Rasikarmana 2
Rasikarmaṇa 2
- Language
- Sanskrit
Contents
- 2.27 — 2 parts
2.1
udyānānyatiramyāṇi nagare yatra bhānti hi
vṛkṣāstālatamāleṣu yūthikājāticampakaiḥ
2.2
āmrajambūkadambaiśca dāḍimaiḥ śrīphalaistathā
nyagrodhāśvatthapanasaiḥ kharjūrīnīpanimbakaiḥ
2.3
śigrupāṭalidhātrābhiḥ ka gairdevadārubhiḥ
śamīlodhramadhūkaiśca badarībakulaistathā
2.4
aśokaplakṣajambīraiściñciṇīcandanadrumaiḥ
priyaṅgavakṣoḍabādāmaiḥ pippalīdhātakīdrumaiḥ
2.5
rājñībhallātakāriṣṭakovidāraśirīṣakaḥ
priyaṅgukalyamaricapārijātamahīruhaiḥ
2.6
harītakīharidraiśca bhūrjakiṃśukakalpakaiḥ
ketakīpūgatālaiśca vividhaiścāpi pādapaiḥ
2.7
yeṣu paṅkajakalhārabhūṣitāḥ smaradīpikāḥ
sarasīścakrahaṃsādyairvirejuḥ pakṣibhūṣaṇaiḥ
2.8
yāsvaṅganā vārivihārakāle
kelīḥ sakhībhirvidadhuḥ praviśya
siñcantya anyonya (3b) mayāntaraṅgaḥ
sphuṭoruvakṣojakaṭīpradeśāḥ
2.9
yāsu kvacinmīnadṛśo bakāhrāḥ
sthirīkṛtāṅgā iva dharmapālāḥ
kuryurjhaṣāṇāṃ khalu padmaśaṅkāṃ
dambhādhināthāniva śikṣayantaḥ
2.10
rathāṅganāmnorapi yatra kelīḥ
pravṛddhabhāvaprasṛtā babhūvuḥ
bhānūdyādastamitaṃ ca yāvat
kalasvanairudgatakāmayośca
2.11
yāsāṃ payobhyantarago'bjamālāsvantarnipatya kṣitijāgraśākhāḥ
āndolayansarvavanasthajantūnāhlādayāmāsa mukhānilastu
2.12
yāsūtkaṭodgārimadābhiṣaṅgamattabhramadbhṛṅgakulānuyātāḥ
bhūpuṣkarairvārigajāḥ prahṛṣṭā
apāyayanpārśvagatāḥ kareṇūḥ
2.13
yāsūdgatasvarṇasamānakāntiproddāmasaugandhyasarojasaktāḥ
jagurrjanaṃ kāmaśarābhighātalakṣaṃ prakurvanta ivālimugdhāḥ
2.14
haṃsāśca padmotkarakandakhaṇḍānyatvā samunnaddhamadā vicakruḥ
gatiṃ jaganmodakarīmiva strīḥ
praśikṣayanto varapakṣmadehāḥ
2.15
yāsūtkaṭā vai jalakukkuṭāśca
vegātsamutpatya nipatya toye
amajjatoccaiḥpadapātamasmiṃlloke'ramankhyāpayituṃ suhṛṣṭāḥ
2.16
puravipinavarṇanakulakam
tasminsamudraprathitaikaśobhe
vedatrayīpāragatasya nityam
dvijasya sadmābhavadindraloke
sureśvarasyeva viśālabuddheḥ
2.17
ābhānti yatrāṅgaṇabhūmayastu
sukācanaddhā maṇicitritāśca
kurvanti yā dhīrasamudraśaṅkā
calatpatākā nauvitānām
2.18
gajendradantadrurghaṭitāśca (4a) yatra
śayyāḥ payaḥphenanibhacchadāstu
ābhānti śilpottamayatnasiddhāḥ
suputrikāhastamaṇipradīpāḥ
2.19
yasmingṛhāntargatamandhakāraṃ
maṇipradīpāḥ sahasāpahanti
dhvajāśca māṇikyamayeṣu daṇḍeṣvitastato vāyuvaśāccalanti
2.20
prataptajāmbūnadadehakāntyo
vikāśapaṅkeruhanetravatyaḥ
kṣaumāntarordhvāsitaratnakāñcyo
nānāvihārairviharanti dāsyaḥ
2.21
gṛhāgrasaṃsthāpitahemakumbhadīptyā sahasrāṃśukarāḥ sametya
kurvanti tejo dviguṇaṃ svakaṃ hi
saṅgātsatāṃ syād dviguṇaḥ prabhāvaḥ
2.22
paṭhanti rāmācyuta kṛṣṇa viṣṇo
lakṣmīpate śrīnṛhare murāre
śukāḥ suvācaḥ paripañjarāntaḥ–
sthitāḥ × cecchamaharniśaṃ yat
2.23
dolāvinodaṃ puruṣaḥ śrito'ntra]
svarṇāsanaṃ svarṇaguṇaṃ vibhāti
aṭṭālasopānaparaṃparāśca
māṇikyamayyaḥ khalu bhānti yatra
2.24
dārmāsahasrāṇi vibhānti yatra
suvarṇaniṣkābharaṇābhibhāñji
pādasthakūjanmaṇinūpurāṇi
pūrṇenduvaktrāṇi manoramāṇi
2.25
harinmaṇiprauḍhaśilāprabaddhaṃ
yatprāṅgaṇaṃ paṭṭavitānacitram
muktāphalaguñchanikāyacañcatprakīrṇapuṣpotkaramācakāsti
2.26
kuḍyaceṣu citreṣu ca kāminīnāṃ
bimbāni cāntaḥ parivisphuranti
muktāphalodbhāsitanāsikānāṃ
kapolacañcanmaṇikuṇḍalānām
2.27
kastūrikācandanacarciteṣu
dvāreṣu nānāmaṇiśobhitāni
vaddhāni bhānti sphuṭatoraṇāni
jātyādi(4b)puṣpodgrathitāśca mālāḥ
2.27.p1
gṛhavarṇanakulakam
2.27.p2
iti śrīmahāmatisutasya durvāsasaḥ kāvye rasikaramaṇasaṃjñe kaviśrīraghunāthaviracite karuṇākaragṛhavarṇano nāma dvitīyaḥ sargaḥ
Linked texts (1)
- Rasikaramana — Raghunātha, Sanskrit