[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Rasikarmana](https://indike.org/pramana/in.lit.kavya.misc.rasikarmana) › 16 # Rasikarmana 16 Rasikarmaṇa 16 - **Language:** Sanskrit ### [16.1](https://indike.org/pramana/in.lit.kavya.misc.rasikarmana.16.1) atha pravakṣyāmi munīśvarasya durvāsaso'trergṛhajanmavṛttam yad bhaktibhāvena naro niśamya pāpātpramucyenmahato'pi sadyaḥ ### [16.2](https://indike.org/pramana/in.lit.kavya.misc.rasikarmana.16.2) sargāya manodita atriratra pitrā vidhātrā parame sthito'bhūt muniḥ samāgatya sa bhūmiloke tapasyanarghye mahatāṃ mahīyān ### [16.3](https://indike.org/pramana/in.lit.kavya.misc.rasikarmana.16.3) striyā samaṃ maunaparāyaṇo'sau viśvasya bījaṃ manasi smaraṃśca sargasya vṛddhyai svakṛtasya loke muniśca saḥ saṃtatilabdhaye ca ### [16.4](https://indike.org/pramana/in.lit.kavya.misc.rasikarmana.16.4) yugmam sa śītakāle'mbugagātrayaṣṭiḥ grīṣme ca pañcāgniparāyaṇo'bhūt ākāśavāsī punarāsa varṣāsvekāgracittaḥ khalu sargavṛddhyai ### [16.5](https://indike.org/pramana/in.lit.kavya.misc.rasikarmana.16.5) itthaṃ tapasyugratare (27b) sthitasya striyā samaṃ saṃtatihetave'treḥ saṃvatsarā yogaparāyaṇasya nityaṃ samīyurbahavastu tasya ### [16.6](https://indike.org/pramana/in.lit.kavya.misc.rasikarmana.16.6) kāle gate strīsahitasya tasya tapaḥsthitasyātrimuneranante brahmeśaviṣṇvādyasurāḥ samīyuḥ kṛpāplutāścāśramamekakālam ### [16.7](https://indike.org/pramana/in.lit.kavya.misc.rasikarmana.16.7) gīrvāṇasaṃsevitapādapadmāstamūcire'triṃ parame sthitaṃ vai tapasyanarghye vibudhāstrayaste'smabhyaṃ varaṃ bho vṛṇu cittagaṃ tvam ### [16.8](https://indike.org/pramana/in.lit.kavya.misc.rasikarmana.16.8) itthaṃ ca teṣāṃ vacanaṃ niśamya muniḥ sa kautūhalayuktacetāḥ kathaṃ mayaikasya samarpayeyustrayaḥ pumāṃsaḥ kṛtayedyavocat ### [16.9](https://indike.org/pramana/in.lit.kavya.misc.rasikarmana.16.9) atraivacaste vibudhā niśamya trayo jagustaṃ munimādareṇa vayaṃ trayo'pyekatanurdvijendrāsmabhyaṃ varaṃ tvaṃ vṛṇu mānasastham ### [16.10](https://indike.org/pramana/in.lit.kavya.misc.rasikarmana.16.10) itthaṃ niśamya sa munirvacanaṃ trayāṇāṃ deveśvarābhinatapādasaroruhāṇām śrīviṣṇuśaṃkaracaturvadanābhidhānāṃ tānpratyuvāca śirasā praṇipatya hṛṣṭaḥ ### [16.11](https://indike.org/pramana/in.lit.kavya.misc.rasikarmana.16.11) bho'dhīśvarāḥ maṃtatimatra devāḥ saṃprārthaye vaḥ sadṛśīṃ praṇamya jātāḥ prasannā yadi mahyametaṃ manorathaṃ pūrayata prasannāḥ ### [16.12](https://indike.org/pramana/in.lit.kavya.misc.rasikarmana.16.12) varaṃ niśamyātrivṛtaṃ trayo'pi devāstapastoṣaparītacittāḥ tatheti taṃ procuranalpasiddhi gīrvāṇasaṃghairupasevitāste ### [16.13](https://indike.org/pramana/in.lit.kavya.misc.rasikarmana.16.13) tato'triṇā hṛṣṭatareṇa bhaktyā saṃpūjitā dhāma yayuḥ prasannāḥ trayaḥ svasainyānugatāḥ prahṛṣṭāḥ brahmeśaviṣṇvākhyavirājamānāḥ ### [16.14](https://indike.org/pramana/in.lit.kavya.misc.rasikarmana.16.14) tatastrayo'pi svavaconibaddhā hyātmādṛśaṃ (28a) vānyamalabhya jagmuḥ apaśyatāmatrimunīśvarasya deveśvarāḥ svāṃśata atra loke ### [16.15](https://indike.org/pramana/in.lit.kavya.misc.rasikarmana.16.15) caturmukhasyāṃśata āsa candro datto munirvyāsakalā babhūva śivasya cāṃśastu babhūva durvāsāstāpasairvanditapādapadmaḥ ### [16.16](https://indike.org/pramana/in.lit.kavya.misc.rasikarmana.16.16) itthaṃ trayo'pyatrigṛhe'dhināthāḥ prajajñire putratayāmareśāḥ teṣāṃ caritrāṇi bravīmyahaṃ vai dattasya candrasya ca śaṃbhumūrteḥ ### [16.17](https://indike.org/pramana/in.lit.kavya.misc.rasikarmana.16.17) dattastapoyogaparāyaṇo'bhūt jyotirgaṇānāmadhipo babhūva candraścaturvaktrakalā ca loke tapaḥprabhāvena(ṇa) vanaspatīnām ### [16.18](https://indike.org/pramana/in.lit.kavya.misc.rasikarmana.16.18) yaḥ śaṃkarasyāṃśa iha prajajñe durvāsasaṃ taṃ munayo vadanti nāmnā ca tenāpi mahītale'smin mahattapaścīrṇamanalpakālam ### [16.19](https://indike.org/pramana/in.lit.kavya.misc.rasikarmana.16.19) satyamaṃjñe yuge pūrvamitthaṃ muniḥ prāvirāsīdanenaiva nāmnā yugaṃ tattvayogādhvanā saṃnināya prabhuḥ śaṃkarasyāṃśa asmin hi loke ### [16.20](https://indike.org/pramana/in.lit.kavya.misc.rasikarmana.16.20) tretāyugejyau munirājagāma giriṃ munirmandarasaṃjñakaṃ ca tatkandarāyāṃ kṛtasaṃnivāso babhūva yogārpitacittavṛttiḥ ### [16.21](https://indike.org/pramana/in.lit.kavya.misc.rasikarmana.16.21) itthaṃ mandarasaṃjñake girivare durvāsaso'dhīśituḥ tretākhyaṃ yugamatyagānnivasatastatkandarāyāṃ muneḥ śaśvaddhyānaparāyaṇasya satataṃ prāṇānniyamyātmanaḥ siddheḥ pūrakumbhakādikramato no recakaṃ kurvataḥ ### [16.22](https://indike.org/pramana/in.lit.kavya.misc.rasikarmana.16.22) dvāparākhye yuge saṃpravṛtte muniḥ svargalokaṃ cakārātmabuddhim sa vai gantumindrasya sadma śriyaṃ ca pravavrāja tasmācca deśānmunīndraḥ ### [16.23](https://indike.org/pramana/in.lit.kavya.misc.rasikarmana.16.23) (28b) sa jāhnavīsrotasi saṃnimajya tatsrotasāsau divamājagāma yāvad dyunadyāṃ munirājagāma krīḍantya etaṃ surakanyakāstu ### [16.24](https://indike.org/pramana/in.lit.kavya.misc.rasikarmana.16.24) tāvacca dṛṣṭvā sahasā kumāryo vrīḍābhiyuktā munisaṃghavandyam vāsāṃsi dehe parito vidhāya muniṃ tamānarcuranalpasiddhim ### [16.25](https://indike.org/pramana/in.lit.kavya.misc.rasikarmana.16.25) yugmam sarojapatrodgrathitaṃ dadau ca tasmai munīśāya varāsanaṃ hi ekā tu nadyāḥ sarasīruhāṇi muneḥ prapūjārthamupājahāra ### [16.26](https://indike.org/pramana/in.lit.kavya.misc.rasikarmana.16.26) pūjopahāraṃ ca cakāra cānyā munīśvaraṃ pūjayituṃ prahṛṣṭā itthaṃ prakalpyārcanavastujātaṃ gīrvāṇakanyāḥ samapūjayaṃstam ### [16.27](https://indike.org/pramana/in.lit.kavya.misc.rasikarmana.16.27) sarvāḥ samānarcuranukrameṇa durvāsasaṃ devakumārikāstāḥ taṃ pūjayitvā vidhivanmunīśaṃ tāśca prabaddhāñjalayaḥ praṇemuḥ ### [16.28](https://indike.org/pramana/in.lit.kavya.misc.rasikarmana.16.28) natvā munīśaṃ vidhivatprahṛṣṭāḥ durvāsasaṃ saṃprati devakanyāḥ tasthuḥ prabaddhāñjalayo'gratastu muneḥ kumāryaḥ kṛtasauhṛdāstāḥ ### [16.29](https://indike.org/pramana/in.lit.kavya.misc.rasikarmana.16.29) saṃpūjitastābhiranarghyaśīlastābhyaḥ prasannaḥ prababhāva coce amau munistā vibudheśvarāṇāṃ pṛcyaḥ prasanno'smi varaṃ vṛṇudhvam ### [16.30](https://indike.org/pramana/in.lit.kavya.misc.rasikarmana.16.30) aprārthitaṃ tāvadimaṃ dadāmi varaṃ kumāryaḥ khalu hṛṣṭacittaḥ akhaṇḍasaubhāgyamiti prasādānnamaiva vaḥ pūjanataḥ sutuṣṭeḥ ### [16.31](https://indike.org/pramana/in.lit.kavya.misc.rasikarmana.16.31) durvāsasetthaṃ svayameva datte vare kumāryaḥ svahṛdi pratiṣṭhān varānmuniṃ taṃ parivavrire ca munistathetyāha sa hṛṣṭacittaḥ ### [16.32](https://indike.org/pramana/in.lit.kavya.misc.rasikarmana.16.32) tābhyaḥ pradā(29a)yātha varānmunīśaḥ supūjitastābhiranalpasiddhiḥ sa vāsavadvāramupājagāma dvārasthamāgatya tadetyavocat ### [16.33](https://indike.org/pramana/in.lit.kavya.misc.rasikarmana.16.33) bho dvārapāla tridaśeśvarāya māmāgataṃ sūcaya tatra gatvā śacīpatiṃ so'tha tadājñayāgādindraṃ ca gatvāvadadāgataṃ tam ### [16.34](https://indike.org/pramana/in.lit.kavya.misc.rasikarmana.16.34) durvāsasaṃ svaṃ bhavanaṃ prayātaṃ sa dvārayoktā sutarāṃ prahṛṣṭaḥ āyāti yāvatkhalu saṃmukho'sau dvāri vyatiṣṭhanmunirasya tāvat ### [16.35](https://indike.org/pramana/in.lit.kavya.misc.rasikarmana.16.35) niśamya sa dvārapavākyatastaṃ durvāsasaṃ svaṃ bhavanaṃ prayātam suraiḥ samaṃ hṛṣṭataro babhūva pratyujjagāmātha ca taṃ sa\[daḥ\]sthaḥ ### [16.36](https://indike.org/pramana/in.lit.kavya.misc.rasikarmana.16.36) durvāsasaṃ saṃmukhametya devaḥ sahasranetraḥ praṇipatya bhūmau praveśayāmāsa samaṃ hi devaiḥ sabhāṃ muniṃ mānapuraḥsaraṃ tam ### [16.37](https://indike.org/pramana/in.lit.kavya.misc.rasikarmana.16.37) sabhāṃ praveśyātha muniṃ tamindraḥ siṃhāsane sve ca niveśya hṛṣṭaḥ pūjopahārairavividhairmahātmā saṃpūjayāmāsa mudā munīśam ### [16.38](https://indike.org/pramana/in.lit.kavya.misc.rasikarmana.16.38) sa pūjayitvā vidhivanmunīśaṃ durvāsasaṃ cāmarapāṇirārāt saṃvījayāmāsa papāṭha cedaṃ stotraṃ ca taṃ surādhināthaḥ ### [16.39](https://indike.org/pramana/in.lit.kavya.misc.rasikarmana.16.39) jñānāvabodhaikarasena pūrṇa– stattvārthadarśī karuṇāsamudraḥ yo'ṣṭāṅgayogaṃ vidhivacca vetti durvāsasaṃ taṃ satataṃ bhaje'ham ### [16.40](https://indike.org/pramana/in.lit.kavya.misc.rasikarmana.16.40) munīndrasaṃsevitapādapīṭho jñānāvadhūtākhilabhedadṛṣṭiḥ yaḥ sarvadṛk yogapathānuyāyī durvāsasaṃ taṃ satataṃ bhaje'ham ### [16.41](https://indike.org/pramana/in.lit.kavya.misc.rasikarmana.16.41) padmāsanādyāsanabhedavettā yaḥ sarvamudrā vidhivacca veda sadā cidānandarase ni(29a)magno durvāsasaṃ taṃ satataṃ bhaje'ham ### [16.42](https://indike.org/pramana/in.lit.kavya.misc.rasikarmana.16.42) saṃsāravārāṃni(ni)dhikarṇadhāro nirastabhedo'khilaśāstradṛṣṭiḥ nirastadehādyabhimānako yo durvāsasaṃ taṃ satataṃ bhaje'ham ### [16.43](https://indike.org/pramana/in.lit.kavya.misc.rasikarmana.16.43) dvandvairvimuktaḥ sukhaduḥkhasaṃjñaiḥ svanāsikāgrārpitanetravṛttiḥ brahmārpitāntarhṛdayo muniryo durvāsasaṃ taṃ satataṃ bhaje'ham ### [16.44](https://indike.org/pramana/in.lit.kavya.misc.rasikarmana.16.44) yo jñānamudrāṃ satataṃ dadhāno brahmasvarūpānubhavena hṛṣṭaḥ varvarti loke viśadāśayo yo durvāsasaṃ taṃ satataṃ bhaje'ham ### [16.45](https://indike.org/pramana/in.lit.kavya.misc.rasikarmana.16.45) brahmasvarūpānubhavena nityaṃ janmādisaṃśoṣitaṣaḍvikāraḥ jñānasvarūpaḥ khalu durvibhāvyo durvāsasaṃ taṃ satataṃ bhaje'ham ### [16.46](https://indike.org/pramana/in.lit.kavya.misc.rasikarmana.16.46) aharaharanavadyāmindraklṛptāṃ stutiṃ yaḥ paṭhati viśadabuddhacā bhāvasaṃyuktacetāḥ sa navanavavilāsānbhūmiloke tu bhuktvā divi vasati subhūṣābhūṣitaḥ pūrṇaśobhaḥ ### [16.47](https://indike.org/pramana/in.lit.kavya.misc.rasikarmana.16.47) sahasranetro munimitthamārāt stutvānamaddaṇḍavadādareṇa samaṃ suraiścātha munīśvarāya samarpayāmāsa surendralokam ### [16.48](https://indike.org/pramana/in.lit.kavya.misc.rasikarmana.16.48) sa pūjito hṛṣṭataro babhūva muniḥ surendreṇa surādhipatyam svasma vilokyainamuvāca vākyaṃ bho bho surendrāvahitaḥ śṛṇu tvam ### [16.49](https://indike.org/pramana/in.lit.kavya.misc.rasikarmana.16.49) tvatpūjito'haṃ tridaśādhinātha hṛṣṭo'smi dānātkimu rājyalakṣmyāḥ tathāpi tāṃ gṛhyaṃ ca tubhyameva pratyarpayāmi tridaśādhinātha ### [16.50](https://indike.org/pramana/in.lit.kavya.misc.rasikarmana.16.50) tatheti vākyaṃ munināyakasya durvāsaso gṛhya sa vṛtrahā vai baddhāñjaliḥ samnupasaṃprahṛṣṭa— (30a) stasthau muniṃ taṃ tridaśādhināthaḥ ## Linked texts (1) - [Rasikaramana](https://indike.org/pramana/in.lit.kavya.rasikaramana.16.1) — Raghunātha, Sanskrit --- Source: [https://indike.org/pramana/in.lit.kavya.misc.rasikarmana.16](https://indike.org/pramana/in.lit.kavya.misc.rasikarmana.16) · Pramāṇa