Hariharastuti 1

Language: Sanskrit

1.1

100. hariharastutiḥ¹
śrīnivāsaviracitāṃ
haribhaktā hayavadanaṃ harabhaktāḥ prārthayanti gajavadanam
hariharabhaktāstu vayaṃ guruvadanaṃ prārthayāmahe prathamam

1.2

kapiśarucijaṭāmaṇḍitahimakarakoṭisphuranmaṇīmukuṭaḥ
aviralavibhūtisaṅgo bahumāyomādhavaḥ sukhaṃ diśatu

1.3

yo hyaṅgulīyakadharo yo hi kaṭakavāṃśca yo hi kuṇḍalavān
yaḥ śyāmalādhikarucirbahumāyomādhavaḥ sukhaṃ diśatu

1.4

niṭilalasattilakatayā kanakaprabhamadhyanetradedīpaḥ
mugdhasmaramadahantā bahumāyomādhavaḥ sukhaṃ diśatu

1.5

gaṇanāyakata tāto'yaṃ vedastutyo na lokavāgviṣayaḥ
kālo vaikuṇṭhapado bahumāyomādhavaḥ sukhaṃ diśatu

1.6

vapuṣi kalatraṃ vahate sānumato yaḥ sutāṃ na dīnasya
vṛṣabhārohavilāsī bahumāyomādhavaḥ sukhaṃ diśatu

1.7

yasya sutaśca skandaḥ śrīmān brahmāṇḍamapyasamabāṇaḥ
devāgraṇyo jitavān bahumāyomādhavaḥ sukhaṃ diśatu

1.8

klṛptvā kāmapi māyāṃ saṃdhyāvirbhāvasamayakautukavān
yo bahudhā naṭati naṭo bahumāyomādhavaḥ sukhaṃ diśatu

1.9

yadyapyanantanāmā śivanāmāyaṃ janaiḥ sadā japyaḥ
nanu dhīvaro dhruvo'bhūd bahumāyomādhavaḥ sukhaṃ diśatu

1.10

vṛṣabhacaro digvasano jitendriyo gāṅgajalayaro dhanvī
liṅgākṛtiranalākṣo dharaṇīrathaḥ śaṃbhurasti govindaḥ

1.11

candrānvayamūrdhanyo gopālo garuḍaviharaṇaśceti
harirasti virūpākṣaḥ paśupatirapi candraśekharo vyaktam

1.12

lakṣmīveṅkaṭanāmnostanayaḥ san śrīnivāsākhyaḥ
vipro vājasaneyī stutimekoktyā cakāra hariharayoḥ