[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Lyric and single-stanza poetry (śatakas and collections)](https://indike.org/pramana/in.lit.kavya.muktaka) › [Court panegyric, cāṭu and royal-blessing collections](https://indike.org/pramana/in.lit.kavya.muktaka.catu) › [Ashirvadashataka](https://indike.org/pramana/in.lit.kavya.muktaka.catu.asirvadasataka) › 2.78 # Ashirvadashataka 2.78 Āśīrvādaśataka 2.78 - **Language:** Sanskrit ### [2.78](https://indike.org/pramana/in.lit.kavya.muktaka.catu.asirvadasataka.2.78) parāsussan yatastena vasiṣṭhassthāpito muniḥ | garbhasthena tato loke parāśara iti smṛtaḥ || mahābhārate ādi parvaṇi caitrarathaparvaṇi adhyāyaḥ 76. kalmāṣapāda uvāca-śaktiṃ nāma mahābhāgaṃ vasiṣṭhakulavardhanam | apagaccha patho'smākamityevaṃ pārthivo'bravīt || amuñcantantu panthānaṃ tamṛrṣi nṛpasattamaḥ | jaghāna kaśayā mohāttadā rākṣasavanmunim || ta śaśāpa nṛpaśreṣṭhaṃ vāsiṣṭhaḥ krodhamūrcchitaḥ | haṃsi rākṣasavadyasmāt puruṣādo bhaviṣyasi || tataḥ sa nṛpati śreṣṭho rakṣasā'pahṛtendriyaḥ | śaktiṃ taṃ bhakṣayāmāsa vyāghraḥ paśumivepsitam || sa tān śaktyavarān putrānvasiṣṭhasma mahātmanaḥ | bhakṣayāmāsa saṅkruddhaḥ siṃhaḥ kṣudramṛgāniva || cakre cātmavināśāya buddhiṃ sa munisattamaḥ | (vasiṣṭhaḥ) martuṃ na śakyamityuktvā punarevāśramaṃ yayau || atha śuśrāva saṅgaṃtyā vedādhyayananisvanam | anuvrajati konveṣa māmityevātha sā'bravīt adṛśyantyahamityeva sā snuṣā pratyabhāṣata | śakterbhāryā mahābhāgā tapoyuktā tapasvinī || vasiṣṭha uvāca—putri kasyaiṣa sāṅgasya vedādhyayananisvanaḥ | purā sāṅgasya vedasya śakteriva mayā śrutaḥ adṛśyantyuvāca—ayaṃ kukṣau samutpannaḥ śaktergarbhassutasya te | samā dvādaśa tasyeha vedānabhyasyato mune || evamuktastayā hṛṣṭo vasiṣṭhaḥ śreṣṭhabhāgṛṣiḥ | asti santānamityuktvā mṛtyāḥ pārtha nyavartata śakteḥ kulavaraṃ rājan dvitīyamiva śaktinam || parāsu ssan yatastena vasiṣṭhaḥ sthāpito muniḥ | garbhasthena tato loke parāśara iti smṛtaḥ rākṣasa satreṇa śākteyotha parāśaraḥ tato vṛddhāṃśca bālāṃśca rākṣasānsa mahāmuniḥ | dadāha vitate yajñe śaktervadhamanusmaran maitreyaḥ paripapraccha praṇipatyā'bhivādya ca || tvatto hi vedādhyayanamadhītama khilaṃ guro | yanmayaṃ ca jagadbrahman yataścaitaccarācaram || līnamāsīdyathā tanna layameṣyati yatra ca | śrotumicchāmyahaṃ sarvaṃ tvatto vāsiṣṭhanandana śrīparāśara uvāca—tataśca prāha bhagavān vasiṣṭho me pitāmahaḥ | pulastyena yaduktaṃ te sarvametadbhaviṣyati || iti pūrvaṃ vasiṣṭhena pulastyena ca dhīmatā | yaduktaṃ tatsmṛtiṃ yāti tvatpraśnādakhilaṃ mama so'haṃ vadāmyaśeṣaṃ te maitreya paripṛcchate | purāṇasaṃhitāṃ samyak tāṃ nibodha yathātatham || viṣṇoḥ sakāśādudbhūtaṃ jagattatraiva ca sthitam sthitisaṃyamakatrtāsau jagato'sya jagacca saḥ ekībhūtāviśeṣagrahavividhavacovedarāśe rvivektā vyatyasta prākpurāṇa pravacanacaturaḥ keśavāṃ śāvatāraḥ ānetā svargatānāmapi punaravaniṃ strīkṛte kauravāṇāṃ pārāśaryo'vatādvaḥ praṇayanakuśalaḥ pañcamasyāgamasya - [Previous: 2.77](https://indike.org/pramana/in.lit.kavya.muktaka.catu.asirvadasataka.2.77) - [Next: 2.79](https://indike.org/pramana/in.lit.kavya.muktaka.catu.asirvadasataka.2.79) - [Up: 2](https://indike.org/pramana/in.lit.kavya.muktaka.catu.asirvadasataka.2) --- Source: [https://indike.org/pramana/in.lit.kavya.muktaka.catu.asirvadasataka.2.78](https://indike.org/pramana/in.lit.kavya.muktaka.catu.asirvadasataka.2.78) · Pramāṇa