[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Rasikarmana](https://indike.org/pramana/in.lit.kavya.misc.rasikarmana) › 11 # Rasikarmana 11 Rasikarmaṇa 11 - **Language:** Sanskrit ## Contents - [11.87](https://indike.org/pramana/in.lit.kavya.misc.rasikarmana.11.87) — 1 part ### [11.1](https://indike.org/pramana/in.lit.kavya.misc.rasikarmana.11.1) atha pravakṣyāmi munīśvarasya durvāsaso'haṃ kila tīrthayātrām yāṃ bhaktibhāvena pumāṃstu śrutvā mucyeta pāpānmahato'pyadūrāt ### [11.2](https://indike.org/pramana/in.lit.kavya.misc.rasikarmana.11.2) sa śubhamallapurāccalito munirbhramarakuṇḍamiyāya taponidhiḥ paraśurāmasuropitamasti yattulasivṛndamanalpaphalapradam ### [11.3](https://indike.org/pramana/in.lit.kavya.misc.rasikarmana.11.3) nīlābhidhānakṣitibhṛdvipṛṣṭhe virājate sarvatamopahāri khyātaṃ jagatyarthacatuṣṭayasya snānaikamātrātpradamāśu yattat ### [11.4](https://indike.org/pramana/in.lit.kavya.misc.rasikarmana.11.4) yugme'nvayaḥ tatra snātvā munivaraḥ kāmākṣāṃ samapūjayat devīṃ sarveṣṭadāṃ natvā śiṣyasaṃghairupāsitaḥ ### [11.5](https://indike.org/pramana/in.lit.kavya.misc.rasikarmana.11.5) tato rūpeśvaraṃ devaṃ durvāsāḥ saṃnanāma ha tataḥ sa ca yayāvūnakoṭiliṅgaṃ mahāmuniḥ ### [11.6](https://indike.org/pramana/in.lit.kavya.misc.rasikarmana.11.6) tāni natvā sa tu karamukteśvaramapūjayat durvāsāstāpasaśreṣṭhaḥ śiṣyasaṃghairupāsitaḥ ### [11.7](https://indike.org/pramana/in.lit.kavya.misc.rasikarmana.11.7) tataḥ sa phalaẏākhye tu girau tiṣṭhantamādarāt yaśomādhavamānamya brahmasāgaramāyayau ### [11.8](https://indike.org/pramana/in.lit.kavya.misc.rasikarmana.11.8) sa brahmasāgare snātvā gaṅgāsāgarasaṃgamam yayau snātuṃ munivaro durvāsāḥ sa taponidhiḥ ### [11.9](https://indike.org/pramana/in.lit.kavya.misc.rasikarmana.11.9) tatra snātvā munivaro mādhavaṃ (17b) devamādarāt pūjayāmāsa vidhivad durvāsāstāpaseśvaraḥ ### [11.10](https://indike.org/pramana/in.lit.kavya.misc.rasikarmana.11.10) mādhavaṃ devamabhyarcya kuṇḍārakamathāgamat tatra snātvā sa tu mahānadīsaṃgamamāgamat ### [11.11](https://indike.org/pramana/in.lit.kavya.misc.rasikarmana.11.11) mahānadīsāgarasaṃgame sa snātvā jagannāthamanantamādyam yayau namaskartumaghāpahaṃ vai kṣetre sthitaṃ vai puruṣottamākhyam ### [11.12](https://indike.org/pramana/in.lit.kavya.misc.rasikarmana.11.12) jagannāthaṃ namaskṛtya kūrmadevaṃ nanāma saḥ kūrmaṃ namaskṛtya jayanṛsiṃhaṃ samapūjayat ### [11.13](https://indike.org/pramana/in.lit.kavya.misc.rasikarmana.11.13) tato munī rājamahendratīrthaṃ yayau mahākāruṇiko munīndraḥ snātvā tu tatra trijagatprasiddhaṃ godāvarīsaṃgamamājagāma ### [11.14](https://indike.org/pramana/in.lit.kavya.misc.rasikarmana.11.14) tatra snātvā munivaro vidyānagaramāgamat tuṅgabhadrā nadī yatra virūpākṣaḥ śivaḥ sthitaḥ ### [11.15](https://indike.org/pramana/in.lit.kavya.misc.rasikarmana.11.15) tuṅgabhadrāmahātīrthe sa snātvā munipuṃgavaḥ apūjayadvirūpākṣaṃ śivaṃ sarvārthasiddhidam ### [11.16](https://indike.org/pramana/in.lit.kavya.misc.rasikarmana.11.16) virūpākṣaṃ namaskṛtya tṛṇāmallaṃ nanāma saḥ tṛṇāmallaṃ namaskṛtya śvetāmbaramapūjayat ### [11.17](https://indike.org/pramana/in.lit.kavya.misc.rasikarmana.11.17) śvetāmbaraṃ namaskṛtya durvāsāstāpaseśvaraḥ gosamādhiṃ jagāmātha śiṣyasaṃghasamāvṛtaḥ ### [11.18](https://indike.org/pramana/in.lit.kavya.misc.rasikarmana.11.18) gosamādhermunivaraḥ kāmerīmājagāma ha sa kāmeryā munivaraḥ kumbhakarṇaṃ jagāma saḥ ### [11.19](https://indike.org/pramana/in.lit.kavya.misc.rasikarmana.11.19) kumbhakarṇāttu durvāsāstejāuramupāyayau tejāurānmunivaraḥ śiṣyaiḥ parivṛto'ccalat ### [11.20](https://indike.org/pramana/in.lit.kavya.misc.rasikarmana.11.20) tato jagāma durvāsāḥ setubandhaṃ mahāmuniḥ tatra snātvā mahātīrthe rāmeśvaramapūjayat ### [11.21](https://indike.org/pramana/in.lit.kavya.misc.rasikarmana.11.21) tataḥ sa ca munirmānamathurāmājagāma ha tripathāṃ mathurāṃ gatvā mukhyanāthamapūjayat ### [11.22](https://indike.org/pramana/in.lit.kavya.misc.rasikarmana.11.22) mathurāmājagāmātha durvāsā(18a)stāpaseśvaraḥ raṅganāthaṃ tato'gacchad durvāsāḥ sa taponidhiḥ ### [11.23](https://indike.org/pramana/in.lit.kavya.misc.rasikarmana.11.23) tataśca sa muniścandrakumāraśikharaṃ yayau tato hariharaṃ devaṃ durvāsāḥ saṃnanāma ha ### [11.24](https://indike.org/pramana/in.lit.kavya.misc.rasikarmana.11.24) ujjvalaṃ narasiṃhaṃ sa durvāsāstata āgamat mallikārjunaśṛṅgaṃ ca tato'sāvājagāma ha ### [11.25](https://indike.org/pramana/in.lit.kavya.misc.rasikarmana.11.25) trimallaṃ tripatīṃ caiva durvāsā ājagāma ha tataḥ sa śivakāntīṃ ca jagāma munisattamaḥ ### [11.26](https://indike.org/pramana/in.lit.kavya.misc.rasikarmana.11.26) viṣṇukāntīṃ tato'gacchad durvāsāstāpaseśvaraḥ pakṣitīrthaṃ jagāmātha tataḥ sa munināyakaḥ ### [11.27](https://indike.org/pramana/in.lit.kavya.misc.rasikarmana.11.27) vedārṇaṃ ca tato'gacchad durvāsāḥ sa taponidhiḥ tataśca muniśārdūlaḥ karasvāminamāyayau ### [11.28](https://indike.org/pramana/in.lit.kavya.misc.rasikarmana.11.28) tatastrinagarītīrthaṃ jagāma sa taponidhiḥ lambikākokilāṃ caiva vavande tāpaseśvaraḥ ### [11.29](https://indike.org/pramana/in.lit.kavya.misc.rasikarmana.11.29) tataḥ kanyākumārīṃ sa vavande munisattamaḥ ādikeśavamabhyarcya padmanābhaṃ nanāma ha ### [11.30](https://indike.org/pramana/in.lit.kavya.misc.rasikarmana.11.30) padmanābhaṃ namaskṛtya janārdanamapūjayat tataḥ sa ca tṛṇāvallītīrthamāpa mahāmuniḥ ### [11.31](https://indike.org/pramana/in.lit.kavya.misc.rasikarmana.11.31) tato jagāma durvāsāstīrthaṃ pāpavināśanam tatra snātvā munivaraḥ so'titīrthaṃ jagāma ha ### [11.32](https://indike.org/pramana/in.lit.kavya.misc.rasikarmana.11.32) tataḥ sa tilagañjīti tīrthaṃ paramapāvanam tataḥ kevalaputreti tīrthaṃ prāpa mahāmuniḥ ### [11.33](https://indike.org/pramana/in.lit.kavya.misc.rasikarmana.11.33) tataśca sa muniścaurabhavānīmājagāma ha tato'sau muniśārdūlaḥ kajjalītīrthamāga(ma)t ### [11.34](https://indike.org/pramana/in.lit.kavya.misc.rasikarmana.11.34) tato'sau muniśārdūlaḥ śṛṅgerīmaṭhamāyayau tuṅgabhadrānadītīrthamājagāma mahāmanāḥ ### [11.35](https://indike.org/pramana/in.lit.kavya.misc.rasikarmana.11.35) śaṃkaranārāyaṇamatha pūjayāmāsa tattvavit tataḥ sa vatsaraṇukaṃ (18b) tīrthamāyāttaponidhiḥ ### [11.36](https://indike.org/pramana/in.lit.kavya.misc.rasikarmana.11.36) koṭiliṅgamatho'gacchacchiṣyasaṃghasamāvṛtaḥ tato'sau muniśārdūlo bhaṭkalāmājagāma ha ### [11.37](https://indike.org/pramana/in.lit.kavya.misc.rasikarmana.11.37) tataḥ sa śiṣyairanuyātamārgo gokarṇaliṅgaṃ samupājagāma sa candrabhūtīgirimājagāma paścāttapodhāma munīśvaraśca ### [11.38](https://indike.org/pramana/in.lit.kavya.misc.rasikarmana.11.38) tato'sau muniśārdūlo brahmaparvatamāyayau nāsikatryambakaṃ caiva chatrasiṃhamathāgamat ### [11.39](https://indike.org/pramana/in.lit.kavya.misc.rasikarmana.11.39) sarvajñayoginīṃ paścād durvāsāḥ saṃnanāma ha tataḥ sa muniśārdūla ūnāītīrthamāga(ma)t ### [11.40](https://indike.org/pramana/in.lit.kavya.misc.rasikarmana.11.40) tatra snātvā munivaraḥ kardameśvaramāyayau taṃ pūjayitvā vidhivattaptīsaṃgamaṃ yayau ### [11.41](https://indike.org/pramana/in.lit.kavya.misc.rasikarmana.11.41) taptīsaṃgame snātvā revāsaṃgamamāgamat durvāsā muniśārdūlaḥ śiṣyasaṃghasamāvṛtaḥ ### [11.42](https://indike.org/pramana/in.lit.kavya.misc.rasikarmana.11.42) sa revāsaṃgame snātvā mahīsaṃgamamāyayau sa ca sābhramatīsaṃgaṃ jagāma munināyakaḥ ### [11.43](https://indike.org/pramana/in.lit.kavya.misc.rasikarmana.11.43) tato'sau muniśārdūlaḥ śvetaparvatamāyayau tato guptaprayāgaṃ sa jagāma munināyakaḥ ### [11.44](https://indike.org/pramana/in.lit.kavya.misc.rasikarmana.11.44) guptaprayāgācca munirmūladvāravatīmagāt tato'sau mādhavaprācīṃ jagāma munināyakaḥ ### [11.45](https://indike.org/pramana/in.lit.kavya.misc.rasikarmana.11.45) prabhāsaṃ sa muniḥ prāpya yatra prācī sarasvatī tatra snātvā munistīrthe mādhavaṃ samapūjayat ### [11.46](https://indike.org/pramana/in.lit.kavya.misc.rasikarmana.11.46) ṭaṭarīsūryamabhyarcya (1) mūlamādhavamāyayau sa durvāsā munivaraḥ śiṣyaiḥ samabhipūjitaḥ ### [11.47](https://indike.org/pramana/in.lit.kavya.misc.rasikarmana.11.47) tataḥ sa raivatākhyaṃ tu giriṃ prāpa munīśvaraḥ snātvā ca sa mṛgīkuṇḍe dāmodaramapūjayat ### [11.48](https://indike.org/pramana/in.lit.kavya.misc.rasikarmana.11.48) tataḥ sa saravaṃ nāmnā parva (19a) taṃ saṃnannāma ha tato bileśvaraṃ pūjya laghudvāravatīmagāt ### [11.49](https://indike.org/pramana/in.lit.kavya.misc.rasikarmana.11.49) laghudvāravatīsthānād dvārakāmājagāma saḥ durvāsāstāpasaśreṣṭhaḥ śiṣyasaṃghasamāvṛtaḥ ### [11.50](https://indike.org/pramana/in.lit.kavya.misc.rasikarmana.11.50) cakratīrthaṃ mahatpuṇyaṃ nadī yatra ca gomatī devastrivikramo viṣṇuḥ sarvatīrthamayī ca yā ### [11.51](https://indike.org/pramana/in.lit.kavya.misc.rasikarmana.11.51) yugmam trivikramaṃ namaskṛtya kṛtakṛtyo'bhavanmuniḥ kalyāṇaṃ ca namaskṛtya hṛṣṭaromā babhūva saḥ ### [11.52](https://indike.org/pramana/in.lit.kavya.misc.rasikarmana.11.52) taṃ pūjayitvādbhutavastujātaḥ sa dharmaśālāṃ munirāsthito'lam reje svaśiṣyaḥ paritaḥ sthitaistu saṃsevyamānastridaśairivendraḥ ### [11.53](https://indike.org/pramana/in.lit.kavya.misc.rasikarmana.11.53) tāvad durvāsasaṃ śrutvā bhīmākṣaḥ kṣatriyottamaḥ samāgataṃ prahṛṣṭātmā taṃ namaskartumāyayau ### [11.54](https://indike.org/pramana/in.lit.kavya.misc.rasikarmana.11.54) upāyanāni pratigṛhya hṛṣṭo bhīmaḥ padātirnṛpatirmunīśam nyasyāgrataḥ pūjanavastujātaṃ durvāsasaṃ daṇḍavadānanāma ### [11.55](https://indike.org/pramana/in.lit.kavya.misc.rasikarmana.11.55) taṃ pūjayitvā munisiddhasaṃgha− saṃsevitaṃ śiṣyagaṇopayuktam kṛtāñjaliḥ kṣatriyasaṃghasevyo vyatiṣṭhatāgre khalu dāsavatsa ### [11.56](https://indike.org/pramana/in.lit.kavya.misc.rasikarmana.11.56) kṛtāñjalipuṭo bhūtvā durvāsasamabhāṣata svāminnidaṃ samṛddhaṃ me rājyaṃ tubhyaṃ niveditam ### [11.57](https://indike.org/pramana/in.lit.kavya.misc.rasikarmana.11.57) bhīmasya tadvacaḥ śrutvā prahasya munirabravīt vayaṃ rājyena kiṃ kurmo yatayo vigataspṛhāḥ ### [11.58](https://indike.org/pramana/in.lit.kavya.misc.rasikarmana.11.58) tathāpyahaṃ tavecchāyāḥ pūrtyai bhūmiṃ tu tāvatīm gṛ (gra) hīṣyāmyeva yāvatyā maṭho me jāyate śubhaḥ ### [11.59](https://indike.org/pramana/in.lit.kavya.misc.rasikarmana.11.59) tatastatheti bhīmena gṛhītavacane muniḥ vandyamāno lokasaṃgrairmaṭhārthaṃ bhūmimādadau ### [11.60](https://indike.org/pramana/in.lit.kavya.misc.rasikarmana.11.60) tena bhūmau gṛhītāyāṃ bhīmo'sau kṣatriyottamaḥ maṭhaṃ saṃkārayāmāsa durvāsorthe mahāmanāḥ ### [11.61](https://indike.org/pramana/in.lit.kavya.misc.rasikarmana.11.61) kārayitvā sa (19b)ramaṇaṃ maṭhaṃ durvāse dadau saṃpūrṇaṃ bhakṣyabhojyaistu śiṣyasaṃghayutāya ca ### [11.62](https://indike.org/pramana/in.lit.kavya.misc.rasikarmana.11.62) maṭhe tasminsa durvāsā rājñā saṃmānito'vasat dināni katicid hṛṣṭaḥ śiṣyasaṃghasamāvṛtaḥ ### [11.63](https://indike.org/pramana/in.lit.kavya.misc.rasikarmana.11.63) sa dvārakāyāṃ svamaṭhaṃ vidhāya svatīrthayātrāpratisiddhaye ca cacāla śiṣyairupaśobhamāno rājānamātmāgamanaṃ tamuktvā ### [11.64](https://indike.org/pramana/in.lit.kavya.misc.rasikarmana.11.64) muktvā dvāravatīṃ siddhaḥ śaṃkhoddhāramathāgamat tatra śaṃkhinamānarca nārāyaṇamanāmayam ### [11.65](https://indike.org/pramana/in.lit.kavya.misc.rasikarmana.11.65) tataḥ piṇḍārakaṃ nāma tīrthaṃ paramapāvanam durvāsāḥ sa jagāmātha śiṣyasaṃghairupāsitaḥ ### [11.66](https://indike.org/pramana/in.lit.kavya.misc.rasikarmana.11.66) tato'mbarākhyāṃ nagarīṃ prayāgaṃ āśāpurīmabhyupasādya paścāt sindhoḥ samudrasya ca saṃgamaṃ sa muniryayau tāpasasaṃghavandyaḥ ### [11.67](https://indike.org/pramana/in.lit.kavya.misc.rasikarmana.11.67) tatra snātvā munivaro hiṅgulājāmapūjayat tāṃ pūjayitvā durvāsā dhārātīrthaṃ jagāma saḥ ### [11.68](https://indike.org/pramana/in.lit.kavya.misc.rasikarmana.11.68) tatra snātvā munivaraḥ kaṭākṣaṃ kṣetramāgamat tataṣṭillāṃ namaskṛtya gorakṣyāṭṭaṃ samāyayau ### [11.69](https://indike.org/pramana/in.lit.kavya.misc.rasikarmana.11.69) kāśmīradeśaṃ samupāgato'sau devīṃ vavande kila sā(ścā)radāṃ ca tāṃ pūjayitvā vidhivanmunīśaḥ pūjopahāraiḥ sa tataścacāla ### [11.70](https://indike.org/pramana/in.lit.kavya.misc.rasikarmana.11.70) maṇimaheśamiyāya tato munistridaśavanditapādasaroruham tamabhivandya tato munirāgamanagarakoṭikṛtāvasarti śivām ### [11.71](https://indike.org/pramana/in.lit.kavya.misc.rasikarmana.11.71) tāṃ pūjayitvā vidhivanmunīśaḥ pṛthūdakaṃ samyagiyāya hṛṣṭaḥ snātvā ca tatrāpi munīśvaro'sau sarasvatīṃ vai sa nadīṃ jagāma ### [11.72](https://indike.org/pramana/in.lit.kavya.misc.rasikarmana.11.72) snātvā ca tatrāpi munirvasiṣṭhaprācīmupeyāya suhṛṣṭacittaḥ tataḥ kurukṣetramupājagāma mahā(20a)muniḥ śiṣyasamāvṛto'sau ### [11.73](https://indike.org/pramana/in.lit.kavya.misc.rasikarmana.11.73) tato haridvāramupājagāma munirhṛṣīkeśamiyāya paścāt taṃ pūjayitvā vidhivanmunīśo devaprayāgaṃ samupājagāma ### [11.74](https://indike.org/pramana/in.lit.kavya.misc.rasikarmana.11.74) tataḥ sa saptadhārākhyaṃ tīrthaṃ paramapāvanam jagāma muniśārdūlo yatra gaṅgāsa saptadhā ### [11.75](https://indike.org/pramana/in.lit.kavya.misc.rasikarmana.11.75) snātvā ca tatrāpi munīśvaro'sau kedāraśaṃbhuṃ samupājagāma taṃ cāpi natvā vidhivanmunīśo rudraprayāgaṃ samupājagāma ### [11.76](https://indike.org/pramana/in.lit.kavya.misc.rasikarmana.11.76) paścācca śiṣyaiḥ pariśobhamāno nandaprayāgaṃ samupājagāma karṇaprayāgaṃ sa muniśca paścājjagāma siddheśvaravandyapādaḥ ### [11.77](https://indike.org/pramana/in.lit.kavya.misc.rasikarmana.11.77) munirbadaryāśramamāpa paścānnārāyaṇo yatra naraśca nityam sthitastapasyugratare hitāya lokasya sarvārthada āśramādyaḥ ### [11.78](https://indike.org/pramana/in.lit.kavya.misc.rasikarmana.11.78) tataśca muniśārdūlaḥ sa yayau hastināpuram durgamukteśamānamya śuklakṣetramupāyayau ### [11.79](https://indike.org/pramana/in.lit.kavya.misc.rasikarmana.11.79) tato munirnaimiṣakānanaṃ ca yayau munirmiśriṣameva paścāt yayāvayodhyāṃ sa muniśca paścātsa śiṣyavṛndaiḥ pariśobhamānaḥ ### [11.80](https://indike.org/pramana/in.lit.kavya.misc.rasikarmana.11.80) sarasvākhyā nadī yatra tīrthaṃ paramapāvanam durvāsā muniśārdūlaḥ śiṣyasaṃghasamāvṛtaḥ ### [11.81](https://indike.org/pramana/in.lit.kavya.misc.rasikarmana.11.81) yugmam snātvā ca tatrāpi muniḥ sadūlūvaiśvānaraṃ samyagiyāya hṛṣṭaḥ tataḥ saro mānasasaṃjñamāpa munīśvaro'sau saha śiṣyavṛndaiḥ ### [11.82](https://indike.org/pramana/in.lit.kavya.misc.rasikarmana.11.82) tato harikṣetramupājagāma sa muktikṣetraṃ ca munistato'gāt sa gallakīṃ cāpi nadīṃ jagāma muniḥ svaśiṣyaiḥ pariśobhamānaḥ ### [11.83](https://indike.org/pramana/in.lit.kavya.misc.rasikarmana.11.83) sa nīlakaṇṭhaṃ ca tato jagāma sa chāchikāmāpa muniśca paścāt sa kauśikīṃ cāpi nadīṃ jagāma śiṣyaiḥ parītaḥ khalu siddhavandyaḥ ### [11.84](https://indike.org/pramana/in.lit.kavya.misc.rasikarmana.11.84) vārāhadevaṃ vividhopacāraiḥ saṃpūjayitvā munisiddhavandyaḥ paścānmuniḥ sa kanakāyisaṃjñāṃ nadīmavāpātulasiddhalakṣmīḥ ### [11.85](https://indike.org/pramana/in.lit.kavya.misc.rasikarmana.11.85) mahālakṣmīmupeyāya durvāsāstāpaseśvaraḥ tatastāṃ vidhivatpūjya śiṣyavṛndayuto'calat ### [11.86](https://indike.org/pramana/in.lit.kavya.misc.rasikarmana.11.86) paścānmunirbhramarakuṇḍamupājagāma trailokyaviśrutamaghāpahamāśu puṃsām ārabhya (20b) yatpravasitaḥ sa munī(ni)stu tīrthayātrotsavāya ca tadetadavāpa hṛṣṭaḥ ### [11.87](https://indike.org/pramana/in.lit.kavya.misc.rasikarmana.11.87) durvāsasetthaṃ tu munīśvareṇa caturdigantāntagatānyakāri tīrthāni śiṣyairupaśobhitena kāruṇyavārāṃni(ni)dhinātmayogāt ### [11.87.p1](https://indike.org/pramana/in.lit.kavya.misc.rasikarmana.11.87.p1) iti śrīmahāmatisutasya durvāsaḥ kāvye rasikaramaṇasaṃjñe kaviśrīraghunāthaviracite durvāsasaścaturdiktīrthayātrāvarṇano nāmaikādaśaḥ sargaḥ ## Linked texts (1) - [Rasikaramana](https://indike.org/pramana/in.lit.kavya.rasikaramana.11.1) — Raghunātha, Sanskrit --- Source: [https://indike.org/pramana/in.lit.kavya.misc.rasikarmana.11](https://indike.org/pramana/in.lit.kavya.misc.rasikarmana.11) · Pramāṇa