Rasikaramana 3

Language: Sanskrit

3.1

tasminnagāre karuṇākaro'sau
viśuddhacitto bhagavantamādyam
ārādhyāmāsa guṇānuvādaśrutismṛtidhvastasamastapāpaḥ

3.2

buddhyā samāno guruṇā dharitryā
titikṣayaudāryaguṇena karṇaḥ
svadehakāntyā sa babhūva bhānustāpapahārī kila candravacca

3.3

dhairyeṇa pṛthvīdhararājatulyo
gāmbhīryato vāridhivadbabhūva
arātipakṣoddhatavāraṇānāṃ
mṛgendravat trāsakaraścakāse

3.4

vedāntasāṃkhyādiviśuddhaśāstratātparyacitto dhuri dharmapānām
sthitaḥ śrutiproktasamastakarmamārgānuyāyī samadṛkpraśāntaḥ

3.5

ṛddhyā ca kubereṇa samānasāro
bhoge trilokīpativadbhāse
kāmābhivarṣī svasamāśritānāṃ
kalpadruvatpaṇḍitarājamānyaḥ

3.6

bhārābhipāḍvad dvisahasrajihvatsarvasya poṣṭā kila candravacca
samānadarśī khalu dharmarājastsvaprāṇavatsarvajanapriyo'sau

3.7

pīyūṣavarṣī yatavāk sudāntaḥ
svādhyāyapāṭhānurato'niśaṃ yaḥ
satyābhibhāṣī mṛdudṛkkarīndrasamānadeho nayanābhirāmaḥ

3.8

vidyākulaśrītanugehajātamānānabhispṛṣṭamanāḥ sadāraḥ
nityaṃ svadharmānugataḥ pravṛddhabhāvena ratnaṃ naradeha(5a)bhū

3.9

karuṇākaraguṇavarṇanakulakam
mahāmatistasya babhūva dharmapatnī patipremaratā pragalbhā
mattebhakumbhābhapayodharābhyāmīṣannamaddehalatā mṛgākṣī

3.10

prataptajāmbūnadadehakāntiḥ
bandhūkapuṣpāruṇapallavoṣṭhī
śirīṣapuṣpacchavidantapaṅktiḥ
karṇollasatkāñcanakuṇḍalaśrīḥ

3.11

kulakam
yā''rocatāvartagabhīranābhiḥ
pādasvanannūpurarājahaṃsī
tanūdarābhātavalitrayormigaṅgeva cañcadgatirāryavandyā

3.12

pravālaśobhādbhutapatralekhā
prasūnamālā pikanādarasyā
janepsitārthādhikadānaśīlā
rāja yā kalpalateva sākṣāt

3.13

candrānanā maṅgalabhūṣaṇāḍhyā
gurustanī mandagatiḥ śubhāṅgī
adīvyata dyauriva kautukena
mahītale yā ramaṇītanūbhṛt

3.14

mahīva reje kila ratnagarbhā
sarasvatī lolataraṅgaramyā
payodharodbhāsitahṛtsuvarṇācalā ca sanmānasalabdhalakṣmīḥ

3.15

mahāmahi(ti ?)guṇavarṇanam
karuṇākaranāmāsau bhāryayā saha dharmavit
tayā samarhyāmāsa nārāyaṇamanāmayam

3.16

kvacidayaṃ galagarjanato ramānudinalālitapādasaroruham
samanugāyati hṛṣṭatanūruho
nayanavicyutabāṣpajalaplutaḥ

3.17

sa tayā kvacidacyuta padmajādisurasevita mādhava keśava
paṭhati rāma janārdana vāmaneti ca viśuddhatanuḥ karuṇākaraḥ

jātīketakicampakāmbujalasatka (5b) hallārakādiprasūnairabhyarcya janārdanaṃ tulasikādāmairmanohāribhiḥ
madhvāktairghṛtapāyasaśca vividharatnai ramādhīśvaraṃ
saṃtoṣya kvacidadbhutaṃ dvijavaro'graprasthito nṛtyati

3.19

kvacitpurāṇoditaviṣṇuvārtāḥ
śṛṇoti śuddhāśayabhaktiyuktaḥ
śrutvā ca romāñcitagātrayaṣṭirivāsa pīyūṣarasāmiṣiktaḥ

3.20

kvacicca cāmīkararatnadaṇḍaṃ
candrāṃśugauraṃ kalahaṃsaśabdam
sa cāmaraṃ pāṇitale gṛhītvā
saṃvījayāmāsa mudā murārim

3.21

śrutipurāṇasamīritasaṃstavairanudinaṃ sa navīti ramāpatim
pu ✕✕ kapāli manoramadehabhṛt
śubhagirā caturaikaśiromaṇiḥ

3.22

tasyetthamārādhayato nṛsiṃhaṃ
kālo'tyagādbāhulakābhidhānaḥ
svajāyayā'harniśamarcitasya
śacīmahendrocitabhogabhājaḥ

3.23

mahāmatiḥ sātha dadhāra garbhaṃ
puṇyakṣakāle karuṇākareṇa
samāhitaṃ cākṣayamarthamatra
vedatrayīva kṣitiratna ratnam

3.24

krameṇa sā dohadaduḥkhamāpa
bhāvaṃ kvacidvastuni nopalebhe
kaṣāyakaṭvamlarasaṃ vivarjyaṃ
bhakṣyaṃ ślathaddehalatā mṛgākṣī

3.25

mukhena sā ketakipuṣpagauracchāyena cālpābharaṇena tanvī
dehena kāle rajanīva reje
tanuprakāśendukalālpatārā

3.26

sāsūta samaye prāpte kumāraṃ kanakaprabham
nayanānandakartāraṃ prācīva bhagaṇādhipam

3.26-2

tato vasante kila phālgunākhye
māse ca pakṣe śubhaśuklasaṃjñe
gurṇedine nāgatithau (6a) niśīthe
yoge śive revatibhe bavāhve

3.27

yugmam
gaṅgāntaraṅgāntarasaṃnipātī
sphuṭatsarojotkarareṇumāṃśca
śākhā: samāliṅgya mahīruhāṇāṃ
vavau tadā vāyuranardhyaśīla:

3.28

adhūmakārī śrutisaṃprayuktai:
pradakṣiṇārcirhaviragniratti
mantraistadā nirvapitaṃ dvijāgryaistādṛgjaganmaṅgalasiddhye'gni:

3.29

ānandasaṃdohanimagnacitta:
surairyaṃkīryanta ha puṣpavṛṣṭī:
tasminnagāre karuṇākarasya
dūrvakṣitādyadbhutavastuyukte

3.30

prasedurāśā gaganaṃ babhūva
prasannatārāādhipatārakaṃ ca
lokasya hṛṣṭāni tadā babhūvurmanāṃsi jāte dvijadevaputre

3.31

nanṛturnāṭyakartāro jagurmaṅgalagāyakā:
bandinaśca praśaṃsanti jayamaṅgalani:svanai:

Linked texts (1)

Rasikarmaṇa — Raghunāthanāyakuḍu 1539, Sanskrit