[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Laghukavyasangraha](https://indike.org/pramana/in.lit.kavya.misc.laghukavyasangraha) › 3 # Laghukavyasangraha 3 Laghukāvyasaṅgraha 3 - **Language:** Sanskrit ### [3.1](https://indike.org/pramana/in.lit.kavya.misc.laghukavyasangraha.3.1) ataḥ paraṃ x satyavarṇanakāvyaṃ prārabhyate, yasyāyamādyaḥ ślokaḥ yānīśvareṇa ṛṣibhiśca parārthahetorāviṣkṛtāni śubhamārganiyodhakāni tānyeva mānyapuruṣairnijadharmavṛddhyai bodhyāni satyamidamādyamalaṃ pradiṣṭam ### [3.2](https://indike.org/pramana/in.lit.kavya.misc.laghukavyasangraha.3.2) ādyāśrame gurukule gurusevalādi dharmānuvartanaparaṃ paṭhanādikaṃ yat vedādiśāstranicayasya tadeva manye satyaṃ dvitīyamuditaṃ muninā prasādāt ### [3.3](https://indike.org/pramana/in.lit.kavya.misc.laghukavyasangraha.3.3) vedoktadharmaparipālanamāśrameṣu sarveṣu varṇaniyamādiprabhedāt saṃdhyādinityavidhisevanamādareṇa satyaṃ tṛtīyamapi varṇitameva devaiḥ ### [3.4](https://indike.org/pramana/in.lit.kavya.misc.laghukavyasangraha.3.4) kāle svadāragamanaṃ vidhinā parastā cchraute smṛtipraṇihite nu ratiḥ svakṛtye vedoktapañcamitayajñavidhānacintā turyyaṃ nivedayati satyapathaṃ prabhāvāt ### [3.5](https://indike.org/pramana/in.lit.kavya.misc.laghukavyasangraha.3.5) nityaṃ yameṣu niyameṣvapi cānupaktiḥ satsaṅgatiśca paramātmani bhāvavṛttiḥ yoge'nuraktiradhikā parato'nuvānaprasthāśramānusaraṇaṃ kila pañcamaṃ syāt ### [3.5-2](https://indike.org/pramana/in.lit.kavya.misc.laghukavyasangraha.3.5-2) karaṇaṃ satsaṅkūpūrvakaparamātmadhyānasādhanaṃ yogābhyāsābhyasanaṃ vānaprasthāśramadhāraṇañca pañcamaṃ satyam ### [3.6](https://indike.org/pramana/in.lit.kavya.misc.laghukavyasangraha.3.6) vairāgyayogavaśato viratiprabhāvāt saṃnyāsāśramadhāraṇamastikaramutra bhāve vedāntaśāstrapariśīlanamātmabuddhyā ṣaṣṭhaṃ samādiśati satyamalaṃ svabhāvāt ### [3.7](https://indike.org/pramana/in.lit.kavya.misc.laghukavyasangraha.3.7) vijñānapūrvakamanarthaparāṅmukhatvaṃ janmādibandhanavibhañjanabhāvukatvam saṅgānulabdhabahudoṣanirākṛtiśca saṃbodhayatyanugamādapi saptamaṃ tat ### [3.8](https://indike.org/pramana/in.lit.kavya.misc.laghukavyasangraha.3.8) kleśotarātiguṇabhāvamitā parastād bhūtānyatītya paramātmapathaṃ diśantī svārājyasiddhiriti yā kila mokṣamūlā tatprāptiriṣṭamudāharati sma satyam ### [3.6-2](https://indike.org/pramana/in.lit.kavya.misc.laghukavyasangraha.3.6-2) satyāṣṭakaṃ hṛdi vicārya manuṣyaloke śrīvarttamānakaviratnakṛtaṃ manuṣyāḥ ye ye svakāryyamanuyānti vidhipradiṣṭaṃ te te parābhavapadaṃ na hi yānti daivāt ## Commentaries (1) - [Satyārthaprakāśa](https://indike.org/pramana/in.lit.kavya.misc.laghukavyasangraha!akhilananda-sarman.3.1) — Akhilānandaśarman, Sanskrit --- Source: [https://indike.org/pramana/in.lit.kavya.misc.laghukavyasangraha.3](https://indike.org/pramana/in.lit.kavya.misc.laghukavyasangraha.3) · Pramāṇa