Pramāṇa · Search · About · API

Asaphavilasa (Āsaphavilāsa)

आसफविलास

praise of Nawāb Āsaphkhān

Language
Sanskrit
Date
1590–1670 CE
Author
Jagannātha Paṇḍitarāja
Extent
8 passages, 210 words
Text
partly digitised
Source
archiveorg · Panditaraja Kavya Sangraha Dr. Aryendra Sharma; ed. Aryendra Sharma; Sanskrit Academy Series; Sanskrit… · Scan of a printed edition hosted by the Internet Archive (archive.org); the ancient text is in the public…

Contents

Text

1

(10) āsaphavilāsaḥ
(10) āsaphavilāsaḥ
śrīgajavadanāya namaḥ || asti samastapraśastabhūpālamastakamaṇimayūkhamālālālitacaraṇanakharaśaradinducandrikācayacamatkāraculukitacarācarāntaratimiradhoraṇiḥ sapulakasurāsurasundarīsamudgīyamānasphārapāradaparamparāsahodarayaśaḥsudhāpaṭalasaṅgavāmāṅgitavāmāṅgīkavāmadevakalevarapratibhaṭīkṛtalokālokāvanidharo mahastaruṇataraṇikiraṇasaraṇimullāsitajagadaṇḍamaṇḍalapuṇḍarīkaḥ sāhirahānābhidhaścakravartī
api ca -
pārīndrāṇāṃ dhurīṇairavanidharaguhāgarbhataḥ protpatadbhiḥ
svāpabhraṃśaprakopapracalitanayanaprāntamākarṇyamānaḥ
yatprasthānāntarudyatpralayajaladharadhvānadhikkāradhīro
ghṛṣṭakṣīrodatīro jagati vijayate dundubhidvandvanādaḥ

2

dvārāndolanmadāndhadviradaghanaghaṭāgaṇḍapaṭṭaprasarpaddānoddāmapraṇālīmiladalivalayodgītacāpapratāpāḥ
bhūpāste'pi prabhātonmadakamalasamullāsiśobhābhirāmāṃ
dainyagrāmāndhakārakvathanadinakṛto yasya dṛṣṭiṃ śrayante

3

yasyoddāmadivāniśāthivilasaddānapravāhaprathāmākarṇyāvanimaṇḍalāgataviyadvandīndravṛndānanāt
īrṣyānirbharaphullararomanikaravyāvalgadūdhaḥsravatpīyūṣaprasaraiḥ surendrasurabhiḥ prāvṛṭpayodāyate

4

rudato niśi śaiśavena dūrīkṛtanidrasya gajānanasya gaurī
upagāyati bhītaye yadudyanmadayūthādhipayūthadānakīrttim

4.p1.1

sa kadācidvipulabalavaśībhavadvasumatīvalayavellanīkṛtayaśovimalāṃśukaḥ pracaṇḍabhujadaṇḍamaṇḍalībhavatkodaṇḍaniḥsaratkāṇḍakhaṇḍitāroṣaśātravaḥ karaṭataṭanirgalanmadadravanirjharāṇāṃ samprati samutpannānāṃ dharādharaśiśūnāmiva riṅgatāṃ mataṅgajānāṃ saṃghaṭṭaiḥ prathamasamāgamatrastanavāṅganānāsāgralambimuktāphalacāpalayamlimlucānāṃ pratikhuranikaraśilātalasaṃghaṭṭasamucchaladvidyudvallīkṛtavipulavisphuliṅgacchaṭāpastorageṭanāṃ vājināṃ rājibhiśca samākulayā sāgarasamānayā senayā samāvṛtto viṣamatarārohāvarohābhiḥ svarāvṛttibhiriva kleśapracurapariṇāmasukhābhirvaidikakarmasaraṇibhiriva paddhatibhiranākalitaduḥkhaleśaṃ kaśmīradeśamājagāma yasminnanavaratamaparimitapayodapaṭalaparyastatatprāleyapuñjapañjaritena paritaḥ sphuratā rajataprākāreṇeva gaurīguruṇā himagiriṇā veṣṭitāparimitakusumāmodamādyanmadhuvratavrātagītamāhātmyaiḥ kairapi pariṇatarasabhāratun dilānāṃ phalānāṃ prakareṇopanamraśākhāśatairātitheyairiva gṛhasthairasaṃkhyaiḥ śākhibhiḥ śobhitā pariphullapadminīpariṣaddhūnodbhūtaparāgapaṭalapāṇḍuritaiścañcupuṭairatirasampaṭābhirvaraṭābhiḥ kaṇḍūyitakapolānāṃ rājahaṃsānāmāvalibhiḥ sevitairekībhavadindranīlamaṇimayūkhamāṃsalānā mantarvibhāvanāvaśeṣavilo kanīyaśeṣa śikhāmaṇīnāṃ salilānāmākaraiḥ kamanīyatarā nibiḍataraśādvalaśyāmalimnā marakatamaṇimayīva samullasati vasumatī

4.p1.2

atha tatra sakalasāmantacakracūḍācumbitanikhilabhūmaṇḍalamaṇḍanāyitacaraṇakamalaparimalalampaṭībhavadvahalavibudhajanavrātamādyadindindiramañjulaguñjitairmukharitaharidantarālo vilasitahimaśailaśṛṅgaskhalattuṅgagaṅgātaraṅgābhirāmatviṣā śaradabhrālivibhrājiṣṇubhrāṃśuvarakiraṇakāntidviṣā caturudadhipāraśliṣā yaśaḥsudhāpaṭalena paripāṇḍaritajagadaṇḍamaṇḍalo'navaratavidvadvṛmadrohidāridryamādyadvipoddāmadarpaghavidrāvaṇaprauḍhapañcānano mahāmahīruha iva dvijakulāyahitaḥ ṛtukhiva madhuriva sakalasumanaḥprasādano'pi himāṃśuriva sakalāsumanaḥprasādanaḥ samarārcitopyamarācitaḥ sārvabhaumasaṃbandhiṣu sakaleṣu sāmanteṣu vāṅmayeṣviva kāvyakalāpaḥ kāvyakalāpeṣviva dhvaniḥ dhvaniṣviva raso raseṣviva śṛṅgāraḥ sakalasahṛdayahṛdayaṃgamena mahimnā madhurimṇā ca sambhāvitaḥ sakalaśāstrasārāvagāhī navābāsaphajāhī

4.p1.3

kadācit kutukākulatayā vividhasumanaḥsamūhasuṣamāsmāstaraṇasaṃbhāvitaviśvaṃbharāvalayamuparimiladdalipuñjamañjulaguñjitairvandivṛndavadanavinirgatavibudhaviṭapivijayabirudāvalībhirivānatakandharairasaṃkhyairavanīruhaiḥ kaṭhinakarakaranikarasaṃtrāsataḥ śaraṇāgatairiva timirakuṭumbairambunikurumbairāpūritābhirvāpībhiśca manoharamekīkṛtamiva trailokyalakṣmīlāvaṇyaṃ niśātopavanaṃ praviśadbhivāryāṅganasavatarmātivartipuñjīkṛtasakalakusuma saukumāryasāramayairavayavaiḥ svayamanaṅgeneva nirmitābhiḥ bhṛśaṃ nayananipātasthānībhavadaṅgībhistanutaratanucchāyādanturitavanāntarābhirnikaṣaśilātalollikhitābhiriva kāñcanarekhābhiḥ nibiḍataranīlapayodabhrameṇāgatābhiriva saudāminībhirdaravikasitaradanamaṇikiraṇasaraṇisamāpyāyitacakorībhiruparivibhrāmyamāṇenāpi svato nīrājitātmaneva pariphullakamalena rājitakarakisalayābhirddūrādunmuktapāthoruhāṇāmunmukhaṃ dhāvatāmunmattamadhuvratānāmālibhirākulīkṛtābhiḥ kābhirapi kiṃciduccapariṇataphalagrahaṇalālasātiduṅgībhavatkucataṭasamāpatatpriyanayanasaṃkocitena connamitaparāvartitabhujalatābhiranyābhiḥ karakamalakalitamukuramaṇḍalapratibimbitapriyavadanacumbanamukulīkṛtādharābhiḥ kābhirapi gāyantībhiḥ sārikāvalivṛthā'ṅgulikampasampāditavīṇāgītabhramābhiraṅganābhiranaṅgaḥ samullāsyāmbabhūve taṃ ca guṇānāṃ parasparasaṃsargajanitagurugarvanirvāsanāya vidhinā nirmitamiva sabhāmaṇḍalaṃ

4.p1.4

paramasaundaryasundarīkaraṇalālitalocanalobhanīyamūrtti tāścānaṅgasarvasvāyamānarūpayauvanaśālinīravadhīnabhirāmatāguṇasya nidānāni prathamarasasyāgocaraṃ kavigavīnāṃ tacca nikhilajananayananirmāṇasāphalyamiva vanamālokya caṇḍīśakaratāṇḍavitacaṇḍadaṇḍā hatikhaṇḍīkṛtakoṭikoṭīrakoṭibhirdharaṇītaladhūlidhavalībhavaddaṣṭāṅgābhirāmaiḥ pitāmahādibhiramaranikaraiḥ sevitaṃ bhagavantamamareśvarākhyaṃ sadāśivamarcayitumāyātataḥ kaśmīramaṇḍalamakhaṇḍalo nayanasāhasravikṛtīkṛtānanamātmānaṃ sukṛtiparamparopabhogyāstridaśataruṇīniśātopavanāpahṛtaramaṇīyatayā nijanayanānāmanānandanaṃ nandanaṃ ca nāti bahu mene atha sakalalokanistāravistāritamahopakāraparamparāparādhīnamānasena pratidinamudyadanavadyahṛdyagadyapadyādyanekavidyāvidyotitāntaḥkaraṇaiḥ kavibhirupāsyamānena kṛtayugīkṛtakalikālena kumatitṛṇajālasamācchāditavedamārgavilokāya samuddīpitasattarkadahanajvālājālena mūrttimateva navābāsaphakhānamanaḥprasādena dvijakulasevāhevākivāṅmanaḥkāyena māthurakulasamudrendunā rāyamukunsenādiṣṭena śrīsārvabhaumasāhijahānaprasādādhigatapaṇḍitarāyapadavīvirājitena tailaṅgakulāvataṃsena paṇḍitajagannāthenāsaphavilāsākhyeyamākhyāyikā niramīyata | seyamanugraheṇa sahṛdayānāmanudinamullasitā bhavatāt iti śrītailaṅgaveṅgināṭīyakulodbhavaśrīpaṇḍitarājajagannāthaviracitā ākhyāyikā samāptā

Contains

Part of

See also: more in Court panegyric, cāṭu and royal-blessing collections

Discussed in 2 studies in Pramāṇa (listed on the page).