Khandaprashasti 6.6-2

6.6-2

sitanīlādibhedena yathaikaṃ dṛśyate nabhaḥ
bhrāntadṛṣṭibhirātmāpi tathaikaḥ sanpṛthak pṛthak
ekaṃ samastaṃ yadihāsti kiñcinna tatparo nāsti para tato'nyat
so'ha sa ca tva sa ca sarvametadātmasvarūpa tyaja bhedamoham
itoritastena sa rājavaryastatyāja bheda paramārthadṛṣṭiḥ
sakalamidamahaṃ ca vāsudevaḥ, paramapumānparameśvaraḥ sa ekaḥ
iti matiramalā bhavatyanante, hṛdayagate vraja tān vihāya dūrān
yathā hi vasudhā sarvaṃ satyametad divaukasaḥ
grahaṃ bhavo bhavantaśca sarvaṃ nārāyaṇātmakam
vibhūtayastu yāstasya tāsāmeva parasparam
ādhikyanyūnatābādhyabādhakatvena vartate
bhavānaha ca viśvātmannekameva hi kāraṇam
jagato'sya jagatparthe bhedenāvāṃ vyavasthitau
tvayā yadabhaya dattaṃ taddattamakhilaṃ mayā
matto vibhinnamātmānaṃ draṣṭu nārhasi śaṅkara
so'haṃ sa tvaṃ jagaccedaṃ sa devāsuramānuṣam
avidyamohitātmānaṃ puruṣābhinnadarśinaḥ
iti viṣṇupurāṇe
viṣṇoranyaṃ tu paśyanti ye māṃ brahmāṇameva ca
kutarkamatayo mūḍhāḥ pacyante narakeṣvadhaḥ
ye ca mūḍhā durātmāno bhinnaṃ paśyanti māṃ hareḥ
brahmāṇaṃ ca tathā teṣāṃ brahmahatyāsamaṃ tvagham
iti bhaviṣyatpurāṇe maheśvaravacanam
ataeva gītāsu svayaṃ bhagavānapi caturvidhabhakteṣvaikātmyadarśinaṃ jñānina bhaktaṃ
stauti
catuvidhā bhajante māṃ janāḥ sukṛtino'rjuna !
ārtto jijñāsurarthārthī jñānī ca bharatarṣabha !
teṣāṃ jñānī nityayukta ekabhaktiviśiṣyate
priyo hi jñānino'tyartha-mahaṃ ca sa mama priyaḥ
4iti śrīguṇavinayaviracitāyāṃ khaṇḍapraśastivṛttau
paraśurāmāvatāraharivarṇanavyākhyā4