[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Rasikarmana](https://indike.org/pramana/in.lit.kavya.misc.rasikarmana) › 13 # Rasikarmana 13 Rasikarmaṇa 13 - **Language:** Sanskrit ## Contents - [13.28](https://indike.org/pramana/in.lit.kavya.misc.rasikarmana.13.28) — 1 part ### [13.1](https://indike.org/pramana/in.lit.kavya.misc.rasikarmana.13.1) (22a) athāgato dvāravatīṃ purīṃ ca catuṣpathe sarvanamaskṛto'sau saṃśobhamānaṃ svamaṭhaṃ viveśa śiṣyaiḥ parītaḥ khalu siddhavandyaḥ ### [13.2](https://indike.org/pramana/in.lit.kavya.misc.rasikarmana.13.2) tatra praviśyākhilasiddhavandyaḥ snānādi sarvaṃ vidhivacca kṛtvā trivikramaṃ devamapi praṇamya śiṣyaiḥ parīto bubhuje muniḥ saḥ ### [13.3](https://indike.org/pramana/in.lit.kavya.misc.rasikarmana.13.3) bhuktvā svaśiṣyairupaśobhamāno'nnāni svarucyābhimatāni siddhaḥ yāvatsa śuddhācamanaṃ cakāra tāvattu siddhaiḥ kṛtamāsanaṃ sat ### [13.4](https://indike.org/pramana/in.lit.kavya.misc.rasikarmana.13.4) bhuktvopaklṛpte'dbhuta āsane'sau sthitaścakāse kila śiṣyavṛndaiḥ saṃsevyamāno vibudhairyathendraḥ kaiścitstuvadbhiḥ stutibhiḥ suhṛṣṭaiḥ ### [13.5](https://indike.org/pramana/in.lit.kavya.misc.rasikarmana.13.5) ḷmatpaṭṭakūlādibhiḥ śobhamānaṃ svaśiṣyaiḥ mamantācca maṃsevyamānam samīyurnamaskartumenaṃ hi lokāḥ purīdvārakāvāsinastyaktaśokāḥ ### [13.6](https://indike.org/pramana/in.lit.kavya.misc.rasikarmana.13.6) pratidinamakalaṅkaṃ dvārakāvāsinaste tamupayayuradhīśaṃ bālavṛddhāḥ prahṛṣṭāḥ namitumakhilayatīndrairvanditāṃghriṃ munīśaṃ kanakamaṇisumuktopāyanāni pragṛhya ### [13.7](https://indike.org/pramana/in.lit.kavya.misc.rasikarmana.13.7) saṃpūjyamāne munisiddhavandye durvāsasītthaṃ nṛpatistadānīm taṃ pratyahaṃ nāgarikaiḥ prahṛṣṭaiḥ siddheśvaraṃ hṛṣṭataro'śṛṇodvai ### [13.8](https://indike.org/pramana/in.lit.kavya.misc.rasikarmana.13.8) upāyanāni pratigṛhya hṛṣṭaḥ śrutvā nṛpo'gānmaṭhamasya vipraiḥ sākaṃ namaskartumanalpasiddhiṃ durvāsasaṃ śiṣyagaṇairupetam ### [13.9](https://indike.org/pramana/in.lit.kavya.misc.rasikarmana.13.9) nṛpo maṭhadvāri vyatiṣṭhatāmuṃ siddheśvaraṃ namituṃ mahātmā āgatya taddarśanamatra nāpa (22b) punaḥ supuṇyena janena dṛśyam ### [13.10](https://indike.org/pramana/in.lit.kavya.misc.rasikarmana.13.10) tatra sthitasyaiva nṛpasya tasya sūryo'stamāgānnṛpatistato'sau yayāvamātyairvahubhiḥ parīto gṛhaṃ svakaṃ svāghamanusmaranvai ### [13.11](https://indike.org/pramana/in.lit.kavya.misc.rasikarmana.13.11) rātrau gatāyāṃ nṛpatiḥ prabhāte kṛtvāhnikaṃ karma munīśvarasya punarmaṭhadvāramupājagāma durvāsaso darśanamāpa naiva ### [13.12](https://indike.org/pramana/in.lit.kavya.misc.rasikarmana.13.12) itthaṃ munīśaṃ nṛpatestu tasya draṣṭuṃ prayatnaṃ munisiddhavandyam prakurvato'sustriguṇāni sapta dinānyamātyādigaṇairyutasya ### [13.13](https://indike.org/pramana/in.lit.kavya.misc.rasikarmana.13.13) dvārviṃśake'sau nṛpatirmaṭhasya draṣṭuṃ sthito dvāri janānuyātaḥ munarahorātramamuṃ mahātmā durvāsasaṃ siddhagaṇānuyātam ### [13.14](https://indike.org/pramana/in.lit.kavya.misc.rasikarmana.13.14) prātaḥ samutthāya munistu yāvat trivikramaṃ saṃnamituṃ sa yāti tāvanmaṭhadvāri nṛpaḥ sthito'sau durvāsaso darśanamāpa bhāgyāt ### [13.15](https://indike.org/pramana/in.lit.kavya.misc.rasikarmana.13.15) durvāsasaṃ taṃ nṛpatiḥ sa dṛṣṭvā harṣāśrunetro munimānanāma stuvansvabhāgyaṃ svajanānuyātaḥ sūpāyanānyagrata eva muktvā ### [13.16](https://indike.org/pramana/in.lit.kavya.misc.rasikarmana.13.16) pratyarcito'sau muninā ca tena nṛpo babhūvātitarāṃ prahṛṣṭaḥ provāca taṃ cāpi munīśvaraṃ vai rājeti vākyaṃ svagaṇānuyātam ### [13.17](https://indike.org/pramana/in.lit.kavya.misc.rasikarmana.13.17) anugrahaṃ kartumihārhasi tvaṃ mahyaṃ mahātman śubhamantradānāt rājño vacaścetthamanalpasiddhirmunirniśamyedamuvāca bhūpam ### [13.18](https://indike.org/pramana/in.lit.kavya.misc.rasikarmana.13.18) trivikramaṃ devamahaṃ prapūjya dāsyāmi mantraṃ tvamiha kṣitīśa tubhyaṃ hi tāvatsvajanānuyātaḥ sthito bhavāmātyagaṇaiśca yuktaḥ ### [13.19](https://indike.org/pramana/in.lit.kavya.misc.rasikarmana.13.19) (23a) rājānamitthaṃ sa munistamuktvā trivikramaṃ pūjayituṃ cacāla śiṣyaiḥ parītaḥ sa nṛpaśca tatra maṭhe sthito'bhūtsvagaṇopayuktaḥ ### [13.20](https://indike.org/pramana/in.lit.kavya.misc.rasikarmana.13.20) sa gomatīvāriṇi śiṣyavṛndaiḥ snātvā samaṃ dvāravatīpatiṃ ca trivikramaṃ devamapūjayadvai munirmahātmā vividhopacāraiḥ ### [13.21](https://indike.org/pramana/in.lit.kavya.misc.rasikarmana.13.21) sa pūjayitvā vidhivattrilokīnāthaṃ munirdevamanalpasiddhiḥ trivikramaṃ svaṃ maṭhamājagāma śiṣyaiḥ parītaḥ kṣitipena dṛṣṭaḥ ### [13.22](https://indike.org/pramana/in.lit.kavya.misc.rasikarmana.13.22) tato maṭhaṃ svaṃ sa muniḥ praviśya rājñe dadau mantramanalpasiddhim dravyaṃ sa datvā gurudakṣiṇārthe bahu, svakaṃ sadma yayau sa hṛṣṭaḥ ### [13.23](https://indike.org/pramana/in.lit.kavya.misc.rasikarmana.13.23) itthaṃ munīśasya babhūva śiṣyo nṛpaḥ sa cāmātyagaṇānuyātaḥ rājñārcito'sau svamaṭhe'vasadvai svaśiṣyayuktaḥ paripūrṇalakṣmīḥ ### [13.24](https://indike.org/pramana/in.lit.kavya.misc.rasikarmana.13.24) munirmaṭhe sve tu vasaṃśca cakrenivāritānnasya suhṛṣṭacittaḥ saṃkalpamārādakhilārthasiddhiḥ kṣitīśvareṇānudinaṃ niyuktaḥ ### [13.25](https://indike.org/pramana/in.lit.kavya.misc.rasikarmana.13.25) sa dvārakāyāṃ svamaṭhe vasaṃstu kṛtvānnadānasya muniḥ prahṛṣṭaḥ saṃkalpamatrāpi cakāra dānamannasya siddheśvaravandyapādaḥ ### [13.26](https://indike.org/pramana/in.lit.kavya.misc.rasikarmana.13.26) vavarṣa so'nnena mahāguṇena pakvena vā''mrena ca śiṣyayuktaḥ yathāmbudo vāribhiratra loke kṛpāsamudraḥ sakalārthasiddhiḥ ### [13.27](https://indike.org/pramana/in.lit.kavya.misc.rasikarmana.13.27) jane'psitārthaṃ pradadāti nityamaudāryavārāṃnidhirāryavandyaḥ munīśvaraḥ śiṣyagaṇānuyātastrailokyaduḥkhāpahaśceśvaraśca ### [13.28](https://indike.org/pramana/in.lit.kavya.misc.rasikarmana.13.28) itthaṃ kurvaṃstri (23a) bhuvanajanaṃ saukhyapātraṃ munīśotyarthaṃ śiṣyaiḥ parita urubhiḥ sūpaviṣṭaistvaśobhan durvāsāḥ śrīguṇagaṇayaśodhāmanāmādhipatyamadhyāste'sau tapasi nitarāṃ saṃsthitānāṃ munīnām ### [13.28.p1](https://indike.org/pramana/in.lit.kavya.misc.rasikarmana.13.28.p1) iti śrīmahāmatisutasya durvāsasaḥ kāvye rasikaramaṇasaṃjñe kaviśrīraghunāthaviracite durvāsaso'nnāritānnadāno nāma trayodaśaḥ sargaḥ ## Linked texts (1) - [Rasikaramana](https://indike.org/pramana/in.lit.kavya.rasikaramana.13.1) — Raghunātha, Sanskrit --- Source: [https://indike.org/pramana/in.lit.kavya.misc.rasikarmana.13](https://indike.org/pramana/in.lit.kavya.misc.rasikarmana.13) · Pramāṇa