[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Hymns as court poetry](https://indike.org/pramana/in.lit.kavya.stotra) › [Courtly hymns to Śiva and Gaṇeśa](https://indike.org/pramana/in.lit.kavya.stotra.saiva) › Shivashataka # Shivashataka (Śivaśataka) शिवशतक - **Language:** Sanskrit - **Author:** [Gokulanātha Maithila Mahāmahopādhyāya](https://indike.org/pramana/person/gokulanatha-maithila-mahamahopadhyaya) - **Extent:** 156 passages, 2,211 words - **Text:** partly digitised - **Source:** archiveorg · शिवशतकम्; ed. Ramakant Pandey; Lokapriya Sāhitya Granthamālā; Rashtriya Sanskrit Sansthan; 2010 · Scan of a printed edition hosted by the Internet Archive (archive.org); the ancient text is in the public… ## Contents - [1](https://indike.org/pramana/in.lit.kavya.stotra.saiva.sivasataka.1) — 102 parts - [2](https://indike.org/pramana/in.lit.kavya.stotra.saiva.sivasataka.2) — 54 parts ## Text ### [1.p28](https://indike.org/pramana/in.lit.kavya.stotra.saiva.sivasataka.1.p28) vitatavividhasampradāyaśākha - vyatikaraveṣṭitamūrtaye namo'stu | bahutarajagadaṇḍabījapūraprasavaphalegrahipādapāya tubhyam ### [1.p29](https://indike.org/pramana/in.lit.kavya.stotra.saiva.sivasataka.1.p29) na dharaṇisalilānalā na vāyurna khamata eva na khāni nāpi varṣma | na samayakakubhau na citra cittaṃ puruṣapurandara! pūruṣastavāsmi ### [1.p30](https://indike.org/pramana/in.lit.kavya.stotra.saiva.sivasataka.1.p30) avirataparivṛttadaṇḍakāṣṭhākulamatulavyativartamānavegam| bhramayasi jagadaṇḍagolamālākalaśakalāpakulāla ! kālacakram ### [1.p31](https://indike.org/pramana/in.lit.kavya.stotra.saiva.sivasataka.1.p31) bhuvanapuṭakuṭīrahaṭṭayantrabhramaṇasahadhruvatarkutaḥ krameṇa| sṛjasi samayasūtramatra māyāmayapaṭavānavidhānatantuvāyaḥ ### [1.p32](https://indike.org/pramana/in.lit.kavya.stotra.saiva.sivasataka.1.p32) nigamavanavanaspate! prasūṣe kati jagadaṇḍamayānyudumbarāṇi| dadhati bahalajantujālamantaḥ punarapi tāni layaṃ tvayi prayānti ### [1.p33](https://indike.org/pramana/in.lit.kavya.stotra.saiva.sivasataka.1.p33) bahutarajagadaṇḍabhārabharturnahi mahimānamahaṃ tavā'vayāmi| maśaka iva śalāṭugarbhajanmā viṭapabṛhattvamudumbaradrumasya ### [1.p34](https://indike.org/pramana/in.lit.kavya.stotra.saiva.sivasataka.1.p34) praviśati mama cittaveśma sarvendriyavikalaḥ śrutiśiṣyamāṇavarmā| vidhigṛhatilabindujālabarhī galitavapuḥ prapitāmahaḥ prajānām ### [1.p35](https://indike.org/pramana/in.lit.kavya.stotra.saiva.sivasataka.1.p35) brahmāṇḍabindutilajālavaho vihīnaḥ sarvendriyavikalakarmaśarīrabandhaḥ hṛdveśma me praviśati śrutideśitena mārgeṇa ko'pi jagatīprapitāmaho'sau || iti pāṭhaḥ ### [1.p36](https://indike.org/pramana/in.lit.kavya.stotra.saiva.sivasataka.1.p36) vigalitavapuṣaṃ vikāravārtārahitamanindriyamakriyaṃ purāṇam| tvamasi taditi cetanāvaśeṣaṃ nijapitaraṃ nigamāḥ prabodhayanti ### [1.p37](https://indike.org/pramana/in.lit.kavya.stotra.saiva.sivasataka.1.p37) jagadidamupadīyatyavidyātimiraripau tvayi na svamapyavaimi| pratapati tapanātape tapattau bhajati yadāndhyamasāvulūkalokaḥ ### [1.p38](https://indike.org/pramana/in.lit.kavya.stotra.saiva.sivasataka.1.p38) viṣamanigamakānanāntaśākhātatiṣu nilīya parānnirikṣamāṇaḥ| pariṇatividalajjagatakapitthagrasanakape! sucirānnirūpito'si ### [1.p39](https://indike.org/pramana/in.lit.kavya.stotra.saiva.sivasataka.1.p39) sakalamapi mayā svakarmabījaṃ tvayi vṛṣavāha! samarpayāmbabhūve| tava mama ca na cetphalaṃ prasūte kathamadhunā'pyahameva doṣabhūmiḥ ### [1.p40](https://indike.org/pramana/in.lit.kavya.stotra.saiva.sivasataka.1.p40) naṭa iva vaśago bhavāmi yāsāmahapahastitasarvabhūtapūrvaḥ | prakṛticaritanāṭyasūtradhāra ! bhramayasi māmiyatīṣu bhūmikāsu ### [1.p41](https://indike.org/pramana/in.lit.kavya.stotra.saiva.sivasataka.1.p41) bhavadabhirucitāsu me kriyāsu vyavaharato'nudinaṃ hitāhitāsu | janananidhanabandhamocaneṣu prabhurasi bhūtapate ! tavā'smi dāsaḥ ### [1.p42](https://indike.org/pramana/in.lit.kavya.stotra.saiva.sivasataka.1.p42) bhavadabhimatameva sevamāno hitamahitaṃ ca tathā vṛthā'smi baddhaḥ| tadapi katamamāśraye śaraṇyaṃ bata paravānitaraḥ patistvameva ### [1.p43](https://indike.org/pramana/in.lit.kavya.stotra.saiva.sivasataka.1.p43) varamupahasanīyavarṇako'yaṃ vividhavikāraviḍambitasvarūpaḥ | tadapi kṛtakahāsamātrahetorvarama nivāraya niḥsaho'smi māyām ### [1.p44](https://indike.org/pramana/in.lit.kavya.stotra.saiva.sivasataka.1.p44) kva jagati katamāhni kasya hetorahamiha baddha iti tvameva vettha| svamapi yadi na cetaye na ca tvāṃ mama karuṇāmaya! tatra ko'parādhaḥ ### [1.p45](https://indike.org/pramana/in.lit.kavya.stotra.saiva.sivasataka.1.p45) aviditagatinā pramādanidrā - muṣitamatiḥ kitava! tvayā'smi baddhaḥ| kathamapi mama dṛṣṭivartmavartī bhava pathataskarabandhane prabhuḥ syāḥ || bahuvidhabhavabhūmikābhirābhirnaṭayasi nātha! yathā tathā naṭāmi| kṛpaṇa! gamayitā bhavānavidyājavanikayā'ntaritaḥkiyantyahāni ### [1.p46](https://indike.org/pramana/in.lit.kavya.stotra.saiva.sivasataka.1.p46) vapasi vigatabhogabhāgya! dūrā - nmayi vṛṣavāha! tavāhama urvarāsmi| svapadamupadadhāsi yatra tasmin bhavati kaḍaṅgara eva karmabījam ### [1.p47](https://indike.org/pramana/in.lit.kavya.stotra.saiva.sivasataka.1.p47) prabhavati mataye padaprabandho na tava niratyaya ! nityacetanasya | na bhajasi karuṇāmataḥ purāre! mama kṛpaṇaiḥ paridevitaprapañcaiḥ ### [1.p48](https://indike.org/pramana/in.lit.kavya.stotra.saiva.sivasataka.1.p48) sarasamapi varaṃ na bhoktumīhe hara ! mama śambalasañcayaṃ gṛhāṇa | upadiśa kataraddhi dūrayātrāśramaśamanaṃ bhavavartmano'vasānam || mama bhavapathikasya karmabhogyaṃ pralayaniśi tvamavekṣathāḥ śayāloḥ| tvayi sakalamakiñcano bubhūṣuḥ praharakavetanametadarpayāmi ### [1.p49](https://indike.org/pramana/in.lit.kavya.stotra.saiva.sivasataka.1.p49) śrutijanaka ! raṭatyasau kumārī tava duhitā bahiretya neti neti| vyavahita ! nikaṭasthite'pi tasmāttvayi milite'pi mamātitheḥ kva bhogaḥ ### [1.p50](https://indike.org/pramana/in.lit.kavya.stotra.saiva.sivasataka.1.p50) aparimitavibhāgabhūmirekastvamasi tato jagadaṇḍabindurāsīt| iti bhuvanabharaikadhurya! jāne daśa kakubho gaṇitakrameṇa siddhāḥ ### [1.p51](https://indike.org/pramana/in.lit.kavya.stotra.saiva.sivasataka.1.p51) kathaya ka iti digviparyaye'pi prabhavati gantumataḥ kva saṃsareyam | bhava ! bhavapathikasya ko'pyapūrvastvamahamiti prasṛto mama pramohaḥ ### [1.p52](https://indike.org/pramana/in.lit.kavya.stotra.saiva.sivasataka.1.p52) mayi paramavibhau viśuddhasattve yadiha śarīratadātmatāmadhāsīḥ| nigamapuruṣa! tatpratikriyāyai tvayi nidadhāmi samastavastvabhedam ### [1.p53](https://indike.org/pramana/in.lit.kavya.stotra.saiva.sivasataka.1.p53) nibiḍajaḍatadātmatāpramohaṃ vimalayati tvadabhedavibhramo mām| prakṛtimupanayanti vāridhānīṃ katakarajāṃsi rajo'ntarāpakarṣāt ### [1.p54](https://indike.org/pramana/in.lit.kavya.stotra.saiva.sivasataka.1.p54) puri puri viharāmahe bhramantaḥ purahara! paśyasi bhogavañcito'smān| kimiti na viharema nāthavanto vayamitare tvamanātha eka eva ### [1.p55](https://indike.org/pramana/in.lit.kavya.stotra.saiva.sivasataka.1.p55) svapiṣi na parakarmasu prasaktaḥ paramupabhojayatastava kva bhogaḥ| paracaritamavaiṣi nirnimeṣaḥ prakṛtidaridra! na ko'pi paśyati tvām ### [1.p56](https://indike.org/pramana/in.lit.kavya.stotra.saiva.sivasataka.1.p56) prakṛticaṭula! sūkṣmabhūtaśeṣe prakṛtivikāranikocabhāji kāle| avirataparivṛttikhedakhinne svapiti jane pratibudhyase tvamekaḥ ### [1.p57](https://indike.org/pramana/in.lit.kavya.stotra.saiva.sivasataka.1.p57) pralayadahanadagdhaśeṣapīluprakaraśiloñchapavitravṛttirādau| ghaṭayasi bhuvanāni teṣu jīvaprakṛticalaiḥ paramāṇubhiḥ śarīram ### [1.p58](https://indike.org/pramana/in.lit.kavya.stotra.saiva.sivasataka.1.p58) janaśaraṇa! śarīriṇāṃ pravṛttaiḥ karaṇagaṇairupalabhyacetanānām | katicana janurantarānubhūtiprasṛmaravāsanayā smṛtīḥ prasūṣe ### [1.p59](https://indike.org/pramana/in.lit.kavya.stotra.saiva.sivasataka.1.p59) atiśayitavibuddhavatpurāṇaḥ smarati munirnigamaṃ hiraṇyagarbhaḥ | gaganapavanasannipātakartā kathayasi vā karaṇānapekṣa eva ### [1.p60](https://indike.org/pramana/in.lit.kavya.stotra.saiva.sivasataka.1.p60) atha kṛtakakalevaradvayena vyavaharatā ca nideśadāyinā ca| avagamitapadapravṛttimādau kavayasi lokahitāya sampradāyam ### [1.p61](https://indike.org/pramana/in.lit.kavya.stotra.saiva.sivasataka.1.p61) hitavidhikapaṭānnisargamūḍhaprakṛtirasāvahitānnivartanīyaḥ| iti viṣamatame'pi saṃvidhāne gaṇayatu kastava nātha! kauśalāni ### [1.p62](https://indike.org/pramana/in.lit.kavya.stotra.saiva.sivasataka.1.p62) bhavatu vidhirapūrvakāryatattvāśayahitasādhanatābhidhāsu kaścit| tadapi muṣitadoṣamantarā tvāṃ na bhavitumarhati codanā pramāṇam ### [1.p63](https://indike.org/pramana/in.lit.kavya.stotra.saiva.sivasataka.1.p63) prabhavati paramāpta! yo durantādapasaraṇāya hite pravartanāya| saha carati caturbhirarthavādairnigamakave! sa tavaiva sūktasāraḥ ### [1.p64](https://indike.org/pramana/in.lit.kavya.stotra.saiva.sivasataka.1.p64) ajinamusalavediyūpaśamyādṛṣadupalasphyahaviḥkapālaśūrpaiḥ| atha guruyajamānagātṛhotṛprabhṛtibhiradhvarakarmasu tvamijyaḥ ### [1.p65](https://indike.org/pramana/in.lit.kavya.stotra.saiva.sivasataka.1.p65) vikirati parito ghanāvalīva śrutiramṛtāni tavāśayādudasya| vilayamayamupaiti citsamudra! tvayi jagato nigamasya citpravāhaḥ ### [1.p66](https://indike.org/pramana/in.lit.kavya.stotra.saiva.sivasataka.1.p66) abhisarati paraṃ paraṃ purāre ! viṣayamanekamapāsya pūrvapūrvam| varuṇanilayamāpageva yāvad bhajati bhavantamasau na cittavṛttiḥ ### [1.p67](https://indike.org/pramana/in.lit.kavya.stotra.saiva.sivasataka.1.p67) guṇagaṇamapanīya cittakūpe mama nigamaiḥ sahasā nipātito'si | amṛtakalaśa ! tiṣṭha tiṣṭha manye punarapi jīvanamuddhariṣyase naḥ ### [1.p68](https://indike.org/pramana/in.lit.kavya.stotra.saiva.sivasataka.1.p68) prathamasamayasaṅgamāya naitajjagadupajīvati kevalaṃ bhavantam | bhavatu satatasantamantarā tvāṃ kathamanidamaprathamā'pi vastusattā ### [1.p69](https://indike.org/pramana/in.lit.kavya.stotra.saiva.sivasataka.1.p69) pravahapavanavegaghaṭṭito'pi skhalati na yajjagadaṇḍapiṇḍabhāraḥ| laghugurutulanātulāprakāṇḍa! draḍhimaguṇaḥ sa bhavadguṇatrayasya ### [1.p70](https://indike.org/pramana/in.lit.kavya.stotra.saiva.sivasataka.1.p70) tvamakhilajagadīśa! ṣaḍbhiraṅgairupacitavedamajījanaḥ ṣaḍaṅgam| kathaya kathamasāvupaitvasattāṃ satatasato bhavataḥ svataḥ prapañcaḥ ### [1.p71](https://indike.org/pramana/in.lit.kavya.stotra.saiva.sivasataka.1.p71) viśakalitamanuvrajannricitya sthapatiriva tvamajīghaṭaḥ prapañcam| vibhurasi na ca yujyase vikāraistvayi samavaitu kathaṃ sa bhūtasargaḥ ### [1.p72](https://indike.org/pramana/in.lit.kavya.stotra.saiva.sivasataka.1.p72) na jagadidamahetuto na śūnyādavadhimatāṃ kathamudbhavo'stvakasmāt| prakṛtiriyamadharmadharmarūpā puruṣaguṇaḥ kathamārabheta viśvam ### [1.p73](https://indike.org/pramana/in.lit.kavya.stotra.saiva.sivasataka.1.p73) śikhinaścitrayetko vā kokilān kaḥ prakūjayet | svabhāvavyatirekeṇa vidyate nātra kāraṇam ### [1.p74](https://indike.org/pramana/in.lit.kavya.stotra.saiva.sivasataka.1.p74) svaparaparicayāndhyahetumetaṃ śiva! bhavadāvaraṇīyamandhakāram| śamayati jagadaṇḍabinduvṛndāmbuda! bhavadekapadā vivekavidyut ### [1.p75](https://indike.org/pramana/in.lit.kavya.stotra.saiva.sivasataka.1.p75) smarasi kathamananyadeva! vṛttāṃ prabhavakathāvidhurāṃ nijāmavasthām| punarapi na cirājjanārdana! tvāṃ na paricariṣyati cetano dvitīyaḥ ### [1.p76](https://indike.org/pramana/in.lit.kavya.stotra.saiva.sivasataka.1.p76) nimiṣaparicito hare! samūlaṃ harasi viśeṣaguṇavrajaṃ parasya| prathayasi khalatāmimāmapūrvāṃ kathayasi yadviguṇatvamātmano'pi ### [1.p77](https://indike.org/pramana/in.lit.kavya.stotra.saiva.sivasataka.1.p77) alamavagalitendriyapravṛttestava jarataḥ puruṣasya jāgareṇa| ayamahamadhunā prabudhyamānaḥ puruṣavikārakarīṃ nihanmi māyām ### [1.p78](https://indike.org/pramana/in.lit.kavya.stotra.saiva.sivasataka.1.p78) asakṛdanaṭadasmitā naṭī me nihitapadā maśake mataṅgaje ca| dhruvamupari tavādhirokṣyatīyaṃ bhava! mahato'pi mahānaṇoraṇīyān ### [1.p79](https://indike.org/pramana/in.lit.kavya.stotra.saiva.sivasataka.1.p79) vilayamupajagāma cedakhaṇḍa - stvayi jaraṭho jagadaṇḍagulmapiṇḍaḥ| kṣapayasi tadapi kṣapāmanidraḥ katibhirasau hi bubhūṣati prarohaiḥ ### [1.p80](https://indike.org/pramana/in.lit.kavya.stotra.saiva.sivasataka.1.p80) vikirati paradṛṣṭivañcanāya tvadupari viṣṭapasarṣapānavidyā | tadapi nimiṣamātranirgato'pi praviśati bhūtagaṇo bhavantameva ### [1.p81](https://indike.org/pramana/in.lit.kavya.stotra.saiva.sivasataka.1.p81) asakṛduparamadbhiraṅkabhedairnaṭagaṇaniṣkramaṇādviviktaraṅgaḥ| aviditamukhasandhirāmukhānto nigamakavestava nāṭakaprabandhaḥ ### [1.p82](https://indike.org/pramana/in.lit.kavya.stotra.saiva.sivasataka.1.p82) bhramayasi jagatastvameva saṃjñāparicayasaṃskṛtirūpavedanābhiḥ| sadasadatadapoḍhavastucintākṛtiriti kalpayase vivekavedyam ### [1.p83](https://indike.org/pramana/in.lit.kavya.stotra.saiva.sivasataka.1.p83) tvamamṛtaviṣayapraveśabhūmau bhavasi dṛśaḥ pathi yasya sa dvitīyam| jagati na paripaśyatīti jihmā smarahara! dṛṣṭiviṣādhikā gatiste ### [1.p84](https://indike.org/pramana/in.lit.kavya.stotra.saiva.sivasataka.1.p84) druhiṇabhavanapadmabījamālāmaṇiparivartanatatparātmanaste| grasitumakhilameva jantujātaṃ vijanayato viditā viḍālavṛttiḥ ### [1.p85](https://indike.org/pramana/in.lit.kavya.stotra.saiva.sivasataka.1.p85) aparimitakṛternirāśrayasya bhramarahitasya nirastaceṣṭitasya | dṛṣadodaradarīṣu dardurāṇāṃ ghaṭanapaṭostava kīdṛśaṃ śarīram ### [1.p86](https://indike.org/pramana/in.lit.kavya.stotra.saiva.sivasataka.1.p86) bhuvanabhavanabhāsanapradīpa ! nyapatadasau tvayi cetanāpataṅgī | kṣaṇamadhikamadīpyata jvalantī punarajahātprathamāmapi svasattām ### [1.p87](https://indike.org/pramana/in.lit.kavya.stotra.saiva.sivasataka.1.p87) dhruvamiyamapavargarātrisandhyā bhavati yatastvayi nirbharo'nurāgaḥ| rucimaya ! caramo'yamañjaliste nanu nacirād bhavitā bhavānadṛśyaḥ ### [1.p88](https://indike.org/pramana/in.lit.kavya.stotra.saiva.sivasataka.1.p88) yadapi tava vaśe mamendriyāṇi śrutiviṣayāvadhivartamānadṛṣṭeḥ | mukhamasi jagatastathāpi nātha ! śrutimukureṇa vinā na veditāse ### [1.p89](https://indike.org/pramana/in.lit.kavya.stotra.saiva.sivasataka.1.p89) tava vaśe (santi)| (tvaṃ) jagataḥ mukham asi tathāpi śrutimukureṇa vinā na veditāse ### [1.p90](https://indike.org/pramana/in.lit.kavya.stotra.saiva.sivasataka.1.p90) matidhanamitare sudīrghanidrāpravaṇadhiyastvayi nikṣipantyatantre| upaharaṇasusañcito na jātu vyayamupagacchati cetanānidhiste ### [1.p91](https://indike.org/pramana/in.lit.kavya.stotra.saiva.sivasataka.1.p91) kvacidapi viṣame tvayā viyujya sthitimanavāpya cirasya saṃsarāmi| bhavagirisaridasmi citsamudra! svamapi jahāmi tadā labhe yadi tvām ### [1.p92](https://indike.org/pramana/in.lit.kavya.stotra.saiva.sivasataka.1.p92) bhagavati niyate vidūrayātrāsahacari! saṃsaraṇādhvano'yamantaḥ| jarati! virama niḥsahāsi saṃvinnagaramataḥ paramadvayopabhogyam ### [1.p93](https://indike.org/pramana/in.lit.kavya.stotra.saiva.sivasataka.1.p93) vilikhatu kathamakṣarāṇi bhāle sa vidhiradṛṣṭapadārthalekhadakṣaḥ| mama hi militamakṣapādapādapraṇipatanena lalāṭasīmni cakṣuḥ ### [1.p94](https://indike.org/pramana/in.lit.kavya.stotra.saiva.sivasataka.1.p94) uḍuni mayi rave! prakāśaleśaṃ vyavadhivaśādaparīkṣito nyadhāsīḥ| tamapaharasi sannikarṣametya tvadupari tarhi nijaṃ vapustyajāmi|| bhavapathapathiko'smi vāṭapāṭaccara ! milito'si viluṇṭhya sampado me| ahamapi bhavadantaraṃ praviśya dhruvamacireṇa harāmi te vibhūtīḥ ### [1.p95](https://indike.org/pramana/in.lit.kavya.stotra.saiva.sivasataka.1.p95) śrutirasi puruṣārthasannibaddhastava caraṇe prathame viraumi vatsaḥ | amaragavi ! sa dogdhi kasya hetoramṛtamabhoktari pūrtibhāji bhāṇḍe || janani tava pumarthā eva pādāḥ prathante prathamacaraṇabaddho nirbharaṃ raumi vatsaḥ| caramacaraṇamūlaprasrutāṃ stanyadhārāmamaragavi! kadā te muktabandhaḥ pibeyam ### [1.p96](https://indike.org/pramana/in.lit.kavya.stotra.saiva.sivasataka.1.p96) śiva! tava mama cāntarālabhūmau vividhavidhāṃ vyavadhāṃ vyadhādvidhātā| tadapi hi pihito'hameva bhittirbhavati vṛtiḥ sadanasya nājirasya ### [1.p97](https://indike.org/pramana/in.lit.kavya.stotra.saiva.sivasataka.1.p97) avadhirupararāma bhūrvibhaktā prabhavasi gūḍhamatirna māṃ prahartum| tadahamahamikāhṛdekaśeṣāvadhiradhunā dhruvamāvayoravimardaḥ || na dharaṇirupari prayāti nā'dhaḥ patati na ca plavate na bambhramīti| na ca divi vasati svaśaktiyogādapi tu bhavānacalāsthiratvahetuḥ ### [1.p98](https://indike.org/pramana/in.lit.kavya.stotra.saiva.sivasataka.1.p98) aviṣamacaturasraṣaḍbhāgāṃ na sṛjasi kandukanistalāṃ na sūṣe| ghaṭayasi pṛthivīmimāṃ svacakrabhramaṇakulāla ! viśāladarpaṇābhām ### [1.p99](https://indike.org/pramana/in.lit.kavya.stotra.saiva.sivasataka.1.p99) purahara! paradṛṣṭidoṣaśāntyai kati jagadaṇḍakagaṇḍakānbibharṣi| tvadupari paripātayanti dṛṣṭiṃ vijahati sarvamakiñcanā bhavanti ### [1.p100](https://indike.org/pramana/in.lit.kavya.stotra.saiva.sivasataka.1.p100) parapuramabhiviśya sarvalokaṃ bhramayasi sarvadineṣu bhūtavargaḥ | bhavapitṛvanavāṭabodhivṛkṣa! pralayaniśāsu nilīya sevate tvām ### [1.p101](https://indike.org/pramana/in.lit.kavya.stotra.saiva.sivasataka.1.p101) grahagṛhasarasīruhasya rāhubhramaravimardasahārkakarṇikasya | bhramaṇamidamabhivyanakti līlāṃ tava ghaṭitāṃ dhruvanālaghaṭṭanāya ### [1.p102](https://indike.org/pramana/in.lit.kavya.stotra.saiva.sivasataka.1.p102) sakalaguṇagaṇo mamorṇanābhervilayamupaiti vitāyate ca bhūyaḥ| paṭujanajaḍatāpahāraheto! kṣaṇamapi na kṣamase kṣayaṃ guṇānām ### [1.p103](https://indike.org/pramana/in.lit.kavya.stotra.saiva.sivasataka.1.p103) na khalu vighaṭitāḥ punarghaṭanānte na ca ghaṭitāḥ sthirasaṅgatāṃ śrayante | nipatiṣumavaśaṃ rujanti vaṃś‍yāstaṭatarumāpa ivāpagāgaṇasya ### [1.p104](https://indike.org/pramana/in.lit.kavya.stotra.saiva.sivasataka.1.p104) vigataviparilopadṛṣṭi paśyan vaśayasi yāṃ puruṣaprakāṇḍa ! māyām| prakṛticapalayā tayā vikārairbahuvidhavarṇikayā vaśīkṛto'smi ### [1.p105](https://indike.org/pramana/in.lit.kavya.stotra.saiva.sivasataka.1.p105) prakṛticapalapīlubījavarge dalati khagolakuśūlaviprakīrṇam| aghaṭitamitaretareṇa kalpakṣayarajanau samacīkalastvamekaḥ ### [1.p106](https://indike.org/pramana/in.lit.kavya.stotra.saiva.sivasataka.1.p106) svapuṭapaṭalamabhyajīryadāśā vṛtiradalanniravādravipradīpaḥ| pralayamavanivāstvagāttathāpi kva jagadagāragṛhastha! niśyavātsīḥ ### [1.p107](https://indike.org/pramana/in.lit.kavya.stotra.saiva.sivasataka.1.p107) prasarati viṣayeṣu yeṣu rāgaḥ pariṇamate virateṣu teṣu śokaḥ| tvayi rucirucitā nitāntakānte guṇaparipākaśucāmagocaro'si ### [1.p108](https://indike.org/pramana/in.lit.kavya.stotra.saiva.sivasataka.1.p108) pratigṛhamatithirgṛhītadaṇḍo dhṛtajagadaṇḍakamaṇḍaluprakāṇḍaḥ| bhuvanavahana! pātramātraśeṣaṃ satṛṇamidaṃ jagadatti kālabhikṣuḥ ### [1.p109](https://indike.org/pramana/in.lit.kavya.stotra.saiva.sivasataka.1.p109) prasabhaniviśamānakālasarpapratihatanirgamane svagolanīḍe | bahuvidhagatayo viviktajāyāsutajananītanavaḥ khagā bhramanti ### [1.p110](https://indike.org/pramana/in.lit.kavya.stotra.saiva.sivasataka.1.p110) abhilaṣitamathānucintitaṃ yo hṛdayaguhāśayitaḥ śṛṇotyakarṇaḥ| tamimamavacanaṃ ca vāgminaṃ ca prabhavati mantrayituṃ trayī bhujaṅgam ### [1.p111](https://indike.org/pramana/in.lit.kavya.stotra.saiva.sivasataka.1.p111) paripibati payo bhavādhvanīnastanayakarājananīpayodharācca| vyapagatamadhunā tadāśayā'pi prasabhavaśādayamāśayaḥ śuśoṣa ### [1.p112](https://indike.org/pramana/in.lit.kavya.stotra.saiva.sivasataka.1.p112) stanakalaśamukhena vā jananyāstanayakarāṅgulimadhyakulyayā ca| capala! piba payāṃsi yāvadāyurbhavati na cetasi cetanāsamudraḥ ### [1.p113](https://indike.org/pramana/in.lit.kavya.stotra.saiva.sivasataka.1.p113) vidhivaśamilito bhavādhvayātrāṃ harasi jagattilapeṣatailiko'si| na tava paśupate! vidanti pāśaṃ pihitadṛśaḥ paśavaḥ paribhramanti ||87|| mayi phalakadhiyā tvayā kiyatyaḥ pratikṛtayo likhitāstathā viluptāḥ| virama bata nisarganirmalasya pramṛja rajo mama paśya darpaṇo'smi ### [1.p114](https://indike.org/pramana/in.lit.kavya.stotra.saiva.sivasataka.1.p114) kṣitibilāpatitaṃ jarāyupeśīsthagitamathāṇḍasamudrake nigūḍham| avivṛtamapi dhātusañcayaṃ te bhava! bhavatā hṛtavigraho harāmi|| parimitasukhadaṃ kaṣāyapākaṃ virasataraṃ viṣayāntaraṃ vihāya| niravadhimadhure same samantāttvayi puruṣottama ! viśramo'stu vācām ### [1.p115](https://indike.org/pramana/in.lit.kavya.stotra.saiva.sivasataka.1.p115) apagatapadapāṭavo'pi garbhādupaniṣadāmadhunotthitaḥ prabandhaḥ| janayatu tava kautukaṃ kalena pratipadaviskhalitena jalpitena ### [1.p116](https://indike.org/pramana/in.lit.kavya.stotra.saiva.sivasataka.1.p116) prakṛtimalinamṛkṣalakṣalikṣācayacitamambaracīvaraṃ vasānam| prakaṭitabṛhadaṇḍamatrapaṃ tvāṃ puruṣamudīkṣya hasāmi collasāmi ### [1.p117](https://indike.org/pramana/in.lit.kavya.stotra.saiva.sivasataka.1.p117) vyaramadavasaraḥ sa yatra karmaprakaramakārṣamamartyalehyalobhāt| na punarapi pibāmi somapātrāmṛtadadhi rāhuviḍālapītaśeṣam ### [1.p118](https://indike.org/pramana/in.lit.kavya.stotra.saiva.sivasataka.1.p118) svayamayamavaleḍhi hoturājyaṃ tadanu tamāśayate sudhāmbubindūn | ajani tu jananīpayastṛṣārttikṣayamavamuñcati yājyamijyavargaḥ ### [1.p119](https://indike.org/pramana/in.lit.kavya.stotra.saiva.sivasataka.1.p119) bhramayasi navadhā khamaṇḍalāni draḍhayasi saptapuṭāni bhūtadhātryāḥ | upadiśasi ca ṣaḍgatīrgrahāṇāṃ dhruvamasi tad‌dhruvayorapi dhruvastvam || guṇamapi tava nirguṇatvapakṣe gamayati doṣakulākulaḥ prabandhaḥ| malinayati navendusundarāṇi sphaṭikaśilāśakalāni kācasaṅgaḥ ### [1.p120](https://indike.org/pramana/in.lit.kavya.stotra.saiva.sivasataka.1.p120) kimapi niviśate prakāśarāśau tvayi yamuneva ravau vidhāvivāṅkaḥ | asitatanucaturbhujasvarūpaṃ yadavatarā hṛdayaṃ haranti rāmāḥ ### [1.p121](https://indike.org/pramana/in.lit.kavya.stotra.saiva.sivasataka.1.p121) idamaparapuraṃ tadeva yasminnasakṛdaharnirgānnniśi praviśya| vigalitavaraṇādbahirvihīnāt kathamadhunā sadanādito nirīyām ### [1.p122](https://indike.org/pramana/in.lit.kavya.stotra.saiva.sivasataka.1.p122) yadabhilapasi pudgalānajīvāsravavaranirjarajīvabandhamokṣān| nayasi ca yadanāvṛtānrvihaṅgaprakṛtimatarastadupāsyase jinendraḥ ### [1.p123](https://indike.org/pramana/in.lit.kavya.stotra.saiva.sivasataka.1.p123) prakṛtiriyamanaśvarasvarūpā sṛjati mahāntamasau yato vikāram| avikṛtamapi paśyataḥ sataste saha ramate hyanayā sakhā tvadīyaḥ ### [1.p124](https://indike.org/pramana/in.lit.kavya.stotra.saiva.sivasataka.1.p124) yadi mama sahasā tavābhisārātkulagurubhirnigamairnivāritā'sau| svayamabhisara tarhi vācamenāṃ parapuruṣaṃ nigamo na paśyati tvām ### [1.p125](https://indike.org/pramana/in.lit.kavya.stotra.saiva.sivasataka.1.p125) mama vacanajalāni karṇaśuktau tava patitāni gatāni mauktikatvam | viguṇavilulitāni lājabuddhyā rasayatu kuṇḍalakuṇḍaliprakāṇḍam ### [1.p126](https://indike.org/pramana/in.lit.kavya.stotra.saiva.sivasataka.1.p126) apaṭubhirabhidhitsitārthabuddhyāvanabhigatānapi bodhayadbhirarthān| puramathana! parāhatairamībhiḥ kathaya kadā vihasiṣyasi pralāpaiḥ ### [1.p127](https://indike.org/pramana/in.lit.kavya.stotra.saiva.sivasataka.1.p127) na tava puri śilādaputravetra - pratatiniruddhatayā labhe praveśam| śivasahacari! gauri! gopurebhyo bahirupaviśya vasāmi naumi ca tvām ### [1.p128](https://indike.org/pramana/in.lit.kavya.stotra.saiva.sivasataka.1.p128) na dahati sagarānvayaṃ na pādāt prabhavati nā'pyalikādudeti cakṣuḥ| na ca kimapi śṛṇoti netravargo mama kathamastu tava stave'dhikāraḥ ### [1.p129](https://indike.org/pramana/in.lit.kavya.stotra.saiva.sivasataka.1.p129) iti mahāmahopādhyāyaśrīgokulanāthaviracitaṃ śivaśatakam ### [2.p1](https://indike.org/pramana/in.lit.kavya.stotra.saiva.sivasataka.2.p1) śivaśatakam ### [2.p2](https://indike.org/pramana/in.lit.kavya.stotra.saiva.sivasataka.2.p2) mūlapāṭhaḥ ### [2.p3](https://indike.org/pramana/in.lit.kavya.stotra.saiva.sivasataka.2.p3) vitatavividhasampradāyaśākha - vyatikaraveṣṭitamūrtaye namo'stu| bahutarajagadaṇḍabījapūraprasavaphalegrahipādapāya tubhyam ### [2.p4](https://indike.org/pramana/in.lit.kavya.stotra.saiva.sivasataka.2.p4) na dharaṇisalilānalā na vāyurna khamata eva na khāni nāpi varṣma | na samayakakubhau na cinna cittaṃ puruṣapurandara! pūruṣastavāsmi ### [2.p5](https://indike.org/pramana/in.lit.kavya.stotra.saiva.sivasataka.2.p5) avirataparivṛttadaṇḍakāṣṭhākulamatulavyativartamānavegam | bhramayasi jagadaṇḍagolamālākalaśakalāpakulāla! kālacakram ### [2.p6](https://indike.org/pramana/in.lit.kavya.stotra.saiva.sivasataka.2.p6) bhuvanapuṭakuṭīrahaṭṭayantrabhramaṇasahadhruvatarkutaḥ krameṇa | sṛjasi samayasūtramatra māyāmayapaṭavānavidhānatantuvāyaḥ || nigamavanavanaspate ! prasūṣe kati jagadaṇḍamayānyudumbarāṇi | dadhati bahalajantujālamantaḥ punarapi tāni layaṃ tvayi prayānti || bahutarajagadaṇḍabhārabharturnahi mahimānamahaṃ tavā'vayāmi | maśaka iva śalāṭugarbhajanmā viṭapabṛhattvamudumbaradrumasya || praviśati mama cittaveśma sarvendriyavikalaḥ śrutiśiṣyamāṇavartmā | vidhigṛhatilabindujālabarhī galitavapuḥ prapitāmahaḥ prajānām || vigalitavapuṣaṃ vikāravārtārahitamanindriyamakriyaṃ purāṇam | tvamasi taditi cetanāviśeṣaṃ nijapitaraṃ nigamāḥ prabodhayanti || jagadidamupadīpayatyavidyātimiraripau tvayi na svamapyavaimi| pratapati tapanātape tapattau bhajati yadāndhyamasāvulūkalokaḥ ### [2.p7](https://indike.org/pramana/in.lit.kavya.stotra.saiva.sivasataka.2.p7) viṣamanigamakānanāntaśākhātatiṣu nilīya parānnirikṣamāṇaḥ| pariṇatividasajjagatkapitthagrasanakape! sucirānnirūpito'si ### [2.p8](https://indike.org/pramana/in.lit.kavya.stotra.saiva.sivasataka.2.p8) sakalamapi mayā svakarmabījaṃ tvayi vṛṣavāha! samarpayāmbabhūve| tava mama ca na cetphalaṃ prasūte kathamadhunā'pyahameva doṣabhūmiḥ ### [2.p9](https://indike.org/pramana/in.lit.kavya.stotra.saiva.sivasataka.2.p9) naṭa iva vaśago bhavāmi yāsāmahamapahastitasarvabhūtapūrvaḥ| prakṛticaritanāṭyasūtradhāra ! bhramayasi māmiyatīṣu bhūmikāsu || bhavadabhirucitāsu me kriyāsu vyavaharato'nudinaṃ hitāhitāsu| janananidhanabandhamocaneṣu prabhurasi bhūtapate! tavā'smi dāsaḥ ### [2.p10](https://indike.org/pramana/in.lit.kavya.stotra.saiva.sivasataka.2.p10) bhavadabhimatameva sevamāno hitamahitaṃ ca tathā vṛthā'smi baddhaḥ| tadapi katamamāśraye śaraṇyaṃ bata paravānitaraḥ patistvameva ### [2.p11](https://indike.org/pramana/in.lit.kavya.stotra.saiva.sivasataka.2.p11) varamupahasanīyavarṇako'yaṃ vividhavikāraviḍambitasvarūpaḥ| tadapi kṛtakahāsamātrahetorvarama nivāraya niḥsaho'smi māyām ### [2.p12](https://indike.org/pramana/in.lit.kavya.stotra.saiva.sivasataka.2.p12) kva jagati katamāhni kasya hetorahamiha baddha iti tvameva vettha| svamapi yadi na cetaye na ca tvāṃ mama karuṇāmaya! tatra ko'parādhaḥ|| aviditagatinā pramādanidrāmuṣitamatiḥ kitava! tvayā'smi baddhaḥ| kathamapi mama dṛṣṭivartmavartī bhava pathataskarabandhane prabhuḥ syāḥ ### [2.p13](https://indike.org/pramana/in.lit.kavya.stotra.saiva.sivasataka.2.p13) bahuvidhabhavabhūmikābhirābhirnaṭayasi nātha! yathā tathā naṭāmi| kṛpaṇa! gamayitā bhavānavidyājavanikayā'ntaritaḥkiyantyahāni ### [2.p14](https://indike.org/pramana/in.lit.kavya.stotra.saiva.sivasataka.2.p14) vapasi vigatabhogabhāgya! dūrā - nmayi vṛṣavāha! tavāhama urvarāsmi| svapadamupadadhāsi yatra tasmin bhavati kaḍaṅkara eva karmabījam ### [2.p15](https://indike.org/pramana/in.lit.kavya.stotra.saiva.sivasataka.2.p15) prabhavati mataye padaprabandho na tava niratyaya! nityacetanasya| na bhajasi karuṇāmataḥ purāre! mama kṛpaṇaiḥ paridevitaprapañcaiḥ|| sarasamapi varaṃ na bhoktumīhe hara! mama śambalasañcayaṃ gṛhāṇa| upadiśa kataraddhi dūrayātrāśramaśamanaṃ bhavavartmano'vasānam|| mama bhavapathikasya karmabhogyaṃ pralayaniśi tvamavekṣathāḥ śayāloḥ| tvayi sakalamakiñcano bubhūṣuḥ praharakavetanametadarpayāmi|| śrutijanaka ! raṭatyasau kumārī tava duhitā bahiretya neti neti| vyavahita! nikaṭasthite'pi tasmāttvayi milite'pi mamātitheḥ kva bhogaḥ|| aparimitavibhāgabhūmirekastvamasi tato jagadaṇḍabindurāsīt| iti bhuvanabharaikadhurya! jāne daśa kakubho gaṇitakrameṇa siddhāḥ|| kathaya ka iti digviparyaye'pi prabhavati gantumataḥ kva saṃsareyam | bhava ! bhavapathikasya ko'pyapūrvastvamahamiti prasṛto mama pramohaḥ ### [2.p16](https://indike.org/pramana/in.lit.kavya.stotra.saiva.sivasataka.2.p16) mayi paramavibhau viśuddhasattve yadiha śarīratadātmatāmadhāsīḥ | nigamapuruṣa ! tatpratikriyāyai tvayi nidadhāmi samastavastubhedam ### [2.p17](https://indike.org/pramana/in.lit.kavya.stotra.saiva.sivasataka.2.p17) nibiḍajaḍatadātmatāpramohaṃ vimalayati tvadabhedavibhramo mām | prakṛtimupanayanti vāridhānīṃ katakarajāṃsi rajo'ntarāpakarṣāt ### [2.p18](https://indike.org/pramana/in.lit.kavya.stotra.saiva.sivasataka.2.p18) puri puri viharāmahe bhramantaḥ purahara ! paśyasi bhogavañcito'smān | kimiti na viharema nāthavanto vayamitare tvamanātha eka eva || svapiṣi na parakarmasu prasaktaḥ paramupabhojayatastava kva bhogaḥ | paracaritamavaiṣi nirnimeṣaḥ prakṛtidaridra ! na ko'pi paśyati tvām ### [2.p19](https://indike.org/pramana/in.lit.kavya.stotra.saiva.sivasataka.2.p19) prakṛticaṭula ! sūkṣmabhūtaśeṣe prakṛtivikāranikocabhāji kāle | avirataparivṛttikhedakhinne svapiti jane pratibudhyase tvamekaḥ ### [2.p20](https://indike.org/pramana/in.lit.kavya.stotra.saiva.sivasataka.2.p20) pralayadahanadagdhaśeṣapīluprakaraśiloñchapavitravṛttirādau | ghaṭayasi bhuvanāni teṣu jīvaprakṛticalaiḥ paramāṇubhiḥ śarīram ### [2.p21](https://indike.org/pramana/in.lit.kavya.stotra.saiva.sivasataka.2.p21) janaśaraṇa ! śarīriṇāṃ pravṛttaiḥ karaṇagaṇairupalabhyacetanānām | katicana janurantarānubhūtiprasṛmaravāsanayā smṛtīḥ prasūṣe || atiśayitavibuddhavatpurāṇaḥ smarati munirnigamaṃ hiraṇyagarbhaḥ| gaganapavanasannipātakartā kathayasi vā karaṇānapekṣa eva ### [2.p22](https://indike.org/pramana/in.lit.kavya.stotra.saiva.sivasataka.2.p22) atha kṛtakakalevaradvayena vyavaharatā ca nideśadāyinā ca | avagamitapadapravṛttimādau kavayasi lokahitāya sampradāyam ### [2.p23](https://indike.org/pramana/in.lit.kavya.stotra.saiva.sivasataka.2.p23) hitavidhikapaṭātnisargamūḍhaprakṛtirasāvahitānnivartanīyaḥ | iti viṣamatame'pi saṃvidhāne gaṇayatu kastava nātha! kauśalāni ### [2.p24](https://indike.org/pramana/in.lit.kavya.stotra.saiva.sivasataka.2.p24) bhavatu vidhirapūrvakāryatattvāśayahitasādhanatābhidhāsu kaścit| tadapi muṣitadoṣamantarā tvāṃ na bhavitumarhati codanā pramāṇam || prabhavati paramāpta ! yo durantādapasara ṇāya hite pravartanāya | saha carati caturbhirarthavādairnigamakave ! sa tavaiva sūktasāraḥ ### [2.p25](https://indike.org/pramana/in.lit.kavya.stotra.saiva.sivasataka.2.p25) ajinamusalavediyūpaśamyādṛṣadupalasmyahaviḥkapālaśūrpaiḥ | atha guruyajamānagātṛhotṛprabhṛtibhiradhvarakarmasu tvamijyaḥ ### [2.p26](https://indike.org/pramana/in.lit.kavya.stotra.saiva.sivasataka.2.p26) vikirati parito ghanāvalīva śrutiramṛtāni tavāśayādudasya | vilayamayamupaiti cittasamudra ! tvayi jagato nigamasya citrapravāhaḥ ### [2.p27](https://indike.org/pramana/in.lit.kavya.stotra.saiva.sivasataka.2.p27) abhisarati paraṃ paraṃ purāre ! viṣayamanekamapāsya pūrvapūrvam | varuṇanilayamāpageva yāvad bhajati bhavantamasau na cittavṛttiḥ || guṇagaṇamapanīya cittakūpe mama nigamaiḥ sahasā nipātito'si| amṛtakalaśa! tiṣṭha tiṣṭha manye punarapi jīvanamuddhariṣyase naḥ ### [2.p28](https://indike.org/pramana/in.lit.kavya.stotra.saiva.sivasataka.2.p28) prathamasamayasaṅgamāya naitajjagadupajīvati kevalaṃ bhavantam| bhavatu satatasantamanrtarā tvāṃ kathamanidamprathamā'pi vastusattā ### [2.p29](https://indike.org/pramana/in.lit.kavya.stotra.saiva.sivasataka.2.p29) pravahapavanavegaghaṭṭito'pi skhalati na yajjagadaṇḍapiṇḍabhāraḥ| laghurutulanātulāprakāṇḍa! draḍhimaguṇaḥ sa bhavadguṇatrayasya ### [2.p30](https://indike.org/pramana/in.lit.kavya.stotra.saiva.sivasataka.2.p30) tvamakhilajagadīśa! ṣaḍbhiraṅgairupacitavedamajījanaḥ ṣaḍaṅgam| kathaya kathamasāvupaitvasattāṃ satatasato bhavataḥ svataḥ prapañcaḥ|| viśakalitamanuvrajannricitya sthapatiriva tvamajīghaṭaḥ prapañcam | vibhurasi na ca yujyase vikāraistvayi samavaitu kathaṃ sa bhūtasargaḥ || na jagadidamahetuto na śūnyādavadhimatāṃ kathamudbhavo'stvakasmāt | prakṛtiriyamadharmadharmarūpā puruṣaguṇaḥ kathamārabheta viśvam || svaparaparicayāndhyahetumetaṃ śiva ! bhavadāvaraṇīyamandhakāram | śamayati jagadaṇḍabinduvṛndāmbuda ! bhavadekapadā vivekavidyut || smarasi kathamananyadeva ! vṛttāṃ prabhavakathāvidhurāṃ nijāmavasthām | punarapi na cirājjanārdana ! tvāṃ na paricariṣyati cetano dvitīyaḥ || nimiṣaparicito hare! samūlaṃ harasi viśeṣaguṇavrajaṃ parasya| prathayasi khalatāmimāmapūrvāṃ kathayasi yadviguṇatvamātmano'pi ### [2.p31](https://indike.org/pramana/in.lit.kavya.stotra.saiva.sivasataka.2.p31) alamavagalitendriyapravṛttestava jarataḥ puruṣasya jāgareṇa| ayamahamadhunā prabudhyamānaḥ puruṣavikārakarīṃ nihanmi māyām ### [2.p32](https://indike.org/pramana/in.lit.kavya.stotra.saiva.sivasataka.2.p32) asakṛdanaṭadasmitā naṭī me nihitapadā maśake mataṅgaje ca| dhruvamupari tavādhirokṣyatīyaṃ bhava! mahato'pi mahānaṇoraṇīyān ### [2.p33](https://indike.org/pramana/in.lit.kavya.stotra.saiva.sivasataka.2.p33) vilayamupajagāma cedakhaṇḍa - stvayi jaraṭho jagadaṇḍagulmapiṇḍaḥ| kṣapayasi tadapi kṣapāmanidraḥ katibhirasau hi bubhūṣati prarohaiḥ || vikirati paradṛṣṭivañcanāya tvadupari viṣṭapasarpapānavidyā | tadapi nimiṣamātranirgato'pi praviśati bhūtagaṇo bhavantameva || asakṛduparamadbhiraṅkabhedairnaṭagaṇaniṣkramaṇādviviktaraṅgaḥ | aviditamukhasandhirāmukhānto nigamakavestava nāṭakaprabandhaḥ || bhramayasi jagatastvameva saṃjñāparicayasaṃskṛtirūpavedanābhiḥ | sadasadatadapoḍhavastucintākṛtiriti kalpayase vivekavedyam || tvamamṛtaviṣayapraveśabhūmau bhavasi dṛśaḥ pathi yasya sa dvitīyam | jagati na paripaśyatīti jihmā smarahara ! dṛṣṭiviṣādhikā gatiste || druhiṇabhavanapadmabījamālāmaṇiparivartanatatparātmanaste | grasitumakhilameva jantujātaṃ vijanayato viditā viḍālavṛttiḥ || aparimitakṛternirāśrayasya bhramarahitasya nirastaceṣṭitasya | dṛṣadudaradarīṣu dardurāṇāṃ ghaṭanapaṭostava kīdṛśaṃ śarīram || bhuvanabhavanabhāsanapradīpa ! nyapatadasau tvayi cetanāpataṅgī | kṣaṇamadhikamadīpyata jvalantī punarajahātprathamāmapi svasattām | dhruvamiyamapavargarātrisandhyā bhavati yatastvayi nirbharo'nurāgaḥ | rucimaya ! caramo'yamañjaliste nanu nacirādbhavitā bhavānadṛśyaḥ || yadapi tava vaśe mamendriyāṇi śrutiviṣayāvadhivartamānadṛṣṭeḥ| mukhamasi jagatastathāpi nātha! śrutimukureṇa vinā na veditāse| matidhanamitare sudīrghanidrāpravaṇadhiyastvayi nikṣipantyatantre| upaharaṇasusañcito na jātu vyayamupagacchati cetanānidhiste|| kvacidapi viṣame tvayā viyujya sthitimavāpya cirasya saṃsarāmi| bhavagirisaridasmi citsamudra! svamapi jahāmi tadā labhe yadi tvām|| bhagavati niyate vidūrayātrāsahacari! saṃsaraṇādhvano'yamantaḥ| jarati! virama niḥsahāsi saṃvinnagaramataḥ paramadvayopabhogyam|| vilikhatu kathamakṣarāṇi bhāle sa vidhiradṛṣṭapadārthalekhadakṣaḥ | mama hi militamakṣapādapādapraṇipatanena lalāṭasīmni cakṣuḥ || uḍuni mayi rave! prakāśaleśaṃ vyavadhivaśādaparīkṣito nyadhāsīḥ | tamapaharasi sannikarṣametya tvadupari tarhi nijaṃ vapustyajāmi || bhavapathapathiko'smi vāṭapāṭaच्चर! मिलितोऽसि वि Draughting text properly: ccara! milito'si viluṇṭhya sampado me | ahamapi bhavadantaraṃ praviśya dhruvamacireṇa harāmi te vibhūtīḥ || śrutirasi puruṣārthasannibaddhastava caraṇe prathame viraumi vatsaḥ | amaragavi! sa dogdhi kasya hetoramṛtamabhoktari pūrtibhāji bhāṇḍe || śiva! tava mama cāntarālabhūmau vividhavidhāṃ vyavadhāṃ vyadhādvidhātā| tadapi hi pihito'hameva bhittirbhavati vṛtiḥ sadanasya nājirasya ### [2.p34](https://indike.org/pramana/in.lit.kavya.stotra.saiva.sivasataka.2.p34) avadhirupararāma bhūrvibhaktā prabhavasi gūḍhamatirna māṃ prahartum | tadahamahamikāhṛdekaśeṣāvadhiradhunā dhruvamāvayorṭimardaḥ ### [2.p35](https://indike.org/pramana/in.lit.kavya.stotra.saiva.sivasataka.2.p35) na dharaśirupari prayāti nā'dhaḥ patati na ca plavate na bambhramīti | na ca divi vasati svaśaktiyogādapi tu bhavānacalāsthiratvahetuḥ ### [2.p36](https://indike.org/pramana/in.lit.kavya.stotra.saiva.sivasataka.2.p36) aviṣamacaturasraṣaḍtribhāgāṃ na sṛjasi kandukanistalāṃ na sūṣe | ghaṭayasi pṛthivīmimāṃ svacakrabhramaṇakulāla ! viśāladarpaṇābhām || purahara! paradṛṣṭidoṣaśāntyai kati jagadaṇḍakagaṇḍakānbibharṣi | tvadupari paripātayanti dṛṣṭiṃ vijahati sarvamakiñcanā bhavanti ### [2.p37](https://indike.org/pramana/in.lit.kavya.stotra.saiva.sivasataka.2.p37) parapuramabhiviśya sarvalokaṃ bhramayasi sarvadineṣu bhūtavargaḥ | bhavapitṛvanavāṭabodhivṛkṣa! pralayaniśāsu nilīya sevate tvām ### [2.p38](https://indike.org/pramana/in.lit.kavya.stotra.saiva.sivasataka.2.p38) grahagṛhasarasīruhasya rāhubhramaravimardasahārkakarṇikasya | bhramaṇamidamabhivyanakti līlāṃ tava ghaṭitāṃ dhruvanālaghaṭṭanāya ### [2.p39](https://indike.org/pramana/in.lit.kavya.stotra.saiva.sivasataka.2.p39) sakalaguṇagaṇo mamorṇanābhervilayamupaiti vitāyate ca bhūyaḥ | paṭujanajaḍatāpahāraheto! kṣaṇamapi na kṣamase kṣayaṃ guṇānām || na khalu vighaṭitāḥ punarghaṭante na ca ghaṭitāḥ sthirasaṅgatāṃ śrayante | pipatiṣumavaśaṃ rujanti vaṃśyāstaṭatarumāpa ivāpagāgaṇasya || vigataviparilopadṛṣṭi paśyan vaśayasi yāṃ puruṣaprakāṇḍa ! māyām | prakṛticapalayā tayā vikārairbahuvidhavarṇikayā vaśīkṛto'smi || prakṛticapalapīlubījavarge dalati khagolakuśūlaviprakīrṇam | aghaṭitamitaretareṇa kalpakṣayarajanau samacīkalastvamekaḥ || svapuṭapaṭalamabhyajīryadāśā vṛtiradalanniravādravipradīpaḥ | pralayamavanivāstvagāttathāpi kva jagadagāragṛhastha ! niśyavātsīḥ || prasarati viṣayeṣu yeṣu rāgaḥ pariṇamate virateṣu teṣu śokaḥ| tvayi rucirucitā nitāntakānte guṇaparipākaśucāmagocaro'si ### [2.p40](https://indike.org/pramana/in.lit.kavya.stotra.saiva.sivasataka.2.p40) pratigṛhamatithirgṛhītadaṇḍo dhṛtajagadaṇḍakamaṇḍaluprakāṇḍaḥ| bhuvanavahana ! pātramātraśeṣaṃ satṛṇamidaṃ jagadatti kālabhikṣuḥ ### [2.p41](https://indike.org/pramana/in.lit.kavya.stotra.saiva.sivasataka.2.p41) prasabhaniviśamānakālasarpapratihatanirgamane svagolanīḍe| bahuvidhagatayo viviktajāyāsutajananītanavaḥ khagā bhramanti ### [2.p42](https://indike.org/pramana/in.lit.kavya.stotra.saiva.sivasataka.2.p42) abhilaṣitamathānucintitaṃ yo hṛdayaguhāśayitaḥ śṛṇotyakarṇaḥ| tamimamavacanaṃ ca vāgminaṃ ca prabhavati mantrayituṃ trayī bhujaṅgam || paripibati payo bhavādhvanīnastanayakarājananīpayodharācca| vyapagatamadhunā tadāśayā'pi prasabhavaśādayamāśayaḥ śuśoṣa ### [2.p43](https://indike.org/pramana/in.lit.kavya.stotra.saiva.sivasataka.2.p43) stanakalaśamukhena vā jananyāstanayakarāṅgulimadhyakulyayā ca| capala! piba payāṃsi yāvadāyurarbhavati na cetasi cetanāsamudraḥ ### [2.p44](https://indike.org/pramana/in.lit.kavya.stotra.saiva.sivasataka.2.p44) vidhivaśamilito bhavādhvayātrāṃ harasi jagattilapeṣatailiko'si| na tava paśupate! vidanti pāśaṃ pihitadṛśaḥ paśavaḥ paribhramanti||87 ### [2.p45](https://indike.org/pramana/in.lit.kavya.stotra.saiva.sivasataka.2.p45) mayi phalakadhiyā tvayā kiyatyaḥ pratikṛtayo likhitāstathā viluptāḥ| virama bata nisarganirmalasya pramṛja rajo mama paśya darpaṇo'smi|| kṣitibilāpatitaṃ jarāyupeśīsthagitamathāṇḍasamudgake nigūḍham| avivṛtamapi dhātusañcayaṃ te bhava! bhavatā hṛtavigraho harāmi ### [2.p46](https://indike.org/pramana/in.lit.kavya.stotra.saiva.sivasataka.2.p46) parimitasukhadaṃ kaṣāyapākaṃ virasataraṃ viṣayāntaraṃ vihāya| niravadhimadhure same samantāttvayi puruṣottama! viśramo'stu vācām ### [2.p47](https://indike.org/pramana/in.lit.kavya.stotra.saiva.sivasataka.2.p47) apagatapadapāṭavo'pi garbhādupaniṣadāmadhunotthitaḥ prabandhaḥ| janayatu tava kautukaṃ kalena pratipadaviskhalitena jalpitena ### [2.p48](https://indike.org/pramana/in.lit.kavya.stotra.saiva.sivasataka.2.p48) prakṛtimalinamṛkṣalakṣalikṣācayacitamambaracīvaraṃ vasānam| prakaṭitabṛhadaṇḍamatrapaṃ tvāṃ puruṣamudīkṣya hasāmi collasāmi || vyaramadavasaraḥ sa yatra karmaprakaramakārṣamamartyalehyalobhāt | na punarapi pibāmi somapātrāmṛtadadhi rāhuviḍālapītaśeṣam || svayamayamavaleḍhi hoturrājyaṃ tadanu tamāśayate sudhāmbubindūn | ajani tu jananīpayastṛṣārtikṣayamavamuñcati yājyamijyavargaḥ || bhramayasi navadhā khamaṇḍalāni draḍhayasi saptapuṭāni bhūtadhātryāḥ | upadiśasi ca ṣaḍgatīrgrahāṇāṃ dhruvamasi taddhruvayorapi dhruvastvam || guṇamapi tava nirguṇatvapakṣe gamayati doṣakulākulaḥ prabandhaḥ | malinayati navendusundarāṇi sphaṭikaśilāśakalāni kācasaṅgaḥ || kimapi niviśate prakāśarāśau tvayi yamuneva ravau vidhāvivāṅkaḥ| asitatanucaturbhujasvarūpaṃ yadavatarā hṛdayaṃ haranti rāmāḥ ### [2.p49](https://indike.org/pramana/in.lit.kavya.stotra.saiva.sivasataka.2.p49) idamaparapuraṃ tadeva yasminnasakṛdaharniragātriṃśi praviśya | vigalitavaraṇādbahirvihīnāt kathamadhunā sadanādito niriyām ### [2.p50](https://indike.org/pramana/in.lit.kavya.stotra.saiva.sivasataka.2.p50) yadabhilapasi pudgalānajīvāsravavaranirjarajīvabandhamokṣān | nayasi ca yadanāvṛtānvihaṅgaprakṛtimattastadupāsyase jinendraḥ ### [2.p51](https://indike.org/pramana/in.lit.kavya.stotra.saiva.sivasataka.2.p51) prakṛtiriyamanaśvarasvarūpā sṛjati mahāntamasau yato vikāram | avikṛtamapi paśyataḥ sataste saha ramate hyanayā sakhā tvadīyaḥ || yadi mama sahasā tavābhisārātkulagurubhirnigamairnivāritā'sau | svayamabhisara tarhi vācamenāṃ parapuruṣaṃ nigamo na paśyati tvām ### [2.p52](https://indike.org/pramana/in.lit.kavya.stotra.saiva.sivasataka.2.p52) mama vacanajalāni karṇaśuktau tava patitāni gatāni mauktikatvam | viguṇavilulitāni lājabuddhyā rasayatu kuṇḍalakuṇḍaliprakāṇḍam ### [2.p53](https://indike.org/pramana/in.lit.kavya.stotra.saiva.sivasataka.2.p53) apaṭubhirabhidhitsitārthabuddhāvanabhigatānapi bodhayadbhirarthān | puramathana! parāhatairamībhiḥ kathaya kadā vihasiṣyasi pralāpaiḥ ### [2.p54](https://indike.org/pramana/in.lit.kavya.stotra.saiva.sivasataka.2.p54) na tava puri śilādaputravetra - pratatiniruddhatayā labhe praveśam | śivasahacari! gauri! gopurebhyo bahirupaviśya vasāmi naumi ca tvām || na dahati sagarānvayaṃ na pādāt prabhavati nā'pyalikādudeti cakṣuḥ| na ca kimapi śṛṇoti netravargo mama kathamastu tava stave'dhikāraḥ ## See also: more in [Courtly hymns to Śiva and Gaṇeśa](https://indike.org/pramana/in.lit.kavya.stotra.saiva) - [Stutikusumanjali (Stutikusumāñjali)](https://indike.org/pramana/in.lit.kavya.stotra.saiva.stutikusumanjali) — Sanskrit; 1400 CE - [Vakroktipancashika (Vakroktipañcāśikā)](https://indike.org/pramana/in.lit.kavya.stotra.saiva.vakroktipancasika) — Sanskrit; 858 CE - [Hariharastuti](https://indike.org/pramana/in.lit.kavya.stotra.saiva.hariharastuti) — Sanskrit; partly digitised _Discussed in 2 studies in Pramāṇa (listed on the page)._ --- Source: [https://indike.org/pramana/in.lit.kavya.stotra.saiva.sivasataka](https://indike.org/pramana/in.lit.kavya.stotra.saiva.sivasataka) · Pramāṇa