[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Rasikarmana](https://indike.org/pramana/in.lit.kavya.misc.rasikarmana) › 3 # Rasikarmana 3 Rasikarmaṇa 3 - **Language:** Sanskrit ### [3.1](https://indike.org/pramana/in.lit.kavya.misc.rasikarmana.3.1) tasminnagāre karuṇākaro'sau viśuddhacitto bhagavantamādyam ārādhyāmāsa guṇānuvādaśrutismṛtidhvastasamastapāpaḥ ### [3.2](https://indike.org/pramana/in.lit.kavya.misc.rasikarmana.3.2) buddhyā samāno guruṇā dharitryā titikṣayaudāryaguṇena karṇaḥ svadehakāntyā sa babhūva bhānustāpapahārī kila candravacca ### [3.3](https://indike.org/pramana/in.lit.kavya.misc.rasikarmana.3.3) dhairyeṇa pṛthvīdhararājatulyo gāmbhīryato vāridhivadbabhūva arātipakṣoddhatavāraṇānāṃ mṛgendravat trāsakaraścakāse ### [3.4](https://indike.org/pramana/in.lit.kavya.misc.rasikarmana.3.4) vedāntasāṃkhyādiviśuddhaśāstratātparyacitto dhuri dharmapānām sthitaḥ śrutiproktasamastakarmamārgānuyāyī samadṛkpraśāntaḥ ### [3.5](https://indike.org/pramana/in.lit.kavya.misc.rasikarmana.3.5) ṛddhyā ca kubereṇa samānasāro bhoge trilokīpativadbhāse kāmābhivarṣī svasamāśritānāṃ kalpadruvatpaṇḍitarājamānyaḥ ### [3.6](https://indike.org/pramana/in.lit.kavya.misc.rasikarmana.3.6) bhārābhipāḍvad dvisahasrajihvatsarvasya poṣṭā kila candravacca samānadarśī khalu dharmarājastsvaprāṇavatsarvajanapriyo'sau ### [3.7](https://indike.org/pramana/in.lit.kavya.misc.rasikarmana.3.7) pīyūṣavarṣī yatavāk sudāntaḥ svādhyāyapāṭhānurato'niśaṃ yaḥ satyābhibhāṣī mṛdudṛkkarīndrasamānadeho nayanābhirāmaḥ ### [3.8](https://indike.org/pramana/in.lit.kavya.misc.rasikarmana.3.8) vidyākulaśrītanugehajātamānānabhispṛṣṭamanāḥ sadāraḥ nityaṃ svadharmānugataḥ pravṛddhabhāvena ratnaṃ naradeha(5a)bhū ### [3.9](https://indike.org/pramana/in.lit.kavya.misc.rasikarmana.3.9) karuṇākaraguṇavarṇanakulakam mahāmatistasya babhūva dharmapatnī patipremaratā pragalbhā mattebhakumbhābhapayodharābhyāmīṣannamaddehalatā mṛgākṣī ### [3.10](https://indike.org/pramana/in.lit.kavya.misc.rasikarmana.3.10) prataptajāmbūnadadehakāntiḥ bandhūkapuṣpāruṇapallavoṣṭhī śirīṣapuṣpacchavidantapaṅktiḥ karṇollasatkāñcanakuṇḍalaśrīḥ ### [3.11](https://indike.org/pramana/in.lit.kavya.misc.rasikarmana.3.11) kulakam yā''rocatāvartagabhīranābhiḥ pādasvanannūpurarājahaṃsī tanūdarābhātavalitrayormigaṅgeva cañcadgatirāryavandyā ### [3.12](https://indike.org/pramana/in.lit.kavya.misc.rasikarmana.3.12) pravālaśobhādbhutapatralekhā prasūnamālā pikanādarasyā janepsitārthādhikadānaśīlā rāja yā kalpalateva sākṣāt ### [3.13](https://indike.org/pramana/in.lit.kavya.misc.rasikarmana.3.13) candrānanā maṅgalabhūṣaṇāḍhyā gurustanī mandagatiḥ śubhāṅgī adīvyata dyauriva kautukena mahītale yā ramaṇītanūbhṛt ### [3.14](https://indike.org/pramana/in.lit.kavya.misc.rasikarmana.3.14) mahīva reje kila ratnagarbhā sarasvatī lolataraṅgaramyā payodharodbhāsitahṛtsuvarṇācalā ca sanmānasalabdhalakṣmīḥ ### [3.15](https://indike.org/pramana/in.lit.kavya.misc.rasikarmana.3.15) mahāmahi(ti ?)guṇavarṇanam karuṇākaranāmāsau bhāryayā saha dharmavit tayā samarhyāmāsa nārāyaṇamanāmayam ### [3.16](https://indike.org/pramana/in.lit.kavya.misc.rasikarmana.3.16) kvacidayaṃ galagarjanato ramānudinalālitapādasaroruham samanugāyati hṛṣṭatanūruho nayanavicyutabāṣpajalaplutaḥ ### [3.17](https://indike.org/pramana/in.lit.kavya.misc.rasikarmana.3.17) sa tayā kvacidacyuta padmajādisurasevita mādhava keśava paṭhati rāma janārdana vāmaneti ca viśuddhatanuḥ karuṇākaraḥ ### [3.18](https://indike.org/pramana/in.lit.kavya.misc.rasikarmana.3.18) jātīketakicampakāmbujalasatka (5b) hallārakādiprasūnairabhyarcya janārdanaṃ tulasikādāmairmanohāribhiḥ madhvāktairghṛtapāyasaśca vividharatnai ramādhīśvaraṃ saṃtoṣya kvacidadbhutaṃ dvijavaro'graprasthito nṛtyati ### [3.19](https://indike.org/pramana/in.lit.kavya.misc.rasikarmana.3.19) kvacitpurāṇoditaviṣṇuvārtāḥ śṛṇoti śuddhāśayabhaktiyuktaḥ śrutvā ca romāñcitagātrayaṣṭirivāsa pīyūṣarasāmiṣiktaḥ ### [3.20](https://indike.org/pramana/in.lit.kavya.misc.rasikarmana.3.20) kvacicca cāmīkararatnadaṇḍaṃ candrāṃśugauraṃ kalahaṃsaśabdam sa cāmaraṃ pāṇitale gṛhītvā saṃvījayāmāsa mudā murārim ### [3.21](https://indike.org/pramana/in.lit.kavya.misc.rasikarmana.3.21) śrutipurāṇasamīritasaṃstavairanudinaṃ sa navīti ramāpatim pu ✕✕ kapāli manoramadehabhṛt śubhagirā caturaikaśiromaṇiḥ ### [3.22](https://indike.org/pramana/in.lit.kavya.misc.rasikarmana.3.22) tasyetthamārādhayato nṛsiṃhaṃ kālo'tyagādbāhulakābhidhānaḥ svajāyayā'harniśamarcitasya śacīmahendrocitabhogabhājaḥ ### [3.23](https://indike.org/pramana/in.lit.kavya.misc.rasikarmana.3.23) mahāmatiḥ sātha dadhāra garbhaṃ puṇyakṣakāle karuṇākareṇa samāhitaṃ cākṣayamarthamatra vedatrayīva kṣitiratna ratnam ### [3.24](https://indike.org/pramana/in.lit.kavya.misc.rasikarmana.3.24) krameṇa sā dohadaduḥkhamāpa bhāvaṃ kvacidvastuni nopalebhe kaṣāyakaṭvamlarasaṃ vivarjyaṃ bhakṣyaṃ ślathaddehalatā mṛgākṣī ### [3.25](https://indike.org/pramana/in.lit.kavya.misc.rasikarmana.3.25) mukhena sā ketakipuṣpagauracchāyena cālpābharaṇena tanvī dehena kāle rajanīva reje tanuprakāśendukalālpatārā ### [3.26](https://indike.org/pramana/in.lit.kavya.misc.rasikarmana.3.26) sāsūta samaye prāpte kumāraṃ kanakaprabham nayanānandakartāraṃ prācīva bhagaṇādhipam ### [3.26-2](https://indike.org/pramana/in.lit.kavya.misc.rasikarmana.3.26-2) tato vasante kila phālgunākhye māse ca pakṣe śubhaśuklasaṃjñe gurṇedine nāgatithau (6a) niśīthe yoge śive revatibhe bavāhve ### [3.27](https://indike.org/pramana/in.lit.kavya.misc.rasikarmana.3.27) yugmam gaṅgāntaraṅgāntarasaṃnipātī sphuṭatsarojotkarareṇumāṃśca śākhā: samāliṅgya mahīruhāṇāṃ vavau tadā vāyuranardhyaśīla: ### [3.28](https://indike.org/pramana/in.lit.kavya.misc.rasikarmana.3.28) adhūmakārī śrutisaṃprayuktai: pradakṣiṇārcirhaviragniratti mantraistadā nirvapitaṃ dvijāgryaistādṛgjaganmaṅgalasiddhye'gni: ### [3.29](https://indike.org/pramana/in.lit.kavya.misc.rasikarmana.3.29) ānandasaṃdohanimagnacitta: surairyaṃkīryanta ha puṣpavṛṣṭī: tasminnagāre karuṇākarasya dūrvakṣitādyadbhutavastuyukte ### [3.30](https://indike.org/pramana/in.lit.kavya.misc.rasikarmana.3.30) prasedurāśā gaganaṃ babhūva prasannatārāādhipatārakaṃ ca lokasya hṛṣṭāni tadā babhūvurmanāṃsi jāte dvijadevaputre ### [3.31](https://indike.org/pramana/in.lit.kavya.misc.rasikarmana.3.31) nanṛturnāṭyakartāro jagurmaṅgalagāyakā: bandinaśca praśaṃsanti jayamaṅgalani:svanai: ## Linked texts (1) - [Rasikaramana](https://indike.org/pramana/in.lit.kavya.rasikaramana.3.1) — Raghunātha, Sanskrit --- Source: [https://indike.org/pramana/in.lit.kavya.misc.rasikarmana.3](https://indike.org/pramana/in.lit.kavya.misc.rasikarmana.3) · Pramāṇa