[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Rasikarmana](https://indike.org/pramana/in.lit.kavya.misc.rasikarmana) › 12 # Rasikarmana 12 Rasikarmaṇa 12 - **Language:** Sanskrit ## Contents - [12.32](https://indike.org/pramana/in.lit.kavya.misc.rasikarmana.12.32) — 1 part ### [12.1](https://indike.org/pramana/in.lit.kavya.misc.rasikarmana.12.1) atha pravakṣyāmi munestu tasya madhyasthatīrthakramaṇaṃ tapo'gdhe: kṛpāsamudrasya ca yatpumāṃstu śrutvā mahāpātakato'pi mucyet ### [12.2](https://indike.org/pramana/in.lit.kavya.misc.rasikarmana.12.2) cacāla tasmād bhramarākhyakuṇḍāt sa brahmaputraṃ hṛdamājagāma snātvā ca tatrākhilasiddhavandyastribhuktirājaṃ munirājagāma ### [12.3](https://indike.org/pramana/in.lit.kavya.misc.rasikarmana.12.3) taṃ pūjayitvā vidhivanmunīśa: sa vāgmatīmāpa nadīṃ mahātmā snātvā ca tatrākhilaśiṣyavṛndaistasmācca tīrthātsa muniścacāla ### [12.4](https://indike.org/pramana/in.lit.kavya.misc.rasikarmana.12.4) dadarisaṃgamama (vā)pa tato muninikhilaśiṣyagaṇairupaśobhita: ghunadisaṃgamamā(vā)pa tato hyasau muniśironatapādayugastataḥ ### [12.5](https://indike.org/pramana/in.lit.kavya.misc.rasikarmana.12.5) sa vaidyanāthaṃ ca munistato'gāttaṃ cāpi natvā sa gayāṃ yayau ca snātvā ca tatrāpi munīśvaro'sau kāśīṃ purīṃ samyagiyāya hṛṣṭaḥ ### [12.6](https://indike.org/pramana/in.lit.kavya.misc.rasikarmana.12.6) gaṅgājale tatra muniḥ svaśiṣyai: snātvā samaṃ hṛṣṭataro mahātmā śrīviśvanāthaṃ vividhopacārai: saṃpūjayāmāsa sa dhūpadīpai: ### [12.7](https://indike.org/pramana/in.lit.kavya.misc.rasikarmana.12.7) sa pūjayitvā vidhivanmunīśa: śrīviśvanāthaṃ girijādhinātham sadyaḥ svabuddhyā racitena candracūḍāṣṭakenātha nunāva hṛṣṭaḥ ### [12.8](https://indike.org/pramana/in.lit.kavya.misc.rasikarmana.12.8) śrīmannagendratanayāhṛdayaṃgamaṃ taṃ brahmādibhiḥ samupalālitapādapadmam śrīviśvanāthamamalaṃ śirasā namāmi sarvārthasiddhidamahaṃ satataṃ śivākhyam ### [12.9](https://indike.org/pramana/in.lit.kavya.misc.rasikarmana.12.9) nayanatritayacañcaccāruvaktrāmbujaśrīḥ pramuditasurasaṃghaiḥ sādaraṃ vījyamānaḥ racitavividhabhūṣo hemasiṃhāsanasthaḥ kamunakasitadehaḥ (?) candracūḍaḥ sahāyaḥ ### [12.10](https://indike.org/pramana/in.lit.kavya.misc.rasikarmana.12.10) kanakarucirakāntyālaṃkṛtāṃ (21a) kaumadīpra (?) nṛpatitanayayepadghāsaṃ muktamāsyam (?) vilasadadharakāntaṃ dhamyaṃtpāsunetraṃ (?) paraśuḍamaruhastaiścandracūḍaḥ sahāyaḥ ### [12.11](https://indike.org/pramana/in.lit.kavya.misc.rasikarmana.12.11) gaganatatapatadbhāgīrathīnirjharāmbhaḥ– pulakaruciradeho cārucintāmaṇirmam daśanarucikalāpasphītagallastha .............................. ### [12.12](https://indike.org/pramana/in.lit.kavya.misc.rasikarmana.12.12) suravaramukuṭāgrasphītamāṇikyadīpti– jvaladamalapradīpa ×× nīrājyamānaḥ vikacavanaruhaśrīhanmukhāmbhoruho me phaṇipatikṛtahāraścandracūḍaḥ sahāyaḥ ### [12.13](https://indike.org/pramana/in.lit.kavya.misc.rasikarmana.12.13) valayakṛtaphaṇīndro nāśitāśeṣatandraḥ suranikaramahendrodanta ×× śca mandraḥ garalamapi suvīryaṃ kaṇṭhadeśe dadhānaḥ suravarakṛtanandaścandracūḍaḥ sahāyaḥ ### [12.14](https://indike.org/pramana/in.lit.kavya.misc.rasikarmana.12.14) kanakakapiśakeśo vanditāṃghrirmaheśo subhaganayanadeśo yakṣarakṣaḥsureśaḥ janitarucirahāso nirjitāśeṣakāśo mama bhavatu sukeśaścandracūḍaḥ sumukhyāḥ . . . ### [12.15](https://indike.org/pramana/in.lit.kavya.misc.rasikarmana.12.15) subhaganayanakāntyā nanditānekabhṛtyaḥ vigaladamṛtavāgbhirbhaktakāmāndadhānaḥ sphaṭikaviśadadeho bhasmaliptāṅgayaṣṭiḥ nayanakumudacandraścandra. . . . . . . . . ### [12.16](https://indike.org/pramana/in.lit.kavya.misc.rasikarmana.12.16) idaṃ candracūḍāṣṭakaṃ ye paṭhanti trikālaṃ samādhāya cittaṃ maheśe dhanaṃ dhānyamaiśvaryamatropabhuktvā labhante ta īśena sāyujyamante ### [12.17](https://indike.org/pramana/in.lit.kavya.misc.rasikarmana.12.17) vārāṇasīnāthamasau munīśaḥ stutvānamaddaṇḍavadenamittham kṣitau tataḥ śiṣyasamūhayuktaḥ tīrthāṭanāyāpi muniḥ pratasthe ### [12.18](https://indike.org/pramana/in.lit.kavya.misc.rasikarmana.12.18) vihāya kāśīṃ sa purīṃ mahātmā prayāgamāgānmunisiddhabandhaḥ tīrthādhināthaṃ trinadīsamājo yatrāsti lokaprathitaḥ saśiṣyaḥ ### [12.19](https://indike.org/pramana/in.lit.kavya.misc.rasikarmana.12.19) snātvā munistatra saśiṣyako'sau śrīmādhavaṃ devamapūjayadvai taṃ pūjayitvā vidhivanmunīśaḥ śiṣyaiḥ parīto mathurāṃ jagāma ### [12.20](https://indike.org/pramana/in.lit.kavya.misc.rasikarmana.12.20) kṛṣṇaṃ samabhyarcya mudānvito'sau kṛtāśramaṃ tatra sadaiva hṛṣṭaḥ kālaṃjaraṃ parvatamājagāma tato muniḥ śiṣyasamūhayuktaḥ ### [12.21](https://indike.org/pramana/in.lit.kavya.misc.rasikarmana.12.21) sa nīlakaṇṭhaṃ vidhivacca natvā munirgirisadhavalaṃ (?) jagāma yato nadī sarvatamopahābhūdrevā trilokījanavandyatoyā ### [12.22](https://indike.org/pramana/in.lit.kavya.misc.rasikarmana.12.22) tato jaṭāśaṃkaramā(21b)jagāma devaṃ trilokījanavandyapādam śiṣyaiḥ parīto munisaṃghavandyastaṃ cāpi natvā sa muniścacāla ### [12.23](https://indike.org/pramana/in.lit.kavya.misc.rasikarmana.12.23) tato munirmahuradattasaṃjñaṃ sthānaṃ yayau śiṣyasamāvṛto'sau sthānācca tasmātkulajāṃ bhavānīṃ paścānnamaskartumupājagāma ### [12.24](https://indike.org/pramana/in.lit.kavya.misc.rasikarmana.12.24) sa tāṃ namaskṛtya śivāṃ mahātmā munistatastoraṇamālamaikṣat dṛṣṭvā munistoraṇamālamārādavantikāmāpa muniśca paścāt ### [12.25](https://indike.org/pramana/in.lit.kavya.misc.rasikarmana.12.25) śivaṃ mahākālamapūjayatsaḥ śiṣyairupeto munisaṃghavandyaḥ tatra sthitaṃ lokahitāya siddhastaṃ pūjayitvā ca tataścacāla ### [12.27](https://indike.org/pramana/in.lit.kavya.misc.rasikarmana.12.27) athaikaliṅgaṃ samupājagāma śiṣyaiḥ parītaḥ sa munirmahātmā tatpūjayitvā vidhivanmunīśaḥ sa puṣkaraṃ tīrthamupājagāma ### [12.28](https://indike.org/pramana/in.lit.kavya.misc.rasikarmana.12.28) snātvā ca tatrāpi munirmahātmā yayau girīśaṃ sa ca sāraṇeśam siddho namaskartumanalpasiddhistaṃ pūjayitvā ca tataścacāla ### [12.29](https://indike.org/pramana/in.lit.kavya.misc.rasikarmana.12.29) tato muniḥ siddhagaṇādhināthorbudācalaṃ śiṣyagaṇena yuktaḥ yayau namaskartumanalpasiddhiṃ siddho'calākhyaṃ śivamatrasaṃstham ### [12.30](https://indike.org/pramana/in.lit.kavya.misc.rasikarmana.12.30) tato'caleśaṃ vidhivatpraṇamya sa śiṣyavṛndairmunirambikāṃ ca yayau namaskartumathāpi tāṃ saḥ saṃpūjayāmāsa bahūpacāraiḥ ### [12.31](https://indike.org/pramana/in.lit.kavya.misc.rasikarmana.12.31) tāṃ pūjayitvā vidhivanmunīśaḥ kṣetraṃ yayau siddhasamākhyamārāt sarasvatībindusarovareṣu snātvābhavatpūrṇamanoratho'sau ### [12.32](https://indike.org/pramana/in.lit.kavya.misc.rasikarmana.12.32) sa lohayaṣṭīṃ samupājagāma tato muniḥ śiṣyagaṇābhiyātaḥ snātvā ca tatrāpi munīśvaro'sau purīṃ punardvāravatīmavāpa ### [12.32.p1](https://indike.org/pramana/in.lit.kavya.misc.rasikarmana.12.32.p1) iti śrīmahāmatisutasya durvāsasaḥ kāvye rasikaramaṇasaṃjñe kaviśrīraghunāthaviracite durvāsaso madhyadeśasthatī rthayātrāvarṇano nāma dvādaśa sargaḥ ## Linked texts (1) - [Rasikaramana](https://indike.org/pramana/in.lit.kavya.rasikaramana.12.1) — Raghunātha, Sanskrit --- Source: [https://indike.org/pramana/in.lit.kavya.misc.rasikarmana.12](https://indike.org/pramana/in.lit.kavya.misc.rasikarmana.12) · Pramāṇa