[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Hymns as court poetry](https://indike.org/pramana/in.lit.kavya.stotra) › [Courtly hymns to the Goddess](https://indike.org/pramana/in.lit.kavya.stotra.sakta) › [Devīśataka](https://indike.org/pramana/in.lit.kavya.stotra.sakta.devisataka) › [Devishatakavivriti](https://indike.org/pramana/in.lit.kavya.stotra.sakta.devisataka!kaiyata) › 19 # Devishataka 19 Devīśatakavivṛti 19 - **Language:** Sanskrit ### [19](https://indike.org/pramana/in.lit.kavya.stotra.sakta.devisataka!kaiyata.19) sāmbikā jananī vo yuṣmānavatādrakṣatāt | yā sāmarā sadevā satī | athavā sāma sāntvaṃ rāti dadāti sāmarāpi satī sādhutrāṇāya sajjanaparirakṣaṇāyāriṇā śatrunā samamayuddhaṃ yuddhamakārṣīt | kīdṛśī devī | khaṅgena karavālena dīprā ujjvalā | kīdṛśena | devānāṃmamarāṇāṃ sāmaraṃ saṅgrāmabhavamāyāsaṃkleśaṃ harati tacchīlastena sāmarāyāsahāriṇā | sāṅgrāmikakleśavināśinetyarthaḥ | praṇatajanasamūhasya yāmāyāsājjat | yāmamantakakṛtamāyāsamupatāpaṃ jayatyabhibhavati | yā mātā karuṇāparā satī sarvadā sarvakālaṃ ca bhaktānāmevāsaktaśokajālasya pātinī | āsaktāni saṃlagnāni śokajāni khedodbhava़āni yānyālasyāni tāni pātayati nihantyavaśyamiti | bhaktalokasya jālaṃ samūhastasya pālanī goptrī ca | gomūtrikābandhaḥ | tathā yadrūṇā yasyāḥ saṃbandhinaḥ pārśvakiṃkarāḥ surāribhiḥ sārdhaṃ daityaiḥ saha yudhi saṅgrāme gamanāyodyatāḥ praveṣṭuṃ sāhaṃkārāḥ sāmarāḥ sadevāḥ santa āsannabhūvan | kiṃ kṛtvā | sāmarāgaṃ sānvasaktiṃ tyaktvā parityajya | kiṃbhūtam | anāyāsamakaleśam | yayā cājayā janmarahitayā sāmodayā saharṣayā śatrau vipakṣe śātaiḥ śastraistīkṣṇairāyudhairhate nipātite sati tairgīrvāṇairdevaiḥ sāmodayā jayāśā sānvodbhūtā vijayākāṅkṣā garvatobhimānājjahe tyaktā | sāmna udayo yasyā iti sāmodayā | 21 || (gomūtrikābandhaḥ) - [Previous: 18](https://indike.org/pramana/in.lit.kavya.stotra.sakta.devisataka!kaiyata.18) - [Next: 22](https://indike.org/pramana/in.lit.kavya.stotra.sakta.devisataka!kaiyata.22) ## Linked texts (1) - [Devīśataka](https://indike.org/pramana/in.lit.kavya.stotra.sakta.devisataka.19) — Ānandavardhana, Sanskrit --- Source: [https://indike.org/pramana/in.lit.kavya.stotra.sakta.devisataka!kaiyata.19](https://indike.org/pramana/in.lit.kavya.stotra.sakta.devisataka!kaiyata.19) · Pramāṇa