[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Rasikarmana](https://indike.org/pramana/in.lit.kavya.misc.rasikarmana) › 17 # Rasikarmana 17 Rasikarmaṇa 17 - **Language:** Sanskrit ## Contents - [17.45](https://indike.org/pramana/in.lit.kavya.misc.rasikarmana.17.45) — 1 part ### [17.1](https://indike.org/pramana/in.lit.kavya.misc.rasikarmana.17.1) atha śakrasupūjito muni— bhuvamāgamya madhorvane śubhe parame tapasi sthito'bhava— jjanasaṃvarjitadeśato vibhuḥ ### [17.2](https://indike.org/pramana/in.lit.kavya.misc.rasikarmana.17.2) tapaḥsthitasyāsya munestu tasya durvāsaso'gurbahavastu māsāḥ tatraikadā yādavadārakāstu vihartukāmāḥ samupeyurārāt ### [17.3](https://indike.org/pramana/in.lit.kavya.misc.rasikarmana.17.3) aśvādhirūḍhāḥ suśirovibhūṣā balātturaṃgaiścalakuṇḍalāśca tāmbūlapūrṇānanacārudantāḥ pravālaraktoṣṭhapuṭāḥ prahṛṣṭāḥ ### [17.4](https://indike.org/pramana/in.lit.kavya.misc.rasikarmana.17.4) keyūrahārādisubhūṣaṇāḍhyāḥ sumaulipuṣpaprakarābhirāmāḥ kastūrikārdryacitacārudehāḥ prasūnamālādhirucaḥ pragalbhāḥ ### [17.5](https://indike.org/pramana/in.lit.kavya.misc.rasikarmana.17.5) muktāphalodbhāsitahṛtpradeśāḥ supadmapatrāyatacārunetrāḥ viśālavakṣaḥsthalaramyadehāḥ krīḍopahāraṃ vividhaṃ pragṛhya ### [17.6](https://indike.org/pramana/in.lit.kavya.misc.rasikarmana.17.6) tasminvane yādavarājaputrā nānāvinodaiḥ parito vijahruḥ te kandukakrīḍanakādibhirvai prahṛṣṭacittāḥ pratibaddharāgāḥ ### [17.7](https://indike.org/pramana/in.lit.kavya.misc.rasikarmana.17.7) te yādavā vai vividhairvinodaiḥ krīḍanta ārāddṛśustapondhim durvāsasaṃ dhyānanimīlitākṣaṃ tapojjvaladdehamanalpasiddhim ### [17.8](https://indike.org/pramana/in.lit.kavya.misc.rasikarmana.17.8) dṛṣṭvā muniṃ taṃ praṇipatya hṛṣṭāḥ kṛtvā vinodaṃ vividhaṃ punaste yayuḥ svasadma ni muniṃ (30b) tamūcuḥ sthitaṃ tapasyugratare janebhyaḥ ### [17.9](https://indike.org/pramana/in.lit.kavya.misc.rasikarmana.17.9) te yādavā bālakabhāṣitāni na śraddadhuḥ ko muniratra tiṣṭhet iti sma saṃdehasamākulāṃstān bālāḥ punaḥ procuriti prahṛṣṭāḥ ### [17.10](https://indike.org/pramana/in.lit.kavya.misc.rasikarmana.17.10) yūyaṃ na cenno vacaneṣu śraddhāṃ kurvantyatastadvanameva gatvā saṃdarśayāmo munimatra siddhamāgacchatānena pathā vimūḍhāḥ ### [17.11](https://indike.org/pramana/in.lit.kavya.misc.rasikarmana.17.11) te yādavā bālakadarśitena mārgeṇa tatkānanamīyurete tathograsenoddhavasātyakīndrarāmācyutādyāḥ sakalā prahṛṣṭāḥ ### [17.12](https://indike.org/pramana/in.lit.kavya.misc.rasikarmana.17.12) tadvanaṃ samupagamya yādavā bāladarśitapathā subuddhayaḥ taṃ muniṃ dadṛśuriddhatejasaṃ tuṣṭuvurvividhasaṃstavaiśca tam ### [17.13](https://indike.org/pramana/in.lit.kavya.misc.rasikarmana.17.13) teṣāṃ babhūva stutibhiryanalpaḥ kolāhalo'tyāśu munirmahātmā śrutvonmimīlyātmasamādhiyogānnivartya netraṃ sa ca tāndadarśa ### [17.14](https://indike.org/pramana/in.lit.kavya.misc.rasikarmana.17.14) baddhāñjalīṃstānpraṇatāṃstu dṛṣṭvā munirbabhāṣe ca vanaṃ mahātmā ke yūyamatra sthitamapyajānan kathaṃ ca māṃ bho puruṣapravīrāḥ ### [17.15](https://indike.org/pramana/in.lit.kavya.misc.rasikarmana.17.15) durvāsasetthaṃ muninā suha(pṛ)ṣṭā— staṃ vai praṇamyocuriti prahṛṣṭāḥ vayaṃ vibho yādavakā: sma bhūmau caturṣu dikṣu prathitānubhāvāḥ ### [17.16](https://indike.org/pramana/in.lit.kavya.misc.rasikarmana.17.16) vihartukāmāḥ khalu bālakā vai samāgatāstvāṃ munimatra dṛṣṭvā samācacakṣuḥ purametya sarve– smabhyaṃ mune'trābhigatāstataśca ### [17.17](https://indike.org/pramana/in.lit.kavya.misc.rasikarmana.17.17) tvaṃ tāpasātmānamapi pracakṣva naḥ śrotukāmānkatamo'si loke ṛṣīśvarāṇāmamalātmanāṃ ta– mityanvapṛcchan yadavo munīśam ### [17.18](https://indike.org/pramana/in.lit.kavya.misc.rasikarmana.17.18) itthaṃ sa tai(31 a)ryādavakaistu pṛṣṭaḥ svātmānamatrerbhavane'bhijātam muniḥ prahṛṣṭaḥ kathayāṃbabhūva durvā(sa)saṃ tānsatataṃ hi nāmnā ### [17.19](https://indike.org/pramana/in.lit.kavya.misc.rasikarmana.17.19) tadvākyatastaṃ munisiddhavandyaṃ durvāsasaṃ hṛṣṭatarā babhūvuḥ praṇamya te vijñapayāṃbabhūvuḥ punaḥ prabaddhāñjalayo viditvā ### [17.20](https://indike.org/pramana/in.lit.kavya.misc.rasikarmana.17.20) munīśa no bhāgyavaśena dṛṣṭa– stataḥ kṛtārthāḥ sma na saṃśayo'sti punīhi nastāpasasiddhavandya harmyaṇi cātmāgamanena siddha ### [17.21](https://indike.org/pramana/in.lit.kavya.misc.rasikarmana.17.21) śūrasenādibhiryādavairvaiṃ muniḥ prārthito'ṅgīcakārāpi vākyam yādavāste gajendraṃ samāropya taṃ svāṃ purīṃ saṃṇinyuḥ (?) prahṛṣṭāḥ ### [17.22](https://indike.org/pramana/in.lit.kavya.misc.rasikarmana.17.22) gajendrapṛṣṭhe sa muniścakāśe siṃhāsanasthaḥ kusumaiḥ prakīrṇaḥ muktāsuhārābhivirājamānaḥ śvetātapatreṇa ca śobhamānaḥ ### [17.23](https://indike.org/pramana/in.lit.kavya.misc.rasikarmana.17.23) saṃvījyamānaḥ paritaḥ prahṛṣṭaiḥ sa śūrasenādibhirādareṇa candrāṃśugaurairyadubhiḥ śubhāṅgai– raca cāmaraiścandanacarcitastu ### [17.24](https://indike.org/pramana/in.lit.kavya.misc.rasikarmana.17.24) yugmam rathadvipāśvairanuyātamārgo yāvanmunī rājapathaṃ prapede itthaṃ viceṣṭānya (a) bhavaṃstu tāvatstrīṇāṃ muniṃ draṣṭumanalpasiddhim ### [17.25](https://indike.org/pramana/in.lit.kavya.misc.rasikarmana.17.25) svalocanaṃ dakṣiṇamañjanena saṃrañjayitvā prayayau gavākṣam vāmaṃ śilākāmavicintayitvā kācidvahantī kutukākulā vai ### [17.26](https://indike.org/pramana/in.lit.kavya.misc.rasikarmana.17.26) kācinmṛgākṣī kaṭisūtrakaṃ vai muktāphalaḥ prodgrathituṃ sthitāsīt caṃcāla muktāprakaraṃ prakurvantyaṅguṣṭhamūle kaṭisūtraśeṣā ### [17.27](https://indike.org/pramana/in.lit.kavya.misc.rasikarmana.17.27) kācicca bālā kila pāyayantī stanyaṃ gavākṣaṃ prati saṃcacāla (31 b) apūrṇameva pravidhāya bālaṃ samutsukotsaṅgakṛtātmaputrā ### [17.28](https://indike.org/pramana/in.lit.kavya.misc.rasikarmana.17.28) kācitsthitā sādhayituṃ svakeśān bālā tathaiva prasabhaṃ cacāla prakurvatī puṣpacayaiḥ prakīrṇaṃ mārgaṃ tu keśād galitairmṛgākṣī ### [17.29](https://indike.org/pramana/in.lit.kavya.misc.rasikarmana.17.29) prasādhikā saṃnamitaṃ svapādamathārdhakālaktakayuktameva ākraṣya pādānsamalaktakāṅkān prakurvatī strī pracacāla śīghram ### [17.30](https://indike.org/pramana/in.lit.kavya.misc.rasikarmana.17.30) kācitpayaśculigataṃ mṛgākṣī anudvāsya bālākulacittavṛttiḥ yayau gavākṣaṃ prati draṣṭukāmā durvāsasaṃ rājapathānuyātam ### [17.31](https://indike.org/pramana/in.lit.kavya.misc.rasikarmana.17.31) svarṇasanātkācidanardhyaśīlā ilathaddukūlā sahasoccacāla hastena vāsaḥ parigṛhya hṛṣṭā nābhipraviṣṭābharaṇaprabheṇa ### [17.32](https://indike.org/pramana/in.lit.kavya.misc.rasikarmana.17.32) tāmbūlamattuṃ kṛtacittavṛttiḥ kācinmṛgākṣī sahasā cacāla tāmbūlavallīkṛtahastaśobhā svanatkaṭisvarṇasusūtraśeṣā ### [17.33](https://indike.org/pramana/in.lit.kavya.misc.rasikarmana.17.33) kācinmṛgākṣyābharaṇāni dehe kṛtvāsthitāndolanamātmagehe śrutvā muniṃ rājapathe'nuyātaṃ draṣṭuṃ cacālābharaṇāpyaśobhā ### [17.34](https://indike.org/pramana/in.lit.kavya.misc.rasikarmana.17.34) itthaṃ samāgamya gavākṣarandhrān striyaḥ śubhāṅgyo nṛpavaryamārge karīndrapṛṣṭhopari rājamānaṃ taṃ tāpaseśaṃ dadṛśuḥ prahṛṣṭāḥ ### [17.35](https://indike.org/pramana/in.lit.kavya.misc.rasikarmana.17.35) tā locanaistāpasavaktraśobhāṃ vilokayantyaḥ paramāmavāpuḥ sunirvṛtiṃ taṃ samavākiraṃśca lājākṣataiḥ puṣpacayena nāryaḥ ### [17.36](https://indike.org/pramana/in.lit.kavya.misc.rasikarmana.17.36) itthaṃ munī rājapathe'ṅganābhiḥ saṃkīryamāṇaḥ kusumaiḥ prahṛṣṭaiḥ saṃvījyamāno yadubhiḥ svavīryaṃ gāyadbhirāpādbhutarā(32 a)jageham ### [17.37](https://indike.org/pramana/in.lit.kavya.misc.rasikarmana.17.37) uttīrya nāgād girisaṃnibhātsa sopānamārgeṇa munīśavandyaḥ śūrādibhirdattakaro nṛpasya siṃhāsane'tiṣṭhata pūjyamānaḥ ### [17.38](https://indike.org/pramana/in.lit.kavya.misc.rasikarmana.17.38) nṛpāsanasthaṃ munisiddhavandyaṃ durvāsasaṃ prītahṛdaḥ samastāḥ saṃpūjayāmāsuranardhyaśīlaṃ pūjopahārairvividhaistataste ### [17.39](https://indike.org/pramana/in.lit.kavya.misc.rasikarmana.17.39) taṃ pūjayitvā vidhivanmunīśaṃ durvāsasaṃ yādavakāḥ prahṛṣṭāḥ taponidhānaṃ vividhānnabhakṣyaiḥ praṇamya baddhāñjalayo'vatasthuḥ ### [17.40](https://indike.org/pramana/in.lit.kavya.misc.rasikarmana.17.40) sa yādavairitthamaharniśaṃ vai saṃpūjyamāno munisiddhavandyaḥ dināni hṛṣṭaḥ katicinmahātmāvārsītpure tatra muniḥ priyārhaḥ ### [17.41](https://indike.org/pramana/in.lit.kavya.misc.rasikarmana.17.41) tasminpure tasya munīśvarasya durvāsaso yādavapūjitasya kṛṣṇo'karod bhaktimatīva tasmai munistutoṣāśu tataḥ sa siddhaḥ ### [17.42](https://indike.org/pramana/in.lit.kavya.misc.rasikarmana.17.42) atho muniryādevavanditaḥ sa tapaḥ prakartuṃ matimādadhe ca sarvān yadūnsaṃpratimantrya hṛṣṭaicacāla sarvaiḥ pratipūjitastu ### [17.43](https://indike.org/pramana/in.lit.kavya.misc.rasikarmana.17.43) gacchansa kṛṣṇāya dadau mahātmā satyāśiṣaṃ śatrujayāya siddhaḥ dattveti tenāpi supūjito'gādvanāni taptuṃ paramaṃ tapo vai ### [17.44](https://indike.org/pramana/in.lit.kavya.misc.rasikarmana.17.44) munistataḥ kvāpi ca kānanasthaḥ prāṇānniyamyātmasamādhiyuktaḥ tyaktvā svakaṃ lokamiyāya dehaṃ tamaḥparaṃ yaṃ munayo vadanti ### [17.45](https://indike.org/pramana/in.lit.kavya.misc.rasikarmana.17.45) tasya prasādāttu munīśvarasya kṛṣṇena yuddhe'tulavikrameṇa nikanditāḥ śatrava ātmano vai tasya prasādāttu jagatsu pūjyaḥ ### [17.45.p1](https://indike.org/pramana/in.lit.kavya.misc.rasikarmana.17.45.p1) iti śrīmahāmatisutasya durvāsasaḥ kāvye (32 b) rasikaramaṇasaṃjñe kaviśrīraghunāthaviracite durvāsasaścaturyuganirūpaṇo nāma saptadaśaḥ sargaḥ ## Linked texts (1) - [Rasikaramana](https://indike.org/pramana/in.lit.kavya.rasikaramana.17.1) — Raghunātha, Sanskrit --- Source: [https://indike.org/pramana/in.lit.kavya.misc.rasikarmana.17](https://indike.org/pramana/in.lit.kavya.misc.rasikarmana.17) · Pramāṇa