[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Rasikarmana](https://indike.org/pramana/in.lit.kavya.misc.rasikarmana) › 6 # Rasikarmana 6 Rasikarmaṇa 6 - **Language:** Sanskrit ## Contents - [6.42](https://indike.org/pramana/in.lit.kavya.misc.rasikarmana.6.42) — 1 part ### [6.1](https://indike.org/pramana/in.lit.kavya.misc.rasikarmana.6.1) athācakāra bhagavānsarvatīrthavigāhane saṃkalpaṃ muniśārdūlo durvāsāḥ śāstrakovidaḥ ### [6.2](https://indike.org/pramana/in.lit.kavya.misc.rasikarmana.6.2) gurave svātmasaṃkalpaṃ nyavedayadagādhadhīḥ ājñāṃ cāprārthayattaṃ vai praṇipātapuraḥsaram ### [6.3](https://indike.org/pramana/in.lit.kavya.misc.rasikarmana.6.3) sa cājñāṃ prārthayantaṃ taṃ dṛṣṭvā yogeśvaro guruḥ premaprakīrṇahṛdayo harṣāśrunayano'bhavat ### [6.4](https://indike.org/pramana/in.lit.kavya.misc.rasikarmana.6.4) durvāsasaṃ samāliṅgya dattvāśiṣamanuttamam svakaṇṭhasthāṃ srajaṃ tasmai prasādīkṛtya dattavān ### [6.5](https://indike.org/pramana/in.lit.kavya.misc.rasikarmana.6.5) ājñāṃ prasannahṛdayo durvāsasamakalmaṣam pradadyau sarvatīrthānāmavagāhe mahāmanāḥ ### [6.6](https://indike.org/pramana/in.lit.kavya.misc.rasikarmana.6.6) gurorājñāmanuprāpya daṇḍavatpraṇipatya tam kartuṃ tīrthāni durvāsāścele śiṣyaiḥ samāvṛtaḥ ### [6.7](https://indike.org/pramana/in.lit.kavya.misc.rasikarmana.6.7) guroratikramya maṭhaṃ mahātmā yāvad gato nandanakānanākhyam tāvajjagarjāntivanāntacārī siṃho manuṣyākṛtigandhahṛṣṭaḥ ### [6.8](https://indike.org/pramana/in.lit.kavya.misc.rasikarmana.6.8) śrutvā kesarigarjanaṃ kharataraṃ śiṣyā bhayavyākulāḥ procuḥ prāñjalayo guro samava no durvāsaṃ vepitāḥ asmākesariṇaḥ kṛtāntavapuṣa tyatsarojāśrayā tatrānanyagatiprasādasumukho'si tvaṃ yathā śrīpatiḥ ### [6.9](https://indike.org/pramana/in.lit.kavya.misc.rasikarmana.6.9) śiṣyeṣvevaṃ vadatsveva kesarī purato'bhavat utthāpitakaraḥ sa(9b)rve bhītāḥ samabhavaṃstataḥ ### [6.10](https://indike.org/pramana/in.lit.kavya.misc.rasikarmana.6.10) bhītāṃstāṃstu samāśvāsya durvāsā ityabhāṣata yaṣṭiṃ dadata me pāṇau haniṣye'suṃ tayaiva hi ### [6.11](https://indike.org/pramana/in.lit.kavya.misc.rasikarmana.6.11) iti durvāsaso vākyamākarṇya drutamādduḥ kare durvāsaso yaṣṭiṃ taṃ vārayitumudyatāḥ ### [6.12](https://indike.org/pramana/in.lit.kavya.misc.rasikarmana.6.12) tannivāraṇakāmo'sau durvāsā yaṣṭimādade kare yaṣṭiṃ samādāya pasparśa ca mṛgādhipam ### [6.13](https://indike.org/pramana/in.lit.kavya.misc.rasikarmana.6.13) sa spṛṣṭamātrastu mṛgendradehaṃ visṛjya yaṣṭayā divi devarūpaḥ durvāsaṃ puṣpacayairvikīrya sthitaḥ parādhyamalarūpaśobhaḥ ### [6.14](https://indike.org/pramana/in.lit.kavya.misc.rasikarmana.6.14) dṛṣṭaṃ śiṣyaiścakitacakitaṃ kautukāviṣṭacittaiḥ papracchāmuṃ munivaraśirovandyapādaḥ sa ittham kastvaṃ kasmānmṛgapatitanuḥ kābhidhā te vadasva śrotuṃ vṛttaṃ tava mama manasyasti kautūhalaṃ hi ### [6.15](https://indike.org/pramana/in.lit.kavya.misc.rasikarmana.6.15) itthaṃ durvāsasā pṛṣṭaḥ prāñjalirnatakaṃdharaḥ provāca bhavataḥ kiṃ na viditaṃ praśnato bruve ### [6.16](https://indike.org/pramana/in.lit.kavya.misc.rasikarmana.6.16) gandharvarājatanayo bṛhadśvanāmā hyākṣeṭakādbhutavihāraniviṣṭacittaḥ śaśvaddhanuḥśaraniṣaṅgadharo vanasthāsnigdhanaṃścarāmi karuṇāvimukho'hamatra ### [6.17](https://indike.org/pramana/in.lit.kavya.misc.rasikarmana.6.17) so'haṃ kadācidagamaṃ mṛgayāhṛtāntaścitto vihartumiṣucāpadharo munīnām mādhyanmṛgākulamanalpavanasthajaṃ tu prauḍhaṃ tapovanamathāyuraṭṭaṣṭatastu ### [6.18](https://indike.org/pramana/in.lit.kavya.misc.rasikarmana.6.18) tatra gatvā mṛgānbāṇairmṛgayāvyākulīkṛtaḥ jaghāna vanajātāni paśūṃśca mṛgayuryathā ### [6.19](https://indike.org/pramana/in.lit.kavya.misc.rasikarmana.6.19) vāryamāṇo'pi munibhiḥ kadarthīkṛtya tānaham vayastejaḥśriyonmattaḥ pāpātmā vidhinoditaḥ ### [6.20](https://indike.org/pramana/in.lit.kavya.misc.rasikarmana.6.20) yugmam cukrudhurmunayo (10a) mahyaṃ svavacokāriṇe tadā krodharavatekṣaṇāḥ śatruṃ cakrurmā matimīśvarāḥ ### [6.21](https://indike.org/pramana/in.lit.kavya.misc.rasikarmana.6.21) tataḥ samādāya kare jalaṃ te śepurmunīśā mṛgarāḍ bhaveti māṃ yastvamasmāsu tapaḥsthiteṣu mṛgānyahiṃsīḥ khalasiṃhavattvam ### [6.22](https://indike.org/pramana/in.lit.kavya.misc.rasikarmana.6.22) iti munigaṇaśāpaṃ karṇayoḥ saṃnidhārya karayuglasarojaṃ saṃpuṭīkṛtya vegāt apagatamadahattatpādakañjaṃ praṇamya vinayamakaramūḍhaṃ tāpasāṃstīkṣṇavācaḥ ### [6.23](https://indike.org/pramana/in.lit.kavya.misc.rasikarmana.6.23) ityavocaṃ munīṃstāṃstu kṣamadhvaṃ me'parādhitam kriyatāmasya śāpasyānugrahaḥ karuṇāparaiḥ ### [6.24](https://indike.org/pramana/in.lit.kavya.misc.rasikarmana.6.24) dāso'smyahaṃ vo munayaḥ kurudhvaṃ dayāṃ mayi prītisuhṛṣṭacittāḥ dīne'nukampyeva bhavādṛśānāṃ kṛtāñjalāvatra dayārṇavānām ### [6.25](https://indike.org/pramana/in.lit.kavya.misc.rasikarmana.6.25) itthaṃ mayi kṛpaṇavāci mahānubhāvāḥ kṛtvā kṛpāmakhilabhūtahitasthacittāḥ māṃ vācamūcuriti-bhoḥ śṛṇu no vacāṃsi nāsmadvacastribhuvane'pi mṛṣā bhaveddhi ### [6.26](https://indike.org/pramana/in.lit.kavya.misc.rasikarmana.6.26) siṃho bhavānvai bhavitaiva loke tasmāccharīrāttu tadā vimokṣaḥ asmatkṛtānugrahato bhaviṣyatyanalpaduḥkhāttava devaputra ### [6.27](https://indike.org/pramana/in.lit.kavya.misc.rasikarmana.6.27) caturyugāviḥkṛtadeharāśirmahāmaterātmaja ātmavāṃśca nṛsiṃhanāmno hi munestu śiṣyastīrthāni kurvanvicaranpṛthivyām ### [6.28](https://indike.org/pramana/in.lit.kavya.misc.rasikarmana.6.28) nāmnā proktastu durvāsāḥ kare kṛtvā tu yaṣṭikām kariṣyati prahārānte tadā muktimavāpsyasi ### [6.29](https://indike.org/pramana/in.lit.kavya.misc.rasikarmana.6.29) yugmam ityanugrahamāsādya munīnāmamalātmanām devatvaṃ tu vihāyāhaṃ siṃho jāto mahāvane ### [6.30](https://indike.org/pramana/in.lit.kavya.misc.rasikarmana.6.30) so'haṃ tvayā tribhuvanārtihareṇa śāpātsaṃtāritaḥ kṣi(10b)titalāmaravākyajātāt pūrṇasya te kimapi nāsti hi vastujātamūnaṃ karomi yadalaṃ tadahaṃ namāmi ### [6.31](https://indike.org/pramana/in.lit.kavya.misc.rasikarmana.6.31) sa ityuktvātmano vṛttaṃ durvāsasamakalmaṣam premapragalbhayā vācāstauṣītpraṇatakaṃdharaḥ ### [6.32](https://indike.org/pramana/in.lit.kavya.misc.rasikarmana.6.32) yaḥ satyākhye yuge pūrvamatrerjāto gṛhe muniḥ nāmnānenaiva vikhyātastasmai durvāsase namaḥ ### [6.33](https://indike.org/pramana/in.lit.kavya.misc.rasikarmana.6.33) tretāyāṃ vartamānāyāṃ mandarākhyamahāgirau atyugraṃ yastapastepe tasmai durvāsase namaḥ ### [6.34](https://indike.org/pramana/in.lit.kavya.misc.rasikarmana.6.34) dvāpare samanuprāpte suralokamupāgataḥ yaḥ suraiḥ pūjito bhaktyā tasmai durvāsase namaḥ ### [6.35](https://indike.org/pramana/in.lit.kavya.misc.rasikarmana.6.35) yuge kalāvatha prāpte mahāmatisuto'bhavat ātmajñānena saṃpūrṇastasmai durvāsase namaḥ ### [6.36](https://indike.org/pramana/in.lit.kavya.misc.rasikarmana.6.36) bhāratīśrīnṛsiṃhasya śiṣyaḥ śamaparāyaṇaḥ abhyāsayogayukto yastasmai durvāsase namaḥ ### [6.37](https://indike.org/pramana/in.lit.kavya.misc.rasikarmana.6.37) ātmajñānāvabodhena tṛpto bhūtadayāparaḥ kāmakrodhādimukto yastasmai durvāsase namaḥ ### [6.38](https://indike.org/pramana/in.lit.kavya.misc.rasikarmana.6.38) yaḥ kalpavṛkṣavad bhāti kṣitau mūrto narākṛtiḥ kāmapūrayitā nityaṃ tasmai durvāsase namaḥ ### [6.39](https://indike.org/pramana/in.lit.kavya.misc.rasikarmana.6.39) yaḥ kṛtajñaḥ kalāvatra nityamāśāprapūrakaḥ dayayā vāridhirloke tasma durvāsase namaḥ ### [6.40](https://indike.org/pramana/in.lit.kavya.misc.rasikarmana.6.40) yasya prasādānmucyante saṃkaṭātsarvadehinaḥ mahatkṛpāsamudrasya tasmai durvāsase namaḥ ### [6.41](https://indike.org/pramana/in.lit.kavya.misc.rasikarmana.6.41) imāmaharaharbhaktyā stutiṃ durvāsasaḥ pumān yaḥ paṭhiṣyati kāmānsa prāpsyatīha na saṃśayaḥ ### [6.42](https://indike.org/pramana/in.lit.kavya.misc.rasikarmana.6.42) itthaṃ durvāsasaṃ stutvā kṛtvā saptapradakṣiṇam labdhānujño yayau devo lokaṃ svaṃ hṛṣṭamānasaḥ ### [6.42.p1](https://indike.org/pramana/in.lit.kavya.misc.rasikarmana.6.42.p1) iti śrīmahāmatitanayasya durvāsasaḥ kāvye rasikaramaṇasaṃjñe kaviśrīraghunāthavi (11a) racite gandharvarājatanayabṛhadaśvaśāpamokṣo nāma ṣaṣṭhaḥ sargaḥ ## Linked texts (1) - [Rasikaramana](https://indike.org/pramana/in.lit.kavya.rasikaramana.6.1) — Raghunātha, Sanskrit --- Source: [https://indike.org/pramana/in.lit.kavya.misc.rasikarmana.6](https://indike.org/pramana/in.lit.kavya.misc.rasikarmana.6) · Pramāṇa