ svacchāyayā kiṃ na rakṣati ### [6.70](https://indike.org/pramana/in.lit.kavya.misc.laghukavyani.6.70) sravatyeva sadā jñānaṃ sravatyeva sadā tapaḥ chidraṃ chidramanuprāpya na cecchādayati kṣamā ### [6.71](https://indike.org/pramana/in.lit.kavya.misc.laghukavyani.6.71) kṣamāṃ rakṣanti ye yatnātkṣamāṃ rakṣanti te ciram kṣamāste nibhṛtā yeṣu kṣamāste sarvakarmasu ### [6.72](https://indike.org/pramana/in.lit.kavya.misc.laghukavyani.6.72) mūrkhāḥ śamayituṃ duḥkhaṃ saṃrabhante tatastataḥ kṣamayaiva nigṛhṇanti dhīrāḥ saṃrambhavarjitāḥ ### [6.73](https://indike.org/pramana/in.lit.kavya.misc.laghukavyani.6.73) ā kālyādā niśīthācca kukṣyathaṃ vyāpriyāmahe na ca nirvṛṇumo jātu śāntāstu sukhamāsate ### [6.74](https://indike.org/pramana/in.lit.kavya.misc.laghukavyani.6.74) nāyāsyante śarīrāṇi na dainyamavabudhyate saṃbhavatyapi cānandaḥ śāntimabhyasyatāṃ satām ### [6.75](https://indike.org/pramana/in.lit.kavya.misc.laghukavyani.6.75) prasīdatyaparispandi payaḥ kaluṣitaṃ yathā tathā śāntamapi svāntaṃ prasīdati śanaiḥ śanaiḥ ### [6.76](https://indike.org/pramana/in.lit.kavya.misc.laghukavyani.6.76) yatnena mahatā labhyā dāsā dvipāḥ sukhāya naḥ śāntasya kālāhastādyāḥ śataṃ bhṛtyā acetanāḥ ### [6.77](https://indike.org/pramana/in.lit.kavya.misc.laghukavyani.6.77) api mṛṣṭayā girā labhyaḥ sadā jāgartyatandritaḥ nāsti dharmasamo bhṛtyaḥ kiṃciduktastu dhāvati ### [6.78](https://indike.org/pramana/in.lit.kavya.misc.laghukavyani.6.78) arthenopārjyate dharmo dharmeṇārtha upārjyate anyonyāśrayagaṃ hyetadubhayotpattisādhanam ### [6.79](https://indike.org/pramana/in.lit.kavya.misc.laghukavyani.6.79) vipaṇiḥ puṇyatīrthāni vikretārastvakiṃcanāḥ tṛṇenāpyantato dharmaḥ parvasu krīyate mahān ### [6.80](https://indike.org/pramana/in.lit.kavya.misc.laghukavyani.6.80) culukodakamātreṇa dhānyamuṣṭivyayena ca marubhūmiṣu durbhikṣe dharmasasyaṃ mahāphalam ### [6.81](https://indike.org/pramana/in.lit.kavya.misc.laghukavyani.6.81) dharmo narmasakhaḥ kāme gurustattvopadeśane bhaṭaḥ saṃgararaṅgeṣu sacivo'rthasamārjane ### [6.82](https://indike.org/pramana/in.lit.kavya.misc.laghukavyani.6.82) bhuvi vṛkṣā divi cchāyā bhuvi kūpo jalaṃ divi bhuvi yadgṛhyate viprairdivi taddīyate suraiḥ ### [6.83](https://indike.org/pramana/in.lit.kavya.misc.laghukavyani.6.83) kadalīkaṃdavaddharmo na rohati bahirgataḥ chāditastu phalaṃ cāru sūte panasatūlavat ### [6.84](https://indike.org/pramana/in.lit.kavya.misc.laghukavyani.6.84) duḥkhenopārjyate dharmaḥ sukhena tu vinaśyati kṛcchralabdhamamuṃ trātuṃ necchanti munayaḥ sukham ### [6.85](https://indike.org/pramana/in.lit.kavya.misc.laghukavyani.6.85) saṃpādyatāṃ vā yatnena yadvā vikrītāmayam sarvadā bhujyatāṃ vānyairdharmo bhavati nānyathā ### [6.86](https://indike.org/pramana/in.lit.kavya.misc.laghukavyani.6.86) arthavantaḥ praśasyante ninyante tadvinākṛtāḥ āgameṣvapi cedevamadbhutaṃ kiṃ śarīriṣu ### [6.87](https://indike.org/pramana/in.lit.kavya.misc.laghukavyani.6.87) artho'pyarthena cetsādhyaḥ kā vārtā dharmakāmayoḥ arthaḥ sarvajaganmūlamanartho'rthaviparyayaḥ ### [6.88](https://indike.org/pramana/in.lit.kavya.misc.laghukavyani.6.88) karma jñānaṃ ca mokṣāya karmaṇyatho'dhikāritā ato'rthenaiva kaivalyaṃ na kevalyena labhyate ### [6.89](https://indike.org/pramana/in.lit.kavya.misc.laghukavyani.6.89) kathamarthaṃ niṣedhantu śrutayaḥ smṛtayo'pi vā yāsāmekaṃ padamapi na calatyarthato vinā ### [6.90](https://indike.org/pramana/in.lit.kavya.misc.laghukavyani.6.90) lakṣmīśa iti govindo merudhanveti śaṃkaraḥ hiraṇyagarbha ityeva brahmāpi bahumanyate ### [6.91](https://indike.org/pramana/in.lit.kavya.misc.laghukavyani.6.91) ūrdhvaṃ gacchanti yaṃ tyaktvā yaṃ gṛhītvā patantyadhaḥ tasya gaurabamarthasya tāvataivānumīyatām ### [6.92](https://indike.org/pramana/in.lit.kavya.misc.laghukavyani.6.92) gṛhiṇā yadi labhyeta gṛhiṇī hṛdayaṃgamā saṃsāra iti ko bhārassaṃ sāramanupaśyataḥ ### [6.93](https://indike.org/pramana/in.lit.kavya.misc.laghukavyani.6.93) āhṛtya vinumaḥ svargamapavargamapi kramāta anusūle hi dāṃpatye pratikūle na kiṃcana ### [6.94](https://indike.org/pramana/in.lit.kavya.misc.laghukavyani.6.94) gṛhiṇīvṛttadoṣeṇa gautamo'tyantatāpitaḥ ātasthe duḥkhavidhvaṃsaṃ kaivalyaṃ paramaṃ muniḥ ### [6.95](https://indike.org/pramana/in.lit.kavya.misc.laghukavyani.6.95) api yatparamaṃ tattvamardhendukṛtaśekharam tasyāpi tāvānānandaḥ kimasmajjananīṃ vinā ### [6.96](https://indike.org/pramana/in.lit.kavya.misc.laghukavyani.6.96) nindanti ca praśaṃsanti nigamā yadgṛhāśramam dāṃpatyasāmyavaiṣamyabhedādetadvyavasthitiḥ ### [6.97](https://indike.org/pramana/in.lit.kavya.misc.laghukavyani.6.97) indriyāṇyanupakleśaya labhyaṃ śreyo gṛhāśrame atasturyāśramaṃ prāhurabādhanyāyabādhitam ### [6.98](https://indike.org/pramana/in.lit.kavya.misc.laghukavyani.6.98) bhujyate yatsukhaṃ dhīrairapramattairgṛhāśrame svargastasyāṅga saṃpūrtirapavargo'sya nityatā ### [6.99](https://indike.org/pramana/in.lit.kavya.misc.laghukavyani.6.99) dṛṣṭadoṣo'pi gārhasthye dūradarśitayā svayam gārhasthyameva paramaṃ mene naiyāyiko muniḥ ### [6.100](https://indike.org/pramana/in.lit.kavya.misc.laghukavyani.6.100) ucāvacaṃ jagadgārhasthyamekadaiva niṣedhati praviṣṭhamātro nṛpatiḥ prapañcamiva na śrutiḥ ### [6.101](https://indike.org/pramana/in.lit.kavya.misc.laghukavyani.6.101) na rājānaṃ vinā rājyaṃ balavatsvapi mantriṣu prāṇeṣvasatsu kiṃ dehaścaṇḍavātena dhāryate ### [6.102](https://indike.org/pramana/in.lit.kavya.misc.laghukavyani.6.102) sabhārañjanaśatakam mātuḥ kiṃcitpituḥ kiṃcidācāryātkiṃcidāpyate samyagvi nītācchātṝṣu sarvaṃ rājñastu labhyate ### [6.103](https://indike.org/pramana/in.lit.kavya.misc.laghukavyani.6.103) calanti sarvamaryādāścalite sati pārthive parvatā api kampante prasakte kampane bhuvaḥ ### [6.104](https://indike.org/pramana/in.lit.kavya.misc.laghukavyani.6.104) patnyā māṅgalyayogena patyurāyuḥ pravardhate prakṛtīnāṃ tu bhāgyena pārthivaḥ sukhamedhate ### [6.105](https://indike.org/pramana/in.lit.kavya.misc.laghukavyani.6.105) nirmitaṃ śatakaṃ sāgraṃ nīlakaṇṭhena yajvanā sabhārañjanametena sādhayantu manīṣiṇaḥ ## Linked texts (1) - [Sabhārañjanaśataka](https://indike.org/pramana/in.lit.kavya.muktaka.sabharanjanasataka.2) — Nīlakaṇṭha Dīkṣita, Sanskrit --- Source: [https://indike.org/pramana/in.lit.kavya.misc.laghukavyani.6](https://indike.org/pramana/in.lit.kavya.misc.laghukavyani.6) · Pramāṇa