[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Rasikarmana](https://indike.org/pramana/in.lit.kavya.misc.rasikarmana) › 14 # Rasikarmana 14 Rasikarmaṇa 14 - **Language:** Sanskrit ## Contents - [14.39](https://indike.org/pramana/in.lit.kavya.misc.rasikarmana.14.39) — 1 part ### [14.1](https://indike.org/pramana/in.lit.kavya.misc.rasikarmana.14.1) athaikadā tāpasaṃghavandyaṃ durvāsasaṃ jñānataponidhānam śiṣyāḥ prabaddhāñjalayo'nvapṛcchajjijñāsavastattvamiti praṇamya ### [14.2](https://indike.org/pramana/in.lit.kavya.misc.rasikarmana.14.2) svāmiñjanānāṃ vividhā hi ceṣṭāḥ kasmād bhavantīha munīśavandya paṭcakrabhedaśca kathaṃ vibho naḥ kutra sthitānīti vadasva śiṣyān ### [14.3](https://indike.org/pramana/in.lit.kavya.misc.rasikarmana.14.3) cakreṣu devāḥ kati santi yuktā nāmnā ca ke tāpasaṃghasevya jīvastvahorātramanuśvasanvai śvāsānkarotīha katipramāṇān ### [14.4](https://indike.org/pramana/in.lit.kavya.misc.rasikarmana.14.4) iti sma pṛṣṭo munināyako'sau śiṣyaiḥ sa tānāha suhṛṣṭacittaḥ sukhaṃ sthito lokahitāya cakrabhedaṃ svadehānugataṃ mahātmā ### [14.5](https://indike.org/pramana/in.lit.kavya.misc.rasikarmana.14.5) śiṣyāḥ śṛṇudhvaṃ jagato hitāya ṣaṭcakrabhedaṃ vidhivad bravīmi yaṃ bhedamājñāya janaḥ sukhena gacchetparaṃ brahma nirāmayaṃ vai ### [14.6](https://indike.org/pramana/in.lit.kavya.misc.rasikarmana.14.6) pattrāṇi cakreṣvapi śāstrato vai yāvanti putrāḥ pratipāditā(ni) ṣaṭsu pravakṣyāmi ca cakradevān dehasthiteṣu kramaśaḥ śṛṇudhvam ### [14.7](https://indike.org/pramana/in.lit.kavya.misc.rasikarmana.14.7) sthānāni ṣaṇṇāṃ vidhivad bra(24a)vīmi śiṣyāḥ śṛṇudhvaṃ śubhavāsanātaḥ jāpyaṃ ca teṣu pratipāditaṃ cakāṇāṃ munīśā jagato hitāya ### [14.8](https://indike.org/pramana/in.lit.kavya.misc.rasikarmana.14.8) ṣaṭcakrasaṃsthānkhalu mātṛkārṇān ṣaṭcakravarṇāśca viśuddhadehāḥ bravīmyahorātrata eva jīvaḥ śvāsāṃśca yāvatprakaroti haṃsaḥ ### [14.9](https://indike.org/pramana/in.lit.kavya.misc.rasikarmana.14.9) dhyānaṃ ca haṃsasya tapaḥsuniṣṭhāḥ pravacmi śāstrānugataṃ śubhāṅgāḥ śārīrakaṃ sarvamidaṃ śṛṇudhvaṃ śrutvā ca yatpāpabhayātpramucyet ### [14.10](https://indike.org/pramana/in.lit.kavya.misc.rasikarmana.14.10) hṛtpaṅkajakṛtāvāso haṃso jīvaḥ parātparaḥ haṃsa haṃseti haṃseti svātmānaṃ japate sadā ### [14.11](https://indike.org/pramana/in.lit.kavya.misc.rasikarmana.14.11) bahiryāti hakāreṇa sakāreṇa viśatyapi mo'haṃ haṃseti haṃso'yaṃ jīvo japati sarvadā ### [14.12](https://indike.org/pramana/in.lit.kavya.misc.rasikarmana.14.12) ahorātreṇa jīvo'yamitisaṃkhyaṃ prajalpati ekaviṃśatsahasraṃ tu ṣaṭśatairadhikaṃ vibhuḥ ### [14.13](https://indike.org/pramana/in.lit.kavya.misc.rasikarmana.14.13) hṛtpadmakṛtasaṃvāso haṃso nityaṃ prajalpati imaṃ mantraṃ mahāmantraṃ sarvasiddhipradāyakam ### [14.14](https://indike.org/pramana/in.lit.kavya.misc.rasikarmana.14.14) mantradevānpravakṣyāmi tacchaktīśca vidhānataḥ saṃkhyāṃ caiva tu mantrasya samarpaṇavidheḥ kramāt ### [14.15](https://indike.org/pramana/in.lit.kavya.misc.rasikarmana.14.15) etatsarvaṃ pravakṣyāmi śṛṇudhvaṃ kṛtasauhṛdāḥ yattu sarvaṃ naro jñātvā kṛtakṛtyo'bhijāyate ### [14.16](https://indike.org/pramana/in.lit.kavya.misc.rasikarmana.14.16) guda ādhāracakraṃ syādraktavarṇaṃ caturdalam caturmātṛkasaṃyuktaṃ daśakhaṃ samitikramāt ### [14.17](https://indike.org/pramana/in.lit.kavya.misc.rasikarmana.14.17) jñeyo gaṇapatirdevaḥ siddhibuddhī ca śaktike atra cakre purā prokte munibhistattvadarśibhiḥ ### [14.18](https://indike.org/pramana/in.lit.kavya.misc.rasikarmana.14.18) atra devaṃ gaṇapatiṃ vidhivatpūjya sādhakaḥ nivedayetṣaṭśataṃ vai japaṃ vighnopaśāntaye ### [14.19](https://indike.org/pramana/in.lit.kavya.misc.rasikarmana.14.19) svādhiṣṭhānaṃ tu cakraṃ syāliṅge (24b) ṣaṭdalasaṃyutam pītavarṇaṃ ca ṣaḍbhistu mātṛkārṇairupaskṛtam ### [14.20](https://indike.org/pramana/in.lit.kavya.misc.rasikarmana.14.20) vakārādilakārāntairmastake bindubhūṣitaiḥ atra brahmādhidavaṃ (devaḥ) syātsāvitrī śaktirucyate ### [14.21](https://indike.org/pramana/in.lit.kavya.misc.rasikarmana.14.21) atra saṃpūjya vidhivad brahmāṇaṃ sādhakottamaḥ nivedayetṣaṭsahasraṃ japaṃ sṛṣṭacarthameva tu ### [14.22](https://indike.org/pramana/in.lit.kavya.misc.rasikarmana.14.22) nābhyāṃ ca tadvanmaṇipūrakākhyaṃ cakraṃ tu nīlotpalasaṃnibhaṃ tat dalairupetaṃ daśabhistu varṇaiḥ– × × virājaddaśabhirdhaphāntaiḥ ### [14.23](https://indike.org/pramana/in.lit.kavya.misc.rasikarmana.14.23) atra devo mahāviṣṇurucyate śaktirindirā saṃpūjayenmahābhaktyā viṣṇumatra ca mānavaḥ ### [14.24](https://indike.org/pramana/in.lit.kavya.misc.rasikarmana.14.24) saṃpūjya vidhivad bhaktyā mahāviṣṇuṃ narottamaḥ nivedayetṣaṭsahasraṃ japamātmaviśuddhaye ### [14.25](https://indike.org/pramana/in.lit.kavya.misc.rasikarmana.14.25) hṛdaye'nāhataṃ cakraṃ śvetavarṇaṃ mahatprabham dalairdvādaśabhiryuktaṃ dvādaśārṇaiḥ kaṭhāntagaiḥ ### [14.26](https://indike.org/pramana/in.lit.kavya.misc.rasikarmana.14.26) mātṛkāyā binduyuktairatra daivatamucyate rudro bhavānī śaktiśca purā proktā mumukṣubhiḥ ### [14.27](https://indike.org/pramana/in.lit.kavya.misc.rasikarmana.14.27) śivamatra tu saṃpūjya vidhivanmunipuṃgavaḥ nivedayetṣaṭsahasraṃ japaṃ sarvārthasiddhaye ### [14.28](https://indike.org/pramana/in.lit.kavya.misc.rasikarmana.14.28) kaṇṭhe viśuddhicakraṃ tu dhūmravarṇaṃ virājate dalaiḥ ṣoḍaśabhiryuktaṃ taccakraṃ parikīrtitam ### [14.29](https://indike.org/pramana/in.lit.kavya.misc.rasikarmana.14.29) svaraiḥ ṣoḍaśabhiryuktaṃ jīvastatrādhidaivatam avidyāśaktitaratroktā munibhistattvadarśibhiḥ ### [14.30](https://indike.org/pramana/in.lit.kavya.misc.rasikarmana.14.30) atra jīvaṃ vidhānena saṃpūjya munipuṃgavaḥ japamekaṃ sahasraṃ tu jāpakaḥ saṃnivedayet ### [14.31](https://indike.org/pramana/in.lit.kavya.misc.rasikarmana.14.31) ājñācakraṃ ca bhrūmadhye sthitaṃ māṇikyasaṃnibham dvidalaṃ haṃkṣamiti ca mātṛkārṇairapi (25a) śobhitam ### [14.32](https://indike.org/pramana/in.lit.kavya.misc.rasikarmana.14.32) devaḥ syātparamātmātra māyā śaktirudāhṛtā munibhiḥ sanakādyaistu munibhistattvadarśibhiḥ ### [14.33](https://indike.org/pramana/in.lit.kavya.misc.rasikarmana.14.33) saṃpūjya paramātmānamatra cakre munīśvarāḥ japamekaṃ sahasraṃ tu jāpakaḥ saṃnivedayet ### [14.34](https://indike.org/pramana/in.lit.kavya.misc.rasikarmana.14.34) golhāṭamaṇḍale (?) tadvad brahmarandhrākhyamuttamam cakraṃ prakāśabahulaṃ sarvavarṇasamanvitam ### [14.35](https://indike.org/pramana/in.lit.kavya.misc.rasikarmana.14.35) sahasraistu dalairyuktaṃ mātṛkārṇairupaskṛtam svaraiśca sarvaiḥ saṃyuktaṃ taccakraṃ parikīrtitam ### [14.36](https://indike.org/pramana/in.lit.kavya.misc.rasikarmana.14.36) atra devo gururjñeyo jñānaṃ śaktiḥ prakīrtitā jñānibhirmunibhiścātra dehajñānaparāyaṇaiḥ ### [14.37](https://indike.org/pramana/in.lit.kavya.misc.rasikarmana.14.37) atra saṃpūjya vidhivad guruṃ tasmai munīśvaraḥ nivedayetsahasraṃ tu japaṃ sarvārthasiddhaye ### [14.38](https://indike.org/pramana/in.lit.kavya.misc.rasikarmana.14.38) śarīracakrasthitimitthamatra yo veda nityaṃ puruṣastu dhīmān jīvasvarūpaṃ ca mahābhimantraṃ jīvena nityaṃ parijapyamānam ### [14.39](https://indike.org/pramana/in.lit.kavya.misc.rasikarmana.14.39) sa jñānavānmuktasamastabandhaḥ sukhena brahma pratiyāti siddhaḥ yaścakrabhedaṃ ca pumān śṛṇoti jīvanvimuktaḥ sa bhavenmṛṣā na ### [14.39.p1](https://indike.org/pramana/in.lit.kavya.misc.rasikarmana.14.39.p1) iti śrīmahāmatisutasya durvāsasaḥ kāvye rasikaramaṇasaṃjñe kaviśrīraghunāthaviracite durvāsasā kṛtapaṭcakranirūpaṇo nāma caturdaśaḥ sargaḥ ## Linked texts (1) - [Rasikaramana](https://indike.org/pramana/in.lit.kavya.rasikaramana.14.1) — Raghunātha, Sanskrit --- Source: [https://indike.org/pramana/in.lit.kavya.misc.rasikarmana.14](https://indike.org/pramana/in.lit.kavya.misc.rasikarmana.14) · Pramāṇa