[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Rasikarmana](https://indike.org/pramana/in.lit.kavya.misc.rasikarmana) › 5 # Rasikarmana 5 Rasikarmaṇa 5 - **Language:** Sanskrit ## Contents - [5.24](https://indike.org/pramana/in.lit.kavya.misc.rasikarmana.5.24) — 1 part ### [5.1](https://indike.org/pramana/in.lit.kavya.misc.rasikarmana.5.1) \[8a\] gate bahutithe kāle durvāsasamakalmaṣam kāyakleśaprakartāraṃ dayayā vyākulīkṛtaḥ ### [5.2](https://indike.org/pramana/in.lit.kavya.misc.rasikarmana.5.2) pratyakṣo nṛharirbhūtvā prāha kundendudīdhitiḥ praphullavadanāmbhojaḥ śrīnivāsaḥ satāṃ gatiḥ ### [5.3](https://indike.org/pramana/in.lit.kavya.misc.rasikarmana.5.3) yugme kulakam uttiṣṭha tāta tapasā pariśuddhacetāḥ siddho'si, me varaya vāñchitasiddhimātra tāvannarāḥ kila bhavanti na duḥkhapātraṃ yāvad bhavāmi nayanāmburuhāgrago'ham ### [5.4](https://indike.org/pramana/in.lit.kavya.misc.rasikarmana.5.4) itthaṃ giraṃ śrīnṛharerniśamya samādhyavasthāpitacittavṛttiḥ śanaiḥ śanairlokamimaṃ prapadya dṛṣṭvādidevaṃ śirasā vavande ### [5.5](https://indike.org/pramana/in.lit.kavya.misc.rasikarmana.5.5) praṇamya devadeveśaṃ sāṣṭāṅgamakhilārthadam astauṣītpulakodbhinnapremagadgadayā girā ### [5.6](https://indike.org/pramana/in.lit.kavya.misc.rasikarmana.5.6) namo nṛsiṃhāmitavikramāya namo namastīkṣṇanakhāyudhāya namo'stu daṃṣṭrāvikaṭānanāya namo namaste'stu sahasrakṛtvaḥ ### [5.7](https://indike.org/pramana/in.lit.kavya.misc.rasikarmana.5.7) pralayapayasi yo vai matsyarūpaṃ vidhāya śrutigaṇamupakinye daityamāhatya śaṅkham vidhimavanisunaukāsaṃsthitaṃ satyasaṃjñaṃ manumitaguṇaṃ cātārayadvārirāśim ### [5.8](https://indike.org/pramana/in.lit.kavya.misc.rasikarmana.5.8) surāsurāṇāmudadhernimanthe yo līlayā mandaramuddhāra āsthāya kūrmākṛtimādidevaḥ pṛṣṭhe surārthapratisiddhaye ca ### [5.9](https://indike.org/pramana/in.lit.kavya.misc.rasikarmana.5.9) vasuṃdharāmbhosi saṃnimagnāṃ svadaṃṣṭrayoccairbhagavānbabhāra vārāhamūrtiḥ pratiyoddhumagre nihatya saṃgrāmajayena yo vai ### [5.10](https://indike.org/pramana/in.lit.kavya.misc.rasikarmana.5.10) kāyādhavaṃ vīkṣya ca pīḍyamānamanena pitrā vapuṣāvirāsīt yo'ntaḥ kṛpābdhiḥ krakacāgratīkṣṇanakhāgrasaṃbhāvitadehayaṣṭiḥ ### [5.11](https://indike.org/pramana/in.lit.kavya.misc.rasikarmana.5.11) kṛtvā vapurvāmanaṃ kambale'ryo yajñakṣitiṃ śakra (8b) yaśo'pahartum kramatrayorvīcchalatastrilokīṃ gato jahārāmarapakṣapātī ### [5.12](https://indike.org/pramana/in.lit.kavya.misc.rasikarmana.5.12) yo jāmadagnyākṛtirarjunāravyaṃ hatvā sphuradbāhukuṭhāraśastraḥ tri(:) saptakratvo'vanimācakāra niḥkṣatriṇīmugratarasvabhāvaḥ ### [5.13](https://indike.org/pramana/in.lit.kavya.misc.rasikarmana.5.13) bhūtvā punardāśarathirjigāya rakṣodhipaṃ yo'dbhutasetukārī hetorvidehādhipakanyakāyā: prodyatpratāpāmbudhirāryavandyaḥ ### [5.14](https://indike.org/pramana/in.lit.kavya.misc.rasikarmana.5.14) kṛṣṇāvatāraṃ bhuvi yo vidhāya bhuvo bharaṃ cāpanayadrameśaḥ kaṃsādiduṣṭakṣitipograsainyo– dbhūtaṃ mahendrādyabhivāditāṅghriḥ ### [5.15](https://indike.org/pramana/in.lit.kavya.misc.rasikarmana.5.15) buddhasvarūpaṃ yaḥ kṛtvā mohayāmāsa dānavān svarge'xn yajñakartṝṃśca pāṣaṇḍaśrutibhiḥ prabhuḥ ### [5.16](https://indike.org/pramana/in.lit.kavya.misc.rasikarmana.5.16) kalkisvarūpaṃ yaḥ kṛtvā karavālaṃ kare'karot kalerante kadaryāṇāṃ kadanaṃ kṛtavānvibhuḥ ### [5.17](https://indike.org/pramana/in.lit.kavya.misc.rasikarmana.5.17) evaṃ daśākṛtikṛte narasiṃhāya te namaḥ kecidāhuścaturviśadrūpāṇi tava ca prabho ### [5.18](https://indike.org/pramana/in.lit.kavya.misc.rasikarmana.5.18) itthaṃ stuto narahariḥ punarābabhāṣe tvaṃ tāvadatra bhuvane'si bhamāvatāraḥ ātmānamatribhavane kila pūrvajātaṃ kiṃ na smarasyabhidhayā sumate'nayaiva ### [5.19](https://indike.org/pramana/in.lit.kavya.misc.rasikarmana.5.19) yo'haṃ sa tvaṃ ca tvaṃ cāhaṃ na tvaṃ bhedo'styāvayoḥ kvacit itthaṃ sati kimūnaṃ te yadicchaṃstapasi sthitaḥ ### [5.20](https://indike.org/pramana/in.lit.kavya.misc.rasikarmana.5.20) nṛsiṃhagaditaṃ śrutvā durvāsāstamabhāṣata smarāsmyevātmanātmānaṃ lokasthityai tapaścare ### [5.21](https://indike.org/pramana/in.lit.kavya.misc.rasikarmana.5.21) ityukto narasiṃhastu muninā tena satkṛtaḥ antardadhe narahariḥ surāsuranamaskṛtaḥ ### [5.22](https://indike.org/pramana/in.lit.kavya.misc.rasikarmana.5.22) antarhite naraharau durvāsāḥ sa taponidhiḥ tathaiva gurusānnidhye so'karodduścaraṃ tapaḥ ### [5.23](https://indike.org/pramana/in.lit.kavya.misc.rasikarmana.5.23) iti durvāsaso vṛttaṃ śrutvā gururatalpadṛk sarveṣāṃ svātmaśiṣyāṇāṃ (9a) mukhyaṃ tamakarodvibhuḥ ### [5.24](https://indike.org/pramana/in.lit.kavya.misc.rasikarmana.5.24) itthaṃ kvacidyogaparāyaṇasya kvacicca śiṣyapratibodhakasya samāḥ samīyurbahavaḥ samīpe gurornivāsābhiratasya tasya ### [5.24.p1](https://indike.org/pramana/in.lit.kavya.misc.rasikarmana.5.24.p1) iti śrīmahāmatisutasya durvāsasaḥ kāvye rasikaramaṇasaṃjñe kaviśrīraghunāthaviracite durvāsā kṛtanṛsiṃhastutinirūpaṇo nāma pañcamaḥ sargaḥ ## Linked texts (1) - [Rasikaramana](https://indike.org/pramana/in.lit.kavya.rasikaramana.5.1) — Raghunātha, Sanskrit --- Source: [https://indike.org/pramana/in.lit.kavya.misc.rasikarmana.5](https://indike.org/pramana/in.lit.kavya.misc.rasikarmana.5) · Pramāṇa