[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Rasikarmana](https://indike.org/pramana/in.lit.kavya.misc.rasikarmana) › 15 # Rasikarmana 15 Rasikarmaṇa 15 - **Language:** Sanskrit ## Contents - [15.40](https://indike.org/pramana/in.lit.kavya.misc.rasikarmana.15.40) — 1 part ### [15.1](https://indike.org/pramana/in.lit.kavya.misc.rasikarmana.15.1) atha pravakṣyāmi viṣādaharṣe— svapnapramādeṣu yadasti tathyam tatkāraṇaṃ lokahitāya śiṣyā nṛṇāṃ viditvaitadaghādvimucyet ### [15.2](https://indike.org/pramana/in.lit.kavya.misc.rasikarmana.15.2) hṛtkañjamadhye'ṣṭadalaṃ hi padmaṃ rekhātrayodbhāsitamuccakāsti (25b) jīvastu tanmadhyagato'sti haṃso jyotiḥsvarūpaḥ satataṃ prasiddhaḥ ### [15.3](https://indike.org/pramana/in.lit.kavya.misc.rasikarmana.15.3) tatra sthito'sau jīvātmā ceṣṭāṃ saṃsārakāriṇīm karoti manyate cāhaṃ karteti satataṃ tu saḥ ### [15.4](https://indike.org/pramana/in.lit.kavya.misc.rasikarmana.15.4) tasminpadme sthito jīvo yadā pūrvadale ramet taddalaṃ śvetavarṇaṃ tu tadā dharme matirbhavet ### [15.5](https://indike.org/pramana/in.lit.kavya.misc.rasikarmana.15.5) āgneye tu dale jīvo yadā viśramate vibhuḥ raktavarṇaṃ ca tat jñeyaṃ dalaṃ taptāyasopamam ### [15.6](https://indike.org/pramana/in.lit.kavya.misc.rasikarmana.15.6) tadā hyālasyanidrāyāṃ matirbhavati nānyadā yadā ca dakṣiṇadale jīvo viśrāmamācaret ### [15.7](https://indike.org/pramana/in.lit.kavya.misc.rasikarmana.15.7) taddalaṃ kṛṣṇavarṇaṃ syāttadā dveṣe matirbhavet krodhe caiva tu jīvasya taddalasya prabhāvataḥ ### [15.8](https://indike.org/pramana/in.lit.kavya.misc.rasikarmana.15.8) yadā dale naiṛtige jīvo viśrāmamācaret taddalaṃ nīlavarṇaṃ tu tadā pāpamatirbhavet ### [15.9](https://indike.org/pramana/in.lit.kavya.misc.rasikarmana.15.9) yadā ca paścimadale jīvaḥ krīḍāṃ karoti hi taddalaṃ sphāṭikābhaṃ tu tadā krīḍāmatirbhavet ### [15.10](https://indike.org/pramana/in.lit.kavya.misc.rasikarmana.15.10) yadā ca vāyavyadale haṃsaḥ krīḍāṃ samācaret taddalaṃ dhūmravarṇaṃ tu munibhiḥ parikīrtitam ### [15.11](https://indike.org/pramana/in.lit.kavya.misc.rasikarmana.15.11) tadā gamanauccāṭe (?) vairāgye ca matirbhavet jīvānāṃ bhuvi loke tu nātra kāryā vicāraṇā ### [15.12](https://indike.org/pramana/in.lit.kavya.misc.rasikarmana.15.12) yadottaradale jīvo ramate svecchayā vibhuḥ taddalaṃ pītavarṇaṃ ca sādhubhiḥ parikīrtitam ### [15.13](https://indike.org/pramana/in.lit.kavya.misc.rasikarmana.15.13) śṛṅgāre ca sukhe caiva bhoge ca parijāyate nṛṇāṃ buddhirna saṃdehaḥ kāryo bhuvi narottamaḥ ### [15.14](https://indike.org/pramana/in.lit.kavya.misc.rasikarmana.15.14) yadeśānadale jīvaḥ sthitaḥ krīḍati līlayā vaiḍūryasadṛśaṃ tacca dalaṃ sadbhiḥ prakīrtitam ### [15.15](https://indike.org/pramana/in.lit.kavya.misc.rasikarmana.15.15) kṛpāyāṃ cai(26a)va dāne ca dayāyāṃ jāyate matiḥ nṛṇāmiha na saṃdehaḥ prakartavyo mahājanaiḥ ### [15.16](https://indike.org/pramana/in.lit.kavya.misc.rasikarmana.15.16) yadāmau dalasaṃdhi tu jīvo viśramate vibhuḥ tadā hi śleṣmapittādimahāvyādhibhayaṃ bhavet ### [15.17](https://indike.org/pramana/in.lit.kavya.misc.rasikarmana.15.17) yadāsau padmamadhyaṃ tu tiṣṭhate haṃsasaṃjñakaḥ tadānandamavāpnoti jīvo'yaṃ nāsti saṃśayaḥ ### [15.18](https://indike.org/pramana/in.lit.kavya.misc.rasikarmana.15.18) tadā hasatyasau jīvo nṛtyati hyapi gāyati balati krīḍate nityaṃ tenāsau śramavānbhavet ### [15.19](https://indike.org/pramana/in.lit.kavya.misc.rasikarmana.15.19) śramanirharaṇāyāsau haṃso rekhāṃ śrayatyatha prathamā sā tu bandhūkapuṣpavarṇā ca rekhakā ### [15.20](https://indike.org/pramana/in.lit.kavya.misc.rasikarmana.15.20) nidrāvasthāṃ tadā jīvaḥ prāpnotīti viniścayaḥ nidrāvasthāṃ śrito jīvo vividhāṃ kalpanāṃ bhajet ### [15.21](https://indike.org/pramana/in.lit.kavya.misc.rasikarmana.15.21) dṛṣṭaśrutānubhāvena kurute kalpanāṃ naraḥ kalpanākulacittastu haṃsaḥ syāt śramakarśitaḥ ### [15.22](https://indike.org/pramana/in.lit.kavya.misc.rasikarmana.15.22) śramanirharaṇāyāsau punā rekhāṃ śrito bhavet dvitīyāṃ haṃsasaṃjño'sau jīvaḥ saṃsārasaṃsthitaḥ ### [15.23](https://indike.org/pramana/in.lit.kavya.misc.rasikarmana.15.23) indragopanibhā rekhā dvitīyā parikīrtitā tadā suṣuptyavasthā syānnṛṇāṃ nāstyatra saṃśayaḥ ### [15.24](https://indike.org/pramana/in.lit.kavya.misc.rasikarmana.15.24) sā śuddhā nirmalā śāntāvasthā tu parikīrtitā tadā jīvasya bhavati paramaṃ sukhamuttamam ### [15.25](https://indike.org/pramana/in.lit.kavya.misc.rasikarmana.15.25) yadā tṛtīyarekhāyāṃ krīḍanhaṃso'bhiyāti hi sā rekhā padmavarṇābhā sādhubhiḥ parikīrtitā ### [15.26](https://indike.org/pramana/in.lit.kavya.misc.rasikarmana.15.26) tadāvasthā turīyā syānnityabodhasvarūpiṇī sāvasthā viditā loke haṃsastatsthaḥ sukhī bhavet ### [15.27](https://indike.org/pramana/in.lit.kavya.misc.rasikarmana.15.27) tatrasthaḥ khalu haṃso'sāvātmānaṃ vindate param kṛtakṛtyo (26b) bhaveddhaṃsastataḥ kiṃcana na smaret ### [15.28](https://indike.org/pramana/in.lit.kavya.misc.rasikarmana.15.28) cakraṃ mayaitatsarvaṃ hi yatpṛṣṭaṃ māṃ munīśvarāḥ yadanyacchrotukāmāḥ stha tatpṛcchantu mamājñayā ### [15.29](https://indike.org/pramana/in.lit.kavya.misc.rasikarmana.15.29) hetuṃ janānāṃ vividhāsu ceṣṭā— sūktaṃ niśamya prabhuṇā suhṛṣṭāḥ durvāsasaṃ procuriti praṇamya punaḥ prabaddhāñjalayastu śiṣyāḥ ### [15.30](https://indike.org/pramana/in.lit.kavya.misc.rasikarmana.15.30) kiṃ yogakarmātra manuṣyaloke proktaṃ prabho sarvasukhaikadhāma aṣṭāṅgayogaśca kathaṃ bhavedvai tannaḥ samācakṣva dayānidhāna ### [15.31](https://indike.org/pramana/in.lit.kavya.misc.rasikarmana.15.31) mahāmudrāḥ kati proktā munīnāṃ siddhidāyakāḥ prāṇāyāmaśca katidhā loke'sminkathito bhavet ### [15.32](https://indike.org/pramana/in.lit.kavya.misc.rasikarmana.15.32) itthaṃ sa śiṣyaiḥ paripṛṣṭa etān munirbabhāṣe karuṇaikadhāma yogādhvanaḥ pāragacittavṛtti— bho bhoḥ suśiṣyā vacanaṃ śṛṇudhvam ### [15.33](https://indike.org/pramana/in.lit.kavya.misc.rasikarmana.15.33) pravrajya gehājjanasaṃgahīne deśe sthito yogamupāśrayeta sukhāsanasthaḥ samadṛk praśāntaḥ svanāsikāgrārpitanetravṛttiḥ ### [15.34](https://indike.org/pramana/in.lit.kavya.misc.rasikarmana.15.34) itthaṃ prakalpyāsanamātmano vai kṛśaiṇyavastraiḥ kramato muniḥ saḥ padmāsanasthaḥ svaśarīrakaṃ ca samaṃ subibhran praṇavaṃ japet ### [15.35](https://indike.org/pramana/in.lit.kavya.misc.rasikarmana.15.35) tatrāsane maunadharaḥ sa yogī prāṇānniyamyānavalokayaṃśca diśaḥ sthitaḥ pūrakakumbhakādikrameṇa citte praṇavaṃ vidadhyāt ### [15.36](https://indike.org/pramana/in.lit.kavya.misc.rasikarmana.15.36) nee rīnālako jāyikarmoditaṃ bhāṭikā yogamārgapraśastā recakaḥ pūrakaḥ kumbhakaśceti bhoḥ prāṇarodhaprakārā: smṛtāḥ syuḥ ### [15.37](https://indike.org/pramana/in.lit.kavya.misc.rasikarmana.15.37) mahāmudrakā: pañca cāpi praśastā: puna(27a)stā bravāṇi prayatnāt śṛṇudhvam cācarī bhojarī khecarīti praśastonmanīmudrakā'gocarīti ### [15.38](https://indike.org/pramana/in.lit.kavya.misc.rasikarmana.15.38) śaṃkhamudrā punarbhenamudrā punaḥbrahmamudrā punanagamudrā jñānamudreti pañcānyamudrāḥ khalu jñānibhirmuktaye syuḥ pradipṭāḥ ### [15.39](https://indike.org/pramana/in.lit.kavya.misc.rasikarmana.15.39) āsanaṃ prāṇarodhaśca pratyak - samuddhāraṇaṃ cendriyāṇāṃ ca śiṣyāḥ dhyānamukta: punardhāraṇā vai samādhiḥ punaścetthamaṣṭāṅgayogaḥ \[pradipṭaḥ\] ### [15.40](https://indike.org/pramana/in.lit.kavya.misc.rasikarmana.15.40) durvāsasretthaṃ prativodhitāste śiṣyāḥ prahṛṣṭāḥ sutarāṃ babhūvuḥ gurūpadiṣṭaṃ śubhayogamārgaṃ samabhyasanto vigatābhimānāḥ ### [15.40.p1](https://indike.org/pramana/in.lit.kavya.misc.rasikarmana.15.40.p1) iti śrīmahāmatisutasya durvāsasaḥ kāvye rasikaramaṇasaṃjñe kavi śrīraghunāthaviracite durvāsamaḥ śiṣyapratibodho nāma pañcadaśaḥ sargaḥ ## Linked texts (1) - [Rasikaramana](https://indike.org/pramana/in.lit.kavya.rasikaramana.15.1) — Raghunātha, Sanskrit --- Source: [https://indike.org/pramana/in.lit.kavya.misc.rasikarmana.15](https://indike.org/pramana/in.lit.kavya.misc.rasikarmana.15) · Pramāṇa