Samvitprakasha 15
Saṃvitprakāśa 15
- Language
- Sanskrit
Contents
- 15.12-2 — 2 parts
15.1
vijayādipraśnaḥ
vādinaṃ jayati pāpakhecare lagnagai napunarastanīcage
lagnakāmasahito'śubhagraho vādino na kalaho nivarttate
15.2
vihāya jāmitra tanū mithaścetkrūra grahau paśyata ūrddha dṛṣṭyā !
tadā''śu vādi pratipādinau tau mithaḥ prahāraṃ kuruto'ti dṛptau
15.3
bhāvaprakāśako'yam
lagnādhipatirvādī prativādī kāmagastayo ryaḥ syāt
adhikabalo'sau vibalaṃ prāpta kāle jayedeva
15.4
lagneśvaraḥ śaśadharo'tha śubhena yuktaḥ kendre bhavedyadi tadā bhavati prasiddhā
satyājanaśrutiratho dhanapaḥ śubho vā puṇye'sti tarhyapi janaśrutirastisatyā
15.5
milanasya yadā pṛcchā tadā kendragate'stape
sa āsanna pure jñeyo miledāpoklime gane
15.6
madanadhanavināśasthāyinaḥ pāpakheṭāmaraṇakaraṇadakṣāḥ svāśrayaṃ nāśayanti
nigaditavidhisaumyā āśrayapti vidadhyuvidadhati sukhasaṃpatprāpti nīrogate
ca
15.7
dhanabhavanagateḥ syātpāpibhirvittanāśo madanagṛhasametairvibhramaṃ prāhurāryāḥ
nidhanabha sahitestairjāyate pañcatādiṣṭasta iha na vidadhyātsevakaḥ svāmisevām
15.6-2
śīrṣodaye tanugate satipṛcchakasya pṛṣṭhodaye madanage bhavati prabhūtaḥ
sneho'dhipena viparītaruto yadi syātprītirnṛpa patibhiḥ sahasamevakasya 8
atha dinacaryā
candraḥ svoccaśubhaḥ svamitrabhavanasthaḥ saumyairnirīkṣito
nīcārātigṛhārirandhra rahitaḥ sthānasthito harṣitaḥ
puṣṭo vairibhirnirīkṣito khilajayī cetaryātsasamastaṃ dinam
jhayo'sau divaso khilo'pi phaladaḥ syādvaiparitye'nyathā
15.10
rāhurvā bhaumo vā krūrograhāṃvāṣṭame svagṛhe
svagṛhāṃśe candropetaścecchastreṇa mṛtyudo bhavati
15.12
chidre śukrendū cedatisāraḥ sūryabhaumayo raktam
jīve doṣatritayaṃ kujabhṛgvoḥ khalatā sanau rogaḥ
15.12-2
caturdaśaḥ sargaḥ
śrī govindakavīśamīśabhajanātprāptaṃ kavīśāgraṇīṃ
śrīmatkānhakaviḥ sutaṃ prasuṣuve śrīkarmadevīcayam
vedāntāmbujabhāsvatārthabahulaṃ saṃvitprakāśābhidham
kāvyaṃ tena kṛtaṃ samāptigamamadvidvajjanā nandadam
15.12-2.p1
itikānhakavīśvaranandana govindakavīśvareṇa nirṇīte | saṃvitprakāśakāvye vijayādidhi'dā caturdaśaḥ sargaḥ ||14
15.12-2.p2
samāptamidaṃ saṃvitprakāśākhya kāvyamiti