[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Rasikarmana](https://indike.org/pramana/in.lit.kavya.misc.rasikarmana) › 18 # Rasikarmana 18 Rasikarmaṇa 18 - **Language:** Sanskrit ### [18.1](https://indike.org/pramana/in.lit.kavya.misc.rasikarmana.18.1) atha kalāvapi naimiṣakānane sa karuṇākaramiśragṛhe'bhavat abhidhayā tu tayaiva mahāmaterudararatnamanalapataponidhiḥ ### [18.2](https://indike.org/pramana/in.lit.kavya.misc.rasikarmana.18.2) pravrajya gehānmuninā ca yena nṛsiṃhanāmnaḥ pragṛhīta āśu bālena vai dvādaśavārṣikeṇa saṃnyāsayogo mama so'stu tuṣṭaḥ ### [18.3](https://indike.org/pramana/in.lit.kavya.misc.rasikarmana.18.3) bhūlokatīrthāni kṛtāni yena samuddhṛto yo bṛhadrathasaṃjñaḥ gandharvaputro dvijaśāpatastu so'yaṃ munirme'stu suhṛṣṭacittaḥ ### [18.4](https://indike.org/pramana/in.lit.kavya.misc.rasikarmana.18.4) yo yogamārgaṃ vidhivanmunīśo vedātmasaṃsthāpitacittavṛttiḥ śiṣyaiḥ parītaḥ satataṃ vibhāti so'yaṃ munirme'stu suhṛṣṭacittaḥ ### [18.5](https://indike.org/pramana/in.lit.kavya.misc.rasikarmana.18.5) caturṣvapītthaṃ ca yugeṣu yo vai śaśvatprakāśīkṛtadehayaṣṭiḥ jñānāvabodhaikarase nimagnaḥ soyaṃ munirme'stu suhṛṣṭacittaḥ ### [18.6](https://indike.org/pramana/in.lit.kavya.misc.rasikarmana.18.6) mukundamiśrasya śubhāśayena dāridracaduḥkhaṃ hṛtamāśu yena tīrthaṭināyānugatena nityaṃ soyyaṃ munirme'stu suhṛṣṭacittaḥ ### [18.7](https://indike.org/pramana/in.lit.kavya.misc.rasikarmana.18.7) yaḥ kalpavṛkṣeṇa samo'sti loke na nepsitārthādhikadānaśīlaḥ prāṇasya mārgānvidhivacca veda soyyaṃ munirme'stu suhṛṣṭacittaḥ ### [18.8](https://indike.org/pramana/in.lit.kavya.misc.rasikarmana.18.8) durvāsasā yena kṛtaṃ munibhyo dānaṃ śubhānnasya tu dvārakāyām audāryasindhurguṇavāridhiśca soyyaṃ munirme'stu suhṛṣṭacittaḥ ### [18.9](https://indike.org/pramana/in.lit.kavya.misc.rasikarmana.18.9) dhanyeyaṃ jananī mahāmatiriti khyātā kṣitau sarvadā yā (33 a) durvāsasamatra putramabalā sūte sma saṃvidgurum prācīvoḍupamakṣikautukaraṃ doṣātamohāriṇaṃ śaśvajjīvanikāyatāpaśamanaṃ pūrṇaṃ vinā lāñchanam ### [18.10](https://indike.org/pramana/in.lit.kavya.misc.rasikarmana.18.10) yo'sau kalpamahīruhastrijagati khyātaḥ phalākāṅkṣiṇāṃ śaśvadyācakacātakeṣu viditaḥ pūrṇāmbuvarṣī ghanaḥ dāridryādidurantaduḥkhaśamane vyaktaṃ vibhuḥ procyate re re mūḍhajanā bhajadhvamaniśaṃ durvāsasaṃ taṃ munim ### [18.11](https://indike.org/pramana/in.lit.kavya.misc.rasikarmana.18.11) dhanyo'sau dvijanāyako'tra bhuvane yasyātmajo'bhūnmuniḥ saṃnyāsābhirato nitāntaviditabrahmasvarūpaḥ prabhuḥ durvāsāḥ karuṇākaro vasati vai vaikuṇṭhaloke sadā putrasyogratapaḥsthitasya niyamātsākaṃ svapatnyāniśam ### [18.12](https://indike.org/pramana/in.lit.kavya.misc.rasikarmana.18.12) durvāsasaḥ santi guṇā hyanantāstānkaḥ samartho'sti bhuvi praśastān vaktuṃ tato me matimānato'smin granthe samuktāḥ satataṃ hi santi ### [18.13](https://indike.org/pramana/in.lit.kavya.misc.rasikarmana.18.13) yaddūṣaṇaṃ me'jjani paṇḍitāstadasminkṣamadhvaṃ praṇayātkavīndrāḥ mūḍhena baddho'ñjalireṣa granthe yuṣmabhyamatyalpadhiyā mayā hi ### [18.14](https://indike.org/pramana/in.lit.kavya.misc.rasikarmana.18.14) svapne śivenaiva guṇāḥ pradiṣṭā durvāsaso mahyamanukrameṇa khyātā mayā te tvata eva deyaṃ no dūṣaṇaṃ me kavayaḥ pragalbhāḥ ### [18.15](https://indike.org/pramana/in.lit.kavya.misc.rasikarmana.18.15) yadakṣaraṃ vṛddhigataṃ samūnaṃ yaccāpi jātaṃ mama buddhimohāt kāvye munīśairabhivanditasya durvāsaso'smin ta(smista)dalaṃ kṣamadhvam ### [18.16](https://indike.org/pramana/in.lit.kavya.misc.rasikarmana.18.16) svaro'dhikaḥ kvāpi ca ced bhavedvai chandaḥ kvacit (33 b) syātskhalitaṃ kavīśāḥ tatkṣāmaye dūṣaṇajātamatra gacchanskhaledvai puruṣastato vaḥ ### [18.17](https://indike.org/pramana/in.lit.kavya.misc.rasikarmana.18.17) bho bho sabhyāḥ śṛṇuta vacanaṃ matsaro naiva kāryaḥ śrīmaddurvāsaso me kṛtamiha ramaṇaṃ kāvyamatyadbhutaṃ ca asmin hārdaṃ kvacidapi racitaṃ tatsadā cintanīyaṃ doṣastyājyo'niśamamaratāmicchubhirvo guṇāḍhyāḥ ### [18.18](https://indike.org/pramana/in.lit.kavya.misc.rasikarmana.18.18) santaḥ svayaṃ parahiteṣu ratā bhavanti pūjyāsta eva bhuvane'pi bhavanti nityam tatsaṃgatastribhuvane'sti śubhaṃ ca nityaṃ tebhyo namo'stu satataṃ mama mandabuddheḥ ### [18.19](https://indike.org/pramana/in.lit.kavya.misc.rasikarmana.18.19) sadvastuniṣṭhāḥ prabhavanti santo haṃsā yathā kṣīrabhujastriloke asatpumāṃso'pi bhavanti muktāścāpāyasaṃvidbhugasansuniṣṭhāḥ ### [18.20](https://indike.org/pramana/in.lit.kavya.misc.rasikarmana.18.20) × × bhāratīśrīnṛsiṃhasya śiṣyaṃ namāmīha bhaktyā muniṃ tāpaseśam tapoyoganiṣṭhaṃ svaśiṣyaiḥ parītaṃ sadānandasaṃdohasaṃyuktacittam ### [18.21](https://indike.org/pramana/in.lit.kavya.misc.rasikarmana.18.21) yadvaktrasya nirīkṣaṇāttribhuvane puṃsāṃ palāyetkṣaṇādāridryaṃ paripūrṇacandrasurucastāmbūlapūrṇasya ca śaśvaccandanacarcitasya sudatastaṃ tāpaseśaṃ mudā bhaktyā naumi munīśvarārcitapadaṃ durvāsasaṃ nityadā ### [18.22](https://indike.org/pramana/in.lit.kavya.misc.rasikarmana.18.22) rasikaramaṇasaṃjñaṃ kāvyametaccakāra kavivararaghunātho hyatra durvāsaso'ham śubhaguṇasamudāyajñāpakaṃ tena kṛtvā mama bhavatu sutuṣṭo'sau muniḥ pūrṇalakṣmīḥ ## Linked texts (1) - [Rasikaramana](https://indike.org/pramana/in.lit.kavya.rasikaramana.18.1) — Raghunātha, Sanskrit --- Source: [https://indike.org/pramana/in.lit.kavya.misc.rasikarmana.18](https://indike.org/pramana/in.lit.kavya.misc.rasikarmana.18) · Pramāṇa