[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Rasikarmana](https://indike.org/pramana/in.lit.kavya.misc.rasikarmana) › 2 # Rasikarmana 2 Rasikarmaṇa 2 - **Language:** Sanskrit ## Contents - [2.27](https://indike.org/pramana/in.lit.kavya.misc.rasikarmana.2.27) — 2 parts ### [2.1](https://indike.org/pramana/in.lit.kavya.misc.rasikarmana.2.1) udyānānyatiramyāṇi nagare yatra bhānti hi vṛkṣāstālatamāleṣu yūthikājāticampakaiḥ ### [2.2](https://indike.org/pramana/in.lit.kavya.misc.rasikarmana.2.2) āmrajambūkadambaiśca dāḍimaiḥ śrīphalaistathā nyagrodhāśvatthapanasaiḥ kharjūrīnīpanimbakaiḥ ### [2.3](https://indike.org/pramana/in.lit.kavya.misc.rasikarmana.2.3) śigrupāṭalidhātrābhiḥ ka gairdevadārubhiḥ śamīlodhramadhūkaiśca badarībakulaistathā ### [2.4](https://indike.org/pramana/in.lit.kavya.misc.rasikarmana.2.4) aśokaplakṣajambīraiściñciṇīcandanadrumaiḥ priyaṅgavakṣoḍabādāmaiḥ pippalīdhātakīdrumaiḥ ### [2.5](https://indike.org/pramana/in.lit.kavya.misc.rasikarmana.2.5) rājñībhallātakāriṣṭakovidāraśirīṣakaḥ priyaṅgukalyamaricapārijātamahīruhaiḥ ### [2.6](https://indike.org/pramana/in.lit.kavya.misc.rasikarmana.2.6) harītakīharidraiśca bhūrjakiṃśukakalpakaiḥ ketakīpūgatālaiśca vividhaiścāpi pādapaiḥ ### [2.7](https://indike.org/pramana/in.lit.kavya.misc.rasikarmana.2.7) yeṣu paṅkajakalhārabhūṣitāḥ smaradīpikāḥ sarasīścakrahaṃsādyairvirejuḥ pakṣibhūṣaṇaiḥ ### [2.8](https://indike.org/pramana/in.lit.kavya.misc.rasikarmana.2.8) yāsvaṅganā vārivihārakāle kelīḥ sakhībhirvidadhuḥ praviśya siñcantya anyonya (3b) mayāntaraṅgaḥ sphuṭoruvakṣojakaṭīpradeśāḥ ### [2.9](https://indike.org/pramana/in.lit.kavya.misc.rasikarmana.2.9) yāsu kvacinmīnadṛśo bakāhrāḥ sthirīkṛtāṅgā iva dharmapālāḥ kuryurjhaṣāṇāṃ khalu padmaśaṅkāṃ dambhādhināthāniva śikṣayantaḥ ### [2.10](https://indike.org/pramana/in.lit.kavya.misc.rasikarmana.2.10) rathāṅganāmnorapi yatra kelīḥ pravṛddhabhāvaprasṛtā babhūvuḥ bhānūdyādastamitaṃ ca yāvat kalasvanairudgatakāmayośca ### [2.11](https://indike.org/pramana/in.lit.kavya.misc.rasikarmana.2.11) yāsāṃ payobhyantarago'bjamālāsvantarnipatya kṣitijāgraśākhāḥ āndolayansarvavanasthajantūnāhlādayāmāsa mukhānilastu ### [2.12](https://indike.org/pramana/in.lit.kavya.misc.rasikarmana.2.12) yāsūtkaṭodgārimadābhiṣaṅgamattabhramadbhṛṅgakulānuyātāḥ bhūpuṣkarairvārigajāḥ prahṛṣṭā apāyayanpārśvagatāḥ kareṇūḥ ### [2.13](https://indike.org/pramana/in.lit.kavya.misc.rasikarmana.2.13) yāsūdgatasvarṇasamānakāntiproddāmasaugandhyasarojasaktāḥ jagurrjanaṃ kāmaśarābhighātalakṣaṃ prakurvanta ivālimugdhāḥ ### [2.14](https://indike.org/pramana/in.lit.kavya.misc.rasikarmana.2.14) haṃsāśca padmotkarakandakhaṇḍānyatvā samunnaddhamadā vicakruḥ gatiṃ jaganmodakarīmiva strīḥ praśikṣayanto varapakṣmadehāḥ ### [2.15](https://indike.org/pramana/in.lit.kavya.misc.rasikarmana.2.15) yāsūtkaṭā vai jalakukkuṭāśca vegātsamutpatya nipatya toye amajjatoccaiḥpadapātamasmiṃlloke'ramankhyāpayituṃ suhṛṣṭāḥ ### [2.16](https://indike.org/pramana/in.lit.kavya.misc.rasikarmana.2.16) puravipinavarṇanakulakam tasminsamudraprathitaikaśobhe vedatrayīpāragatasya nityam dvijasya sadmābhavadindraloke sureśvarasyeva viśālabuddheḥ ### [2.17](https://indike.org/pramana/in.lit.kavya.misc.rasikarmana.2.17) ābhānti yatrāṅgaṇabhūmayastu sukācanaddhā maṇicitritāśca kurvanti yā dhīrasamudraśaṅkā calatpatākā nauvitānām ### [2.18](https://indike.org/pramana/in.lit.kavya.misc.rasikarmana.2.18) gajendradantadrurghaṭitāśca (4a) yatra śayyāḥ payaḥphenanibhacchadāstu ābhānti śilpottamayatnasiddhāḥ suputrikāhastamaṇipradīpāḥ ### [2.19](https://indike.org/pramana/in.lit.kavya.misc.rasikarmana.2.19) yasmingṛhāntargatamandhakāraṃ maṇipradīpāḥ sahasāpahanti dhvajāśca māṇikyamayeṣu daṇḍeṣvitastato vāyuvaśāccalanti ### [2.20](https://indike.org/pramana/in.lit.kavya.misc.rasikarmana.2.20) prataptajāmbūnadadehakāntyo vikāśapaṅkeruhanetravatyaḥ kṣaumāntarordhvāsitaratnakāñcyo nānāvihārairviharanti dāsyaḥ ### [2.21](https://indike.org/pramana/in.lit.kavya.misc.rasikarmana.2.21) gṛhāgrasaṃsthāpitahemakumbhadīptyā sahasrāṃśukarāḥ sametya kurvanti tejo dviguṇaṃ svakaṃ hi saṅgātsatāṃ syād dviguṇaḥ prabhāvaḥ ### [2.22](https://indike.org/pramana/in.lit.kavya.misc.rasikarmana.2.22) paṭhanti rāmācyuta kṛṣṇa viṣṇo lakṣmīpate śrīnṛhare murāre śukāḥ suvācaḥ paripañjarāntaḥ– sthitāḥ × cecchamaharniśaṃ yat ### [2.23](https://indike.org/pramana/in.lit.kavya.misc.rasikarmana.2.23) dolāvinodaṃ puruṣaḥ śrito'ntra\] svarṇāsanaṃ svarṇaguṇaṃ vibhāti aṭṭālasopānaparaṃparāśca māṇikyamayyaḥ khalu bhānti yatra ### [2.24](https://indike.org/pramana/in.lit.kavya.misc.rasikarmana.2.24) dārmāsahasrāṇi vibhānti yatra suvarṇaniṣkābharaṇābhibhāñji pādasthakūjanmaṇinūpurāṇi pūrṇenduvaktrāṇi manoramāṇi ### [2.25](https://indike.org/pramana/in.lit.kavya.misc.rasikarmana.2.25) harinmaṇiprauḍhaśilāprabaddhaṃ yatprāṅgaṇaṃ paṭṭavitānacitram muktāphalaguñchanikāyacañcatprakīrṇapuṣpotkaramācakāsti ### [2.26](https://indike.org/pramana/in.lit.kavya.misc.rasikarmana.2.26) kuḍyaceṣu citreṣu ca kāminīnāṃ bimbāni cāntaḥ parivisphuranti muktāphalodbhāsitanāsikānāṃ kapolacañcanmaṇikuṇḍalānām ### [2.27](https://indike.org/pramana/in.lit.kavya.misc.rasikarmana.2.27) kastūrikācandanacarciteṣu dvāreṣu nānāmaṇiśobhitāni vaddhāni bhānti sphuṭatoraṇāni jātyādi(4b)puṣpodgrathitāśca mālāḥ ### [2.27.p1](https://indike.org/pramana/in.lit.kavya.misc.rasikarmana.2.27.p1) gṛhavarṇanakulakam ### [2.27.p2](https://indike.org/pramana/in.lit.kavya.misc.rasikarmana.2.27.p2) iti śrīmahāmatisutasya durvāsasaḥ kāvye rasikaramaṇasaṃjñe kaviśrīraghunāthaviracite karuṇākaragṛhavarṇano nāma dvitīyaḥ sargaḥ ## Linked texts (1) - [Rasikaramana](https://indike.org/pramana/in.lit.kavya.rasikaramana.2.1) — Raghunātha, Sanskrit --- Source: [https://indike.org/pramana/in.lit.kavya.misc.rasikarmana.2](https://indike.org/pramana/in.lit.kavya.misc.rasikarmana.2) · Pramāṇa