[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Rasikarmana](https://indike.org/pramana/in.lit.kavya.misc.rasikarmana) › 10 # Rasikarmana 10 Rasikarmaṇa 10 - **Language:** Sanskrit ## Contents - [10.33](https://indike.org/pramana/in.lit.kavya.misc.rasikarmana.10.33) — 1 part ### [10.1](https://indike.org/pramana/in.lit.kavya.misc.rasikarmana.10.1) atha rātryāṃ vyatītāyāṃ prabhāte samupāgate utthāya nṛpatiḥ prātaḥ snānaṃ cakre sajāyayā ### [10.2](https://indike.org/pramana/in.lit.kavya.misc.rasikarmana.10.2) vāsasī paridhāyātha śuddhe tau dampatī kṣaṇāt pūjopahāraṃ gṛhyāmuṃ durvāsasamupāgatau ### [10.3](https://indike.org/pramana/in.lit.kavya.misc.rasikarmana.10.3) prātaḥsnānaṃ tu kṛtvā sa yāvadarcayati prabhum nṛsiṃhaṃ tāvadāgatya rājā dvāri vyatiṣṭhata ### [10.4](https://indike.org/pramana/in.lit.kavya.misc.rasikarmana.10.4) upāgataṃ taṃ nṛpatiṃ munīndraṃ mukundamiśro dvijapuṃgavaḥ saḥ durvāsasaṃ vijñapayāṃcakāra kṛtāñjalirnamraśirodharastu ### [10.5](https://indike.org/pramana/in.lit.kavya.misc.rasikarmana.10.5) śrutvā vipramukhāttaṃ vai rājānaṃ samupāgatam durvāsāstaṃ dvijaṃ proce rājānaṃ saṃpraveśaya ### [10.6](https://indike.org/pramana/in.lit.kavya.misc.rasikarmana.10.6) iti durvāsasājñaptaḥ sa dvijastaṃ narottamam śrīrāmaṃ saṃnidhau bhāryayutaṃ durvāso'nayat ### [10.7](https://indike.org/pramana/in.lit.kavya.misc.rasikarmana.10.7) sa rājā muniśārdūlaṃ namaskṛtya tadājñayā (16a) kṛtāñjalipuṭo bhūtvā saṃnidhau samupāviśat ### [10.8](https://indike.org/pramana/in.lit.kavya.misc.rasikarmana.10.8) durvāsā nṛhareḥ pūjāṃ samāpya sa hi mantravit mantraṃ rājñe sabhāryāya dadau siddhipradāyinam ### [10.9](https://indike.org/pramana/in.lit.kavya.misc.rasikarmana.10.9) durvāso'sau nṛpatirbabhūva śiṣya sabhāryaḥ śubharāmanāmā dadau svadeśasya daśāṃśabhāgaṃ grāmasya lakṣaṃ gurudakṣiṇārthe ### [10.10](https://indike.org/pramana/in.lit.kavya.misc.rasikarmana.10.10) anantaṃ caiva dravyaṃ sa gurave nṛpati (r) dadau durvāsise munīśāya karuṇāsāgarāya ca ### [10.11](https://indike.org/pramana/in.lit.kavya.misc.rasikarmana.10.11) rājñī durvāso mantraprabhāvena babhūva sā garbhiṇī, nitarāṃ rājā durvāsasamapūjayat ### [10.12](https://indike.org/pramana/in.lit.kavya.misc.rasikarmana.10.12) pratyahaṃ taṃ namaskartumāgacchati nṛpottamaḥ nānopāyanapāṇiḥ sa śrīrāmo nṛpasattamaḥ ### [10.13](https://indike.org/pramana/in.lit.kavya.misc.rasikarmana.10.13) dvijanmano mukundasya janmanyevaṃ (sadmanyevaṃ ?) sataḥ prabhoḥ rājñā saṃpūjyamānasya dināni katicidyayuḥ ### [10.14](https://indike.org/pramana/in.lit.kavya.misc.rasikarmana.10.14) ekadā taṃ munivaraṃ sukhāsīnaṃ taponidhim kuṣṭhena prakṣaraddehaḥ kaścidvipro nanāma ha ### [10.15](https://indike.org/pramana/in.lit.kavya.misc.rasikarmana.10.15) sa natvā vidhivatsiddhaṃ durvāsasamaghāpaham sa vijñaptiṃ cakārāmuṃ svāmayakṣapaṇāya va ### [10.16](https://indike.org/pramana/in.lit.kavya.misc.rasikarmana.10.16) durvāsāstaṃ dvijaṃ dīnamāmayavyakulīkṛtam kṛpāsaṃpūrṇahṛdayo dṛṣṭvāsītkaruṇānidhiḥ ### [10.17](https://indike.org/pramana/in.lit.kavya.misc.rasikarmana.10.17) dṛṣṭvā vipraṃ mahārogagrastaṃ sa munināyakaḥ vāriṇā mantrapūtenābhyaṣiñcattaṃ taponidhiḥ ### [10.18](https://indike.org/pramana/in.lit.kavya.misc.rasikarmana.10.18) sa spṛṣṭamātro jalavinduneva durvāsasā mantrayutena kuṣṭhī dvijo'bhavattatkṣaṇameva tena rogeṇa muktaḥ karuṇāmburāśeḥ ### [10.19](https://indike.org/pramana/in.lit.kavya.misc.rasikarmana.10.19) rogeṇa muktaḥ sa babhūva hṛṣṭo durvāsasaṃ bhaktiyuto nanāma dvijo'gamaccātmaniketanaṃ saḥ sukhāni gatvānudinaṃ sma bhuṅkte ### [10.20](https://indike.org/pramana/in.lit.kavya.misc.rasikarmana.10.20) durvā (16b) sā muniśārdūlo 'mocayitvā dvijottamam rogātkuṣṭhāt mahattīvrādavāsīttatra pūjitaḥ ### [10.21](https://indike.org/pramana/in.lit.kavya.misc.rasikarmana.10.21) gate bahutithe kāle durvāsā matimādadhe kartuṃ tīrthāni cānyāni deśāntaragatāni saḥ ### [10.22](https://indike.org/pramana/in.lit.kavya.misc.rasikarmana.10.22) mukundamiśraṃ munināyako'sau saṃtoṣya vittena muniḥ kṛtajñaḥ śrīrāmasaṃjñaṃ nṛpatiṃ babhāṣe mukundamiśraṃ sukhinaṃ cikīrṣuḥ ### [10.23](https://indike.org/pramana/in.lit.kavya.misc.rasikarmana.10.23) mukundamiśrāyaṃ mayā pradattā grāmā madīyāḥ pratipālanīyāḥ tvayā nṛpendrāya samarpayālaṃ tuṣṭena nityaṃ hi mukundanāmnaḥ ### [10.24](https://indike.org/pramana/in.lit.kavya.misc.rasikarmana.10.24) ahaṃ prayāsye kila tīrthayātrāsiddhayai sadā tvaṃ nṛhariṃ bhajasva svadharmasaṃsthaḥ pratipālayaṃśca prajā yatīgodvijamānadātā ### [10.25](https://indike.org/pramana/in.lit.kavya.misc.rasikarmana.10.25) itthaṃ durvāsasaṃ tīrthayātrāyāṃ tu samutsukam adya śvo vā gantukāmaṃ nṛpo dṛṣṭvā sa vihvalaḥ ### [10.26](https://indike.org/pramana/in.lit.kavya.misc.rasikarmana.10.26) mukundamiśro'pi babhūva bāṣpakalākulākṣo munināyakaṃ tam samutsukaṃ gantumanalpasiddhiṃ kṛtopakāraṃ muninā smaransaḥ ### [10.27](https://indike.org/pramana/in.lit.kavya.misc.rasikarmana.10.27) sāntvayitvā sa rājānaṃ dvijaṃ cāpi mahāmanāḥ punarātmāgamanayā kathayetthamacīklṛpat ### [10.28](https://indike.org/pramana/in.lit.kavya.misc.rasikarmana.10.28) datvā dvijebhyo nijavastujātaṃ kartuṃ sa tīrthāni cacāla siddhaḥ svaśiṣyasaṃghena samāvṛtaśca śarīrasaṃsthodanavastraśeṣaḥ ### [10.29](https://indike.org/pramana/in.lit.kavya.misc.rasikarmana.10.29) itthaṃ durvāsawithin rājā tīrthayātrotsukāya saḥ narayānaṃ divyaratnabhūṣitaṃ pradadau tadā ### [10.30](https://indike.org/pramana/in.lit.kavya.misc.rasikarmana.10.30) rājñā dattaṃ nṛyānaṃ saḥ pragṛhya munipuṃgavaḥ dvijāyādānmukundāya saparyābahukāriṇe ### [10.31](https://indike.org/pramana/in.lit.kavya.misc.rasikarmana.10.31) tato rājñā ca vipreṇa mukundena mahāmuniḥ anuyāto nāgarikaiḥ sāśru (17a) kaṇṭhaiścacāla saḥ ### [10.32](https://indike.org/pramana/in.lit.kavya.misc.rasikarmana.10.32) dūradeśāgatāṃstāṃstu rājādīnmunipuṃgavaḥ saṃnivartyātikṛcchreṇa tīrthayātrāṃ cacāla saḥ ### [10.33](https://indike.org/pramana/in.lit.kavya.misc.rasikarmana.10.33) itthaṃ munīśena mukundamiśro durvāsasākāri kṛpālunāsau tīrthāni kartuṃ calitena pūrṇamanoratho'jñāvapi me'stu tuṣṭaḥ ### [10.33.p1](https://indike.org/pramana/in.lit.kavya.misc.rasikarmana.10.33.p1) iti śrīmahāmatisutasya durvāsasaḥ kāvye rasikaramaṇasaṃjñe kaviśrīraghunāthaviracite mukundamiśradaridraniryāpaṇo nāma daśamaḥ sargaḥ ||10 ## Linked texts (1) - [Rasikaramana](https://indike.org/pramana/in.lit.kavya.rasikaramana.10.1) — Raghunātha, Sanskrit --- Source: [https://indike.org/pramana/in.lit.kavya.misc.rasikarmana.10](https://indike.org/pramana/in.lit.kavya.misc.rasikarmana.10) · Pramāṇa