[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Hymns as court poetry](https://indike.org/pramana/in.lit.kavya.stotra) › [Devīśataka](https://indike.org/pramana/in.lit.kavya.stotra.devisataka) › [Devishatakavivriti](https://indike.org/pramana/in.lit.kavya.stotra.devisataka!kaiyata) › 78 # Devishataka 78 Devīśatakavivṛti 78 - **Language:** Sanskrit ### [78](https://indike.org/pramana/in.lit.kavya.stotra.devisataka!kaiyata.78) tatra saṃskṛtaśabdārthastāvat—he devi, asude prāṇadāyini, tava saṃbandhinyau dve satte | bhāvāvityarthaḥ | tatraikā vidyamānatā aparā ujjvalatā te satte sadgidyamānamāgodhparātho yeṣāṃ teṣāṃ sāgasāṃ sāparādhānīṇāṃ śatrūṇāṃ jaye'bhibhave parābhavaviṣaye saṃvādisārasaṃpattī saṃvādinī jñāyamānā sārasya balasya saṃpattiḥ samṛddhiryayoste satte | sāpastorage aparādhā arayo yathā janena jīyante tathā tava saṃnidhānamaujjvalyaṃ ca lakṣyata ityarthaḥ | tathā te satte dve bhavasāgare sattīrade śobhanapāraprade | tvayi satyāṃ tvatprabhāveṇa vā saṃsārasāgarāduttīryata iti bhāvaḥ | tathā susamānamapabhraṃśamānaṃ dadataḥ | athavā susamaṃ brahmādistambaparyantaṃ caturdaśavidhe bhūtasarge ninyoditatayā samatvena sādhāraṇatvenāvasthitaṃ śabdaṃ śabdabrahma dadataḥ | tacca saṃsārasāgarasamuttaraṇaplavam| tathā ca bāhvṛcī śrutiḥ—'ṛco akṣare parame vyomanyasmindevā adhiviśve niṣeduḥ | yastaṃ na veda kimṛcā kariṣyati ya etadvidusta ime samāsate ||' iti | sūrasenabhāṣārtho'dhunā—he gori he gauri, jayesu jagatsu trailokyaṃ de te tavasattī tapaḥprabhāvaḥ sadā sarvakālaṃ saṃvādisārasaṃpattī śambātisārasaṃprāptiḥ śambavadvajravadatisārārtidaḍhā saṃprāptirlābho yasyāḥ sā śambātisārasaṃprāptiḥ | yaduktamamarasiṃhena—'hlādinī vajramastrī syātkuliśaṃ bhiduraṃ paviḥ | śatakoṭiḥ svaruḥ śambo dambholiraśanirdvayoḥ ||' iti | anapāyinī tvattapaḥśaktirityarthaḥ | kīdṛśi gauri | sattī rade sattve rate cetovikārajayāsakte | kīdṛśe sattve | saṃsāre śreyaḥpradhāne | tathā he gauri, susamānade suśamānate suśamaiḥ suṣṭhucittodrekajayibhirānate pragate | mumukṣavastvāṃ praṇamantīti bhāvaḥ | yataścittajaya eva mokṣaḥ | yaduktam—'cittameva hi saṃsāraṃ rāgādikleśadūṣitam | tadeva tadvinirmuktaṃ mokṣa ityabhidhīyate ||' iti | - [Previous: 77](https://indike.org/pramana/in.lit.kavya.stotra.devisataka!kaiyata.77) - [Next: 79](https://indike.org/pramana/in.lit.kavya.stotra.devisataka!kaiyata.79) ## Linked texts (1) - [Devīśataka](https://indike.org/pramana/in.lit.kavya.stotra.devisataka.78) — Ānandavardhana, Sanskrit --- Source: [https://indike.org/pramana/in.lit.kavya.stotra.devisataka!kaiyata.78](https://indike.org/pramana/in.lit.kavya.stotra.devisataka!kaiyata.78) · Pramāṇa