Rasikarmana 12
Rasikarmaṇa 12
- Language
- Sanskrit
Contents
- 12.32 — 1 part
12.1
atha pravakṣyāmi munestu tasya
madhyasthatīrthakramaṇaṃ tapo'gdhe:
kṛpāsamudrasya ca yatpumāṃstu
śrutvā mahāpātakato'pi mucyet
12.2
cacāla tasmād bhramarākhyakuṇḍāt
sa brahmaputraṃ hṛdamājagāma
snātvā ca tatrākhilasiddhavandyastribhuktirājaṃ munirājagāma
12.3
taṃ pūjayitvā vidhivanmunīśa:
sa vāgmatīmāpa nadīṃ mahātmā
snātvā ca tatrākhilaśiṣyavṛndaistasmācca tīrthātsa muniścacāla
12.4
dadarisaṃgamama (vā)pa tato muninikhilaśiṣyagaṇairupaśobhita:
ghunadisaṃgamamā(vā)pa tato hyasau
muniśironatapādayugastataḥ
12.5
sa vaidyanāthaṃ ca munistato'gāttaṃ cāpi natvā sa gayāṃ yayau ca
snātvā ca tatrāpi munīśvaro'sau
kāśīṃ purīṃ samyagiyāya hṛṣṭaḥ
12.6
gaṅgājale tatra muniḥ svaśiṣyai:
snātvā samaṃ hṛṣṭataro mahātmā
śrīviśvanāthaṃ vividhopacārai:
saṃpūjayāmāsa sa dhūpadīpai:
12.7
sa pūjayitvā vidhivanmunīśa:
śrīviśvanāthaṃ girijādhinātham
sadyaḥ svabuddhyā racitena candracūḍāṣṭakenātha nunāva hṛṣṭaḥ
12.8
śrīmannagendratanayāhṛdayaṃgamaṃ taṃ
brahmādibhiḥ samupalālitapādapadmam
śrīviśvanāthamamalaṃ śirasā namāmi
sarvārthasiddhidamahaṃ satataṃ śivākhyam
12.9
nayanatritayacañcaccāruvaktrāmbujaśrīḥ
pramuditasurasaṃghaiḥ sādaraṃ vījyamānaḥ
racitavividhabhūṣo hemasiṃhāsanasthaḥ
kamunakasitadehaḥ (?) candracūḍaḥ sahāyaḥ
12.10
kanakarucirakāntyālaṃkṛtāṃ (21a) kaumadīpra (?)
nṛpatitanayayepadghāsaṃ muktamāsyam (?)
vilasadadharakāntaṃ dhamyaṃtpāsunetraṃ (?)
paraśuḍamaruhastaiścandracūḍaḥ sahāyaḥ
12.11
gaganatatapatadbhāgīrathīnirjharāmbhaḥ–
pulakaruciradeho cārucintāmaṇirmam
daśanarucikalāpasphītagallastha
..............................
12.12
suravaramukuṭāgrasphītamāṇikyadīpti–
jvaladamalapradīpa ×× nīrājyamānaḥ
vikacavanaruhaśrīhanmukhāmbhoruho me
phaṇipatikṛtahāraścandracūḍaḥ sahāyaḥ
12.13
valayakṛtaphaṇīndro nāśitāśeṣatandraḥ
suranikaramahendrodanta ×× śca mandraḥ
garalamapi suvīryaṃ kaṇṭhadeśe dadhānaḥ
suravarakṛtanandaścandracūḍaḥ sahāyaḥ
12.14
kanakakapiśakeśo vanditāṃghrirmaheśo
subhaganayanadeśo yakṣarakṣaḥsureśaḥ
janitarucirahāso nirjitāśeṣakāśo
mama bhavatu sukeśaścandracūḍaḥ sumukhyāḥ . . .
12.15
subhaganayanakāntyā nanditānekabhṛtyaḥ
vigaladamṛtavāgbhirbhaktakāmāndadhānaḥ
sphaṭikaviśadadeho bhasmaliptāṅgayaṣṭiḥ
nayanakumudacandraścandra. . . . . . . . .
12.16
idaṃ candracūḍāṣṭakaṃ ye paṭhanti
trikālaṃ samādhāya cittaṃ maheśe
dhanaṃ dhānyamaiśvaryamatropabhuktvā
labhante ta īśena sāyujyamante
12.17
vārāṇasīnāthamasau munīśaḥ
stutvānamaddaṇḍavadenamittham
kṣitau tataḥ śiṣyasamūhayuktaḥ
tīrthāṭanāyāpi muniḥ pratasthe
12.18
vihāya kāśīṃ sa purīṃ mahātmā
prayāgamāgānmunisiddhabandhaḥ
tīrthādhināthaṃ trinadīsamājo
yatrāsti lokaprathitaḥ saśiṣyaḥ
12.19
snātvā munistatra saśiṣyako'sau
śrīmādhavaṃ devamapūjayadvai
taṃ pūjayitvā vidhivanmunīśaḥ
śiṣyaiḥ parīto mathurāṃ jagāma
12.20
kṛṣṇaṃ samabhyarcya mudānvito'sau
kṛtāśramaṃ tatra sadaiva hṛṣṭaḥ
kālaṃjaraṃ parvatamājagāma
tato muniḥ śiṣyasamūhayuktaḥ
12.21
sa nīlakaṇṭhaṃ vidhivacca natvā
munirgirisadhavalaṃ (?) jagāma
yato nadī sarvatamopahābhūdrevā trilokījanavandyatoyā
12.22
tato jaṭāśaṃkaramā(21b)jagāma
devaṃ trilokījanavandyapādam
śiṣyaiḥ parīto munisaṃghavandyastaṃ cāpi natvā sa muniścacāla
12.23
tato munirmahuradattasaṃjñaṃ
sthānaṃ yayau śiṣyasamāvṛto'sau
sthānācca tasmātkulajāṃ bhavānīṃ
paścānnamaskartumupājagāma
12.24
sa tāṃ namaskṛtya śivāṃ mahātmā
munistatastoraṇamālamaikṣat
dṛṣṭvā munistoraṇamālamārādavantikāmāpa muniśca paścāt
12.25
śivaṃ mahākālamapūjayatsaḥ
śiṣyairupeto munisaṃghavandyaḥ
tatra sthitaṃ lokahitāya siddhastaṃ pūjayitvā ca tataścacāla
12.27
athaikaliṅgaṃ samupājagāma
śiṣyaiḥ parītaḥ sa munirmahātmā
tatpūjayitvā vidhivanmunīśaḥ
sa puṣkaraṃ tīrthamupājagāma
12.28
snātvā ca tatrāpi munirmahātmā
yayau girīśaṃ sa ca sāraṇeśam
siddho namaskartumanalpasiddhistaṃ pūjayitvā ca tataścacāla
12.29
tato muniḥ siddhagaṇādhināthorbudācalaṃ śiṣyagaṇena yuktaḥ
yayau namaskartumanalpasiddhiṃ
siddho'calākhyaṃ śivamatrasaṃstham
12.30
tato'caleśaṃ vidhivatpraṇamya
sa śiṣyavṛndairmunirambikāṃ ca
yayau namaskartumathāpi tāṃ saḥ
saṃpūjayāmāsa bahūpacāraiḥ
12.31
tāṃ pūjayitvā vidhivanmunīśaḥ
kṣetraṃ yayau siddhasamākhyamārāt
sarasvatībindusarovareṣu
snātvābhavatpūrṇamanoratho'sau
12.32
sa lohayaṣṭīṃ samupājagāma
tato muniḥ śiṣyagaṇābhiyātaḥ
snātvā ca tatrāpi munīśvaro'sau
purīṃ punardvāravatīmavāpa
12.32.p1
iti śrīmahāmatisutasya durvāsasaḥ kāvye rasikaramaṇasaṃjñe kaviśrīraghunāthaviracite durvāsaso madhyadeśasthatī rthayātrāvarṇano nāma dvādaśa sargaḥ
Linked texts (1)
- Rasikaramana — Raghunātha, Sanskrit