[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Rasikarmana](https://indike.org/pramana/in.lit.kavya.misc.rasikarmana) › 7 # Rasikarmana 7 Rasikarmaṇa 7 - **Language:** Sanskrit ### [7.1](https://indike.org/pramana/in.lit.kavya.misc.rasikarmana.7.1) gandharvarājatanayaṃ bṛhadaśvasaṃjñamudgṛtya kautukasamākulaśiṣyavṛndaiḥ śāpādyau parivṛtaḥ pathi kautukāni kṣetraṃ munirviracayanpuruṣottamākhyam ### [7.2](https://indike.org/pramana/in.lit.kavya.misc.rasikarmana.7.2) yatra kṣetre jagannātho devastribhuvaneśvaraḥ sthitaḥ sākṣātsatāṃ siddhacai surāsuranamaskṛtaḥ ### [7.3](https://indike.org/pramana/in.lit.kavya.misc.rasikarmana.7.3) rājā gajapatī rudrapratāpākhyo virājate yatra devī ramā nityaṃ ramate svavibhūtibhiḥ ### [7.4](https://indike.org/pramana/in.lit.kavya.misc.rasikarmana.7.4) tatrāgato'sau durvāsāḥ śiṣyasaṃghasamāvṛtaḥ reje sākṣātsvayaṃ rudro jagannāthaṃ vilokayan ### [7.5](https://indike.org/pramana/in.lit.kavya.misc.rasikarmana.7.5) pratāparudro nṛpatirniśamya durvāsasaṃ svaṃ viṣayaṃ prapannam upāyanāni pratigṛhya hṛṣṭaḥ pratyujjagāmātmani dhanyatādhṛk ### [7.6](https://indike.org/pramana/in.lit.kavya.misc.rasikarmana.7.6) tathā hi-vāsāṃsi navānyanarghyaṃśobhānyamūlyāni ca ratnajātīḥ rathadvipāśvānnarayānapaṃktīdravyaṃ caturlakṣasuvarṇasaṃkhyam ### [7.7](https://indike.org/pramana/in.lit.kavya.misc.rasikarmana.7.7) hāraṃ ca muktāmaṇiśobhamānaṃ sphuratprabhāmaṇḍaladīpyamānam kastūrikācandanakesarāṇi tāmbūlapuṣpāṇi lavaṅgadhānāḥ ### [7.8](https://indike.org/pramana/in.lit.kavya.misc.rasikarmana.7.8) pūjopahāraṃ vividhaṃ pragṛhya nṛpaḥ padātiḥ svajanānuyātaḥ svajanma dhanyaṃ bahu manyamānaḥ kṛtāñjaliḥ pūrvamupaśrutaṃ tam ### [7.9](https://indike.org/pramana/in.lit.kavya.misc.rasikarmana.7.9) gacchanmārge kujadhanatasthāyasaṃsthaṃ (?) munīśaṃ śiṣyaiḥ kaiścidvacajanakaradhūtaiḥ sādaraṃ vījyamānam śiṣyaiḥ kaiścitpraṇayoyutavacorāśibhirhasyamānaṃ tejodīptaṃ prakaṭamiva nṛpaśrīdineśaṃ vyacakṣat ### [7.10](https://indike.org/pramana/in.lit.kavya.misc.rasikarmana.7.10) dūrādurvāsasaṃ dṛṣṭvā nṛpo gajapatistadā daṇḍavannamanaṃ kurvanyathau pārśve mahāmuneḥ ### [7.11](https://indike.org/pramana/in.lit.kavya.misc.rasikarmana.7.11) dadau saṃgamya vidhivat (11b) dhṛtvopāyanamagrataḥ muktāhāraṃ samarpyātha caturlakṣaṃ suvarṇakam ### [7.12](https://indike.org/pramana/in.lit.kavya.misc.rasikarmana.7.12) dhṛtvā bhakṣyaṃ ca bhojyaṃ ca muneragre mahāmatiḥ apūjayanmuniṃ taṃ sa tāmbūlatilakādibhiḥ ### [7.13](https://indike.org/pramana/in.lit.kavya.misc.rasikarmana.7.13) evaṃ durvāsasaṃ pūjya paścātsarvānmunīnnṛpaḥ pūjayāmāsa vidhivad hṛṣṭaromā mahāmanāḥ ### [7.14](https://indike.org/pramana/in.lit.kavya.misc.rasikarmana.7.14) saṃpūjya vidhivad bhaktyā kṛtāñjalipuṭo nṛpaḥ gṛṇan vācāsima dhanyo'hamiti taṃ saṃnanāma saḥ ### [7.15](https://indike.org/pramana/in.lit.kavya.misc.rasikarmana.7.15) durvāsāstaṃ samutthāpya datvāśivamaninditām papraccha kuśalaṃ rājye rājānaṃ prītipūrvakam ### [7.16](https://indike.org/pramana/in.lit.kavya.misc.rasikarmana.7.16) sa pṛṣṭaḥ kuśalaṃ tena muninā nṛpatirjagau astyeva me śivaṃ yasya prasādābhimukho bhavān ### [7.17](https://indike.org/pramana/in.lit.kavya.misc.rasikarmana.7.17) ityanyonyaṃ samabhavatprītistāpasabhūpayoḥ cakratuḥ supaviṣṭau tau kathāśca vividhā śubhāḥ ### [7.18](https://indike.org/pramana/in.lit.kavya.misc.rasikarmana.7.18) durvāsaḥ purastasmin sthite rājñi dvijo'gamat cintāvyākulacittaścaiko vavande sa taṃ munim ### [7.19](https://indike.org/pramana/in.lit.kavya.misc.rasikarmana.7.19) dṛṣṭvā vipraṃ mahaccintāśuṣyadvadanapaṅkajam kṛpāpariplutaḥ sāntvapūrvaṃ komalayā girā ### [7.20](https://indike.org/pramana/in.lit.kavya.misc.rasikarmana.7.20) kastvaṃ kimarthamatrādya brahmaṃstvaṃ samupāgataḥ cintayā vyākulo'si tvaṃ kuta ityavadanmuniḥ ### [7.21](https://indike.org/pramana/in.lit.kavya.misc.rasikarmana.7.21) yugmam iti durvāsasā pṛṣṭaḥ karuṇāsāgareṇa saḥ tamuvāca muniṃ tasmādarthasiddhiṃ vicintayan ### [7.22](https://indike.org/pramana/in.lit.kavya.misc.rasikarmana.7.22) itthaṃ sa pṛṣṭastamabhāṣatedaṃ svāmindvijo'haṃ haradāsanāmā putrīvivāhākulacittavṛttiḥ— daridradhāmāsmi tapasvinātha ### [7.23](https://indike.org/pramana/in.lit.kavya.misc.rasikarmana.7.23) dravyārjanāyādhvani tāpaseśa gacchaṃstu dṛṣṭvāhamupāgato'smi tvāṃ vai namaskartumanalpasiddhe cintāṃ mama cchettumihārhasi tvam ### [7.24](https://indike.org/pramana/in.lit.kavya.misc.rasikarmana.7.24) ityukto muniśārdūlaḥ (12a) prahasanniva taṃ jagau asmākaṃ nyāsināṃ brahman kuto dravyaṃ yadicchasi ### [7.25](https://indike.org/pramana/in.lit.kavya.misc.rasikarmana.7.25) durvāsasa punaḥ prāha dvijo'sau svārthasiddhaye munestasya kṛpālutvaṃ cintayanmanasi prabhum ### [7.26](https://indike.org/pramana/in.lit.kavya.misc.rasikarmana.7.26) āvṛto bhasmanā vahniḥ svarśaktiṃ ki vimuñcati munirūpadhare padmanābhau śaktistathā sthirā ### [7.27](https://indike.org/pramana/in.lit.kavya.misc.rasikarmana.7.27) ityukto muniśārdūlo durvāsāḥ punarabravīt taṃ dvijaṃ bho dvijaśreṣṭha kiyad dravyaṃ vilokyate ### [7.28](https://indike.org/pramana/in.lit.kavya.misc.rasikarmana.7.28) iti pṛṣṭaḥ sa hṛṣṭātmā prāñjaliḥ prāha taṃ munim durvāsasaṃ dvijavarastaddarśanamahotsavaḥ ### [7.29](https://indike.org/pramana/in.lit.kavya.misc.rasikarmana.7.29) svāmin suvarṇalakṣaṃ tu pāribarhaṃ vilokyate tadvatsuvarṇalakṣaṃ tu bhojyāya munipuṃgava ### [7.30](https://indike.org/pramana/in.lit.kavya.misc.rasikarmana.7.30) suvarṇalakṣakaṃ tadvatkanyābharaṇasiddhye etāvadyadi dravyaṃ syāttanme cintā vinaśyati ### [7.31](https://indike.org/pramana/in.lit.kavya.misc.rasikarmana.7.31) mama cintā gataivādya siddhasya tava darśanāt udite dyumaṇau loke tamaḥ kiṃ pratibādhate ### [7.32](https://indike.org/pramana/in.lit.kavya.misc.rasikarmana.7.32) iti tasya vacaḥ śrutvā durvāsāḥ karuṇānidhiḥ audāryavāridhiḥ prāha dvijaṃ taṃ premapūrvakam ### [7.33](https://indike.org/pramana/in.lit.kavya.misc.rasikarmana.7.33) yadi te svarṇalakṣāṇāṃ tritayaṃ hi vilokyate taddattaṃ bhūbhujā svarṇacaturlakṣaṃ gṛhāṇa me ### [7.34](https://indike.org/pramana/in.lit.kavya.misc.rasikarmana.7.34) ityuktvādād dvijendrāya caturlakṣasuvarṇakam karuṇāvāridhirnityaṃ parakaṣṭavibhañjanaḥ ### [7.35](https://indike.org/pramana/in.lit.kavya.misc.rasikarmana.7.35) itthaṃ dvijaḥ pūrṇamanoratho'sau durvāsāsākāri munīśvareṇa tena dvijenāpi ca tatpadābjaṃ praṇamya yātaṃ nagaraṃ svakaṃ hi ## Linked texts (1) - [Rasikaramana](https://indike.org/pramana/in.lit.kavya.rasikaramana.7.1) — Raghunātha, Sanskrit --- Source: [https://indike.org/pramana/in.lit.kavya.misc.rasikarmana.7](https://indike.org/pramana/in.lit.kavya.misc.rasikarmana.7) · Pramāṇa