[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Rasikarmana](https://indike.org/pramana/in.lit.kavya.misc.rasikarmana) › 8 # Rasikarmana 8 Rasikarmaṇa 8 - **Language:** Sanskrit ## Contents - [8.26](https://indike.org/pramana/in.lit.kavya.misc.rasikarmana.8.26) — 1 part ### [8.1](https://indike.org/pramana/in.lit.kavya.misc.rasikarmana.8.1) athaudāryaṃ samālakṣya śrīmaddurvāsaso nṛpaḥ vismitaḥ saṃbabhūvāsau taṃ mene'śaṃ harerbhuvi ### [8.2](https://indike.org/pramana/in.lit.kavya.misc.rasikarmana.8.2) evaṃ dvijavarasyārthaṃ saṃdhāya munipuṃgavaḥ rājānaṃ pratyuvācedaṃ rājanme vacanaṃ śṛṇu ### [8.3](https://indike.org/pramana/in.lit.kavya.misc.rasikarmana.8.3) pūjopahāraḥ sarvastu gṛhīto me tavānagha rathāśvanarayānāni śastāni nṛpatergṛhe ### [8.4](https://indike.org/pramana/in.lit.kavya.misc.rasikarmana.8.4) tasmād gṛhāṇa tatsarvaṃ mayā pratyarpitaṃ tava pūjārthaṃ nṛpaśārdūla vayaṃ saṃnyāsino yataḥ ### [8.5](https://indike.org/pramana/in.lit.kavya.misc.rasikarmana.8.5) tatheti vacanaṃ tasya muneḥ sa śirasā dadhau nṛpo gajapatirhṛṣṭaḥ provāca ca munīśvaram ### [8.6](https://indike.org/pramana/in.lit.kavya.misc.rasikarmana.8.6) svāmiṃstvaduktaṃ hi mayā gṛhītaṃ tathāpi yāce kimapi praśastam nṛyānamekaṃ munisiṃha me tvamaṅgīkuru snehatayārpitaṃ hi ### [8.7](https://indike.org/pramana/in.lit.kavya.misc.rasikarmana.8.7) tatheti tadvacaḥ sādhu jagṛhe munipuṃgavaḥ durvāsāḥ prītiyuktātmā tuṣṭo gajapateryataḥ ### [8.8](https://indike.org/pramana/in.lit.kavya.misc.rasikarmana.8.8) tato'nuyātaḥ kṣitipena tena pratāparudreṇa kṛpāsamudraḥ cele jagannāthamukhāravindaṃ draṣṭuṃ sa padbhyāṃ vidhipālanāya ### [8.9](https://indike.org/pramana/in.lit.kavya.misc.rasikarmana.8.9) gacchan padbhyāṃ munivaraśiraḥsaṃnatāṅghirmunīśo reje mārge caraṇanalinanyāsato bhūṣayansaḥ pīnoraskāyatabhujakaṭigrīvayā ramyamūrtirlīlāgāmī madarasavaśātkṣmātale satkarīva ### [8.10](https://indike.org/pramana/in.lit.kavya.misc.rasikarmana.8.10) itthaṃ mārgamatikramya durvāsāḥ sa munīśvaraḥ sānugena nṛpeṇānuyātaḥ prāpa jagatpatim ### [8.11](https://indike.org/pramana/in.lit.kavya.misc.rasikarmana.8.11) durvāsā daṇḍavad bhūmau jagannāthaṃ praṇamya saḥ pūjayāmāsa vidhivaddhūpadīpopahārakaiḥ ### [8.12](https://indike.org/pramana/in.lit.kavya.misc.rasikarmana.8.12) pūjayitvā jagannāthaṃ stutyā saṃtoṣya taṃ prabhum bahirāgatya rājānaṃ gṛhāyānumatiṃ (13a) dadau ### [8.13](https://indike.org/pramana/in.lit.kavya.misc.rasikarmana.8.13) so'nujñātastu rājendro namaskṛtya munīśvaram mahāmātyairyayau sadma samarghyaṃ vasu puṣkalam ### [8.14](https://indike.org/pramana/in.lit.kavya.misc.rasikarmana.8.14) durvāsāstu tataḥ śiṣyānpākasthityai samādiśat pecurvai vividhānnāni śākajātīrmanoramāḥ ### [8.15](https://indike.org/pramana/in.lit.kavya.misc.rasikarmana.8.15) pakvānnāni suhṛdyāni śiṣyāste sma samabruvan śiṣyavijñāpitaṃ śrutvā bhojanāyopacakrame ### [8.16](https://indike.org/pramana/in.lit.kavya.misc.rasikarmana.8.16) snātvābhyarcyaṃ jagannāthaṃ datvā dānāni buddhimān bubhuje śiṣyavṛndaiḥ sa mahānnaṃ prītipūrvakam ### [8.17](https://indike.org/pramana/in.lit.kavya.misc.rasikarmana.8.17) bhuktvānnaṃ prītipūrvaṃ saḥ saha śiṣyairmahāmanāḥ cakāra śuddhācamanaṃ dantadhāvanapūrvakam ### [8.18](https://indike.org/pramana/in.lit.kavya.misc.rasikarmana.8.18) kṛtvā ca vidhivacchuddhācamanaṃ munipuṃgavaḥ mukhavāsaṃ tataścakre hastavāsādikaṃ ca saḥ ### [8.19](https://indike.org/pramana/in.lit.kavya.misc.rasikarmana.8.19) sa bhuktvāsanamāsīnaḥ śiṣyasaṃghairupāsitaḥ cakāra śrutivyākhyānaṃ śiṣyavṛndaṃ tu bodhayan ### [8.20](https://indike.org/pramana/in.lit.kavya.misc.rasikarmana.8.20) itthaṃ sukhāsanasthasya śrutivyākhyāratasya ca tasya sūryo jagāmāstaṃ saṃdhyākāla upasthitaḥ ### [8.21](https://indike.org/pramana/in.lit.kavya.misc.rasikarmana.8.21) saṃdhyākāle samāpanne snānaṃ kṛtvā mahāmuniḥ sāyaṃsaṃdhyāmupāste sma śrutidharmaparāyaṇaḥ ### [8.22](https://indike.org/pramana/in.lit.kavya.misc.rasikarmana.8.22) upāsya vidhivatsaṃdhyāṃ japaṃ kṛtveṣṭadaivikam suṣvāpa sa sukhaṃ śiṣyasaṃghena samupāsitaḥ ### [8.23](https://indike.org/pramana/in.lit.kavya.misc.rasikarmana.8.23) tato rātryāṃ vyatītāyāmuṣasyutthāya dharmavit snātvā śuciḥ sa durvāsā nityakarma cakāra ha ### [8.24](https://indike.org/pramana/in.lit.kavya.misc.rasikarmana.8.24) nityakarma nivartyatha jagannāthamapūjayat pūjayitvā jagannāthaṃ bubhuje'nnaṃ caturguṇam ### [8.25](https://indike.org/pramana/in.lit.kavya.misc.rasikarmana.8.25) tathaiva bhuktvā ca sukhāsanasthaścakāra carcāḥ smṛtivedasiddhāḥ prabodhayan śiṣyasamūhamatra kṣetre jaga(13 b)nāthanṛpasya siddhaḥ ### [8.26](https://indike.org/pramana/in.lit.kavya.misc.rasikarmana.8.26) durvāsasītthaṃ jagadekanāthakṣetre vasatyutsukabhūbhujā vai saṃsevyamāne'rhaṇapāṇināsau kālo'tyagānmāsacatuṣṭayākhyaḥ ### [8.26.p1](https://indike.org/pramana/in.lit.kavya.misc.rasikarmana.8.26.p1) iti śrīmahāmatisutasya durvāsasaḥ kāvye rasikaramanasaṃjñe kaviśrīraghunāthaviracite durvāso jagannāthakṣetranivāso nāma aṣṭamaḥ sargaḥ ## Linked texts (1) - [Rasikaramana](https://indike.org/pramana/in.lit.kavya.rasikaramana.8.1) — Raghunātha, Sanskrit --- Source: [https://indike.org/pramana/in.lit.kavya.misc.rasikarmana.8](https://indike.org/pramana/in.lit.kavya.misc.rasikarmana.8) · Pramāṇa