[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Rasikarmana](https://indike.org/pramana/in.lit.kavya.misc.rasikarmana) › 1 # Rasikarmana 1 Rasikarmaṇa 1 - **Language:** Sanskrit ## Contents - [1.27](https://indike.org/pramana/in.lit.kavya.misc.rasikarmana.1.27) — 1 part ### [1.3](https://indike.org/pramana/in.lit.kavya.misc.rasikarmana.1.3) prasannatārādipavaktraśobhāṃ kundendukānti kamalāsanasthām śubhreṇa vastreṇa virājamānāṃ sarasvatīṃ naumi kavitvahetoḥ ### [1.4](https://indike.org/pramana/in.lit.kavya.misc.rasikarmana.1.4) mūḍho'buddhiḥ kavipadamahaṃ gantukāmo'smi mohāt uccairlabhyaṃ phalamiva tarorvāmanaḥ prāptukāmaḥ kiṃ vāsminme matiparicitirbhārvinīśaprasādātkartavye yaḥ pariṇatagiraṃ mūrkhamapyutkaroti ### [1.5](https://indike.org/pramana/in.lit.kavya.misc.rasikarmana.1.5) chandolaṃkāragranthāḥ kvacidapi na mayā dṛṣṭapūrvāḥ pramādānno jāne kāvyabandhaṃ kavijanahṛdayāhlādinīṃ vā giraṃ ca śrīmaddurvāsāhaṃ nijaguṇakathane saṃniyuktaḥ pravṛtto lobhenāthāpi mohādiha ha capalatāṃ me kavīśāḥ kṣamadhvam ### [1.6](https://indike.org/pramana/in.lit.kavya.misc.rasikarmana.1.6) natvā sādhupadāravindayugalaṃ sarvārthasiddhipradaṃ viṣṇubrahmamaheśvarādivibudhāṃścārbhyarcya doṣāpahān sarvāṃścāpi gurūnpraṇamya śirasā grantho mayā badhyate mūḍhenāpi munīśvarasya kṛpayā durvāsasaḥ prītaye ### [1.7](https://indike.org/pramana/in.lit.kavya.misc.rasikarmana.1.7) svapne yathā śrīpatinopadiṣṭā guṇā munīśasya taponidhestu durvāsaso mahyamanukrameṇa bra(2a)vīmi tānsaṃprati buddhacetāḥ ### [1.8](https://indike.org/pramana/in.lit.kavya.misc.rasikarmana.1.8) asti kṣitau namiṣakānanākhyo deśo daśāśāvidito guṇāḍhyaśca: sūryodaye prātariva pravṛddharāgaḥ karānnaṣṭatamovitānaḥ ### [1.9](https://indike.org/pramana/in.lit.kavya.misc.rasikarmana.1.9) mahattayā yasya mahīvipṛṣṭhe deśaḥ samo nābhyadhikaḥ kutaḥ syāt viṣṇoḥ suraughaḥ prabalasya śaśvadramālayasyeva sarojanābheḥ ### [1.10](https://indike.org/pramana/in.lit.kavya.misc.rasikarmana.1.10) na yatra durbhikṣabhayaṃ janasya śrutāvapi sthātumalaṃ samāsa kvacinna sīmakṣitipāḥ svadeśasīma vyatikramya padaṃ ca celuḥ ### [1.11](https://indike.org/pramana/in.lit.kavya.misc.rasikarmana.1.11) na yatra pratyarthimahīpatestu svapnāntare'pi pratibādhate sma lokaṃ svadharmābhirataṃ samudregaḥ sarvagīrvāṇasamṛddhihṛṣṭam ### [1.12](https://indike.org/pramana/in.lit.kavya.misc.rasikarmana.1.12) nisargavairā api yatra sattvāḥ parasparaṃ hṛṣṭatanūruhāstu krīḍanti nityaṃ parihṛtya vairaṃ govyāghrasiṃhebhamayūrasarpāḥ ### [1.13](https://indike.org/pramana/in.lit.kavya.misc.rasikarmana.1.13) vanāni nadyo girayaśca yatra sarāṃsi kheṭā na ca pattanāni ratnākarāḥ santi nadāśca tīrthānyanekarūpāṇi tamoharāṇi ### [1.14](https://indike.org/pramana/in.lit.kavya.misc.rasikarmana.1.14) deśavarṇanakulakam deśo'sti tasminkila kanyakubjābhidhaṃ mahatpattanamindirāyāḥ niketanaṃ pūrṇasamullasatsatprākāraramyaṃ śubhagopurāḍhyam ### [1.15](https://indike.org/pramana/in.lit.kavya.misc.rasikarmana.1.15) yasminnibhendrotkaṭakumbhabhūbhṛddravanmadāsiktanarendramārgāḥ ābhānti puṣpotkaracandanoḥ ramyāścaturvarṇasamākulāśca ### [1.16](https://indike.org/pramana/in.lit.kavya.misc.rasikarmana.1.16) yatra sphāṭikakuḍyamadhyavilasadbimbaśriyodbhāsitāḥ prāsādāḥ śikharāgrasaṃsthakalaśoddīptyā tamodhvaṃsakāḥ śubhrakṣamādhararājabhāsamaniśaṃ muṣṇanti cocchrāyato'ṭṭālāgradhvajavāritoṣṇakiraṇaproddāmatā (2b) pāḥ śubhāḥ ### [1.17](https://indike.org/pramana/in.lit.kavya.misc.rasikarmana.1.17) unnidrapaṅkeruhapatranetrāḥ pravālaraktoṣṭhapuṭāḥ suhṛṣṭāḥ krīḍanti harmyeṣu samṛddhimatsu priyaiḥ priyā yatra vilāsamugdhāḥ ### [1.18](https://indike.org/pramana/in.lit.kavya.misc.rasikarmana.1.18) gārutmatendrādimaṇiprabaddhasopānapaṅktīrgṛhadīrghikāśca narairvaryagāhyanta sarojamadhyasaktairbhramadbhirbhramaraiśca yatra ### [1.19](https://indike.org/pramana/in.lit.kavya.misc.rasikarmana.1.19) gatāgate nūpurarājahaṃsasvanairvikāraṃ manasi priyāṇām dadhatya uccairramayāṃbabhūvarvilāsahāsādibhiraṅganāstu ### [1.20](https://indike.org/pramana/in.lit.kavya.misc.rasikarmana.1.20) aṭṭālikāvasthitakāmikeśasaṃskāradhūpāḥ prayayurgavākṣaiḥ saugandhyatoye nṛpavaryamārge prabhṛtya sarvaṃ surabhīvicakruḥ ### [1.21](https://indike.org/pramana/in.lit.kavya.misc.rasikarmana.1.21) yasminmṛdaṅgadhvanijātamohā ghanāgamaṃ cetasi śaṅkamānāḥ acīkḷpannartitumāśu dūrādbarhāṇi sajjāni mudā mayūrāḥ ### [1.22](https://indike.org/pramana/in.lit.kavya.misc.rasikarmana.1.22) yasminmahārājapathe yuvānastāmbūlapūrṇāsyavicitraveṣāḥ parasparaṃ hāsavinodavārtāḥ kurvanti vaimānikacāruśobhāḥ ### [1.23](https://indike.org/pramana/in.lit.kavya.misc.rasikarmana.1.23) vavacijjaganmaṅgalanāmadheyakathāṃ praśasanti suhṛṣṭacittāḥ bhālollasatpuṇḍrakaśaṃkhacakragadābjacihnāḥ puruṣāśca yatra ### [1.24](https://indike.org/pramana/in.lit.kavya.misc.rasikarmana.1.24) pravālavaidūryamaṇipraṇaddhabhālāḥ sphuranti prahṛtendralakṣmyaḥ muktāphalastambamayairvitānairakṣīṇi lokasya haranti ramyāḥ ### [1.25](https://indike.org/pramana/in.lit.kavya.misc.rasikarmana.1.25) rambhorū rājamānyāḥ sakalayuvajanonmādanāścāruveṣā ramyante yatra nārīḥ puri hṛdi vilasaccāruhārāḥ sunābhīḥ yūnāṃ trasyanmṛgākṣīḥ kanakakurucittanūḥ premadānapragalbhāḥ pūrṇenduspardhivaktrāḥ sphuṭadaśa (3a) narucisphītahāsauṣṭhoṣṭhīḥ ### [1.26](https://indike.org/pramana/in.lit.kavya.misc.rasikarmana.1.26) yatratyalokā vibudheśvarāṇāṃ sphītāṃ śriyaṃ naiva tṛṇāya cakruḥ nirantarasphītasamṛddhaketā vihāraśayyāsanabhogamattāḥ ### [1.27](https://indike.org/pramana/in.lit.kavya.misc.rasikarmana.1.27) pratigṛhaṃ sārasahaṃsacakramayūrapārāvatakūjitāni śrutvā manasyāvirabhūdanaṅgaḥ sajjīkṛteṣvāsadharo janānām ### [1.27.p1](https://indike.org/pramana/in.lit.kavya.misc.rasikarmana.1.27.p1) iti śrīmahāntimisutasya durvāsasaḥ kāvye rasikaramaṇasaṃjña kaviśrīraghunāthaviracite nemiṣadeśasthakanyakubjavarṇano nāma prathamaḥ sargaḥ ## Linked texts (1) - [Rasikaramana](https://indike.org/pramana/in.lit.kavya.rasikaramana.1.3) — Raghunātha, Sanskrit --- Source: [https://indike.org/pramana/in.lit.kavya.misc.rasikarmana.1](https://indike.org/pramana/in.lit.kavya.misc.rasikarmana.1) · Pramāṇa