[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Erotic, love-lament and romantic poems](https://indike.org/pramana/in.lit.kavya.khanda.srngara) › Vitavibhavari # Vitavibhavari (Viṭavibhāvarī) विटविभावरी or Rādhāmādhava by Rājarājavarman - **Language:** Sanskrit - **Author:** [Rājarāja Varman](https://indike.org/pramana/person/rajaraja-varman) - **Extent:** 147 passages, 1,532 words - **Text:** partly digitised - **Source:** archiveorg · Vitavibhavari Khandha Kayvam A. R . Rajaraja Varma 1894 Gurukul Kangri Collection; 1894 · Scan of a printed edition hosted by the Internet Archive (archive.org); the ancient text is in the public… ## Contents - [1](https://indike.org/pramana/in.lit.kavya.khanda.srngara.vitavibhavari.1) — 33 parts - [2](https://indike.org/pramana/in.lit.kavya.khanda.srngara.vitavibhavari.2) — 36 parts - [3](https://indike.org/pramana/in.lit.kavya.khanda.srngara.vitavibhavari.3) — 42 parts - [4](https://indike.org/pramana/in.lit.kavya.khanda.srngara.vitavibhavari.4) — 36 parts ## Text ### [1.1](https://indike.org/pramana/in.lit.kavya.khanda.srngara.vitavibhavari.1.1) rā pū śa ja ma na va ta ni sva jātu sāyamanutpāradīdhitau paścimāmbudhivilaṃbimaṇḍale śrīpatiḥ śritakālindajātaṭaḥ pārśvagaṃ suhṛdamevamabravīt ### [1.2](https://indike.org/pramana/in.lit.kavya.khanda.srngara.vitavibhavari.1.2) dṛśyatāmiha cirāyito'pyayaṃ vāsaro'dya parihīyate śanaiḥ sannidhitsati ca bandhuraṃ mahaḥ sandhiveḷamativeḷapeśalam ### [1.3](https://indike.org/pramana/in.lit.kavya.khanda.srngara.vitavibhavari.1.3) astaśailaśikharāgramaṇḍanaṃ maṇḍalaṃ vahati caṇḍarociṣaḥ pāśapāṇipuragopurasphuracchāātakumbhamayakumbhavibhramam ### [1.4](https://indike.org/pramana/in.lit.kavya.khanda.srngara.vitavibhavari.1.4) māninīhṛdayamānabhedano mādṛśeṣvadayamānamānasaḥ vāti gandhavaha eṣa mantharaṃ jātigandhavahanaśramālasaḥ ### [1.5](https://indike.org/pramana/in.lit.kavya.khanda.srngara.vitavibhavari.1.5) sāmisaṃkucitapadmalocanā hīyamānakaḷahaṃsakasvanā unmukhī svapiti padminī śanaiḥ kāminīva surataklamālasā ### [1.6](https://indike.org/pramana/in.lit.kavya.khanda.srngara.vitavibhavari.1.6) udga‌toddhūṇamarīcibudbudaṃ biṃbamaṃbhasi ravernimajjati sāyamaṃvuharaṇāya kāntayā pūryamāṇa iva pauraṭaḥ kuṭaḥ ### [1.7](https://indike.org/pramana/in.lit.kavya.khanda.srngara.vitavibhavari.1.7) kutracit praviraḷāḥ kvaciddhanā māṃsaḷāḥ kuhacanāṇavaḥ kvacit aṃkuranti divi tārakāḥ kramāllāsikāsya iva gharmabindavaḥ ### [1.8](https://indike.org/pramana/in.lit.kavya.khanda.srngara.vitavibhavari.1.8) proṣite'ryamaṇi vallabhe diśaḥ kṣāmaviklabamalīmastviṣaḥ mantharaśvasanamātralakṣitā mlānatāṃ dadhati niṣprabhairmukhaiḥ ### [1.9](https://indike.org/pramana/in.lit.kavya.khanda.srngara.vitavibhavari.1.9) kiṃ na paśyasi harerharit punarbibhratī sapadi pāṇḍuraṃ mukham darśanīynikhilākṛtiḥ kramādgarbhagena śaśinā vibhāvyate ### [1.10](https://indike.org/pramana/in.lit.kavya.khanda.srngara.vitavibhavari.1.10) lupyamānabhṛśatāpamunmiṣadrāgamudguṇatamomalīmasam cañcalaprakṛti śarvarīmukhaṃ mānasasya mama sāmyamaśnute ### [1.11](https://indike.org/pramana/in.lit.kavya.khanda.srngara.vitavibhavari.1.11) kokalokamiha lokayā''kulaṃ śokapāvakavipākavihvalam nātiryāti bata tiryagapyasau mīnaketanamahīnaśāsanam ### [1.12](https://indike.org/pramana/in.lit.kavya.khanda.srngara.vitavibhavari.1.12) īṣadūnmiṣitaroparūṣitaṃ kīrṇakuntaḷabharaṃ vadhūmukham smārayannayamudeti candramā dhairyasāraharaṇāya kāminām ### [1.13](https://indike.org/pramana/in.lit.kavya.khanda.srngara.vitavibhavari.1.13) svairiṇījananisargavairiṇī candrikā kramadhṛtātisāndratā unnatotkalikamānasasya me netrayorna rucaye bhavatyasau ### [1.14](https://indike.org/pramana/in.lit.kavya.khanda.srngara.vitavibhavari.1.14) paśya kāmamabhirāmakaumudīsvādimāvagamakovidā ime śāntabhīṣaṇatṛṣaḥ śakuntayaḥ ke'pi keḷikutukāni kurvate ### [1.15](https://indike.org/pramana/in.lit.kavya.khanda.srngara.vitavibhavari.1.15) candrikā''camanacuñcucañcava ścārucañcaladṛśaścakorakāḥ pañcabāṇaśarapañjarodare pātayanti parito mano mama ### [1.16](https://indike.org/pramana/in.lit.kavya.khanda.srngara.vitavibhavari.1.16) cārucandrakaracarcitodaro maṃjuguñjadaḷipuṃjameduraḥ kuñja eṣa kurute kutūhalaṃ cetaso mama cirābhivāṃchitam ### [1.17](https://indike.org/pramana/in.lit.kavya.khanda.srngara.vitavibhavari.1.17) paśya māṃ pavanacañcalāñcalaiḥ pallavāṃgulidalaiḥ smarāturam cañcaḷīkakaḷanisvanoditasvāgataṃ svayamivvāhvayatyayam ### [1.18](https://indike.org/pramana/in.lit.kavya.khanda.srngara.vitavibhavari.1.18) śītadīdhitimarīcīcīcibhirbhāsurābhirabhitaḥ kṛtāplṛtiḥ manmahe'yamapi manmahāgamaṃ sajjapuṣpaśayanaḥ pratīkṣate ### [1.19](https://indike.org/pramana/in.lit.kavya.khanda.srngara.vitavibhavari.1.19) preyasīvadanacandramaṇḍalādujjvalanmalacandrikājharaḥ unmadāmiha kadātu kaumudīṃ prāpayeddivasadīpikādaśām ### [1.20](https://indike.org/pramana/in.lit.kavya.khanda.srngara.vitavibhavari.1.20) candrikātimirapūritāntaraṃ svairiṇīcaraṇadūraduśvaram vīkṣya mārgamabhisārasāhase kātarā kimu bhavet kṛśodarī ### [1.21](https://indike.org/pramana/in.lit.kavya.khanda.srngara.vitavibhavari.1.21) māra! durlalita eṣa te suhṛccandramāstvadanujīvinaṃ janam sevanāya tava yāntamadhvani droghumicchati nivāryatāṃ drutam ### [1.22](https://indike.org/pramana/in.lit.kavya.khanda.srngara.vitavibhavari.1.22) ādimo'yamabhisartumudyamo dustyajaṃ gurujanānuvartanam yātayāmamapi nādya yauvanaṃ kiṃ karotu madanārditāpi sā ### [1.23](https://indike.org/pramana/in.lit.kavya.khanda.srngara.vitavibhavari.1.23) uttarottarapade mahattaraṃ vighnasaṃghamanudhāvadāvilam māmakīnamayi mānasaṃ kimapyandhakūpakuharaṃ vigāhate ### [1.24](https://indike.org/pramana/in.lit.kavya.khanda.srngara.vitavibhavari.1.24) ityamutsukamudīrya tatkṣaṇasphāyamānamadane madhudviṣi dūnacetasi durantacintayā śrāntavāci vaca ādade sakhā ### [1.25](https://indike.org/pramana/in.lit.kavya.khanda.srngara.vitavibhavari.1.25) antarāyacayacintanairalaṃ santyajā''śu vimanāyamānatām rādhikāpi madanādhibādhitā pārayiṣyati cirāyituṃ na sā ### [1.26](https://indike.org/pramana/in.lit.kavya.khanda.srngara.vitavibhavari.1.26) sīmalaṅghanaviśṛṃkhalocchalanmīnalāṃchanarasaughapūritā, kiṃ kariṣyati dhunī ca kāminī svapriyābhisaraṇodyamādṛte ### [1.27](https://indike.org/pramana/in.lit.kavya.khanda.srngara.vitavibhavari.1.27) aṣṭamūrtihariviṣṭaraśravaḥsraṣṭṛmukhyajayadṛṣṭavaibhave śambarāriviśikhe'pi vandhyatāṃ śaṃkamāna iha lajjase na kim ### [1.28](https://indike.org/pramana/in.lit.kavya.khanda.srngara.vitavibhavari.1.28) vyarthaśaṃkitaśatāni santyaja svasthatāṃ bhaja yathoktamācara kṛtyamanyadiha nāvaśiṣyate sūtradhārapadabhāji manmathe ### [1.29](https://indike.org/pramana/in.lit.kavya.khanda.srngara.vitavibhavari.1.29) rohiṇīramaṇakāntidhoraṇīrāmaṇīyakatṛṇīkṛtikṛkṣamām pāsyasi priyatamāsyasampadaṃ kaumudīṃ drutamamī iva dvijāḥ ### [1.30](https://indike.org/pramana/in.lit.kavya.khanda.srngara.vitavibhavari.1.30) svasthacitta iha tadgavān kṣaṇaṃ plakṣamūlataḷime pratīkṣatām tatpravṛttimupalabhya satvaraṃ yāvadeṣa vinivartituṃ yate ### [1.31](https://indike.org/pramana/in.lit.kavya.khanda.srngara.vitavibhavari.1.31) vismārṣīrmā sma ghorasmaraśaravivaśo jāratu sandiṣṭakṛtyaṃ saṃkalpānāṃ vikalpeṣvavahitamanasā rakṣaṇīyo vivekaḥ saṃketāntaḥpraveśaṃ na ca kuru dayitādūtamaprāpya mohāditthaṃ datvopadeśān priyasakhasavidhādnirgato'bhūtsudāmā ### [1.32](https://indike.org/pramana/in.lit.kavya.khanda.srngara.vitavibhavari.1.32) ātmānaṃ tadanu suhṛdvaconurodhātsaṃstabhya kṣaṇamatha vihvalāṃgasandhim govindo'pyadhivaṭamūlamutsukākṣaḥ preyasyāgamanamahaṃ pratīkṣate sma ### [1.32-2](https://indike.org/pramana/in.lit.kavya.khanda.srngara.vitavibhavari.1.32-2) itiviṭavibhāryā prathamo yāmaḥ gamannahamahāgamotsavam ### [2.1](https://indike.org/pramana/in.lit.kavya.khanda.srngara.vitavibhavari.2.1) atha dvitīyo yāmaḥ cintāpayodhau vihitāvagāhaḥ santāpito'smānalapañcakena ekāgracetā vaṭavṛkṣamūle dhyāne nyamāṃkṣīt sa viṭastapasvī ### [2.2](https://indike.org/pramana/in.lit.kavya.khanda.srngara.vitavibhavari.2.2) dhyānekanāne hṛdaye tadīye marīcikāvīcivadāvirāsan asannidhāne'pyamṛtāyitāni priyācaritrāṇyatha tāni tāni ### [2.3](https://indike.org/pramana/in.lit.kavya.khanda.srngara.vitavibhavari.2.3) adyāpi sphuratīva me dhuri dṛśoryaccañcalāpāṅgayā veśmopāntavibhūṣaṇāiyatapadā saṃvīkṣya māmadhvani vyāvṛtyāsyavidhuṃ vilambya padayormunmārjanāyāsakṛtsopānopari pādaghātamapadiśyālokito'haṃ muhuḥ ### [2.4](https://indike.org/pramana/in.lit.kavya.khanda.srngara.vitavibhavari.2.4) iha taraṇisutāyāṃ jātu naukāvihāreṣvadhitaraṇi niṣaṇṇā bhūṣayantī gavākṣam praṇayamamṛṇabhāvairīkṣitaiḥ pakṣmalākṣī taṭanikaṭagataṃ māṃ mohayantī jagāma ### [2.5](https://indike.org/pramana/in.lit.kavya.khanda.srngara.vitavibhavari.2.5) tadaivāsyāṃ kiñcitkuṭilitagatiṃ vīkṣya taṭinīṃ prasāryāṅgaṃ maṅgyāvadhi karatalakṣāḷanamiṣāt tiraḥ paśyantyāṃ māṃ punarapi vayasyāstamahasan pade'nyasminneṣā patati saritīti śritadayāḥ ### [2.7](https://indike.org/pramana/in.lit.kavya.khanda.srngara.vitavibhavari.2.7) akāṇḍabandho bhavate'yamañjaliḥ sārittaṭimiṇḍana maṇḍapottama mayā tadā''ttā kila yasya te kṣitau priyākaṭākṣāplatitarapratīkṣatā anyedyurākuñcitakaṇṭhanāḷaṃ proṣyāgatāyā madhurasmitaṃ tat apāṅgamālāmayakīlajālairadyāpi me cetasi khātamāste ### [2.8](https://indike.org/pramana/in.lit.kavya.khanda.srngara.vitavibhavari.2.8) tasyāstannacirāttiyātarajanīvṛttaramṛterunmiṣat saṃruddhaṃ gurusannidhānabhayataḥ kṛcchreṇa madhyepatham viśrāntadyuti sṛkkvaṇoḥ prasaraṇādāśvetitoṣṭhāntikam sākūtaṃ madhurasmitaṃ nayanayoradyāpi me tiṣṭhati ### [2.10](https://indike.org/pramana/in.lit.kavya.khanda.srngara.vitavibhavari.2.10) ekāntabhājamupaḷabhya rajasvalāntāṃ hanta smarāmyadhigatāvasaraḥ paredyuḥ ādarśavimba iva vittamavāpya nisvaḥ kiṃ kiṃ na cāpalamakārṣamapūrṇakāmaḥ vivarjayantāvitaretarāṅgasparśotsavaṃ sannihitau raho'pi naktaṃ sarittīrasugopaviṣṭacakrāhvayadvandvadaśāṃ gatau svaḥ ### [2.11](https://indike.org/pramana/in.lit.kavya.khanda.srngara.vitavibhavari.2.11) āśleṣalobhāt purataḥ prasarpannadharmabhīteśca nivartamānaḥ karo mamā''pyeva vaṇik sasarpāṃ śrīkhaṇḍavallīṃ vidhṛtaśramo'bhūt ### [2.12](https://indike.org/pramana/in.lit.kavya.khanda.srngara.vitavibhavari.2.12) smṛtikārānupālabhya vilapya nijadurdaśām āśāsya ca punarvīkṣāmagamaṃ bahirunmanāḥ ### [2.13](https://indike.org/pramana/in.lit.kavya.khanda.srngara.vitavibhavari.2.13) sādhvakaronnijakṛtyānyāḷiśceṭī ca pīṭhamardaśca saṃketamāpa sumukhī tadapi paredyurna saṅgamo'bhūnnau ### [2.14](https://indike.org/pramana/in.lit.kavya.khanda.srngara.vitavibhavari.2.14) 'anargaḷaṃ svairamiti pravṛtte cintāsamudre caramastaraṅgaḥ aunnatyamanyādhikametya paścādāgacchatāṃ prākprasaraṃ nyarautsīt ### [2.15](https://indike.org/pramana/in.lit.kavya.khanda.srngara.vitavibhavari.2.15) svairaṃ pradhāvan sahasā praghāṇasthūṇākṛtāsphāla ivātibālaḥ sa svāgasaiva kathitantaraṅgaḥ stabdhaḥ kṣaṇaṃ dikṣu dideśacakṣuḥ ### [2.16](https://indike.org/pramana/in.lit.kavya.khanda.srngara.vitavibhavari.2.16) supto nu mūrchāmuta lambhito nu bhrānto nu magno virahāmbudhau nu evaṃ daśāṃ svāṃ sa vikalpamāno vyāmūḍhacetā vilalāpa bhūyaḥ ### [2.17](https://indike.org/pramana/in.lit.kavya.khanda.srngara.vitavibhavari.2.17) nidrā māṃ niyataṃ pratāritavatī kā nāma sā preyasīsaṃketapratipālino yuvajanasyāḥ jñātamadyākhilam sāpatnayadiha randhramāpya kuṭilā vyāmūmuhanmāmiyaṃ nūnaṃ tat kuta eva komaḷatanoḥ kaṣṭaṃ piśācyā api ### [2.18](https://indike.org/pramana/in.lit.kavya.khanda.srngara.vitavibhavari.2.18) nidre! nindāmi na tvāṃ kathamiva kumatiryā tvamabhyarthitā'si svapnālokābhilāṣādahaha viraharātrīṣu dūraṃ vrajantī diṣṭyā saṃketabhūmāviha tu dayitayā prārthyamānāgamaṃ māṃ gāḍhaṃ vyāmohayantī punarapi virate'nehasi pradrutā'si ### [2.20](https://indike.org/pramana/in.lit.kavya.khanda.srngara.vitavibhavari.2.20) devasya viśvajayino makaradhvajasya saṃsevanena ciralabdhatapāstvito'haṃ śāpairadhakṣyamadhunā yadi jātu kāle na tvāṃ ratāntasamayeṣvagaveṣayiṣyam hā dhik kva jīvitasamā niyatannivṛttā sā syāt kathaṃ tadiha nā'gatavān sa dūtaḥ āgatya suptamavagatya ca māṃ gataḥ kiṃ saṃbhāvyate kathamidaṃ nanu pīṭhamarde ### [2.21](https://indike.org/pramana/in.lit.kavya.khanda.srngara.vitavibhavari.2.21) ityunmiṣadbhirvividhairvikalpaiḥ pīḍālatāpallavajālakalpaiḥ vyāmohitasyāsya vibhinnalomā nyavartatājñātakathaḥ sudāmā ### [2.22](https://indike.org/pramana/in.lit.kavya.khanda.srngara.vitavibhavari.2.22) kiṃ māṃ vada prāṇasakha prahyāsta? kutrādya sā? kiṃ pratipadyate sā? praśneramībhistvarayantamenamāsītsamāśvāsayituṃ sa nālam ### [2.23](https://indike.org/pramana/in.lit.kavya.khanda.srngara.vitavibhavari.2.23) pṛcchāvakāśānanavekṣatatvo yathā yathaiko viraḷīcakāra tathā tathā'nyo muhuridvaśaṃkaḥ praśnān nijān pallavayāñcakāra ### [2.24](https://indike.org/pramana/in.lit.kavya.khanda.srngara.vitavibhavari.2.24) priyāpravṛtteranabhijñatāṃ svāṃ jagāda cānte vidhuraḥ sudāmā mumūrccha cā'śaikabalaḥ sa kāmī bata drutapradattadhairyaśeṣaḥ ### [2.25](https://indike.org/pramana/in.lit.kavya.khanda.srngara.vitavibhavari.2.25) anargaḷodīrṇajhaḷajjhaḷaughaprapāṅgamārgeṇa vinirgaḷanti aśrūṇi tasyāśramamanvatiṣṭhan vaṭālavālāmbuniṣekakṛtyam ### [2.26](https://indike.org/pramana/in.lit.kavya.khanda.srngara.vitavibhavari.2.26) yugāntakāle yugapajjaganti saṃkṣipya kukṣāvudaraṃbhariryaḥ daḷe vaṭasya svayameva śiśye tale'dhunā'kṣipyata hanta tena ### [2.27](https://indike.org/pramana/in.lit.kavya.khanda.srngara.vitavibhavari.2.27) avāptasaṃjñaṃ kathamapyathainamāśvāsayannarddhasamasyayaiva pracakrame vaktumanukampaśaḥ saṃruddhaśokaprathimā sudāmā ### [2.28](https://indike.org/pramana/in.lit.kavya.khanda.srngara.vitavibhavari.2.28) akāṇḍa eva glapito'si hanta kimityakasmāttava sāhasikyam vilūya mūlaṃ payasā niṣiñca mahīruhaḥ poṣamupekṣyatidrāk ### [2.29](https://indike.org/pramana/in.lit.kavya.khanda.srngara.vitavibhavari.2.29) aho anākarṇitavākyaśeṣo vikatthase pāmaranirviśeṣam nidhitsate dadhni samuddhṛtājye kā nāma gopī vada manthamaṇḍam ### [2.30](https://indike.org/pramana/in.lit.kavya.khanda.srngara.vitavibhavari.2.30) vakroktibhaṅgībhiralaṃ prasīda pātuṃ priyodantīmamaṃ śrutibhyām vitīrṇakarṇaḥ śṛṇavāni sarvaṃ vṛttaṃ priyāyā iti nānyabuddhyā ### [2.31](https://indike.org/pramana/in.lit.kavya.khanda.srngara.vitavibhavari.2.31) taddehabhāsena mayā'tra tasyāḥ pravāsacihnānyupalakṣitāni mṛṣānumānaiḥ khalu māṃ pralobhya yathārthamāvedaya tatra dṛṣṭam ### [2.32](https://indike.org/pramana/in.lit.kavya.khanda.srngara.vitavibhavari.2.32) ekākinī gāyati kāpi tatra ruddhavāntarasminnararaṃ prakoṣṭhe vyāpāritā syādgurubhirvarākī nūnaṃ sakhībhissaha gānagoṣṭheyam ### [2.33](https://indike.org/pramana/in.lit.kavya.khanda.srngara.vitavibhavari.2.33) svareṇa tāṃ tadbhaginīmavaimi śiṣṭāḥ punardhoraṇayā ca suptāḥ saṃkalpamūḍhena mayā'pyadṛṣṭā saṃketamāgādapi nāma bālā ### [2.34](https://indike.org/pramana/in.lit.kavya.khanda.srngara.vitavibhavari.2.34) evantayossaṃllapatosdāratvarāṇyupi prasphuṭamūkimāni pradhāvataḥ kasyacidākulāni pārśve tataḥ śuśruvire padāni ### [2.35](https://indike.org/pramana/in.lit.kavya.khanda.srngara.vitavibhavari.2.35) uddāmadāvānalaveṣṭitānāmākasmiko ghoṣa ivāmbudasya ravaḥ sa sūkṣmo'pi tayoḥ śravassu vyadhātsudhāsecanacākacakyam ### [2.36](https://indike.org/pramana/in.lit.kavya.khanda.srngara.vitavibhavari.2.36) kṣaṇācca tābhyāmavadhāritātmā gīrbhistvareditvaragadgadābhiḥ ehyehi yāmetyasakṛdbruvan sa dvitraiḥ padairantikamāsasāda ### [2.37](https://indike.org/pramana/in.lit.kavya.khanda.srngara.vitavibhavari.2.37) sāndrānandassādhusaṃbhāvanābhiḥ śrīdāmānaṃ mānayāmāsa śauriḥ saṃketasthapreyasīmuktadūtaṃ pratyuccātuṃ saṃrabhante hyabhīkāḥ ### [2.38](https://indike.org/pramana/in.lit.kavya.khanda.srngara.vitavibhavari.2.38) śrīdāmā nijapīṭhamardapadavaidagdhyaṃ sudāmā punaḥ svasyāśvāsanakauśalaṃ muraripuḥ svaṃ dhairyamanyādṛśam ekaiko'pi kutūhalāditi nijaṃ cāturyamastautsame saṃbhūyātha ca rādhikāmiti tadā kolāhalaḥ ko'pyābhūt ### [2.39](https://indike.org/pramana/in.lit.kavya.khanda.srngara.vitavibhavari.2.39) sapadi sa sasuhṛt pratiṣṭhamāno dayitatamānilayāyitaṃ nikuñjam mukhamatha bibharāmbabhūva śaurirmudiravinissṛtacandracāruśobham ### [3.1](https://indike.org/pramana/in.lit.kavya.khanda.srngara.vitavibhavari.3.1) iti viṭavibhāvaryām dvitīyoyāmaḥ atha tṛtīyo yāmaḥ codito nu madanāśugatotraiḥ kālito nu dayitāguṇajālaiḥ āsthito nu sa manorathameva prasthitaḥ pṛthujavaṃ pracacāla ### [3.2](https://indike.org/pramana/in.lit.kavya.khanda.srngara.vitavibhavari.3.2) kāmukaḥ sa dayitāmabhisarpan vāmalūrakamabudhyata sālam pallavān paramanyata śūkān goṣpadānyagaṇayadgahanāni ### [3.3](https://indike.org/pramana/in.lit.kavya.khanda.srngara.vitavibhavari.3.3) so'karot supathi kāpathabhītiṃ dvāravāddhamādhībhīttiṃ babandha dhvāntasaṃkaṭamavāpa śaśāṃkādindrajālama tano raticitram ### [3.4](https://indike.org/pramana/in.lit.kavya.khanda.srngara.vitavibhavari.3.4) unmiṣatpulakakaṃcukitāṅgaḥ keśavaḥ kalitadhīrabhisāre kurvatastata ito gativighnaṃ kaṇṭakān pathi tṛṇāya na mene ### [3.5](https://indike.org/pramana/in.lit.kavya.khanda.srngara.vitavibhavari.3.5) nātidīrghamapi durghaṭacāraṃ nītavānayanamāpaṭudāram so'gamatsapadi vīrudagāraṃ svāgatonmukhasakhīpratihāram ### [3.6](https://indike.org/pramana/in.lit.kavya.khanda.srngara.vitavibhavari.3.6) dvāradeśaviniveśitadūto dūraduḥśravapadakramaśabdaḥ vyākulāḷiviniveditamārgo veśma tatsa viśati sma vilāsī ### [3.7](https://indike.org/pramana/in.lit.kavya.khanda.srngara.vitavibhavari.3.7) mārutāvadhutaparṇakadaṃbānmandamuccarati marmaraśabde satvarāvahitasādarakarṇe svāgamāya sahasā spṛhayantīm ### [3.8](https://indike.org/pramana/in.lit.kavya.khanda.srngara.vitavibhavari.3.8) sāndratāparivaśāmapi kārśye sundarasvarucitundilitāṅgīm mandakandaḷitarāgamanoṃjñāmaindavīmabhinavāmiva lekhām ### [3.9](https://indike.org/pramana/in.lit.kavya.khanda.srngara.vitavibhavari.3.9) kṣāmabhāsamupavāsavirāme pāraṇakṣaṇavilambavihestām bāṣpavārivihitāplavakṛtyāṃ dṛṣṭimiṣṭadiśamāśu nayantīm ### [3.10](https://indike.org/pramana/in.lit.kavya.khanda.srngara.vitavibhavari.3.10) antarāntaranucintya durantānantarāyanivahān vilapantīm devatā atha manorathasiddhiṃ sevitā asakṛdarthayamānām ### [3.11](https://indike.org/pramana/in.lit.kavya.khanda.srngara.vitavibhavari.3.11) pārśvagapriyasakhīkaralīnāṃ pāṇipadmadhṛtapāṇḍukapolām premabhūmaparimārjitacakṣuḥ preyasīṃ priyatamo'tha dadarśa ### [3.12](https://indike.org/pramana/in.lit.kavya.khanda.srngara.vitavibhavari.3.12) āśiraspadaparasparagālāvaṇyāmṛte prathamameva hi dṛṣṭau ūḍhamodamupagūhya tayordvāgūhatuḥ kamapi sammadamuccaiḥ ### [3.13](https://indike.org/pramana/in.lit.kavya.khanda.srngara.vitavibhavari.3.13) aṅgakairatha tayorubhayorapyunmiṣatpulakapāḷinicoḷaiḥ āśubhāvikusumāyudhayuddhe baddhavarmabhirivāvirabhāvi ### [3.14](https://indike.org/pramana/in.lit.kavya.khanda.srngara.vitavibhavari.3.14) stambhasambhramavihastamabhīkṣṇaṃ ślakṣṇamātmadayitākarapadmam dhāryamāṇamatha sādhvapi sadyaḥ svidyato'cyutakarāt cyutimāpa ### [3.15](https://indike.org/pramana/in.lit.kavya.khanda.srngara.vitavibhavari.3.15) sārthakāni subahūnyatha paśyan harṣasaṃbhramabhayādipadāni ekatassamuditāni tayorhihyekaśeṣamakarot smarasūriḥ ### [3.16](https://indike.org/pramana/in.lit.kavya.khanda.srngara.vitavibhavari.3.16) satvaropasṛtasakhyūpadiṣṭaṃ puṣpatalpamatha sevitukāmaḥ mādhavaḥ svasavidhaṃ viśrāntāmaṃkapāḷivalayena nināya ### [3.17](https://indike.org/pramana/in.lit.kavya.khanda.srngara.vitavibhavari.3.17) paśyataḥ parijanasya samakṣaṃ vrīḍitā'pi sapadi priyapāṇim sparśasammadjaḍairnijagātraiḥ sā'śakat kṛśatanurna niroddhum ### [3.18](https://indike.org/pramana/in.lit.kavya.khanda.srngara.vitavibhavari.3.18) kaṃcuḷīmanu nikuñcitamekaṃ kāñcilagnakaṭakāñcalamanyam kāntapāṇikamalāntamudīkṣya krāntamāḷibhirathāntikabhūmeḥ ### [3.19](https://indike.org/pramana/in.lit.kavya.khanda.srngara.vitavibhavari.3.19) gūḍhagūḍhamapasāritapādaṃ mandapamandamasarpitukāmām sā vikṛṣya vasanena vayasyāṃ pārśva eva viniveśayati sma ### [3.20](https://indike.org/pramana/in.lit.kavya.khanda.srngara.vitavibhavari.3.20) vāritā'pi caturā'tha suśīlā gantumeva muhurutsaheta sma svairacārinijayūthaviyuktā vāgurāhatapadā hariṇīva ### [3.21](https://indike.org/pramana/in.lit.kavya.khanda.srngara.vitavibhavari.3.21) manmathāsahanamānasavṛttau mādhave niraparādhamatha svam sandidarśayiṣurātavayasyā prastutānuguṇamevamavādīt ### [3.22](https://indike.org/pramana/in.lit.kavya.khanda.srngara.vitavibhavari.3.22) muñca muñca sicayāñcalametaddhikkava pratikṛtivyasanitvam sādaraṃ spṛśati sāgasi jāgratyagrato'pi yadanāgasameva ### [3.23](https://indike.org/pramana/in.lit.kavya.khanda.srngara.vitavibhavari.3.23) yasya citramanucumbya sarāgaṃ “yojayainamāye cetanayeti vakṣyasi smarasi taṃ ghaṭayantyāḥ pāritoṣikamayaṃ mama rodhaḥ ? ### [3.24](https://indike.org/pramana/in.lit.kavya.khanda.srngara.vitavibhavari.3.24) vallamena śithilīkṛtanīvivrīḍitā bhavasi cennanu mugdhe! mādṛśāṃ kimu na paśyasi sākṣāt‌kārato varamasannidhimeva ### [3.25](https://indike.org/pramana/in.lit.kavya.khanda.srngara.vitavibhavari.3.25) candrikābhisaraṇe tava na hrīḥ sā bhṛśaṃ punarupāṃśu vihāre kiṃ vṛthā pralapitairayi mugdhe! vāmadṛk bhavasi satyamidānīm ### [3.26](https://indike.org/pramana/in.lit.kavya.khanda.srngara.vitavibhavari.3.26) yadviyogavidhurā muhurasmān rodayasyanudinaṃ svavayasyāḥ adya tasya savidhe sabhiyaste vācamanyathayate bata ceṣṭā ### [3.27](https://indike.org/pramana/in.lit.kavya.khanda.srngara.vitavibhavari.3.27) caṇḍi! keḷikutukrena nijāḷīḥ kātarā vidhurayiṣyasi manye jñātamadya vayamīdṛśakeḷīnoṃ jaḍā api sahemahi bhūyaḥ ### [3.29](https://indike.org/pramana/in.lit.kavya.khanda.srngara.vitavibhavari.3.29) ayugaṃ nanu bhanakṣi kimarthaṃ? tarjanīṃ nāṭayase'dya vṛthaiva bhīṣikāmya iha te na vibhemi prasthitā'smi kupitā'si hi mahyam ityudīritavatīmatha śauriḥ "dvāri tiṣṭhati sakhā'dya mamaikaḥ asmadarhati sa naivamavajñāmarhayaina,,miti tāṃ sma niyuṃkte ### [3.30](https://indike.org/pramana/in.lit.kavya.khanda.srngara.vitavibhavari.3.30) śaṃsataiva dhṛtagauramevaṃ saṃsitetaṃ sapadi nīviniveśe tadbhūrutsutaruṇīkarapāśābhraśyamānavasanā niragātsā ### [3.31](https://indike.org/pramana/in.lit.kavya.khanda.srngara.vitavibhavari.3.31) vīrapāṇamadharāmṛtapānaiḥ kurvatoḥ puḷakkaṃcukabhājoḥ kāminoḥ kaṭakatāḍitatūryaṃ mānmathaṃ pravṛvṛte'tha samīkam ### [3.32](https://indike.org/pramana/in.lit.kavya.khanda.srngara.vitavibhavari.3.32) unnatastanamahīdharacārī praskhalan praṇayipāṇiradho'dhaḥ vihvalāṃgamavaluṃṭhya nitambe niṣpatan stimitatāṃ pratipede ### [3.33](https://indike.org/pramana/in.lit.kavya.khanda.srngara.vitavibhavari.3.33) nūtanoditavidhorvijayaṃ svaṃ svidyate varatanorvadanāya varṇayannapajahāra sa vīṭīṃ pūrṇapātramatha tasya sakāśāt ### [3.34](https://indike.org/pramana/in.lit.kavya.khanda.srngara.vitavibhavari.3.34) cittajanmasadanāṃ viśantaṃ cittataskarakaraṃ samudīkṣya madhyamāśu balinaṃ pratihārī krandati sma raśanāmaṇiruccaiḥ ### [3.35](https://indike.org/pramana/in.lit.kavya.khanda.srngara.vitavibhavari.3.35) kāmuke kimapi cāpalamūrustambhamūlasavidhe vidadhāne sā śrutipraṇayinī praṇayinyā dṛṣṭirāśu nimimīla vilakṣā ### [3.36](https://indike.org/pramana/in.lit.kavya.khanda.srngara.vitavibhavari.3.36) prāṇanātharadanacchadasāre pītamātra iha peśalagātryāḥ sītkṛtānumitasatvaraśāntirnirvavau virahaghorakṛśānuḥ ### [3.37](https://indike.org/pramana/in.lit.kavya.khanda.srngara.vitavibhavari.3.37) svasya manmanamanorupadeśaṃ kurvate priyamukhāya mṛgākṣyāḥ dakṣiṇāmakuruta śrutiyugmaṃ kuṇḍalena viparītarateṣu ### [3.38](https://indike.org/pramana/in.lit.kavya.khanda.srngara.vitavibhavari.3.38) manmathopaniṣadāmatha sāraṃ mānayanmaṇitamantramudāram kevalapramadabhūmani kalpe keśavaka kvacidasīmni nililye ### [3.39](https://indike.org/pramana/in.lit.kavya.khanda.srngara.vitavibhavari.3.39) bhraṣṭo baṃbhramadabhragarbhaviharebhyo'dabhrabho bhavrajaḥ prāptākāṇḍatamassamāgamamakhaṇḍācaṇḍagormaṇḍalam ā mūlāñcalitā śiloñcayataṭī jhāṃkāriṇaścānilāḥ kṣobhārambhamudittvaraṃ smarapurasyā''sūtrayāñcakrire ### [3.40](https://indike.org/pramana/in.lit.kavya.khanda.srngara.vitavibhavari.3.40) caturoñcalitekṣaṇkucocchrayasraṣṭatastaḍiti sphuṭahāramaṇīna patataḥ paritaḥ kiratī sudatī vividhaṃ vidadhe viparītam ### [3.41](https://indike.org/pramana/in.lit.kavya.khanda.srngara.vitavibhavari.3.41) drutavilambitadurmadaḍambarastamajāna kamaśo'ṅgajasaṅgaraḥ sumaśaro'pyavaropya nijaṃ dhanuścirapariśramaviśramamanvabhūt ### [3.42](https://indike.org/pramana/in.lit.kavya.khanda.srngara.vitavibhavari.3.42) ārāmasīmāni nilaya vasan prasūnanālokya yugmanavarāptasevanānte randhrapratīkṣaṇacaṇaḥśanakairupelya gharmāmbuhāramaharat pavamānacoraḥ ### [3.43](https://indike.org/pramana/in.lit.kavya.khanda.srngara.vitavibhavari.3.43) amandakandaḷatpramodasāgarodarasphurattaraṅgabhaṅgisaṅgamānuṣaṅgamaṅgaḷāṅgakau parasparānurāgasampadaṃ sukhena dampatī vitenatuścirāya cāru cāritārthyacumbinīm ### [4.1](https://indike.org/pramana/in.lit.kavya.khanda.srngara.vitavibhavari.4.1) nidhuvanarabhasānte gāḍhasaṃlagnagātraṃ tuhinamahatanissevyamānaṃ samīraiḥ vidhutamatha tadantaḥ kevalānandavīcīkavalitakaraṇālī kāpyapi prāpa mūrcchāṃm iti viṭavibhāvaryām tṛtīyo yāmaḥ atha turīyo yāmaḥ aciroditabhavyakāvyakāntispṛhaṇīyā'pi vibhāvarī tadānīm abhavattvaramāṇaśeṣayāmā dhṛtadoṣākararuk prabhātakalpā ### [4.2](https://indike.org/pramana/in.lit.kavya.khanda.srngara.vitavibhavari.4.2) avalokya sudhākaro'pi sarvānatha rādhāmadhuvairiṇorvilāsān parirabdhumivauṣadhīḥ svakāntāstvaramāṇaścaramācalaṃ jagāhe ### [4.3](https://indike.org/pramana/in.lit.kavya.khanda.srngara.vitavibhavari.4.3) mṛdulolitamaula yastadānīṃ prativeśma śrutiyogalobhanīyam asakṛtrividhaṃ svaraprapañcaṃ juguṣuḥ śrotriyagātṛtāmracūr̤āḥ ### [4.4](https://indike.org/pramana/in.lit.kavya.khanda.srngara.vitavibhavari.4.4) hṛdi māraśarāprakṛṣṭapūrve sravadasrāmbuni khaṇḍitājanasya akirat paritaḥ parāgabhaṅgayā pṛṣadaśvaḥ pṛthuśokabījajālam ### [4.5](https://indike.org/pramana/in.lit.kavya.khanda.srngara.vitavibhavari.4.5) aviśat karaśobhimaṇḍalāgraḥ saramākāntapadānusārimārgaḥ mṛgayārthamivāparāhrisīmāṃ mṛgayūnādriyamāṇa eṣa rājā ### [4.6](https://indike.org/pramana/in.lit.kavya.khanda.srngara.vitavibhavari.4.6) nijagoprasaraprasāditāśo bata sarvajñaśikhāmaṇau gate'stam timirārṇava ūrṇunāva viśvaṃ na budho nā'pi kaviściraṃ cakāśe ### [4.7](https://indike.org/pramana/in.lit.kavya.khanda.srngara.vitavibhavari.4.7) ciranarttanadhūsarāṃśukāānte laghu niṣkrāmati śītagau raṅgataḥ tamasā pidadhe tiraskariṇyā navarāgasya raveḥ praveśanāya ### [4.8](https://indike.org/pramana/in.lit.kavya.khanda.srngara.vitavibhavari.4.8) mihirasya karagrahe kapotādvijaloke vihitoḍhutau samantāt bavabhūvapidhito hutājjahomaṃ navasandhyāvidhi sāndhakāradhūme ### [4.9](https://indike.org/pramana/in.lit.kavya.khanda.srngara.vitavibhavari.4.9) ramaṇa kṣuṇamāgataṃ pravāsāt kathayannaryamaṇaṃ saroruhiṇye sarasīranu saukharātriko'gātmadhupaughodho madhupāritoṣikārthī ### [4.10](https://indike.org/pramana/in.lit.kavya.khanda.srngara.vitavibhavari.4.10) udarollasadaryamāṇi niryadadratamāṇikyamanojñavibhramāṇi udayācalagahvarāṇyabhūvannatha bāṇāsurasālasundarāṇi ### [4.11](https://indike.org/pramana/in.lit.kavya.khanda.srngara.vitavibhavari.4.11) parito daradhoṣibhiḥ patadbhirmahito bhāskaramaskarī sadaṇḍaḥ ita eṣyati rañjitambarānto nanu kā kā tvamihetyakūji kākaiḥ ### [4.12](https://indike.org/pramana/in.lit.kavya.khanda.srngara.vitavibhavari.4.12) aḷigānalayairvibhātavelā naḷināmodisamīravījanaiśca madhusūdanarādhayostadānīṃ sukhanidrārasamaidhayāñcakāra ### [4.13](https://indike.org/pramana/in.lit.kavya.khanda.srngara.vitavibhavari.4.13) itareṣu saroruheṣu nidrāmapahāya sphuṭiteṣvapi pra...te itaretaravaktracandrayogānnayanābje na tayorabodhiṣātām ### [4.14](https://indike.org/pramana/in.lit.kavya.khanda.srngara.vitavibhavari.4.14) adhikeligṛhaṃ niśāmya kāntaṃ harimābhīravadhūratāntatāntam upasarpatu sannidhiṃ tadīyaṃ bhṛśadhīrā'pi kathantarāmuṣaḥśrīḥ ### [4.15](https://indike.org/pramana/in.lit.kavya.khanda.srngara.vitavibhavari.4.15) timiraṃ cikuraśriyā śrayantī nayanaiḥ kuṭṭaḷitaiśca padmakośān rajaniḥ parikīrṇahāratārā vilalambe kimu rādhikānikuñje ### [4.16](https://indike.org/pramana/in.lit.kavya.khanda.srngara.vitavibhavari.4.16) pūrutpatataḥ karāḷaraśmeḥ karasāhasravilāsimaṇḍalāgrāt cakitāṃ nayaneṣu vepamānāmanayoḥ pañcaśaro rarakṣa nidrām ### [4.17](https://indike.org/pramana/in.lit.kavya.khanda.srngara.vitavibhavari.4.17) atha bodhayituṃ ciraprasuptaṃ mithunaṃ tatra sakhījanaḥ pravṛttaḥ kṛpaṇasya kṛṣīvalasya dainyaṃ kṛṣivījakrayaṇedyatasya bheje ### [4.18](https://indike.org/pramana/in.lit.kavya.khanda.srngara.vitavibhavari.4.18) samanahyadapāsanāya yasyāḥ sa hi nādityakarotkaro'pyaho tām kathameṣa bhanaktu yoganidrāṃ danujārernijabhogatalpabhājaḥ ### [4.19](https://indike.org/pramana/in.lit.kavya.khanda.srngara.vitavibhavari.4.19) ayi! bodhaya rādhikāṃ suśīle! nanu tannāṃśumatī niyojitā hiṃ bata kā bhavatīha manniyogeṣviti sakhyaḥ kalahaṃ mitho vitenuḥ ### [4.20](https://indike.org/pramana/in.lit.kavya.khanda.srngara.vitavibhavari.4.20) prathamopanatāpyapriyaṃ sahante hitalobhādiha dūradarśilokāḥ viraḷā hitavāgyalīkahīnetyaparāḥ śikṣayati sma tatra kācit ### [4.21](https://indike.org/pramana/in.lit.kavya.khanda.srngara.vitavibhavari.4.21) upajīviṣu ko'pi bhaktamānī prabhave yacchati kāpathepu sāhyam guravastvaviśeṣameva doṣaṃ gaṇayantīti parā bhṛśaṃ śuśoca ### [4.22](https://indike.org/pramana/in.lit.kavya.khanda.srngara.vitavibhavari.4.22) kimudāsa ihādya pīṭhamardaityatha papraccha parā haressakhāyam sa ca śaṃbhaḷi! kiṃ bhajasyupekṣāmiti pṛcchāntaramuttarīcakāra ### [4.23](https://indike.org/pramana/in.lit.kavya.khanda.srngara.vitavibhavari.4.23) iti tāsu vimohitāstvadūrādudagādgopakumāravaṃśaghoṣaḥ taṭiteva haṭhādvighaṭyamānaṃ jhaṭiti dvandvamabodhi cāstanidram ### [4.24](https://indike.org/pramana/in.lit.kavya.khanda.srngara.vitavibhavari.4.24) priyadorvalayādathācchinattāṃ kṛśagātrīṃ sa śaṭho haṭhādanehā atimuktalatāmaśokayaṣṭeścirasaṃvaiṣṭananirvṛtāṃ karīva ### [4.25](https://indike.org/pramana/in.lit.kavya.khanda.srngara.vitavibhavari.4.25) nayane dayitādharādvidare sthalamīnāviva mamlaturmṛgākṣyāḥ api tasya mukhaṃ kṣaṇena jātaṃ hatakiñjalkasarojaśocanīyam ### [4.26](https://indike.org/pramana/in.lit.kavya.khanda.srngara.vitavibhavari.4.26) vyarayattadurojakokayūnordayitāsaṅghasukhaṃ haṭhāttadānīm bata no bhuvi kiṃ kimeva bhāvyaṃ pratikūlaṃ calituṃ vidhau pravṛtte ### [4.27](https://indike.org/pramana/in.lit.kavya.khanda.srngara.vitavibhavari.4.27) atha dusthitiraṅgakaistadīyairdṛtamanyonyaśarīraviprayoge surabheriva kāpyabaṣkayiṇyāḥ pratipede nijavatsadūritāyāḥ ### [4.28](https://indike.org/pramana/in.lit.kavya.khanda.srngara.vitavibhavari.4.28) drutameva niraiṣyatornikuñjādanayoścetasi viprayogabhīrau uditau yugapatvarāvilambau divi tejastamasī iva kṣaṇe'smin ### [4.29](https://indike.org/pramana/in.lit.kavya.khanda.srngara.vitavibhavari.4.29) kathamapyatha kāminostadānīṃ śanakairnirgamanābhimukhyabhājoḥ praṇayādanuyuktasuprabhātastvarayannālijano'pyupāsasāda ### [4.30](https://indike.org/pramana/in.lit.kavya.khanda.srngara.vitavibhavari.4.30) gacchāmi gehamayi bhāmini! sādhayāmītyukte viyogavidhurālasapakṣmamālam serṣyānurāgakaruṇaṃ muhurarthayantīm celāñcalonmukhakarāṃ taruṇīṃ tyajelkaḥ ### [4.32](https://indike.org/pramana/in.lit.kavya.khanda.srngara.vitavibhavari.4.32) vyomni svadhāmaparipālanasammukhīnahuṃkārikauśikaniruddhapathe niśānte paścāt puro'pyakuśalaṃ calituṃ vilokya dvandvaṃ triśaṃkumiva tāvadavocadāḷiḥ ajasraṃ yassvānte prativasati naddho guṇagaṇairaho mugdhe! tasmādapi virahamudbhāvayasi kim? iha premā yūnorgirinagarakāntārabharitān pradeśān prādeśānapi na gaṇayatyuddhaṇarayaḥ ### [4.33](https://indike.org/pramana/in.lit.kavya.khanda.srngara.vitavibhavari.4.33) manasvinyaḥ kāle vidhibalaparādhīnacaritaṃ viditvedaṃ viśvaṃ viṣamamapi mṛṣyanti virahaṃ pratiṣṭhā'sau paśya prakaṭabahurāgā'pi rajaniḥ pratiṣṭhāsau kānte śaśini calatīyaṃ dhṛtimatī ### [4.36](https://indike.org/pramana/in.lit.kavya.khanda.srngara.vitavibhavari.4.36) mitamapi hitametadiṅgitajñā vacanamudāramudīrya sā vyaraṃsīt tanurapi guḷikā nihanti rogaṃ paṭubhiṣajo hi nidānavedayasya 34 nihitamiva subījaṃ kālamāpyorvarāyāṃ phalamapuṣadayatnaṃ tatsuśīlopadeśaḥ yadiha vidhutadhairyaṃ svapratiṣṭhāsamānaṃ samajanei mithunaṃ tadrāk pratiṣṭhāsamānam āśliṣyāśliṣya gātraṃ pulakitamasakṛdvāḍhayan bāhubandhānācumbyācumbya vaktraṃ muhuradharasudhāpūrapātheyahārī āpṛcchyāpṛcchya bhūyaḥ praṇayamamṛṇitairgadgadaiśca varṣan mandaṃ mandaṃ mṛgākṣīṃ harirakṛta sakhīhastanikṣepameva ### [4.37](https://indike.org/pramana/in.lit.kavya.khanda.srngara.vitavibhavari.4.37) daivādadya manorathāt priyasakhī lebhe ciraprārthitānityanyo'nyamudīrayannatha nināyā'lijano rādhikām śrīdāmnā saha mādhavo'pi rajanīvṛttāntaromanthanapronmīlatpramadormicumbanarasādānandasāndro yayau ### [4.38](https://indike.org/pramana/in.lit.kavya.khanda.srngara.vitavibhavari.4.38) iti viṭavibhāvaryau turīyo yāmaḥ atha granthapratiṣṭhāśaṃsā saṃpūrṇā sārasaudhairdiśi diśi ghaṭitairujvalatkāvyalakṣmīsampannekṣatranāthodayamahitatarā govilāsāṃstadīyān aśrāntaṃ tatra tatra prathayatu sarasāyāmayāmābhirāmā dṛśyā sadbhirvibhāvaryadhikaruciriyaṃ śāradollāsayogāt ### [4.39](https://indike.org/pramana/in.lit.kavya.khanda.srngara.vitavibhavari.4.39) sarvajñacūḍāmaṇibhāvyamānā sūryādarālokasukhapratīkṣā vilāsimodāya vibhāvarīyaṃ jīyācciraṃ dūravibhātaśobhā ## See also: more in [Erotic, love-lament and romantic poems](https://indike.org/pramana/in.lit.kavya.khanda.srngara) - [Rucivadhugalaratnamala (Rucivadhūgalaratnamālā)](https://indike.org/pramana/in.lit.kavya.khanda.srngara.rucivadhugalaratnamala) — Sanskrit; partly digitised - [Pushpabanavilasa (Puṣpabānavilāsa)](https://indike.org/pramana/in.lit.kavya.khanda.srngara.puspabanavilasa) — Sanskrit; partly digitised _Discussed in 1 studies in Pramāṇa (listed on the page)._ --- Source: [https://indike.org/pramana/in.lit.kavya.khanda.srngara.vitavibhavari](https://indike.org/pramana/in.lit.kavya.khanda.srngara.vitavibhavari) · Pramāṇa