[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Vitavibhavari](https://indike.org/pramana/in.lit.kavya.vitavibhavari) › 2 # Vitavibhavari 2 Viṭavibhāvarī 2 - **Language:** Sanskrit ### [2.1](https://indike.org/pramana/in.lit.kavya.vitavibhavari.2.1) atha dvitīyo yāmaḥ cintāpayodhau vihitāvagāhaḥ santāpito'smānalapañcakena ekāgracetā vaṭavṛkṣamūle dhyāne nyamāṃkṣīt sa viṭastapasvī ### [2.2](https://indike.org/pramana/in.lit.kavya.vitavibhavari.2.2) dhyānekanāne hṛdaye tadīye marīcikāvīcivadāvirāsan asannidhāne'pyamṛtāyitāni priyācaritrāṇyatha tāni tāni ### [2.3](https://indike.org/pramana/in.lit.kavya.vitavibhavari.2.3) adyāpi sphuratīva me dhuri dṛśoryaccañcalāpāṅgayā veśmopāntavibhūṣaṇāiyatapadā saṃvīkṣya māmadhvani vyāvṛtyāsyavidhuṃ vilambya padayormunmārjanāyāsakṛtsopānopari pādaghātamapadiśyālokito'haṃ muhuḥ ### [2.4](https://indike.org/pramana/in.lit.kavya.vitavibhavari.2.4) iha taraṇisutāyāṃ jātu naukāvihāreṣvadhitaraṇi niṣaṇṇā bhūṣayantī gavākṣam praṇayamamṛṇabhāvairīkṣitaiḥ pakṣmalākṣī taṭanikaṭagataṃ māṃ mohayantī jagāma ### [2.5](https://indike.org/pramana/in.lit.kavya.vitavibhavari.2.5) tadaivāsyāṃ kiñcitkuṭilitagatiṃ vīkṣya taṭinīṃ prasāryāṅgaṃ maṅgyāvadhi karatalakṣāḷanamiṣāt tiraḥ paśyantyāṃ māṃ punarapi vayasyāstamahasan pade'nyasminneṣā patati saritīti śritadayāḥ ### [2.7](https://indike.org/pramana/in.lit.kavya.vitavibhavari.2.7) akāṇḍabandho bhavate'yamañjaliḥ sārittaṭimiṇḍana maṇḍapottama mayā tadā''ttā kila yasya te kṣitau priyākaṭākṣāplatitarapratīkṣatā anyedyurākuñcitakaṇṭhanāḷaṃ proṣyāgatāyā madhurasmitaṃ tat apāṅgamālāmayakīlajālairadyāpi me cetasi khātamāste ### [2.8](https://indike.org/pramana/in.lit.kavya.vitavibhavari.2.8) tasyāstannacirāttiyātarajanīvṛttaramṛterunmiṣat saṃruddhaṃ gurusannidhānabhayataḥ kṛcchreṇa madhyepatham viśrāntadyuti sṛkkvaṇoḥ prasaraṇādāśvetitoṣṭhāntikam sākūtaṃ madhurasmitaṃ nayanayoradyāpi me tiṣṭhati ### [2.10](https://indike.org/pramana/in.lit.kavya.vitavibhavari.2.10) ekāntabhājamupaḷabhya rajasvalāntāṃ hanta smarāmyadhigatāvasaraḥ paredyuḥ ādarśavimba iva vittamavāpya nisvaḥ kiṃ kiṃ na cāpalamakārṣamapūrṇakāmaḥ vivarjayantāvitaretarāṅgasparśotsavaṃ sannihitau raho'pi naktaṃ sarittīrasugopaviṣṭacakrāhvayadvandvadaśāṃ gatau svaḥ ### [2.11](https://indike.org/pramana/in.lit.kavya.vitavibhavari.2.11) āśleṣalobhāt purataḥ prasarpannadharmabhīteśca nivartamānaḥ karo mamā''pyeva vaṇik sasarpāṃ śrīkhaṇḍavallīṃ vidhṛtaśramo'bhūt ### [2.12](https://indike.org/pramana/in.lit.kavya.vitavibhavari.2.12) smṛtikārānupālabhya vilapya nijadurdaśām āśāsya ca punarvīkṣāmagamaṃ bahirunmanāḥ ### [2.13](https://indike.org/pramana/in.lit.kavya.vitavibhavari.2.13) sādhvakaronnijakṛtyānyāḷiśceṭī ca pīṭhamardaśca saṃketamāpa sumukhī tadapi paredyurna saṅgamo'bhūnnau ### [2.14](https://indike.org/pramana/in.lit.kavya.vitavibhavari.2.14) 'anargaḷaṃ svairamiti pravṛtte cintāsamudre caramastaraṅgaḥ aunnatyamanyādhikametya paścādāgacchatāṃ prākprasaraṃ nyarautsīt ### [2.15](https://indike.org/pramana/in.lit.kavya.vitavibhavari.2.15) svairaṃ pradhāvan sahasā praghāṇasthūṇākṛtāsphāla ivātibālaḥ sa svāgasaiva kathitantaraṅgaḥ stabdhaḥ kṣaṇaṃ dikṣu dideśacakṣuḥ ### [2.16](https://indike.org/pramana/in.lit.kavya.vitavibhavari.2.16) supto nu mūrchāmuta lambhito nu bhrānto nu magno virahāmbudhau nu evaṃ daśāṃ svāṃ sa vikalpamāno vyāmūḍhacetā vilalāpa bhūyaḥ ### [2.17](https://indike.org/pramana/in.lit.kavya.vitavibhavari.2.17) nidrā māṃ niyataṃ pratāritavatī kā nāma sā preyasīsaṃketapratipālino yuvajanasyāḥ jñātamadyākhilam sāpatnayadiha randhramāpya kuṭilā vyāmūmuhanmāmiyaṃ nūnaṃ tat kuta eva komaḷatanoḥ kaṣṭaṃ piśācyā api ### [2.18](https://indike.org/pramana/in.lit.kavya.vitavibhavari.2.18) nidre! nindāmi na tvāṃ kathamiva kumatiryā tvamabhyarthitā'si svapnālokābhilāṣādahaha viraharātrīṣu dūraṃ vrajantī diṣṭyā saṃketabhūmāviha tu dayitayā prārthyamānāgamaṃ māṃ gāḍhaṃ vyāmohayantī punarapi virate'nehasi pradrutā'si ### [2.20](https://indike.org/pramana/in.lit.kavya.vitavibhavari.2.20) devasya viśvajayino makaradhvajasya saṃsevanena ciralabdhatapāstvito'haṃ śāpairadhakṣyamadhunā yadi jātu kāle na tvāṃ ratāntasamayeṣvagaveṣayiṣyam hā dhik kva jīvitasamā niyatannivṛttā sā syāt kathaṃ tadiha nā'gatavān sa dūtaḥ āgatya suptamavagatya ca māṃ gataḥ kiṃ saṃbhāvyate kathamidaṃ nanu pīṭhamarde ### [2.21](https://indike.org/pramana/in.lit.kavya.vitavibhavari.2.21) ityunmiṣadbhirvividhairvikalpaiḥ pīḍālatāpallavajālakalpaiḥ vyāmohitasyāsya vibhinnalomā nyavartatājñātakathaḥ sudāmā ### [2.22](https://indike.org/pramana/in.lit.kavya.vitavibhavari.2.22) kiṃ māṃ vada prāṇasakha prahyāsta? kutrādya sā? kiṃ pratipadyate sā? praśneramībhistvarayantamenamāsītsamāśvāsayituṃ sa nālam ### [2.23](https://indike.org/pramana/in.lit.kavya.vitavibhavari.2.23) pṛcchāvakāśānanavekṣatatvo yathā yathaiko viraḷīcakāra tathā tathā'nyo muhuridvaśaṃkaḥ praśnān nijān pallavayāñcakāra ### [2.24](https://indike.org/pramana/in.lit.kavya.vitavibhavari.2.24) priyāpravṛtteranabhijñatāṃ svāṃ jagāda cānte vidhuraḥ sudāmā mumūrccha cā'śaikabalaḥ sa kāmī bata drutapradattadhairyaśeṣaḥ ### [2.25](https://indike.org/pramana/in.lit.kavya.vitavibhavari.2.25) anargaḷodīrṇajhaḷajjhaḷaughaprapāṅgamārgeṇa vinirgaḷanti aśrūṇi tasyāśramamanvatiṣṭhan vaṭālavālāmbuniṣekakṛtyam ### [2.26](https://indike.org/pramana/in.lit.kavya.vitavibhavari.2.26) yugāntakāle yugapajjaganti saṃkṣipya kukṣāvudaraṃbhariryaḥ daḷe vaṭasya svayameva śiśye tale'dhunā'kṣipyata hanta tena ### [2.27](https://indike.org/pramana/in.lit.kavya.vitavibhavari.2.27) avāptasaṃjñaṃ kathamapyathainamāśvāsayannarddhasamasyayaiva pracakrame vaktumanukampaśaḥ saṃruddhaśokaprathimā sudāmā ### [2.28](https://indike.org/pramana/in.lit.kavya.vitavibhavari.2.28) akāṇḍa eva glapito'si hanta kimityakasmāttava sāhasikyam vilūya mūlaṃ payasā niṣiñca mahīruhaḥ poṣamupekṣyatidrāk ### [2.29](https://indike.org/pramana/in.lit.kavya.vitavibhavari.2.29) aho anākarṇitavākyaśeṣo vikatthase pāmaranirviśeṣam nidhitsate dadhni samuddhṛtājye kā nāma gopī vada manthamaṇḍam ### [2.30](https://indike.org/pramana/in.lit.kavya.vitavibhavari.2.30) vakroktibhaṅgībhiralaṃ prasīda pātuṃ priyodantīmamaṃ śrutibhyām vitīrṇakarṇaḥ śṛṇavāni sarvaṃ vṛttaṃ priyāyā iti nānyabuddhyā ### [2.31](https://indike.org/pramana/in.lit.kavya.vitavibhavari.2.31) taddehabhāsena mayā'tra tasyāḥ pravāsacihnānyupalakṣitāni mṛṣānumānaiḥ khalu māṃ pralobhya yathārthamāvedaya tatra dṛṣṭam ### [2.32](https://indike.org/pramana/in.lit.kavya.vitavibhavari.2.32) ekākinī gāyati kāpi tatra ruddhavāntarasminnararaṃ prakoṣṭhe vyāpāritā syādgurubhirvarākī nūnaṃ sakhībhissaha gānagoṣṭheyam ### [2.33](https://indike.org/pramana/in.lit.kavya.vitavibhavari.2.33) svareṇa tāṃ tadbhaginīmavaimi śiṣṭāḥ punardhoraṇayā ca suptāḥ saṃkalpamūḍhena mayā'pyadṛṣṭā saṃketamāgādapi nāma bālā ### [2.34](https://indike.org/pramana/in.lit.kavya.vitavibhavari.2.34) evantayossaṃllapatosdāratvarāṇyupi prasphuṭamūkimāni pradhāvataḥ kasyacidākulāni pārśve tataḥ śuśruvire padāni ### [2.35](https://indike.org/pramana/in.lit.kavya.vitavibhavari.2.35) uddāmadāvānalaveṣṭitānāmākasmiko ghoṣa ivāmbudasya ravaḥ sa sūkṣmo'pi tayoḥ śravassu vyadhātsudhāsecanacākacakyam ### [2.36](https://indike.org/pramana/in.lit.kavya.vitavibhavari.2.36) kṣaṇācca tābhyāmavadhāritātmā gīrbhistvareditvaragadgadābhiḥ ehyehi yāmetyasakṛdbruvan sa dvitraiḥ padairantikamāsasāda ### [2.37](https://indike.org/pramana/in.lit.kavya.vitavibhavari.2.37) sāndrānandassādhusaṃbhāvanābhiḥ śrīdāmānaṃ mānayāmāsa śauriḥ saṃketasthapreyasīmuktadūtaṃ pratyuccātuṃ saṃrabhante hyabhīkāḥ ### [2.38](https://indike.org/pramana/in.lit.kavya.vitavibhavari.2.38) śrīdāmā nijapīṭhamardapadavaidagdhyaṃ sudāmā punaḥ svasyāśvāsanakauśalaṃ muraripuḥ svaṃ dhairyamanyādṛśam ekaiko'pi kutūhalāditi nijaṃ cāturyamastautsame saṃbhūyātha ca rādhikāmiti tadā kolāhalaḥ ko'pyābhūt ### [2.39](https://indike.org/pramana/in.lit.kavya.vitavibhavari.2.39) sapadi sa sasuhṛt pratiṣṭhamāno dayitatamānilayāyitaṃ nikuñjam mukhamatha bibharāmbabhūva śaurirmudiravinissṛtacandracāruśobham ## Linked texts (1) - [Rādhāmādhava](https://indike.org/pramana/in.lit.plays.krsna.radhamadhava.2.1) — Rājarāja Varman, Sanskrit --- Source: [https://indike.org/pramana/in.lit.kavya.vitavibhavari.2](https://indike.org/pramana/in.lit.kavya.vitavibhavari.2) · Pramāṇa