Pramāṇa · Search · About · API

Gitishataka (Gītiśataka)

गीतिशतक

Language
Sanskrit
Date
1445–1495 CE
Author
Sundara Bhaṭṭa
Extent
80 passages, 1,230 words
Text
complete digital text
Source
sa.wikisource · CC BY-SA 4.0 (Wikisource transcription; the work itself is in the public domain)

Contents

Text

127

yathepsitamanogataprakaṭitopacārārcitāṃ
nijāvaraṇadevatāgaṇavṛtāṃ sureśasthitām .
kṛtāñjalipuṭo muhuḥ kalitabhūmiraṣṭāṅgakai-
rnamāmi bhagavatyahaṃ tripurasundari trāhi mām .. 125 ..
vijñaptīravadhehi me sumahatā yatnena te saṃnidhiṃ
prāptaṃ māmiha kāṃdiśīkamadhunā mātarna dūrīkuru .
cittaṃ tvatpadabhāvane vyabhicaredṛgvā ca me jātu ce-
ttatsaumye svaguṇairbadhāna na yathā bhūyo vinirgacchati .. 126 ..
kāhaṃ mandamatiḥ kva cedamakhilarekāntabhaktaiḥ stutaṃ
dhyātaṃ devi tathāpi te svamanasā śrīpādukāpūjanam .
kādācitkamadīyacintanavidhau saṃtuṣṭayā śarmadaṃ
stotraṃ devatayā tayā prakaṭitaṃ manye madīyānane .. 127 ..

128

nityārcanamidaṃ citte bhāvyamānaṃ sadā mayā .
nibaddhaṃ vividhaiḥ padyairanugṛhṇātu sundarī .. 128 ..

128_1

iti śrīparamahaṃsaparivrājakācāryaśrīmacchaṃkarācāryaviracitaṃ śrītripurasundarī-
mānasikopacārapūjāstotraṃ samāptam .
śrīsundarācāryakavinirmitaṃ
gītiśatakam .
kiṃ devaiḥ kiṃ jīvaiḥ kiṃ bhāvaiste'pi yena jīvanti .
tava caraṇaṃ śaraṇaṃ me daraharaṇaṃ devi kāntimatyāmba .. 1..

128_2

aruṇāmbudanibhakānte karuṇārasapūrapūrṇanetrānte .
śaraṇaṃ bhava śaśibimbadyutimukhi jagadamba kāntimatyamba .. 2 ..

128_3

kaliharaṇaṃ bhavataraṇaṃ śubhabharaṇaṃ jñānasaṃpadāṃ karaṇam .
nataśaraṇaṃ tava caraṇaṃ karotu me devi kāntimatyamba .. 3 ..

128_4

1. gītiśatakamidaṃ tirunelveliḍisṭrikṭapradeśavartikīlaputtanerinivāsibhiḥ jayapuri-
kṛṣṇamācāryaiḥ śrīnivāsācāryaiścāsmatsaṃnidhau preṣitamiti teṣāmupakāragauravaṃ bibhṛmaḥ,
amitāṃ mamatāṃ mama tāṃ tanu tāṃ tanutāṃ gatāṃ padābjaṃ te .
kṛpayā vidito vihito yayā tavāhaṃ hi kāntimatyamba .. 4 ..

128_5

mama caritaṃ viditaṃ cedudayenna dayā kadāpi te satyam .
tadapi vadāmyayi kuru tāṃ nirhetukamāśu kāntimatyamba .. 5 ..
na budhatvaṃ na vidhutvaṃ na vidhitvaṃ naumi kiṃ tu bhṛṅgatvam .
asakṛtpraṇamya yāce tvañcaraṇābjasya kāntimatyamba .. 6 ..

128_6

abhajamahaṃ kiṃ sāre kaṃsāre vīpade'pi saṃsāre .
rucimattāṃ śucimattāmahaha ttvaṃ pāhi kāntimatyamba .. 7..

128_7

māmasakṛdāprasādādduṣkṛtakārīti bhāvamanyasva .
smara kiṃ na mayā sukṛtaṃ vardhitamidamadya kāntimatyamba .. 8 ..

128_8

karuṇāviṣayaṃ yadi māṃ na tanoṣi yathā tathāpi varte'ham .
bhavati kṛpālutvaṃ te sīdāmi mṛṣeti kāntimatyamba .. 9 ..

128_9

atulitabhavānurāgiṇi durvarṇācalavihāriṇi bhavi tvam .
samaterpyayā prasādaṃ na vidhatse kiṃ nu kāntimatyamba .. 10 ..
dyāṃ gāṃ vābhyapataṃ yadi jīvātustvāmṛte'ntataḥ ko me .
hitvā payodapaṅtiṃ stokasya gatiḥ ka kāntimatyamba .. 11..

128_10

kaṃ vā kaṭākṣalakṣyaṃ na karoṣyevaṃ mayi tvamāsīḥ kis .
kiṃ tvāmupālabhe'haṃ vidhirgarīyānhi kāntimatyamba .. 12 ..
tanuje jananī janayatyahite'pi prema hīti tanmithyā .
yadupekṣase trilokīṃ mātarmā devi kāntimatyamba .. 13 ..

128_11

nindāmi sādhuvarge staumi punaḥ kṣīṇaṣaṅgasaṃsargam .
cande kiṃ te caraṇe kiṃ syāprītistu kāntimatyamba .. 14 ..

128_12

gīrvāṇavṛndajihvārasāyanasvīyamānanīyaguṇe.
nigamāntapañjarāntaramarālike pāhi kāntimatyamba .. 15 ..

128_13

trinayanakānte śānte tānte svānte mamāstu vada dānte .
kṛpayā munijanacintitacaraṇe nivasādya kāntimatyamba .. 16 ..

128_14

dhutakadane kṛtamadane bhṛśamadane yogiśarvabhaktānām .
maṇisadane śubharadane śaśivadane pāhi kāntimatyamba .. 17 ..
giritanuje hatadanuje varamanuddhājebhidhe ca haryanuje .
guhatanuje'vitamanuje kuru karuṇāṃ devi kāntimatyamba .. 18 ..

128_15

gajagamane ripudamane harakamane klṛptapāpakṛcchamane .
kalijanane mayi dayayā prasīda he devi kāntimatyamba .. 19 ..

128_16

yanmānase padābjaṃ tava saṃvidbhāsvadābhayābhāti .
tatpādadāsadāsakadāsatvaṃ naumi kāntimatyamba .. 20 ..

128_17

duṣkaraduṣkṛtarāśerna bibhemi śive yadi prasādaste .
dalane dṛṣadāṃ ṭaṅkaḥ kalpeta na kiṃ nu kāntimatyamba .. 21 ..

128_18

komaladehaṃ kimapi śyāmalaśobhaṃ śaranmṛgāṅkamukham .
rūpaṃ tava hṛdaye mama dīpaśriyametu kāntimatyamba .. 22 ..
kiṃcanavañcanadakṣaṃ pañcaśarāreḥ prapañcajīvātum .
cañcalamañcalamakṣṇorayi mayi kuru devi kāntimatyamba .. 23 ..

128_19

añcati yaṃ tvadapāṅgaḥ kiṃcittasyaiva kumbhadāsatve .
ahamahamikayā vibudhāḥ kalahaṃ kalayanti kāntimatyamba .. 24 ..

128_20

kimidaṃ vadādbhutaṃ te kasmiṃścillakṣite kaṭākṣeṇa .
bṛhādīnāṃ hṛdayaṃ dīnatvaṃ yāti kāntimatyamba .. 25 ..
prāyo rāyopacite māyopāyolvaṇāsurakṣapaṇe .
geyo jāyorubale śreyo bhūyo'stu kāntimatyamba .. 26 ..

128_21

karaṇaṃ śaraṇaṃ taka lasadalakaṃ kulakaṃ girīśabhāgyānām .
saralaṃ viralaṃ jayati sakaruṇaṃ taruṇāṃ hi kāntimatyamba .. 27 ..

128_22

śaṃkari namāṃsi vāṇī kiṃkari daiteyarāḍmayaṃkarite .
karavai muravairyanuje puravairyabhike'dya kāntimatyamba .. 28 ..

128_23

tava sevāṃ bhuvi ke vā nākāṅkṣante kṣamābhṛtastanaye .
svamiva bhaveyuryadi te bhajanti ye yāṃ hi kāntimatyamba .. 29 ..

128_24

bhavadavaśikhābhivītaṃ śītalayerma kaṭākṣavikṣepaiḥ .
kādambinīva salilaiḥ śikhaṇḍinaṃ devi kāntimatyamba .. 30 ..

128_25

tvadguṇapayaḥkaṇaṃ me nipīya mukteralaṃkriyāṃ giratu .
cetaḥśuktirmuktāṃ bhaktimiṣāṃ devi kāntimatyamba .. 31 ..
guṇagaṇamahāmaṇīnāmāgamapāthodhijanmabhājāṃ te.
guṇatāṃ kadā nu bhajatāṃ mama dhiṣaṇā devi kāntimatyamba .. 32..

128_26

pāṭīracarcitastani koṭīrakṛtakṣapādhirāṭkalike .
vīṭīrasena kavitādhāṭīṃ kuru me'dya kāntimatyamba .. 33 ..
tava karuṇāṃ kiṃ brūmastvāmapyeṣānavekṣya tūṣṇīkām .
ūrīkaroti pāpinamapi vinataṃ devi kāntimatyamba .. 34 ..

128_27

īśo'pi vinā bhavatīṃ na calitumapi kiṃ punarvayaṃ śaktāḥ .
kimupekṣase prasīda kṣitidharakanye'dya kāntimatyamba .. 35 ..

128_28

manmānasāmraśākhī pallavitaḥ puṣpito'nurāgeṇa .
harṣeṇa ca prasādāllaghu tava phalino'stu kāntimatyamba .. 36 ..
dhyānāmbaravasatermama mānasameghasya dainyavarṣasya ..
padayugalī taba śampā lakṣmīṃ vidadhātuḥ kāntimatyamba .. 37 ..
kalitapanabhānutaptaṃ cittacakoraṃ mamātiśītābhiḥ .
jīvaya kaṭākṣadambhajyotsnābhirdevi kāntimatyamba .. 38 ..

128_29

jyotsnāsaghrīcībhirdugdhaśrībhiḥ kaṭākṣavīcībhiḥ .
śītalayānīcībhiḥ kṛpayā māṃ devi kāntimatyamba .. 39 ..

128_30

ruṣṭā tvamāgasā yadi tarjaya dṛṣṭyāpi nekṣase yadi mām .
bāla iva lolacakṣuḥ kaṃ śaraṇaṃ yāmi kāntimatyamba .. 40 ..

128_31

vibhavaḥ ke kiṃ kartuṃ prabhavaḥ karuṇā na cettavānte'pi .
nocchvasituṃ kṛtamebhistvāmīśvari naumi kāntimatyamba .. 41 ..

128_32

jitvā madamukharipugaṇamityā tvadbhaktabhāvasāmrājyam .
gatvā sukhaṃ jano'yaṃ varteta kadā nu kāntimatyamba .. 42 ..

128_33

BSPANGameAN.SATign
iindi
kāvyamālā
akhiladiviṣadālambe padayugmaṃ devi te sadālambe .
jagatāṃ gomatyamba kṣitidharakanye'dya kāntimatyamba .. 43 ..

128_34

atraica kalpavallīcintāmaṇirasti kāmadhenurapi .
vedmi na kiṃ yadi budhatā puṃsā labhyeta kāntimatyamba .. 44..

128_35

nāhaṃ bhajāmi daivaṃ manasāpyanyattvameva daivaṃ me .
na mṛṣā bhaṇāmi śodhaya mānasamāviśya kāntimatyamba .. 45 ..

128_36

khedayasi māṃ mṛgaṃ kiṃ mṛgatṛṣṇeva prasīda naumi śive .
modaya kṛpayā no cetkva nu yāyāṃ devi kāntimatyamba ..
kāryaṃ tvena svahitaṃ ko nāma vadedayaṃ jano vetti .
tvaṃ vā vadasi kimasmādgatistramevāsya kāntimatyamba .. 47 ..

128_37

dhanyo'sti ko madanyo divi vā bhuvi yā karoṣi cetkaruṇām .
idamapi viśvaṃ viśvaṃ mama haste kiṃ ca kāntimatyamba .. 48 ..

128_38

taruṇenducūḍajāye tvāṃ manujā ye bhajanti teṣāṃ te .
bhūtiḥ padābjadhūlirdhūlirbhūtistu kāntimatyamba .. 49 ..

128_39

tvāmatra sevate yastvatsārūpyaṃ sametya so'mutra .
harakelyāṃ tvadasūyāpātrati citrāṅgi kāntimatyamba .. 50 ..

128_40

citrīyate manastvāṃ dṛṣṭvā bhāgyāvatāramūrtiṃ me .
kiṃca sudhābdherlaharīvihāritāmeti kāntimatyamba .. 51 ..

128_41

kiratu bhavatī kaṭākṣāñjalajasadṛkṣātrasena tādṛkṣān .
kṛtasurarakṣānmohanadakṣānbhīmasya kāntimatyamba .. 52 ..

128_42

mānasavārdhinilīnau rāgadveṣau prabodhavedamuṣau .
madhukaiṭabhau tavekṣaṇamīno me haratu krāntimatyamba .. 53 ..
mañjulabhāṣiṇi vañjalakuḍmalalalitālake lasattilake.
pālaya kuvalayanayane bālaṃ māṃ devi kāntimatyambaḥ .. 54 ..
puramathanavilolābhiḥ paṭulīlābhiḥ kaṭākṣamālābhiḥ .
śubhaśīlābhiḥ kuvalayanīlābhiḥ paśya kāntimatyamba .. 55 ..

128_43

karuṇārasārdanayane śaraṇāgatapālanaikakṛtadīkṣe .
prabhuṇābharaṇe pālaya dīnaṃ māṃ devi kāntimatyamba .. 56 ..

128_44

narajanmaiva varaṃ tvadbhajanaṃ yena kriyeta cedasmāt .
kimavaramevaṃ no cedatastadevāstu kāntimatyamba .. 57 ..

128_45

yaddurlabhaṃ surairapi tannarajanmādiśo namānyetat .
sārthaya dānādbhaktervyarthaya mānyena kāntimatyamba .. 58 ..

128_46

jīvati pañcabhirebhirna vināstyebhirjanastanuṃ bhajate .
tadapi tadāsīnāṃ tvāṃ daramapi no vetti kāntimatyamba .. 59 ..
yatpremadvipavadane ṣaḍvadane vā kuruṣva tanmayi te .
jātvapi mā bhūdbhedaḥ stokeṣvaramāsu kāntimatyamba .. 60..

128_47

śambararuharucivadane śambararipujīvike himādrisute .
ambaramadhye bambaraḍambaracikure'va kāntimatyamba .. 61 ..
manmānasapāṭhīnaṃ kalipuline krodhabhānusaṃtate.
siñca parito bhramantaṃ kṛpormibhirdevi kāntisatyamba .. 62 ..
yaminaḥ kva veda mukuṭānyapi bhavatīṃ bhāvayanti vā no vā.
yadyevaṃ mama hṛdayaṃ vettu kathaṃ brūhi kāntimatyanca .. 63 ..
kliśyatyayaṃ jano bata jananādyairityahaṃ śrito bhavatīm .
tatrāpyevaṃ yadi vada tava kiṃ mahimātra kāntimatyamba .. 64 ..

128_48

vṛjināni santu kimatasteṣāṃ dhūtyai na kiṃ bhavedvada te .
smaraṇaṃ dṛṣadutkṣepaṇamiva kākagaṇasya kāntimatyamba .. 65 ..
prasarati tava prasāde kimalabhyaṃ vyatyaye tu kiṃ labhyam .
labhyamalabhyaṃ kiṃ nastane vinā devi kāntimatyamba .. 66 ..
kiṃ cintayāmi saṃviccharadudayaṃ tvatpadacchalaṃ katakam .
ghṛṣṭaṃ yadi prasīdeddhṛdayajalaṃ me'dya kāntimatyambaḥ.. 67 ..

128_49

vibhajatu tava padayugalī haṃsīyogīndramānasaikacarī .
saṃvidasaṃvitpayasī milite hṛdi me'dya kāntimatyamba .. 68..

128_50

kiyadāyustatrārdhaṃ svapnena hṛtaṃ kiyacca bālyādyaiḥ .
kiyadasti kena bhajanaṃ tṛptistava kena kāntimatyamba .. 69 ..

128_51

vedmi na dharmamadharmaṃ kāyakleśo'stvado vicāraphalam .
jānāmyekaṃ bhajanaṃ tava śubhadaṃ hīti kāntimatyamba .. 70 ..

128_52

snihyati bhoge druhyati yogāyedaṃ vṛthādya muhyati me .
hṛdayaṃ kimu svato vā parato vā vetti kāntimatyamba .. 71 ..

128_53

na vibhīmo bhavajaladherdaramapi danujārisodari śive te.
āste kaṭākṣavīkṣātaraṇirnanu devi kāntimatyamba .. 72 ..

128_54

cintāmaṇau karasthe'pyaṭanaṃ vīthīṣu kiṃ bruve mātaḥ .
vada kiṃ me tvayi satyāmanyāśrayaṇe na kāntimatyamba .. 73 ..

128_55

naravarṇanena rasanā paravanitāvīkṣaṇena netramapi .
krauryeṇa mano'pi hataṃ bhāvyaṃ tu na vejhi kāntimatyamba .. 74 ..

128_56

trāsitasurapatitaptaṃ taptaṃ kiṃ dharmameva vā klṛptam .
kimapi na saṃcitamamitaṃ vṛjinamaye kiṃ tu kāntimatyamba .. 75 ..

128_57

pāpītyupekṣase cetpātuṃ kānyā bhavedvinā bhavatīm .
kimidaṃ na vedmi so'yaṃ bakamantraḥ kasya kāntimatyamba .. 76 ..

128_58

vañcayituṃ vṛjinādyairmugdhānbhavatīṃ vinetarānnekṣe .
kimataḥ paraṃ kariṣyasi viditamidaṃ me'dya kāntimatyamba .. 77 ..

128_59

vañcayasi māṃ rudantaṃ bālamiva phalena māṃ dhanāḍhyena .
māstu kadāpi mamedaṃ kaivalyaṃ dehi kāntimātyamba .. 78 ..

128_60

trayyā kiṃ me'dya guṇe tava vidite yo yatastu saṃbhavati .
āstāṃ mauktikalābhe sati śukttyā kiṃ nu kāntimatyamba .. 79 ..

128_61

adbhutamidaṃ sakṛdyena jñātā vā śriyo diśasyebhyaḥ .
ye khalu bhaktāstebhyaḥ kaivalyaṃ diśasi kāntimatyamba .. 80 ..

128_62

suranaicikīya vibudhānkādambinikeva nīlakaṇṭhamapi
prīṇayasi mānasaṃ me śobhaya haṃsīva kāntimatyamba .. 81..
kartuṃ manaḥprasādaṃ tava mayi cetkiṃ kariṣyati vṛjinam .
jalajavikāse bhānoḥ paripanthitamo nu kāntimatyamba .. 82..
tava tu karuṇā sravantyāṃ pravahantyāṃ stokatā gateti mayā .
luṭhati skuṭati mano me nedaṃ jānāsi kāntimatyamba .. 83 ..
śodhayitumudāsīnā yadi māṃ pātraṃ kimasya paśyāham .
mādṛśi kā vā vārtā dāsajane kāntimatyamba .. 84 ..

128_63

1
amajamananyagatistvāṃ kiṃ kuryāstvaṃ na vedmayataḥprabhṛti .
avane vānavane vā na vicāro me'sti kāntimatyamba .. 85 ..

128_64

kiṃ vartate mamāsmānnikhilajaganmastalālitaṃ bhāgyam .
yamihṛdayapadmahaṃsīṃ yattvāṃ seve'dya kāntimatyamba .. 86 ..

128_65

kartuṃ jaganti vidhivadbhartaṃ harivadgirīśavaddhartum .
līlāvatī tvameva pratīyase devi kāntimatyamba .. 87 ..

128_66

kecidvidanti bhavatīṃ kecinna vidanti devi sarvamidam .
tvatkṛtyaṃ vada satyaṃ kiṃ labdhaṃ tena kāntimatyamba .. 88..

128_67

śāstrāṇi kukṣipūrtyai sphūrtyai nigamāśca karmaṇāṃ kiṃ taiḥ ..
kiṃ tava tattvaṃ jñeyaṃ yaistvatkṛpayaiva kāntimatyamba .. 89 ..

128_68

kiṃ prārthaye punaḥ punaravane bhavatīṃ vinā vicāraḥ syāt .
kasyāḥ ka iti vidannapi dūye mohena kāntimatyamba .. 90 ..

128_69

viduṣastvāṃ śaraṇaṃ me śāstraśramaleśavārtayāpi kṛtam .
karajuṣi navanīte ki dugdhavicāreṇa kāntimatyamba .. 91 ..

128_70

praṇavopaniṣannigamāgamayogimanasvivātituṅgeṣu .
bhāhi prabheva taraṇermama hṛdi nimne'pi kāntimatyamba .. 92 ..
sphuṭitāruṇamaṇiśobhaṃ truṭitābhinavapravālamṛdulatvam .
śrutiśikharaśekharaṃ te caraṇābjaṃ staumi kāntimatyamba .. 93 ..
tava caraṇāmbujabhajanādamṛtarasasyandinaḥ kadāpyanyat .
svapne'pi kiṃcidapi me mā sma bhavaddevi kāntimatyamba .. 94 ..

128_71

vismāpanaṃ purāreramādṛgjīvikāṃ parātparamam .
suṣumāmayaṃ svarūpaṃ sadā niṣeveya kāntimatyamba .. 95 ..
maṅgalamastviti piṣṭaṃ pinaṣṭi gīḥ sarvamaṅgalāyāste .
vaśitajayāyāśca tathā jayeti vādo'pi kāntimatyamba .. 96 ..

128_72

āśāsiturvibhūtyai bhavati bhavatyai hi maṅgalāśāstiḥ .
svāmisamṛddhyāśaṃsā bhṛtyonnatyai hi kāntimatyamba .. 97 ..

128_73

nigamairaparicchedyaṃ ka vaibhavaṃ te'lpadhīḥ kva cāhamiti .
tūṣṇīkaṃ māṃ bhaktistava mukharayati sma kāntimatyamba .. 98 ..

128_74

anukampāparavaśitaṃ kampātaṭasīmni kalpitāvasatham .
upaniṣadāṃ tātparye tava rūpaṃ staumi kāntimatyamba .. 99 ..
jaya dharaṇīdharatanaye jaya veṇuvanādhirāṭpriye devi .
jaya jambhabhedivinute jaya jagatāmamba kāntimatyamba .. 100 ..

128_75

guṇamañjaripiñjaritaṃ sundararacitaṃ vibhūṣaṇaṃ sudṛśām .
gītiśatakaṃ bhavatyā kṣayatu kaṭākṣeṇa kāntimatyamba .. 101 ..

128_76

vaptā yasya manīṣihārataralaḥ śrīveṅkaṭeśo mahā-
nmātā yasya punaḥ sarojanilayā sādhvīśirobhūṣaṇam .
śrīvatsābhijanāmṛtāmbudhividhuḥ so'yaṃ kaviḥ sundaraḥ
devyā gītiśataṃ vyadhatta māhitaṃ śrīkāntimatyā mude ..102..

128_77

iti tirunelvelisapradeśavartiviṭhṭhalapuranivāsibhiḥ, aṣṭagotraṃ tirumalaijallāncakavartiśrīdā-
tsyaveṅkaṭeśavidvanmaṇitanūjaiḥ, śrīsundarācāryakavibhirabhinirmitaṃ gītiśatakaṃ saṃpūrṇam .
śrīsāmarājadīkṣitaviracitaṃ
tripurasundarīmānasapūjanastotram .
amṛtajaladhimadhyollāsiratnāntarīṣa-
prasṛmarakiraṇālīkalpitodyānaśobhe .
suratarunikurambaspṛṣṭavātāyanānta-
ścaladalipaṭalībhiḥ klṛptadhūpādikṛtye .. 1..

128_78

maṇimayabhavane'ntaḥprauḍhamāṇikyaśālā-
madhivasati viśālā kāpi te ratnavedī .
1 asya kaveḥ sthānaṃ śrīmathurā samayaśca vistīyaṣoḍaśaśatakottarārdham anena ca
pūjāratnādayo'neke granthāḥ kṛtāḥ etasya putrapautrādayo'pi dīkṣitakāmarājavrajarājā-
dayo mahākavayo granthakartāraśvāsan. etasya vaṃśyo dīkṣitabālakṛṣṇaśarmādyāvadhi mathuna
sacī vartate, etatsarvaṃ tatkṛtagranthebhyo'vagamyate.

See also: more in Not in a sub-category