[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Laghukavyani](https://indike.org/pramana/in.lit.kavya.misc.laghukavyani) › 7 # Laghukavyani 7 Laghukāvyāni 7 - **Language:** Sanskrit ### [7.1](https://indike.org/pramana/in.lit.kavya.misc.laghukavyani.7.1) iti śrīnīlakaṇṭhadīkṣitaviracitaṃ sabhārañjanaśatakaṃ saṃpūrṇam chāyāvṛkṣamupāśrayanti pathiṣu śrāntā hi pānthāḥ samaṃ teṣveko'sya śubhaṃ śubhena manasā hṛṣyannanudhyāyati anyo bhaṅgumapekṣate'sya viṭapānādhārayaṣṭeḥ kṛte kaściccicchinute kavāṭaphalakaṃ kartuṃ tameva kṣaṇāt ### [7.3](https://indike.org/pramana/in.lit.kavya.misc.laghukavyani.7.3) śvānaḥ santyabhito'pi dantamukulavyāvartanotpāṭitasvairotkhānitaviḍrarāhapṛthukāḥ kiṃ taiḥ sthitairvā mṛtaiḥ vastavyaṃ girirājamauliṣu vihartavyaṃ punaḥ svecchayā hantavyāḥ kariṇo mṛgendra iti ca prāptavyamuccairyaśaḥ kiṃ puṣṇāsi mṛgānmṛgādanakulātkiṃ vā paritrāyase tvadbhāgyena tathāpyamī vanabhuvi svairaṃ caritvā tṛṇam tvāṃ rājānamupāsituṃ yadi kila śraddhāṃ nibadhnanti tatkiṃ pārīndra guhāgṛhādapi vinirgantuṃ tavaiṣa śramaḥ ### [7.4](https://indike.org/pramana/in.lit.kavya.misc.laghukavyani.7.4) unmucya svajanānupekṣya tṛṇavatprāṇānapi preyasastīrtvā dustaramarṇavaṃ ca vaṇijaḥ prāptāḥ paṭīrāśayā śvāsaiste vinivartitāḥ pratibhayaiḥ svastho bhavātaḥ paraṃ tvaṃ vā kevalamaṅgamaṅgamuraga vyālimpa gandhadravaiḥ ### [7.5](https://indike.org/pramana/in.lit.kavya.misc.laghukavyani.7.5) bhrāntvā digvalabhīrvicitya vipinānyāsādya daivādiha kvāpi kvāpi mukhena kevalamathaikaikāṃ śalākāṃ haran kṛtvā nīḍakuṭīṃ cirāttaruśirasyadhyāsta yāvanna tāṃ kākastāvadaho tadeva vipinaṃ dagdhaṃ davajvālayā ### [7.6](https://indike.org/pramana/in.lit.kavya.misc.laghukavyani.7.6) nāmbhojāya śaśī na cāpi śaśine yadrocate'mbhoruhaṃ kiṃ tena kṣatamasti kiṃcana jagatyetasya vā tasya vā lokānandakayoḥ paraṃ tviha tayoḥ premṇaiva bhāvyaṃ mithastaccennāsti tatprarūḍhamayaśaḥ sphāraṃ vidheḥ kevalam ### [7.7](https://indike.org/pramana/in.lit.kavya.misc.laghukavyani.7.7) astapratyupakāragandhamakṛtasvaprārthanāpekṣyamapyambhobhirbhuvamārdrayanti jaladā jīvantyato jantavaḥ daivajñaḥ punarasti vṛṣṭiriti vāgekā mayokteti yadvipraṃ krītamivādhigacchati tadevāghūrṇate marmaṇi ### [7.20](https://indike.org/pramana/in.lit.kavya.misc.laghukavyani.7.20) asti khādu phalaṃ kimasti kimatha ghrātuṃ kṣamaḥ korakastādṛśrāmyatu nāma bhoktumucitaṃ pattraṃ kimastyantataḥ sevyo hanta yadidṛśo'pi manujairvṛkṣādhamaḥ pippalo duḥkhātantryamidaṃ vidheḥ kathayataḥ kasyāgrato rudyatām sarvāsāṃ saritāṃ patiryadi yadi vyāptāḥ samastā diśaḥ kalpānteṣvapi vā na śuṣyati yadi svairaṃ tadaṅgīkṛtam ambhaḥ svādu pipāsataḥ pathi pariśrāntasya pānthasya kiṃ tena syātphalamarṇavo'yamiti cedinduprahe jñāsyate sthitvā tīrabhuvi prasārya sarasi svairaṃ karāgraṃ payaḥ pātavyaṃ piva tāvatā na virameddantīndra kiṃ te tṛṣā unmṛdrāsi taṭīrapaḥ kaluṣayasyunmūlayasyabjinīhāniḥ kasya tavaiva mṛgyamudakaṃ prātaḥ punastṛṣyataḥ ko doṣaḥ parato gate madhukare krītaḥ kimeṣa tvayā krītenāpi kimāsyate kvacidiha mlānodareṇa kṣaṇam jānāsyevamathāpi vetsipasi taṃ karṇānilairdūrato durdharṣo'pi niraṅkuśo'si bhavato mattebha vaktaiva kaḥ netavyaḥ samayaḥ kiyāniva sakhe kāka tvayā bhrāmyatā haṃsībhūya sukhena bhuṅkṣva nalinīnālāni padmākare vyāvartyamihāsti kiṃ vimalatā kiṃcittu kāryā tanorhaṃsatve yadi te jano vivadate daṇḍyo'hamasmyagrataḥ kiṃ tvaṃ dohadamīhase kimudakaiḥ sikto'si kiṃ kenaciddhastaste sakṛdālavālavalayaḥ kiṃ te mahī saṃskṛtā dvikhiḥ puṣyasi vāsarasya na guṇāndhuttūra te nihnuve durgandho na bhavediyānyadi tatastvaṃ pārijāto'si naḥ gantavyaṃ jalamadhya eva gatavanmantavyametadvapuḥ kṣantavyā lavaṇānilā iti kṛtaṃ nirvidya sāṃyātrika antarveśmani haṃsatūlaśayane suptvā sukhaṃ jāgrato hastāgre dhanameṣyati svayamiti bhrātaḥ kimāste hṛdi āsīnaḥ sukhamāpaṇe yadi vaṇikcchaddhālubhiḥ prārthitaḥ kiṃcicchaṃsati pañcakaṃ śatakamityetanna tasyādbhutam āpātālavighūrṇatāmbhasi calatyautpātike mārute majjantyāmapi nāvi muñcati na yastāmeva mūlyasthitim viddhaṃ marmasu yena yena garalonmiśrā giraḥ śrāvitā jajvāla jvalanāstravanmiśri niśi krūraiḥ karairyaḥ sadā sarve te sudṛśo babhūvuradhunā saṅge mithaḥ kāminordaurjanyasya vibhāvanāvapariṇatau dūtī paraṃ dūṣitā saṃnaddheṣu payodhareṣu calite mandaṃ puromārute kādambaiḥ kamalābhimānibhirapi tyaktvā saraḥ prasthite mithyāropitapauruṣairmadhukarairmugdhairyadadhyāsitaṃ tasyedaṃ phalamambhasā pravahatā saivābjinī majjitā saṃtyaktā yadi ketakī tribhuvanaślāghyā puradrohiṇā tasminneva hi paryavasyati tato vastuṣvasārajñatā kiṃ veṇīṣu na tāṃ vahanti sudṛśaḥ kiṃ sā na vikrīyate kiṃ nemāmupalālayanti rasikāḥ pṛthvībhujāṃ maulibhiḥ koṇe kvāpyavatīrya gātramabhitaḥ siktvā payaḥśīkarairāsvādyodakamāgato'smi punarityāste gajasyāśaye kāsārasya daśā tvasau kaluṣitānyambhāṃsi bhagnāstaṭāḥ pradhvastā nalinī kimatra bahunā khātavyamāste punaḥ dyauritthaṃ kṣitiritthamitthamudadhermudreti kṛtvā sthitiṃ viśvasyāhani viśramāya śayituṃ prārambhi dhātrā yadā dagdhaṃ caṇḍakaraistadaiva pavanairutpātikaiḥ śoṣitaṃ meghaiḥ plāvitamadbhutairapi jagatsraṣṭavyamāsītpunaḥ ### [7.27](https://indike.org/pramana/in.lit.kavya.misc.laghukavyani.7.27) svasti svāgatamāsyate sukhamamī jātāḥ kutaḥ pallavāḥ hantāsankusumānyapīha kimato mādhvī ca tatrekṣyate kiṃ bhṛṅgā api santi sādhu śirasi nyastaṃ padaṃ śākhināṃ dhuttūrāsti na durlabhaṃ kimapi te yāvadvasantaḥ sukhī dṛṣṭāścandrasamudgamāḥ śatamatikrāntāḥ śataṃ prāvṛṣaḥ sīmāmeṣa na jātvalaṅghata kiletyabdhinaṃ viśvasyatām yo'sau śeta ivāyameva vidhinā vāmena ceccālyate kā sīmeti tadāsti ke janapadāḥ kā medinī kā diśaḥ sarvatra sravato'sya kiṃcidudakaṃ diṣṭyā muhūrte kvacicchuktonāmudareṣu mauktikamabhūtkāle kadācitkila adyatve'pi tathā karotu paṭutā yadyasti taddūrataḥ śuṣkaireva tu garjitairvyathayati śrotrāṇi dhārādharaḥ āyuste kiyadasti tatra ca kiyattāruṇyamatrāpi khalvardhaṃ nirgalitaṃ niśātmakatayā yatrāsti saṅgo na te śeṣāḥ santi kati kṣaṇāḥ praṇayajastatrāpi kopo yadi vyarthaṃ bibhratu cakravāki jananaṃ kasne hitaṃ vakṣyati sarveṣāṃ viditāḥ sudhākarakarāḥ sākṣātsudhārūpiṇaḥ saṃdeho'pi na tadbhujaḥ sumanaso jātā amartyā iti tāneva hyupabhuñjate pratiniśaṃ dīnāścakorā ime kṣīyante tṛṇavacca ko nu gahanāṃ jānātu dhāturgatim arcāmaḥ satataṃ gaṇādhipamathāpyākhūnnihanmaḥ śataṃ dhyāyāmo hṛdi bhairavaṃ tadapi tu protsārayāmaḥ śunaḥ bhūteśaṃ praṇamastathāpi śataśo bhūtānnigṛhṇīmahe na hyekasya guṇaḥ parasya mahato doṣānapi 'prorṇute antaḥ kṣobhakṛtaḥ katīha timayaḥ katyucchritāḥ parvatāḥ kīdṛkcāntarabindhano hutavahaḥ kīdṛkca naukāgatiḥ āgacchatpratigacchaduccaladupaśliṣyatpradhāvatpatatkallolārabhaṭībhireva jaladheḥ sarvaṃ tadācchādyate ### [7.31](https://indike.org/pramana/in.lit.kavya.misc.laghukavyani.7.31) jāmātā kamalākṣa eva gṛhiṇī gaṅgā jagatpāvanī śītāṃśupramukhāḥ sutā bhagavatī śrīreva kanyā svayam īdṛkte gṛhamedhitā tribhuvanādhārasya vārāṃnidhe kaḥ śaknoti jano manorathapathe'pyetāvadutprekṣitum sanmūle nikhilāgamānupadiśaṃstattvaṃ paraṃ śāṃkaraṃ yatparṇe jagatāṃ nidhiḥ sa tu vaṭo nāmnāpi na svīkṛtaḥ yacchākhānilayaḥ piśācanicayo yanmūlagāḥ pannagāstasyāśvatthataroḥ punaḥ kati namaskārāḥ kati prārthanāḥ āgacchantyavaguṇṭhayantyatha punaḥ paśyanti jighranti ca svārabdhaṃ madhu makṣikā na kaṇamapyasya svayaṃ bhuñjate dhanyastvanya upetya nirdayamamurutsārayandūrataḥ svādaṃ svādamidaṃ svasaṃbhṛtamiva svacchandamānandati āsanno madhurāgatāṃ vanabhuvaḥ sāmrājyamityadbhūtāḥ śrūyante gira eva tattvamiha tu jñātuṃ vidhātuḥ kṣamam yatparṇaistruṭitaṃ yadapyuparataṃ puṣpodgamaiḥ śākhināṃ yadglānaṃ viṭapairidaṃ punariha pratyakṣamālakṣyate ### [7.42](https://indike.org/pramana/in.lit.kavya.misc.laghukavyani.7.42) utsanno madhu̱rasti kokilaravairūtsannamastyetadpyutsannaṃ malayānilairidamapi prāgeva jānīmahe pānthāstuṣyatha tāvataiva kimiti bhrāntā yadi prāṇiti stokenāpi manobhavo galatu vaḥ prāṇeṣu śuṣko grahaḥ tiktāste viṭapāstvaco yadi tatastiktāstato'pi cchadāstebhyo'pi prasavāstato'pi ca phalānyevaṃ na dṛṣṭaṃ kvacit staumi tvāmatha vā na nimba bhavato'pyāsīdyataḥ saṃbhavaḥ śrīmattatkila nimbabījamavanau stutyaṃ vacaḥśālinām cūtāḥ pallavamudviranti vitarantyetatpikebhyastataste'pyetena kuhūḥ kuhūriti kalaṃ kurvanti kūjāmiti nimbo'pi svayamudviranphalamanenārādhayanvāyasānkiṃcitteṣu tato raṭatsu saphalaṃ janma svakaṃ manyate bhojyaṃ svādu payaḥ sthitirmaṇigaṇairāpiñjare pañjare dūre cintayituṃ ca daṃśamaśakāḥ pāre girāṃ lālanam satyaṃ sarvamathāpi kānanabhuvi svācchandyamavyāhataṃ dhyāyantī vimanā manāgapi śukī nālambate nirvṛtim prābdhodhaiḥ kiyadambu pītamudadheḥ pīte'pi vṛṣṭaṃ kiyadṛṣṭe cāpi kiyatpralīnamavanau pītaṃ kiyatprāṇibhiḥ nedaṃ kaścana veda yattu kimapi prāpāvaśiṣṭaṃ punargharmānte saritāṃ mukhena tadabhūdīrṣyāspadaṃ paśyatām meghaṃ dvāratayā vidhāya bhuvanānyāplāvasyambhasā candraṃ dvāratayā vidhāya savitaḥ puṣṇāsi sarvāauṣadhīḥ yattvīṣattapasīva tattu kuruṣe svenaiva tenādhunā dhātṛtvaṃ ghanacandrayoḥ pariṇataṃ krauryaṃ tu śiṣṭaṃ tvayi dvāraṃ na prajahātu jātu niyataṃ jāgartu rātrīrapi svalpenāpi mudaṃ prayātu kimataḥ śvā śvaiva tāvānapi saṃpādyo mahatā dhanena satataṃ bhojyaśca sāntvairiti tyaktvā mattagajaṃ pade'sya mahataḥ sthāpyaḥ kimetāvatā utpannāḥ saritāṃ hradeṣu suciraṃ tatraiva puṣṭāstataḥ prāptā prāvṛṣi sāgaraṃ jalacarāstāsāṃ mukhādeva ye dvitraireva dinaistimiṅgilakulasyāsādya kūṭasthatāṃ mṛṣyantyadya na te rahasyapi kṛtāṃ nādeyatāsaṃkathām panthāḥ kardamitaḥ payaḥ kaluṣitaṃ haṃsāḥ kṛtā dūrataḥ pīḍyante ca yadevamarthina iti krūrāravaiścātakāḥ soḍhāhe tava he payoda sakalaṃ śaktoṣi dātuṃ svataḥ kiṃ tvaṃ śīkaramekamapyudadhinā lobho yadi svīkṛtaḥ sarvajño yadi śaṃkaro yadi mahādevo yadi prāyaśo devānāmāpa daivataṃ yadi tadapyāstāmidaṃ dūrataḥ dhuttūraiḥ phaṇibhiḥ kapālavalayairanyaiśca te saṃgatiścūḍācandrakale na tāvaducitā yāce bahirgamyatām asyāṃ prāvṛṣi cātakairjalakaṇā labdhā na cetkiṃ tato bhāviprāvṛṣi dāsyate dviguṇamitya bhra tvayā gamyate ete'dyaiva layaṃ vrajanti pṛthukairetatkulīno'pi cedekaḥ prāṇiti tāvadeva taddalaṃ tatraiva na saṃśayaḥ ### [7.14](https://indike.org/pramana/in.lit.kavya.misc.laghukavyani.7.14) varṇaste'timanoramaḥ śirasi te vāso mṛḍānīpateḥ pratyetavyataraṃ ca kāñcanamiti prauḍhaṃ punarnāma te kiṃ kartavyamitaḥparaṃ ca bhavatā dhuttūra lokāḥ punarne krīṇanti na ca spṛśanti na ca vā paśyanti gandhapriyāḥ rājyaṃ yena kṛtaṃ na tasya śṛṇumaḥ kāmasya nāmādhunā yeṣāmeva giraḥ purā parabhṛtaistairadya maunaṃ dhṛtam vyāptā yena diśo na sāṃpratamasau mandānilaḥ spandate kiṃ brūmo'vatarannidāghahatako viśvaṃ navaṃ nirmame ### [7.50](https://indike.org/pramana/in.lit.kavya.misc.laghukavyani.7.50) pīyantāṃ tamasā diśo vidadhatāṃ nīcāḥ piśācāḥ smayaṃ vyākrośantu śivāḥ kiyacciramasau kālaḥ sakhe sthāsyati adyodeṣyati bhānureṣyati diśamadya prasādo mukheṣvadya svāṃ prakṛtiṃ gamiṣyati mahī koka kṣaṇaṃ kṣamyatām meghā ityavatīrya ke'pi nabhasaḥ sarvaṃ payo gṛhṇate yādāṃsīti samāgatāstata ito'pyanye ramante sukham yastu svāntika eva tasya mahastālasya kālādruhoḥ śuṣkasyāpi hi nopayogakaṇikāṃ paśyāmi tenābdhinā ākrāmantu tameva cūtamapi ca krośantu rephottaraṃ ḍimbho'smākamasīti vābhidadhatāṃ kākā varākāḥ svayam gantavyaṃ kva tato'nyataḥ parabhṛta kṣantavyametāvadapyagre kasya nivedyatāmidamatikrānto vasanto'dhunā gantavyaṃ śiśireṇa nāma bhavitavyaṃ nāma cūtāṅkuraistānāsvādya pikaḥ kariṣyati tadā nāma svayaṃ pañcamam āstāmeṣa tathāvidhastvamasi kiṃ kāka svatantrasya te kālo'yaṃ svara eṣa bhojyamidamityeṣā kuto yantraṇā kākā mūrdhni sukhaṃ vasanti śataśaḥ śākhāsu śākhāmṛgā dhūkāḥ koṭaragahvareṣu maśakairdaṃśaiśca sāndraṃ talam ādhāraḥ kiyatāmasi sthirataraṃ śuddhaṃ ca labdhaṃ yaśaḥ pānthā nopasaranti cetkṣatamitaḥ kiṃ vṛkṣarājasya te snigdhaśyāmalakomalaṃ dalamati pracchāyaśītaṃ talaṃ bhūparyantavilambijambhalaphalasthūlaṃ ca vṛttaṃ phalam saṃpaśyanvijane vane vyavasitastatraiva vastuṃ sukhaṃ pānthaḥ pānthamukhādviṣadrumamamuṃ daivādavetya drutaḥ ### [7.57](https://indike.org/pramana/in.lit.kavya.misc.laghukavyani.7.57) varṣantvambumucastapantu tapanā mathnantu devāsurā badhnantu plavagāḥ patantu sarito gaṅgādimāḥ sarvataḥ puṣṇātūtpalabāndhavaḥ pratiniśaṃ muṣṇātu vā bāḍavo nābdhiḥ kṣubhyati na prasīdati tato na kṣīyate naidhate vāpīkūpataḍāgapalvalasaraḥsrotasvinīsāraṇītoyābhyudgamanirjhara hradajalādhārodapānaprapāḥ saṃpannā upajīvya yasya vibhavaṃ sākṣātpraṇālyāpi vā tasmai jīvana jīvanāya saritāmīśāya tubhyaṃ namaḥ na hyuṣṇo na ca śītalo jalanidhirlabdhapratiṣṭho'pi sankastvasyāḥ prakṛteramuṃ calayituṃ śaktastrilokeṣvapi adyāpi jvalatāntareva vihitaṃ kiṃ tāvadaurvāgninā sāyaṃ sāyamuditvareṇa śaśinā tatreva vā kiṃ kṛtam rājā viprakulasya tasya tanayaḥ somaḥ sa vārāṃnidheryaḥ sarvāśrayaṇīyapādakamalastasyāśrayo'yaṃ hareḥ ānītaśculukaṃ sa eva culuke'pyantaḥ praveśyeta cetkaḥ saṃveditumīhate bhagavataḥ kālasya līlāyitam dugdhaṃ svādu rasādapīha madhuno dagdhaṃ viṣairvāsukeḥ saṃvartavratasākṣiṇo jalacarā manthādriṇā māritāḥ prāṇebhyo'pyadhikāḥ suradrumamukhāḥ prāptāḥ samastā vyathaṃ kiṃcidbhakṣitumicchatāmṛtamiha kṣīrābdhinā nāśitam labdhā śrīrmuravairiṇā purabhidā labdhaḥ svayaṃ candramā devairapsaraso maṇidvipahayāstatsvāminaivāhṛtāḥ ekasmai svayamekameva vitaratyeteṣu cetsāgarastrailokyaṃ vaśayejjaḍastu sa vṛthā vikramya tairluṇṭhitaḥ katyaśvāḥ kati dhenavaḥ kati gajāḥ katyadbhutāḥ pādapāḥ sundaryaḥ kati subhruvaḥ kati mahāratnānyanarghāṇyapi jātaikā kila kanyakā jalanidherdātuṃ prayatnā yadā sarvaṃ tadvyayitaṃ tadā pariṇatau nāmaikamūccheṣitam ### [7.60](https://indike.org/pramana/in.lit.kavya.misc.laghukavyani.7.60) prāgabhyaṃgatayā kilābhrasaritā saṃplāvayantyā mahīmambhodhiḥ svayamapyapūryata sakṛttattajjalādhāravat āste'yaṃ kathamakṣayo nidhirapāṃ te te kathaṃ vāgate nirvyājāmbudharāmbudānasukṛtaṃ siddhaṃ tadityaṃ punaḥ khātaṃ śītalavāri vāridakulaśyāmābhirāmadrumaṃ pānthabhrāntiharaṃ saraḥ pathi kṛtaṃ durbhikṣamapyambhasām ye tvete bhuvi cātakā iti kadāpyājñātabhaumodakāste gṛhṇanti na cedihāmbu kimatau daivena te vañcitāḥ bhūmiṣṭhā atipāvanīḥ surabhilāḥ svādīrapaḥ saṃtyajanyācatyambudamambu cātakagaṇo yattena kiṃ sādhyate kiṃ tasmai dviguṇaṃ pravarṣati ghanaḥ kiṃ vā tapaḥ sādhyate prāgjanmanyavitīrṇavārikaṇikaḥ pāpī sa ityūhyate ### [7.64](https://indike.org/pramana/in.lit.kavya.misc.laghukavyani.7.64) svādūnyeṣa phalāni santi surabhīṇyeva prasūnāni ca svāntaṃ cāpyupakartumarhati jane sādhyaṃ vanasthena kim bhāgyaṃ hyetadatarkitaṃ vanataroḥ pāntho yadā tāpamacchāyamasya yadṛcchayā phalavatīmadhyāsta gandhottarām pāntheṣu vyayitaṃ phalaṃ pathiṣu yairnamraiḥ sadā pādapairyairapyunnatamauligopitaphalaiḥ koṇe nilīya sthitam dāvena jvalatā dvaye'pi khalu te niḥśeṣitāḥ sāṃprataṃ puṇyaṃ pāpamiti sthitaṃ dvayamidaṃ teṣāṃ dvayānāṃ pṛthak adhvanyāḥ kila mūlagartamadhunāpyāpūrayantyaśrubhirvyākrośantyadhunā sabāndhavakulāḥ sāyaṃ muhūrtaṃ dvijāḥ itthaṃ yāvadimāni bibhrati śucaṃ bhūtānyapi tvatkṛte tāvattvaṃ na gato'si pādapa ciraṃ kīrtyātmanā vartase bādhyante vijane vane kṣitiruho yadyapyamī durgamāḥ sarve te paṭubhistathāpi na tathā voḍhuṃ kṣamāstulyavat ākrānteṣvapi teṣu keṣucitikūrakriyaiḥ śvāpadairgṛhyante katicidyataḥ śamadhanemaṃtrāthibhiḥ pāvanaiḥ ### [7.65](https://indike.org/pramana/in.lit.kavya.misc.laghukavyani.7.65) nidrālasyaśarīrasādvamanānaṅgeṣakāsajvaraśvāsaśvetimahikkikāprabhṛtayo māseṣu māturbhṛvāḥ jātastatkṣaṇameva naśyatu śataṃ varṣāṇi vā jīvatu svarge vā pitarau dadhātu narake vā pātayatvañjasā ### [7.66](https://indike.org/pramana/in.lit.kavya.misc.laghukavyani.7.66) nighnanto'śanibhistaḍidvilasitaiścakṣurharanto nṛṇāṃ vidhyantaśca śilāśataiḥ paricitāḥ prāyeṇa dhārādharāḥ varṣanto nibhṛtāściraṃ ca samaye dṛṣṭāśca keciddhanā yairvyājaparopakāraniratairjātyā yaśaḥ sthāpitam ### [7.67](https://indike.org/pramana/in.lit.kavya.misc.laghukavyani.7.67) nākṣṇorgacchasi gocaraṃ bahutithānmāsānnabhasye punaḥ saṃbhībhūyaṃ sametya varṣasi nirucchvāsaṃ samantādapaḥ kālaṃ kālamanuvrajanmitamitā muñcasyapaśvetataḥ kiṃ jīmūta tava prajaśyati kiyatprāṇastvataḥ prāśinaḥ ### [7.69](https://indike.org/pramana/in.lit.kavya.misc.laghukavyani.7.69) bhagnaṃ bhittibhirālayairnipatitaṃ srotobhirāplāvitaṃ vidhvastaṃ paśubhiśca saṃghaśa iti krośanti vṛṣṭe tvayā tvayyudgṛhṇati vāri vārida janā naśyantyavaśyaṃ kṣaṇātkīrtiṃ cintaya durlabhāṃ na gaṇaya kṣudrānguṇānmādṛśām utpattirmalaye samudranilaye panthā kṛto rākṣasestatratyānapi hanta candanatarūṃśchindanti sāṃyātrikāḥ vartante savidhasthitāśca sukhinaḥ śākhoṭamukhyā drumāstanmanye kṛtinastu te tarukule ye nopayogakṣamāḥ ### [7.70](https://indike.org/pramana/in.lit.kavya.misc.laghukavyani.7.70) gṛhṇantāṃ kariṇaḥ prasaṅga vinihanyantāṃ varāhā vṛkā bhallūkāśca tarakṣavaśca pathikāḥ santu tvayā nirbhayāḥ ākhūnkaṅka kharābdhaśānanimiṣānkīṭānpataṅgānapi grāhaṃ grāhamaho kiyatprakaṭayasyokheṭake pāṭavam ### [7.72](https://indike.org/pramana/in.lit.kavya.misc.laghukavyani.7.72) yādobhirvaḍavāgninā jalanidheryāvatpayo gṛhyate kiṃ tāvatyupayujyate śatatamo'pyaṃśaḥ payoda tvayā saujanyaṃ kimiti bravīmi bhavataḥ sarvasvamitthaṃ svajantyātaḥ kṣapayasye payodhimapi taṃ sarvopayogakṣamam meṣaḥ kaścidacetanaḥ kiyadapi svīkṛtya sindhoḥ payaḥ kīrtiṃ tasya samucinoti kiyatīṃ dharmaṃ kiyacchāśvatam ahnāstapasāṃ nidhirbhuvanakhyātaśca kumbhodbhavaḥ sarvasvaṃ viniyujya tasya kimiva śreyaḥ samāpādayat ### [7.73](https://indike.org/pramana/in.lit.kavya.misc.laghukavyani.7.73) yacchaileṣu yadarṇaveṣu yadapi grāmāṭavījāṅgalaprāyāsu kṣitiṣu kṣipanti bahuśastoyaṃ vṛthā toyadāḥ dṛṣṭistatra na dīyatāṃ yadi guṇagrāhī bhavānyatpunargrāmeṣūpavaneṣu vā sakṛdamī varṣanti tadgṛhyatām ### [7.75](https://indike.org/pramana/in.lit.kavya.misc.laghukavyani.7.75) śrāmeṣveva suvṛṣṭayo vinayavatsveva śriyaḥ puṣkalā dhīmatsveva kalāgamavyasanitā goṣṭheṣva dugdhasthitiḥ vāgmiṣṭheṣveva vivakṣuteti ca jagatprārthī vyavasthāmimāṃ kiṃ vedhā vidadhe pureti śṛṇumo rāme'pi rājyasthite unmīlanti kiyanti vā na kusumānyuṣṇadyuterudgame tasve tāvati bandhurityatisakhītyādityakānteti ca kīrti dattavatāṃ trilokaviditāmevaṃ kavīnāmṛṇaṃ kiṃ kṛtveyamapākarotu januṣāṃ koṭyāpi nālīkinī ### [7.76](https://indike.org/pramana/in.lit.kavya.misc.laghukavyani.7.76) viddhaṃ sādhu na sāṣviva plutamidaṃ re re kathaṃ viṣvasītyākhyātuṃ raṇakauśalaṃ vayamapi prauḍhāḥ sthitā dūrataḥ ākrāmanraṇamedinīmapi vahankhaṅgaṃ vikośaṃ kare vetti svaṃ ca paraṃ ca yadyavahito viśrāntireṣaiva naḥ ### [7.77](https://indike.org/pramana/in.lit.kavya.misc.laghukavyani.7.77) ambhojeṣvatikomaleṣu viharannantarjale saṃviśannajñātātapavātavarṣamanayatkālaṃ ciraṃ yaḥ sukham so'dya prāvṛṣi ketakīmadhivasangṛṅgaḥ kṣataḥ kaṇṭakaiśchinnraḥ karakopalerabhihato vātaiḥ kathaṃ vartate ### [7.78](https://indike.org/pramana/in.lit.kavya.misc.laghukavyani.7.78) brūte svāgatamīkṣate kṛśamamuṃ śrutvā kathāḥ khidyate pakṣābhyāmasakṛtpramārjṭi racayatyuccāvacāścāśiṣaḥ utkiṣṭaprasavāntarorupagate bhuṅge kṣudhā tāmyati pramlauti bhramarastu pūrṇajaṭharo nāhāravārtāmapi ### [7.80](https://indike.org/pramana/in.lit.kavya.misc.laghukavyani.7.80) ye sṛṣyanti sahāsitāmapi bakairjātyā na haṃsāḥ svatasteṣveko jarayā viluptagamanastyaktaḥ svakaiḥ prāvṛṣi vānevānusaranbakāmbahutaraṃ tacceṣṭitāni stuvaṃstatsāmyai spṛhayannikāranikarairaho ārti nijāṃ nindati śuddhiṃ svāmanucintya mīnanivahaiḥ pūrṇe'pi padmākare svenaivopahṛtemṛṇālavalayairjīvanti haṃsāḥ sukham ye śvete vimalākṣato'pi ca bakā dhyānekaniṣṭhāḥ sadā nirdvandvā nibhṛtāśca bibhrati tu te pāthobhirevodaram ### [7.81](https://indike.org/pramana/in.lit.kavya.misc.laghukavyani.7.81) yerjīvanti sitacchadā na duritaṃ kasyāpi yatsaṃgrahe rocante na hi te mṛṇālavalayāḥ kasmai prabhūtā amī alpāyasamupoṣya mīnapṛthukairyuktyā mahatyārjitairekadvairapi tṛptimeti paramāṃ hiṃmopalabdhairbakaḥ ### [7.84](https://indike.org/pramana/in.lit.kavya.misc.laghukavyani.7.84) aspṛśyo'stu malīmaso'stvaniyatāhāro'stvato'pyudbhavairdoṣairastu paraśśataiḥ parivṛtaḥ kākastataḥ kā kṣatiḥ bhuṅkte bhojyamupasthitaṃ samupahūyaiva svayaṃ bāndhavānsyaḥ sīdankṣudhayā vicintaya tato dhanyaśca puṇyaśca kaḥ bhūtyāste vibhṛmastu tānvayamime kṣudrā bṛhanto vayaṃ jātau pañcavatāmamī tu kalakaṇṭhāḥ kālakaṇṭhā vayam ityudbhāvayase kuhūmukhakulādutkarṣamevātmanaḥ kaṇṭhe pātayitā kadā khalu bhavānkāka svaraṃ pañcamam kenādhyāpitamāsthitaṃ ka nu kadādhītaṃ ka bāvartitaṃ tadviśrāmyatu kutra jātamatha kaiḥ puṣṭaṃ tadālocyatām kāle so'pi kuhūmukho yadi jagatkarṇāmṛtaṃ kūjati prāgjanmārjitabhāgyavaibhavamidaṃ kaḥ stotumīṣṭe kaviḥ ### [7.85](https://indike.org/pramana/in.lit.kavya.misc.laghukavyani.7.85) kīṭaḥ kaścana vṛścikaḥ kiyadayaṃ prāṇī kiyacceṣṭate ko bhāro hanane'sya jīvati sa vā kālaṃ kiyantaṃ punaḥ nāmno'pyasya kiyadvibheti janatā dūraṃ kiyaddhāvate kiṃ brūmo garalasya durviṣahatāṃ pucchāgraśūkaspṛśaḥ ### [7.86](https://indike.org/pramana/in.lit.kavya.misc.laghukavyani.7.86) kiṃ candro na purā babhūva kimime vṛkṣāḥ purā nābhavankiṃ sṛṣṭā adhunā pikā madhukarā adyodapadyanta kim svāduṃkāramamuṃ prapañcamakhilaṃ bhoktuṃ yadā prāṇināṃ prāsīdvṛddhadruhiṇastadā samudabhūdāścaryavaryo madhuḥ ### [7.87](https://indike.org/pramana/in.lit.kavya.misc.laghukavyani.7.87) āyāsānavicintyabhagaṇayam̐llābhaṃ tataḥ kiṃcidapyambho muñcati kīrtimātraśaraṇo dhārādharaḥ sarvataḥ sañcātyādupayujya vardhayatu vā dāturyaśaḥ śāśvataṃ mauḍhyādetadupeśya nāśayatu vā lokaḥ pramāṇaṃ tataḥ ### [7.88](https://indike.org/pramana/in.lit.kavya.misc.laghukavyani.7.88) vṛttiṃ vartayituṃ nijāṃ viṣaharā gṛhṇantu sarpānbhṛśā gṛhṇantu kṣudhitāstadekavihitāhārā mayūrāśca vā nājighranti ca ye kadāpi nakulāste hanta kiṃ kāraṇaṃ dṛśaṃ darśamanudravanti bhujagāndveṣā ca vikliśnate ### [7.89](https://indike.org/pramana/in.lit.kavya.misc.laghukavyani.7.89) khādanti kṣudhitāstṛṇāni tṛṣitā gṛhṇantyapo nirjhare sīdanto girikaṃdarāsu hariṇā ye'mī kaciccherate vyādhavyāghradavānalaprabhṛtayasteṣveva saṃnāhinastadvā tiṣṭhatu ghātayanti munayo'pyetānkathaṃ carmaṇi ### [7.90](https://indike.org/pramana/in.lit.kavya.misc.laghukavyani.7.90) bhrantyekatra tarakṣavo mṛgakulaṃ dāvā dahantyanyato vyādhā vītabhayāḥ paratra śataśo vidhyanti gṛhṇanti ca kiṃ tvaṃ vetsi kathāmimāṃ mṛgapate nidrāsi koṇe kvaciddiṣṭyā cedavabudhyase śamayasi dvitrānvṛthā dṛptitaḥ ### [7.91](https://indike.org/pramana/in.lit.kavya.misc.laghukavyani.7.91) durbodho'si vanecaro'si ka idaṃ netyāha kiṃ tu svato jānīṣe na hitāhitaṃ na khalu vājijñāsase vāgyataḥ tadgṛhṇanti nibandhayanti nigaḍaistvāṃ tāḍayantyaṅkuśairārohanti ca vāraṇendra maśakaprāyā manuṣyā api ### [7.92](https://indike.org/pramana/in.lit.kavya.misc.laghukavyani.7.92) aharniśañcaturambubhiḥ snapayasi svaṃ puṣkarāvarjitairmuṅge medhyatarāṇi bhadra taruṇānyaśvatthapatrāṇi ca puṇyāraṇyacaro'si na viśasi grāmaṃ sakṛtkuñjara jñānaṃ cetkiyadapyudeti na samā brahmarṣayo'pi tvayā ### [7.94](https://indike.org/pramana/in.lit.kavya.misc.laghukavyani.7.94) hanyante kati jantavo vanacarairnityaṃ kati śvāpadairgṛhyante kati kūṭayantraracanaiḥ kṣoṇībhṛtāṃ prītaye etāvatyapi viplave na bhajase kasyāpi dṛggocaraṃ svacchandaśca sṛgāla khelasi punastulyaṃ vanagrāmayoḥ asti svarṇamayo'drirasti viṣayaḥ kṣuttṛḍjarāvarjitaḥ santi kṣīraghṛtākarā jaladhayaḥ santi drumāḥ kāmadāḥ kiṃ nastaccaritādbhutaśravaṇataḥ sādhyaṃ kṣudhā tāmyatāṃ dṛṣṭaṃ yatsavidhe vidhehi sumate tatraiva sarvaṃ śramam ### [7.97](https://indike.org/pramana/in.lit.kavya.misc.laghukavyani.7.97) astyevaiṣa kilārṇave tadamṛtaṃ tatraiva hālāhalaḥ santyasminmalaye paṭīrataravastatraiva vātāśanāḥ yadyadvastvabhijātamasti savidhe tattadurāpaṃ nṛṇāṃ prāptavyaṃ rasanāñcale karatale bhāle ca vedhā nyadhāt tāvadvardhitamedhitavyamavanau yāvanmahadbhirdumaiśchāyābhiḥ kusumaiḥ phalaiśca pathikāḥ śaktyā samārādhitāḥ kālo'yaṃ mama jīryataḥ patitumityāste tarorāśaye pānthānāṃ ca patatriṇāṃ ca hṛdaye jāto'yamasminkṣaṇe dṛṣṭighrāṇaviṣānphaṇādharapatīnaṣṭāpi dṛṣṭvā svayaṃ roddhuṃ drāvayituṃ vināśayitumapyavyāhataprakramaḥ mārjārānnakulaṃśca kiṃ khagapatiḥ sāhe vṛṇotyātmanaḥ kiṃ pratyarthikulasya vṛttida iti pradveṣṭi vā mārutam ### [7.99](https://indike.org/pramana/in.lit.kavya.misc.laghukavyani.7.99) adhvanyānkati rundhate kati dṛḍhānbhindanti toyākarānkedārānkati majjayanti kati ca vyāpāṭayanti drumān vāhinyaḥ kṣaṇaluptavārivibhavā vanyā avanyāmrimā yaḥ sindhuḥ sakalāśrayaḥ sa tu punaḥ kutreti na jñāyate kā dyauḥ kiṃ balisadma kā vasumatī syātsarvametadyadi pratyakṣaṃ na bhavetkadācidapi kiṃ te sarvamaṃrśinaḥ bhrāmyantaḥ pralapantu nāma viditaṃ maṇḍūka samyaktvayā muktemaṃ paramaṃ kuruṃmitaratkiṃ nāma saṃbhāvyate ### [7.100](https://indike.org/pramana/in.lit.kavya.misc.laghukavyani.7.100) tvadgarbhe sukhamāsate phaṇipatiśrīkūrmadigdantinaḥ pratyakṣā kulabhūbhṛtāṃ sthitirapi tvayyamba sarvaṃsahe ye tvete bibhṛmo vayaṃ bhuvamiti svaṃ khyāpayante yaśo niḥśaṅkaṃ nirapatrapaṃ ca tadidaṃ naḥ karṇaśūlāyate ### [7.10](https://indike.org/pramana/in.lit.kavya.misc.laghukavyani.7.10) bhūtānāṃ prabhavasthitipravilayāstvayyeva viśvaṃbhare tvadgarbhe nanu te rasātalajuṣo daityāḥ phaṇīndrāśca ye tvaṃ sarvairupajīvyase divicaraistvatto'pi kiṃcitparaṃ na syātsyādapi tannirastaviṣayaṃ brahma tvamevāsi naḥ --- Source: [https://indike.org/pramana/in.lit.kavya.misc.laghukavyani.7](https://indike.org/pramana/in.lit.kavya.misc.laghukavyani.7) · Pramāṇa