[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Rasikarmana](https://indike.org/pramana/in.lit.kavya.misc.rasikarmana) › 4 # Rasikarmana 4 Rasikarmaṇa 4 - **Language:** Sanskrit ## Contents - [4.34](https://indike.org/pramana/in.lit.kavya.misc.rasikarmana.4.34) — 1 part ### [4.1](https://indike.org/pramana/in.lit.kavya.misc.rasikarmana.4.1) iti śrīmahāmatisutasya durvāsasa: kāvye rasikaramaṇasaṃjñe kaviśrīraghunāthaviracite durvāsaso janmamahotsavavarṇano nāma tṛtīya: sarga: jātakarma cakārāsau jāte putre mahāmanā: karuṇākarasaṃjñastu dadau dānāni puṇyakṛt ### [4.2](https://indike.org/pramana/in.lit.kavya.misc.rasikarmana.4.2) dadau dvijavarebhyo gā hṛṣṭo'sau karuṇākara: savatsā: pūrṇabhūṣāḍhyā: sarvalakṣaṇasaṃyutā: ### [4.3](https://indike.org/pramana/in.lit.kavya.misc.rasikarmana.4.3) sa guḍājyaṃ dadau prītaḥ putraśreyobhikāṅkṣayā kāmaistaistairvarṣasau yācakebhyo mahāmanāḥ ### [4.4](https://indike.org/pramana/in.lit.kavya.misc.rasikarmana.4.4) vavarṣa kāmānsarvānsa parjanya iva dehinām karuṇākaramiśro'sau prahṛṣṭaḥ putrajātake ### [4.5](https://indike.org/pramana/in.lit.kavya.misc.rasikarmana.4.5) jātakarmākhyasaṃskāre kṛte pitrā tu dhīmatā rarāja sutarāṃ bālo mahāma(6b) ṇiriva jvalan ### [4.6](https://indike.org/pramana/in.lit.kavya.misc.rasikarmana.4.6) sa padmapatrāyatacārunetraḥ padmāntarāladyutidehakāntiḥ supadmarekhāṅkitapāṇipādastaṃ padmanābhābhyamataḥ pitoce ### [4.7](https://indike.org/pramana/in.lit.kavya.misc.rasikarmana.4.7) dine dine so'tha vivardhamānaḥ pupoṣa dehaṃ kanakāvadātam vilokya yaṃ sarvajano'bhimene sākṣāddhareraṃśamihāvatīrṇam ### [4.8](https://indike.org/pramana/in.lit.kavya.misc.rasikarmana.4.8) saṃlālyamānaḥ karuṇākareṇa babhau mahākāruṇikena bālaḥ sākṣācchevenāyatabāhuneva kumārakākhyo mahatāṃ mahīyān ### [4.9](https://indike.org/pramana/in.lit.kavya.misc.rasikarmana.4.9) pīnāyatājānubhujastu kīranāsāsunāso vipulāṃsadhārī samunnatodāttaviśālavakṣāḥ pūrṇāmbudadhvānagabhīranādaḥ ### [4.10](https://indike.org/pramana/in.lit.kavya.misc.rasikarmana.4.10) aśvatthapatrodaranimnanābhirvalitrayakhyāpitabhūribhāgyaḥ nigūḍhajatruḥ pṛthukaṃdharastu rekhātrayodbhāsitakambukaṇṭhaḥ ### [4.11](https://indike.org/pramana/in.lit.kavya.misc.rasikarmana.4.11) prathamāntakulakam raṇatkiṃkiṇījālakaṃ pādapadme lasatsvarṇaratnāṅgadaṃ bāhumūle sphuranniṣkakaṇṭhaṃ calatkākapakṣaṃ jaharṣabhikaṃ taṃ vicakṣyāryalokaḥ ### [4.12](https://indike.org/pramana/in.lit.kavya.misc.rasikarmana.4.12) muktāphalorasthalahāraramyaṃ samullasatkuṇḍalakarṇaśobham viśālajaṅghorukaṭipradeśaṃ pravālaraktoṣṭhapuṭaṃ guṇāḍhyam ### [4.13](https://indike.org/pramana/in.lit.kavya.misc.rasikarmana.4.13) prasannatārāādhipavaktraśobhaṃ śirīṣapuṣpāñcitadantapaṅktim kaṭiprabaddhāmalahemasūtraṃ jāmbūnadoddāmaśirovibhūṣam ### [4.14](https://indike.org/pramana/in.lit.kavya.misc.rasikarmana.4.14) calakapolatalāmalakuṇḍaladyutinirastatamomitajālakam vipulabhālavirājitakuntalabhramarasevitavaktrasaroruham ### [4.15](https://indike.org/pramana/in.lit.kavya.misc.rasikarmana.4.15) kanakatilakabhālaṃ prollasatpuṣpamālaṃ kaṭihṛdayaviśālaṃ pāṇipādapravālam pṛthutaragalanālaṃ pu (7a) ṇyavāpīmarālaṃ sakalabhuvanapālaṃ sundaraṃ viprabālam ### [4.16](https://indike.org/pramana/in.lit.kavya.misc.rasikarmana.4.16) dvitīyākulakam athāsau mātṛkābhya(sta)mukhena praviveśa ha brahmaśabdamayaṃ navyābhyāseneva sāgaram ### [4.17](https://indike.org/pramana/in.lit.kavya.misc.rasikarmana.4.17) tatāra vāṅmayaṃ brahma śrutivarjaṃ svabuddhitaḥ padmanābho guṇairbuddherguruvallabha ātmavān ### [4.18](https://indike.org/pramana/in.lit.kavya.misc.rasikarmana.4.18) atha yajñopavītākhyaṃ saṃskāraṃ dvijasattamaḥ cakāra padmanābhāya tanūjāyātibuddhaye ### [4.19](https://indike.org/pramana/in.lit.kavya.misc.rasikarmana.4.19) datte yajñopavīte tu padmanābho dvijottamaḥ śrutīḥ papāṭha śuddhātmā nistandro'nudinaṃ hi saḥ ### [4.20](https://indike.org/pramana/in.lit.kavya.misc.rasikarmana.4.20) pālāśadaṇḍadhārī ca sākṣasūtrakamaṇḍaluḥ brahmacārī jitakrodho jitāsanaparigrahaḥ ### [4.21](https://indike.org/pramana/in.lit.kavya.misc.rasikarmana.4.21) jitendriyo jitātmā ca bhikṣāśī kaṭisūtradhṛk śikhī yajñopavītī ca nārāyaṇaparāyaṇaḥ ### [4.22](https://indike.org/pramana/in.lit.kavya.misc.rasikarmana.4.22) śuddhātmā samadṛg dāntaḥ sarvabhūtahite rataḥ parāpavādavimukho maunī ca jitanidrakaḥ ### [4.23](https://indike.org/pramana/in.lit.kavya.misc.rasikarmana.4.23) mitabhuk mṛduvāk tyāgī saṃyamī satyasāgaraḥ yogī ca jitaṣaḍvargaḥ saṃsāravimukhaḥ sadā ### [4.24](https://indike.org/pramana/in.lit.kavya.misc.rasikarmana.4.24) kulakam iti śrutīradhīyānaḥ padmanābho maraprabhaḥ sarvatra jātavairāgyo brahmacārī babhūva ha ### [4.25](https://indike.org/pramana/in.lit.kavya.misc.rasikarmana.4.25) atha gṛhamatihāya śāstradṛṣṭiḥ sadanamiva sāgararājakanyakāyāḥ bhagavati dṛḍhabaddhacittavṛttinirvedadharaḥ padmanābhaḥ prāvavrāja ### [4.26](https://indike.org/pramana/in.lit.kavya.misc.rasikarmana.4.26) iti śaraṇamupajagāma bhāratīśrīnṛsiṃhamiti viditamakhaṇḍayogasiddhim tribhuvanajananayanatoṣahetuṃ trāṭakaśabdaliṅgamanalpayogadhīḥ saḥ ### [4.27](https://indike.org/pramana/in.lit.kavya.misc.rasikarmana.4.27) anudinamedhamānabhaktiyogo gurumamitaguṇamaprameyaśaktiyuktam dṛḍhamatirādaratorhaṃ (7b) yāṃcakra ārāccaraṇanalinasamupālanādibhiḥ saḥ ### [4.28](https://indike.org/pramana/in.lit.kavya.misc.rasikarmana.4.28) bhāratīśrīsiṃhastu bhaktimālokya tasya va parituṣṭo mahāsiddhaḥ śiṣyatvena tamagrahīt ### [4.29](https://indike.org/pramana/in.lit.kavya.misc.rasikarmana.4.29) guhyācchādanamātravastravigatasnehaṃ svato niḥspṛhaṃ tṛṣṇākrodhamanobhavādisakaladviṭsaṃghamānāpaham divyāśāmbaradhāriṇaṃ ca tamato hṛṣṭastu durvāsasaṃ nāmnā vai kathayāṃbabhūva sa guruḥ sacchiṣyamudyadyaśam ### [4.30](https://indike.org/pramana/in.lit.kavya.misc.rasikarmana.4.30) sa durvāsāstapo yuñjan yatī yogaparāyaṇaḥ avātsītsaṃnidhau yogaṃsaṃsiddhayabhigato guroḥ ### [4.31](https://indike.org/pramana/in.lit.kavya.misc.rasikarmana.4.31) varṣāsvākāśavāsī sa babhūva niyatendriyaḥ nirāvaranadehena jalāsārābhiṣāṇmuniḥ ### [4.32](https://indike.org/pramana/in.lit.kavya.misc.rasikarmana.4.32) hemante'mbugagātrayaṣṭiracaraddivyaṃ tapaḥ svātmadṛk prāṇāyāmaparāyaṇaḥ sa satataṃ yogīśvaro mantravit śītodbhūtadurantaduḥkhakalane no dattacittaḥ kvacid durvāsāḥ parigītalokasuyaśā gīrvāṇasaṃghastutaḥ ### [4.33](https://indike.org/pramana/in.lit.kavya.misc.rasikarmana.4.33) grīṣme'yaṃ ca hutāśanāntaragato reje jvalaṃstejasā mūrto'gniḥ kṣitidevasiddhiniratastuṣṭo havistarpaṇaiḥ mānuṣyākṛtimāṃstaponidhiriva pratyāhṛtākṣo muniryogabhyāsaparāyaṇaḥ svanasidṛk brahmārpitāntarmanāḥ ### [4.34](https://indike.org/pramana/in.lit.kavya.misc.rasikarmana.4.34) itthaṃ tapasyugratare ratasya saṃvatsarāḥ kāyadamaprakartuḥ samādhiyogābhiniviṣṭabuddherātmaikadṛṣṭerbahavaḥ samīyuḥ ### [4.34.p1](https://indike.org/pramana/in.lit.kavya.misc.rasikarmana.4.34.p1) iti śrīmahānmatisutasya durvāsasaḥ kāvye rasikaramaṇasaṃjñe kaviśrīraghunāthaviracite durvāsaso bhāratīnṛsiṃhaśiṣyatvanirūpaṇo nāma caturthaḥ sargaḥ ## Linked texts (1) - [Rasikaramana](https://indike.org/pramana/in.lit.kavya.rasikaramana.4.1) — Raghunātha, Sanskrit --- Source: [https://indike.org/pramana/in.lit.kavya.misc.rasikarmana.4](https://indike.org/pramana/in.lit.kavya.misc.rasikarmana.4) · Pramāṇa