[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [The Mahābhārata and its versions](https://indike.org/pramana/in.lit.mahabharata) › [Mahābhāratas in Indian regional languages](https://indike.org/pramana/in.lit.mahabharata.bhasa) › [Karnata Bharata Kathamanjari](https://indike.org/pramana/in.lit.mahabharata.bhasa.kumaravyasa) › 1.55 # Karnata Bharata Kathamanjari 1.55: ಸಟೀಕಾ (೧೦.ಗದಾಪರ್ವ::ಸಂಧಿ-೯) Karṇāṭa Bhārata Kathāmañjarī 1.55 - **Language:** Kannada ### ಸಟೀಕಾ (೧೦.ಗದಾಪರ್ವ::ಸಂಧಿ-೯) ### [1.55.p1](https://indike.org/pramana/in.lit.mahabharata.bhasa.kumaravyasa.1.55.p1) \<ಕುಮಾರವ್ಯಾಸಭಾರತ-ಸಟೀಕಾ ### [1.55.p2](https://indike.org/pramana/in.lit.mahabharata.bhasa.kumaravyasa.1.55.p2) ಗದಾಪರ್ವ: ೯ ನೆಯ ಸಂಧಿ ### [1.55.p3](https://indike.org/pramana/in.lit.mahabharata.bhasa.kumaravyasa.1.55.p3) ಸೂಚನೆ ### [1.55.p4](https://indike.org/pramana/in.lit.mahabharata.bhasa.kumaravyasa.1.55.p4) ರಾಯಪರಬಲ ಮದನಹರ ರಿಪು ರಾಯಕುವರರು ಸಹಿತ ಪಾಂಡವ ರಾಯಕಟಕವ ಕೊಂದನಶ್ವತ್ಥಾಮ ರಜನಿಯಲಿ||ಸೂಚನೆ|| ### [1.55.p5](https://indike.org/pramana/in.lit.mahabharata.bhasa.kumaravyasa.1.55.p5) ॐ ### [1.55.p6](https://indike.org/pramana/in.lit.mahabharata.bhasa.kumaravyasa.1.55.p6) ಏನು ಗುರುಸುತ ಕಾರ್ಯಾದನುಸಂಧಾನ ### [1.55.1](https://indike.org/pramana/in.lit.mahabharata.bhasa.kumaravyasa.1.55.1) ಕೇಳು ಧೃತರಾಷ್ಟ್ರಾವನಿಪ ನಿ ನ್ನಾಳ ಚಿತ್ತದ ಚಟುಳ ಪಣದ ಚ ಡಾಳತನವನು ಸಂಗರದೊಳುದ್ದಾಮ ನಸತ್ವದಲಿ || ಪಾಳೆಯವ ಸಾರಿದರು ವಿಟಪಲ ತಾಳಿವಿಶ್ರಮ ತಿಮಿರಗಹನವಿ ಶಾಲವಟಕುಜವಿರಲು ಕಂಡರು ನಿಲಿಸಿದರು ರಥವ || ೧ || ### [1.55.2](https://indike.org/pramana/in.lit.mahabharata.bhasa.kumaravyasa.1.55.2) ನಿಲುವೆವಿಲ್ಲಿ ವಿರೋಧಿಸಂತತಿ ಯುಲುಹನಾಲಿಸಿಬಹುದು ಕೋಟಾ ವಳಯವಿದೆ ಹತ್ತಿರೆಯೆನುತ ಗುರುಸೂನು ರಥವಿಳಿಯೆ | ಇಳಿದರಿಬ್ಬರು ಸೂತರಿಗೆ ಕೈ ಕೊಳಿಸಿದರು ಕುದುರೆಗಳನಾ ಕಲು ನೆಲದೊಳೊರಗಿದರವರು ಸುಮರಶ್ರಮದ ಭಾರದಲಿ || ೨ || ### [1.55.3](https://indike.org/pramana/in.lit.mahabharata.bhasa.kumaravyasa.1.55.3) ಒಳಗೆ ತೊಳಲಿಕೆಯುಕ್ಕಡಕೆ ಕಳ ವಳಿಸಿ ಹಾಯಿದರೊಮ್ಮೆ ಮತ್ತಂ ತೆಲೆಮಿಡುಕದಾಲಿಸಿ ನಿಧಾನಿಸಿ ಸಾರಿದರು ಮರನ | ಬಳಲಿಕೆಯ ಬೇಸರಿನೊಳಾ ಕೃಪ ಮಲಗಿದನು ಕೃತವರ್ಮನೊಲೆದಾ ಗುಳಿಸಿ ತೂಕಡಿಸಿದನು ತೆಗೆದುದು ನಿದ್ರೆ ತನುಮನವ || ೩ || ### [1.55.3\_7](https://indike.org/pramana/in.lit.mahabharata.bhasa.kumaravyasa.1.55.3_7) ೪-೫ ### [1.55.4](https://indike.org/pramana/in.lit.mahabharata.bhasa.kumaravyasa.1.55.4) ಕುಸಿದು ಜೊಮ್ಮೆನ ಜಾಡ್ಯದಲಿ ಝೊಂ ಪಿಸಿದರಿಬ್ಬರು ರಾಯಗರುಡಿಯ ಜಸದ ಜಹಿಯಲಿ ಸ್ವಾಮಿಕಾರ್ಯದ ಹೊತ್ತಹೊರಿಗೆಯಲಿ | ಉಸುರು ಮಿಡುಕದೆ ನಿದ್ರೆ ನೆನಹಿನ ಮುಸುಕನುಗಿಯದೆಯಿಷ್ಟಸಿದ್ಧಿಯ ವಿಷಮ ಸಮಸಂಧಿಗಳ ಸರಿವಿನೊಳಿರ್ದನಾ ದ್ರೌಣಿ || ೪ || ### [1.55.5](https://indike.org/pramana/in.lit.mahabharata.bhasa.kumaravyasa.1.55.5) ಭಾಗ ಭೀತುದು ರಜನಿಯಲಿ ಸರಿ ಭಾಗವಿದ್ದುದು ಮೇಲೆ ತತ್‌ಕ್ಷಣ ಗೂಗೆ ಬಂದುದದೊಂದು ವಟಕುಜದಗ್ರಭಾಗದಲಿ | ಕಾಗೆಗಳ ಗೂಡುಗಳ ಹೊಯ್ದು ವಿ ಭಾಗಿಸಿತು ತುಂಡದಲಿ ಬಿದ್ದವು ಕಾಗೆ ಸುಭಟನ ಸಮ್ಮುಖದಲಿ ಸಹಸ್ರಸಂಖ್ಯೆಯಲಿ || ೫ || ### [1.55.6](https://indike.org/pramana/in.lit.mahabharata.bhasa.kumaravyasa.1.55.6) ಇದು ಮದೀಯ ಮನೋರಥದ ಸಂ ಹೃದಯದೊಲು ಸಂಕಲ್ಪಕಾರ್ಯಾ ಭ್ಯುದಯ ಸೂಚಕವಾಯ್ತು ನಿದ್ರಾಮುದ್ರಿತೇಕ್ಷಣರ | ಪದವ ಹಿಡಿದಲ್ಲಾಡಿದಡೆ ಮೈ ಬೆದರುತೇನೇನೆನುತ ನಿದ್ರಾ ಮದವಿಘೂರ್ಣನವಡಗಿ ಕುಳ್ಳಿರ್ದರು ಮಹಾರಥರು || ೬ || ### [1.55.7](https://indike.org/pramana/in.lit.mahabharata.bhasa.kumaravyasa.1.55.7) ಏನು ಗುರುಸುತ ಕಾರ್ಯದನುಸಂ ಧಾನವೇನೆನೆ ವಾಯಸಂಗಳ ನಾ ನಿಶಾಟನನಿರುವುತದೆ ಗೂಡುಗಳನಬ್ಬರಿಸಿ | ಈ ನಿದರುಶನದಿಂದ ಪಾಂಡವ ಸೇನೆಯನು ಕಗ್ಗೊಲೆಯೊಳಗೆ ಕೊಲ ಲೇನು ಹೊಲ್ಲೆಹ ಮಾವ ಎಂದನು ಗುರುಸುತನು ಕೃಪಗೆ || ೭ || ### [1.55.7\_8](https://indike.org/pramana/in.lit.mahabharata.bhasa.kumaravyasa.1.55.7_8) ಪಾಂಡವ ಸೇನೆಯನು ಕಗ್ಗೊಲೆಯೊಳಗೆ ಕೊಲಲು ಏನು ಹೊಲ್ಲೆಹ ಮಾವ ### [1.55.8](https://indike.org/pramana/in.lit.mahabharata.bhasa.kumaravyasa.1.55.8) ಲೇಸಲೈ ಕೃತವರ್ಮ ಬಳಿಕೇ ನಾಸುರದ ಕಗ್ಗೊಲೆಗೆ ರಾಜಾ ದೇಶದಲಿ ನಾವ್ ಬಂದೆವೀ ಪಾಂಡವರ ಪಾಳೆಯಕೆ | ಘಾಸಿಯಾಗರು ಪಾಂಡು ಸುತರಿಗೆ ವಾಸುದೇವನ ಕಾಹು ಘನ ಕಾ ಳಾಸ ತಪ್ಪಿದ ಬಳಿಕ ನಮಗಪಕೀರ್ತಿ ಬಹುದೆಂದ || ೮ || ### [1.55.9](https://indike.org/pramana/in.lit.mahabharata.bhasa.kumaravyasa.1.55.9) ಕ್ರುತುಹರನ ಸಮಜೋಳಿ ಗಂಗಾ ಸುತನ ಜಯಿಸಿದರವರ ತೂಕದ ವಿತತಬಲರೈ ಭಾವನವರೊಗ್ಗಿದರು ದಿವಿಜರಲಿ | ಅತಿರಥರೊಳಗ್ಗಳೆಯ ರಾಧಾ ಸುತ ಸುಯೋಧನ ಮಾದ್ರಪತಿಯೀ ವ್ಯತಿಕರದೊಳೇನಾದರಿದು ಮುರಹರನ ಕೃತಿಯೆಂದ || ೯ || ### [1.55.10](https://indike.org/pramana/in.lit.mahabharata.bhasa.kumaravyasa.1.55.10) ಇರಿಸನಿಲ್ಲಿ ಮುರಾರಿ ಕೌಂತೇ ಯರನಿದೊಂದು ನಿಧಾನ ಮೇಣಿ ಲ್ಲಿರಿಸಿದಡೆ ಕೊಲಲೀಯನಡ್ಡೈಸುವನು ಚಕ್ರದಲಿ | ಇರುಳು ಹಗಲಡವಿಯಲಿ ಮನೆಯಲಿ ಶರಧಿಯಲಿ ಪರ್ವತದಲಗ್ನಿಯ ಲಿರಲಿ ತನ್ನವರಲ್ಲಿ ಹರಿಗವಧಾನ ಬಲುಹೆಂದ || ೧೦ || ### [1.55.11](https://indike.org/pramana/in.lit.mahabharata.bhasa.kumaravyasa.1.55.11) ಮರಹಿನಲಿ ಮುಡುಹುವುದು ಧರ್ಮದ ಹೊರಿಗೆಯಲ್ಲದು ನಿದ್ರೆಗೈದರ ನಿರಿವುದೇನಿದು ಪಂಥವೇ ಪೌರಾಣಮಾರ್ಗದಲಿ | ಅರಿಯದಾರಂಭಿಸಿದೆವಿದರಲಿ ಪರಿಸಮಾಪ್ತಿಯ ಕಂಡೆವಾದಡೆ ನೆರೆ ಕೃತಾರ್ಥರು ವಿಘ್ನಶತವಡ್ಡೈಸದಿರವೆಂದ || ೧೧ || ### [1.55.12](https://indike.org/pramana/in.lit.mahabharata.bhasa.kumaravyasa.1.55.12) ತಪ್ಪದಾಚಾರಿಯನ ನುಡಿ ಮೇ ಲಪ್ಪುದನು ದೈವಾಭಿಯೋಗದೊ ಳೊಪ್ಪವಿಡುವುದು ರಜನಿಯಲಿ ಕಳ್ಳೇರ ಕದನದಲಿ | ಒಪ್ಪದಿದು ಸೌಭಟ ವಿಧಾನಕೆ ನೊಪ್ಪಿತಹುದಿದರಿಂದ ರಿಪುಗಳ ತಪ್ಪಿಸುವನಸುರಾರಿಯೆಂದನು ನಗುತ ಕೃತವರ್ಮ || ೧೨ || ### [1.55.13](https://indike.org/pramana/in.lit.mahabharata.bhasa.kumaravyasa.1.55.13) ಆದಡಿರಿ ನೀವಿಬ್ಬರಿಲ್ಲಿ ವಿ ವಾದ ನಿಮ್ಮೊಡನೇಕೆ ಜನಪರಿ ವಾದ ಭಯವೆಮಗಿಲ್ಲ ಸಾರಥಿ ರಥವ ತಾಯೆನುತ | ಕೈದುಗಳ ಸಂವರಿಸಿ ರಥದಲಿ ಹಾಯ್ದು ಹೊರವಡೆ ಭೋಜಕೃಪರನು ವಾದಡೆಮಗೇನೆನುತ ಬಂದರು ಪಾಳೆಯದ ಹೊರಗೆ || ೧೩ || ### [1.55.13\_9](https://indike.org/pramana/in.lit.mahabharata.bhasa.kumaravyasa.1.55.13_9) ಪಾಂಡವರ ಪಾಳಯದೊಳಗೆ ಗುರು ಸುತ ಕೃಪ ಅಶ್ವತ್ಥಾಮರು ### [1.55.14](https://indike.org/pramana/in.lit.mahabharata.bhasa.kumaravyasa.1.55.14) ಮುರಿದು ಕೋಟೆಯನೊಂದು ಕಡೆಯಲಿ ತೆರಹುಮಾಡಿ ಮಹಾರಥರು ಜನ ವರಿಯದವೊಲೊಳಹೊಕ್ಕು ಹೆಬ್ಬಾಗಿಲಲಿ ರಥವಿಳಿದು || ತರವಳರ ತೊಳಲಿಯ ಮೇಲೆ ಚ್ಚರಿಕೆ ಮಸುಳಿಸೆ ಮಧ್ಯರಾತ್ರಿಯೊ ಳಿರಿತದಂಘವಣೆಯಲಿ ಪರುಠವಿಸಿದನು ಗುರುಸೂನು || ೧೪ || ### [1.55.14\_10](https://indike.org/pramana/in.lit.mahabharata.bhasa.kumaravyasa.1.55.14_10) ಮಸುಳಿಸು=: ಮಂಕಾಗು. 2. ಮಂಕಾಗುವಂತೆ ಮಾಡು. 3. ಅಡಗು. 4. ಕುಗ್ಗು. 5. ನಾಶಮಾಡು. ### [1.55.15](https://indike.org/pramana/in.lit.mahabharata.bhasa.kumaravyasa.1.55.15) ಎರಡು ಬಾಗಿಲ ಪಾಳೆಯಕೆ ಕೃಪ ನಿರಲಿ ಮೂಡಲು ಪಶ್ಚಿಮಾಂಗದೊ ಳಿರಲಿ ಕೃತವರ್ಮಕನು ಬಾಗಿಲೊಳಾಂತ ರಿಪುಜನವ | ಕರಿ ತುರಗ ರಥ ಪತ್ತಿಗಳ ಸಂ ಹರಿಸುವುದು ನೀವಿಲ್ಲಿ ಮಧ್ಯದೊ ಳರಸು ಮೊತ್ತಕೆ ಮಿತ್ತು ತಾನಹೆನೆಂದು ಕೈಗೊಂಡ || ೧೫ || ### [1.55.16](https://indike.org/pramana/in.lit.mahabharata.bhasa.kumaravyasa.1.55.16) ಎರಡು ಬಾಗಿಲೊಳಿವರನಿಬ್ಬರ ನಿರಿಸಿ ಚಾಪವ ಮಿಡಿದು ಬಾಣವ ತಿರುಹುತೊಬ್ಬನೆ ರಥವ ಬಿಟ್ಟನು ರಾಜಬೀದಿಯಲಿ | ಅರಸ ಕೇಳದುಭುತವನಾ ನಡು ವಿರುಳು ನೃಪವೀಥಿಯಲಿ ನಿಂದುದು ಧರೆಗೆ ಗಗನಕೆ ಕೀಲನಿಕ್ಕಿದವೊಲು ಮಹಾಭೂತ || ೧೬ || ### [1.55.16\_11](https://indike.org/pramana/in.lit.mahabharata.bhasa.kumaravyasa.1.55.16_11) ಅಶ್ವತ್ಥಾಮನಿಗೆ ಎದುರಾದ ಭೂತ ### [1.55.17](https://indike.org/pramana/in.lit.mahabharata.bhasa.kumaravyasa.1.55.17) ನಿಟಿಲನಯನದ ಜಡಿವ ಜೂಟದ ಜಟೆಯ ಪೂತ್ಕೃತಿಯುರಿಯ ನಾಸಾ ಪುಟದ ವೈಕಕ್ಷಕದ ವಿಷಧರಪತಿಯ ವಾಸುಗಿಯ | ಚಟುಳ ಚಪಳಪ್ರಭೆಯ ಘನಸಂ ಘಟಿತವೆನೆ ಗರ್ಗರದ ಘೋರ ಸ್ಫುಟರವದ ರೌದ್ರಾಭಿರತಿಯಲಿ ರಂಜಿಸಿತು ಭೂತ || ೧೭ || ### [1.55.18](https://indike.org/pramana/in.lit.mahabharata.bhasa.kumaravyasa.1.55.18) ಬೆಚ್ಚಿದನೆ ಭಾರಣೆಯ ಭೂತವ ನೆಚ್ಚು ಬೊಬ್ಬಿರಿದಾರಿದನು ಮಗು ಳೆಚ್ಚನೈದಾರೇಳುನೂರೈನೂರು ಸಾವಿರವ | ಎಚ್ಚು ಹಾಯ್ದಂಬುಗಳು ಭೂತದ ಬಿಚ್ಚುಗಂಗಳ ಕೊಂಡದುರಿಯಲಿ ಬಚ್ಚಿಸಿದ ಗರಿ ಸೀದು ಸೀಕರಿಯೋಗಿ ನಿಮಿಷದಲಿ || ೧೮ || ### [1.55.19](https://indike.org/pramana/in.lit.mahabharata.bhasa.kumaravyasa.1.55.19) ಉಗಿದು ಮಂತ್ರಾಸ್ತ್ರವನು ತಿರುವಿಂ ದುಗುಳಿಚಿದಡಾ ಭೂತದಂಘ್ರಿಗೆ ಮುಗಿದ ಕೈಗಳಲೆರಗಿದರು ಶಸ್ತ್ರಾಧಿದೇವಿಯರು | ಉಗಿದನೊರೆಯಲಡಾಯುಧವನು ಬ್ಬೆಗದಲಪ್ಪಳಿಸಿದಡೆ ಕಯ್ಯಿಂ ಜಗುಳ್ದುಬಿದ್ದುದು ಝಂಕೆಯದ್ದುದು ಭಯದ ಝಾಡಿಯಲಿ || ೧೯ || ### [1.55.20](https://indike.org/pramana/in.lit.mahabharata.bhasa.kumaravyasa.1.55.20) ಕಾಕಮುಖದ ಮಯೂರ ಟಿಟ್ಟಿಭ ಕೋಕವದನದ ಹಮಸ ಕಂಕ ಬ ಳಾಕವಕ್ತ್ರದ ಗೌಜು ಗೀಜಗ ಚಾತಕಾನನದ | ಘೂಕಮುಖದ ಸೃಗಾಲ ಶಾರ್ದೂ ಲಾಕೃತಿಯ ಬಹುವಿಧದ ರೂಪದ ನೇಕ ಭೂತವ್ರಾತ ನೆರೆದುದು ಭೂಪ ಕೇಳೆಂದ || ೨೦ || ### [1.55.21](https://indike.org/pramana/in.lit.mahabharata.bhasa.kumaravyasa.1.55.21) ಇದು ವಿರೂಪಾಕ್ಷನ ಮನಃಕ್ಷೋ ಭದ ವಿಕಾರವಲಾ ಪಿನಾಕಿಯ ಪದವ ಹಿಡಿದೋಲೈಸುವೆನು ಸರ್ವಾಂಗಯಜ್ಞದಲಿ | ಇದಕುಪಾಯವ ಬಲ್ಲೆನೆಂದು ಬ್ಬಿದನು ಬೊಬ್ಬಿರಿದಾರಿ ತೋಡಿದ ನುದರವಹ್ನಿಯನಿದಿರೊಳಗ್ನಿತ್ರಯವ ನಿರ್ಮಿಮಿಸಿದ || ೨೧ || ### [1.55.22](https://indike.org/pramana/in.lit.mahabharata.bhasa.kumaravyasa.1.55.22) ಸೆರೆನರಂಗಳ ದರ್ಭೆ ಮಿದುಳಿನ ಚರು ಕಪಾಲದ ಪಾತ್ರೆಯೆಲುವಿನ ಬೆರಳ ಸಮಿಧೆ ವಿಶಾಳದನುಮಜ್ಜೆಗಳ ಪೃಷದಾಜ್ಯ | ಅರುಣಜಲದಾಜ್ಯಾಹುತಿಯ ವಿ ಸ್ತರವ ವಿರಚಿಸಿ ನಿಗಮಮಂತ್ರೋ ಚ್ಚರಣೆಯಲಿ ಪೂರ್ಣಾಹುತಿಗೆ ತನ್ನೊಡಲನೊಪ್ಪಿಸಿದ || ೨೨ || ### [1.55.23](https://indike.org/pramana/in.lit.mahabharata.bhasa.kumaravyasa.1.55.23) ಮೆಚ್ಚಿದನು ಮದನಾರಿ ಹೋಮದ ಕಿಚ್ಚು ತುಡುಕದ ಮುನ್ನ ತೆಗೆದನು ಬಿಚ್ಚುಜಡೆಗಳ ಜಹ್ನು ಸುತೆಯಲಿ ನಾದಿದನು ಭಟನ | ಎಚ್ಚ ಶರವಿದೆ ಖಡ್ಗವಿದೆ ಕೋ ಮುಚ್ಚು ಮರೆಯೇಕಿನ್ನು ಸುತರಲಿ ಚೊಚ್ಚಿಲವ ನೀನೆಂದು ಮೈದಡವಿದನು ಶಶಿಮೌಳಿ || ೨೩ ||\* ### [1.55.24](https://indike.org/pramana/in.lit.mahabharata.bhasa.kumaravyasa.1.55.24) ಸಾರಥಿಗಳೊಳಗೆನಿಸಿದನು ಭೂ ಭಾರಭಂಜಕನಸುರಹರನೀ ಭಾರ ಬಿದ್ದುದು ನಮಗೆ ಪಾಂಚಾಲಪ್ರಬದ್ಧಕರ | ತೀರಿತಿದು ನಿಮ್ಮಲ್ಲಿ ನಮ್ಮ ವಿ ಹಾರವೊಡಬೆಚ್ಚಿತು ರಿಪುವ್ರಜ ಮಾರಣಾಧ್ವರಕೃತಿಯ ನೀ ಕೈಕೊಳಿಸು ಹೋಗೆಂದ || ೨೪ || ### [1.55.25](https://indike.org/pramana/in.lit.mahabharata.bhasa.kumaravyasa.1.55.25) ಎನೆ ಪುರಾರಿಯ ಪದಯುಗಕೆ ಗುರು ತನುಜ ಮೈಯಿಕ್ಕಿದನು ಬೀಳ್ಕೊಂ ಡನು ತಿರೋಹಿತನಾದನೀಶ್ವರನೀತನನು ಕಳುಹಿ | ಧನುವ ಕೊಂಡನು ಧೂರ್ಜಟಿಯ ರೂ ಹಿನ ಮಹಾರಥ ರಥವನೇರಿದ ನನುವರದ ರೌರವವನಂಘೈಸಿದನು ರಜನಿಯಲಿ || ೨೫ || ### [1.55.25\_12](https://indike.org/pramana/in.lit.mahabharata.bhasa.kumaravyasa.1.55.25_12) ಪಾಂಡವರ ಪಾಳಯದೊಳಗೆ ಅಶ್ವತ್ಥಾಮನ ರೌದ್ರಸಂಹಾರ ### [1.55.26](https://indike.org/pramana/in.lit.mahabharata.bhasa.kumaravyasa.1.55.26) ಧರಣಿಪತಿ ಕೇಳ್ ರಾಜಬೀದಿಯೊ ಳುರವಣಿಸಿ ಗುರುಸೂನು ರಥದಲಿ ಬರುತ ಕಂಡನಲೈ ಯುಧಿಷ್ಠಿರ ರಾಜಮಂದಿರವ | ಇರರು ಪಾಂಡವರಿಲ್ಲಿ ಮೇಣವ ರಿರಲಿ ಬಳಿಕಾರೈವೆನಯ್ಯನ ಹರಿಬ ಹೋಗಲಿ ಮುನ್ನ ಕೊಲುವೆನು ದ್ರುಪದನಂದನನ || ೨೬ || ### [1.55.27](https://indike.org/pramana/in.lit.mahabharata.bhasa.kumaravyasa.1.55.27) ಎಂದು ರಾಯನ ಗುಡಿಯ ಗೂಢದ ಮಂದಿರದ ಬಲವಂಕವೀಧಿಯ ಮುಂದೆ ಧೃಷ್ಟದ್ಯುಮ್ನನರಮನೆಗಾಗಿ ವಹಿಲದಿ | ಬಂದು ಬಾಗಿಲ ಮುರಿದು ಕಾಹಿನ ಮಂದಿಯನು ನಿಡುನಿದ್ರೆಗೈಸಿದ ನಂದು ಮಿಣ್ಣನೆ ಹೊಕ್ಕನಾತನ ಸೆಜ್ಜೆಯೋವರಿಯ || ೨೭ || ### [1.55.28](https://indike.org/pramana/in.lit.mahabharata.bhasa.kumaravyasa.1.55.28) ತೊಳತೊಳಗುವಿಕ್ಕೆಲದ ದೀಪದ ಬೆಳಗಿನಲಿ ಮಣಿರಚಿಯು ಚಿತ್ರಾ ವಳಿಯ ಮೇಲ್ಕಟ್ಟಿನಲಿ ಲಲಿತಸ್ತರಣ ಮಧ್ಯದಲಿ | ಹೊಳೆಹೊಳೆವ ನವರತ್ನಭೂಷಣ ಕಳಿತಕಾಯನ ಕಂಡು ರೋಷ ಪ್ರಳಯ ಭೈರವರೂಪನೊದೆದನು ವಾಮಪಾದದಲಿ || ೨೮ || ### [1.55.28\_13](https://indike.org/pramana/in.lit.mahabharata.bhasa.kumaravyasa.1.55.28_13) ಘಳಿಲನೆದ್ದನಿದಾರು ನಿದ್ರೆಯ ನಳಿದವನ ತಿವಿಯೆನುತ ಮುಂದಣ ವಿಳಯರುದ್ರನ ರಹಿಯ ರೌದ್ರದ ರಣಭಯಂಕರನ ನಿಲವ ಕಂಡನಡಾಯುಧವ ತಾ ಹಲಗೆಯಾವೆಡೆಯೆಂಬವನ ಮುಂ ದಲೆಯ ಹಿಡಿದಡಗೆಡಹಿ ಕುಸುಕಿರಿದರಿಯನಸಬಡಿದ ೨೯ ### [1.55.30](https://indike.org/pramana/in.lit.mahabharata.bhasa.kumaravyasa.1.55.30) ಉಗಿದು ಬಿಲ್ಲಿನ ತಿರುವ ಕೊರಳಲಿ ಬಿಗಿಯೆ ಭಯದಲಿ ದ್ರುಪದಸುತ ಬೆರ ಳುಗಳ ಬಾಯಲಿ ಬೇಡಿಕೊಂಡನು ದ್ರೋಣನಂದನನ | ಉಗಿದಡಾಯ್ದದಲೆನ್ನ ಶಿರವನು ತೆಗೆದು ಕಳೆಯೈ ಶಸ್ತ್ರಘಾತದಿ ನುಗುಳಿಸಸುವನು ತನಗೆ ವೀರಸ್ವರ್ಗವಹುದೆಂದ || ೩೦ || ### [1.55.31](https://indike.org/pramana/in.lit.mahabharata.bhasa.kumaravyasa.1.55.31) ಅಕಟ ಗುರುಹತ್ಯಾಮಹಾಪಾ ತಕಿಯೆ ನಿನಗೇ ಸ್ವರ್ಗ ದೇವ ಪ್ರಕರ ನಿನ್ನನು ಹೊಗಿಸಿದಡೆ ಸುಡುವೆನು ಸುರಾಲಯವ | ಕ್ರಕಚ ಕುಂಭೀಪಾಕಮುಖ ನಾ ರಕದೊಳರಮನೆ ನಿನಗೆ ಕೌಕ್ಷೇ ಯಕದ ಹತಿ ಗಡ ತನಗೆನುತ ಕಟ್ಟಿದನು ತಿರುವಿನಲಿ || ೩೧ || ### [1.55.32](https://indike.org/pramana/in.lit.mahabharata.bhasa.kumaravyasa.1.55.32) ಉರಲ ಹತ್ತಿಸಿ ಸೆಳೆಯೆ ಗೋಣಲಿ ಗುರುಗುರಿಸಲಸು ಜಾರಿದುದು ಬೊ ಬ್ಬಿರಿದು ಹೊಕ್ಕನು ಕದವನೊದೆದು ಶಿಖಂಡಿಯರಮನೆಯ || ತರಿದನಾತನನುತ್ತಮೌಂಜಸ ನರಸಿ ಹೊಯ್ದನು ಹೊಕ್ಕು ಬಾಗಿಲ ಮುರಿದು ಮೈಯರಿಹಿಸಿ ಯುಧಾಮನ್ಯುವ ವಿದಾರಿಸಿದ || ೩೨ || ### [1.55.32\_14](https://indike.org/pramana/in.lit.mahabharata.bhasa.kumaravyasa.1.55.32_14) ಗಜಬಜವಿದೇನೆನುತ ನಿದ್ರೆಯ ಮಜಡರೊಳಗೊಳಗರಿದರೀತನ ಭುಜಬಲಕೆ ಮಲೆತವರ ಕಾಣೆನು ಸೃಂಜಯಾದಿಗಳ ರಜನಿಯಲಿ ರೌಕುಳವ ಮಾಡಿದ ನಜಿತಸಾಹಸನಿತ್ತ ದ್ರುಪದಾ ತ್ಮಜೆಯ ಭವನದ ಹೊರೆಗೆ ಬಂದನು ಪಾಂಡವರನರಸಿ ೩೩ ### [1.55.34](https://indike.org/pramana/in.lit.mahabharata.bhasa.kumaravyasa.1.55.34) ಇದು ಯುಧಿಷ್ಠಿರ ರಾಜಗೃಹವೆಂ ದೊದೆದು ಕದವನು ಕಾಹಿನವರನು ಸದೆದು ಹೊಕ್ಕನು ಸಜ್ಜೆಯಲಿ ಧರ್ಮಜನ ನಂದನನ | ಒದೆದಡೆದ್ದನು ಸುರಗಿಯಲಿ ಕಾ ದಿದನು ಖಡುಗವ ಜಡಿದು ನಿಮಿಷಾ ರ್ಧದಲಿ ತಲೆಯನು ನೆಹಗಿ ಪ್ರತಿವಿಂಧ್ಯಕನನಸುಗಳೆದ || ೩೪ || ### [1.55.35](https://indike.org/pramana/in.lit.mahabharata.bhasa.kumaravyasa.1.55.35) ಜನಪ ಕೇಳೈ ಬಳಿಕ ಸುತಸೋ ಮನನು ಶ್ರುತಕೀರ್ತಿಯ ಶತಾನೀ ಕನನು ಶ್ರುವರ್ಮನನು ತರಿದನು ದ್ರೌಪದೀಸುತರ | ಜನಪರೈವರ ತಲೆಗಳೆಂದೇ ಕರನರಥದೊಳಗಿರಿಸಿ ಹೊಕ್ಕನು ಮನೆಮನೆಗಳಲಿ ಸವರಿದನು ಸೋಮಪ್ರಬದ್ಧಕರ || ೩೫ || ### [1.55.36](https://indike.org/pramana/in.lit.mahabharata.bhasa.kumaravyasa.1.55.36) ಸೀಳ ಬಡಿದನು ಸಮರಥರ ಪಾಂ ಚಾಳ ರಾವುತರನು ಮಹಾರಥ ಜಾಲವನು ಜೋಧರನು ಭಾರಿಯ ಪಾರಕವ್ರಜವ | ಸಾಲ ಹೊಯ್ದನು ಹುಯ್ಯಲಿಗೆ ಹೊಗು ವಾಳ ತರಿದನು ಖಡ್ಗಮುಷ್ಟಿಯ ಕಾಲಭೈರವ ಬೀದಿವರಿದನು ಕೇರಿಕೇರಿಯಲಿ || ೩೬ || ### [1.55.37](https://indike.org/pramana/in.lit.mahabharata.bhasa.kumaravyasa.1.55.37) ಎಲೆಲೆ ಕವಿ ಕಳ್ಳೇರುಕಾರನ ತಲೆಯ ಹೊಯ್‌ಹೊಯ್ಯೆನಬುತ ನಿದ್ರಾ ಕುಳರು ಗರ್ಜಿಸುತಾಗುಳಿಸಿ ತೂಕಡಿಸಿದರು ಮರಳಿ | ಕೆಲಕೆಲಬರರೆನಿದ್ರೆಗಳ ಕಳ ವಳಿಗರೊರೆಗಳ ಕೊಂಡಡಾಯ್ದವ ನೆಲಕೆ ಬಿಸುಟರು ಬತ್ತಳಿಕೆಯಲಿ ಹೂಡಿದರು ಧನುವ || ೩೭ || ### [1.55.38](https://indike.org/pramana/in.lit.mahabharata.bhasa.kumaravyasa.1.55.38) ಗಜವ ಹಲ್ಲಣಿಸಿದರು ವಾಜಿ ವ್ರಜಕೆ ರೆಂಚೆಯ ಹಾಯ್ಕಿದರು ಗಜ ಬಜವಿದೇನೇನೆನುತ ಗಾಲಿಗೆ ಬಿಗಿದು ಕುದುರೆಗಳ | ರಜನಿ ಬಂದುದೆ ಹಗಲು ಹೋಯಿತೆ ಗಜಬಜದೊಳಕಟೆನುತ ಸುಭಟ ವ್ರಜಸುವಿಹ್ವಳಕರಣರಿರಿದಾಡಿದರು ತಮ್ಮೊಳಗೆ || ೩೮ || ### [1.55.39](https://indike.org/pramana/in.lit.mahabharata.bhasa.kumaravyasa.1.55.39) ಲಾಯದಲಿ ಹೊಕ್ಕಿರಿದು ಕುದುರೆಯ ಬೀಯ ಮಾಡಿದನಂತಕಂಗೆಯ ಡಾಯುಧದ ಧಾರೆಯಲಿ ಕೊಟ್ಟನು ಕುಂಜವ್ರಜವ | ರಾಯದಳ ಧರೆಯಂತೆ ನವಖಂ ಡಾಯಮಾನವಿದಾಯ್ತು ಪಾಂಡವ ರಾಯ ಕಟಕವ ಕೊಂದನಶ್ವತ್ಥಾಮ ಬೇಸರದೆ || ೩೯ || ### [1.55.40](https://indike.org/pramana/in.lit.mahabharata.bhasa.kumaravyasa.1.55.40) ದೊರೆಗಳೇನಾದರೊ ಯುಧಿಷ್ಠಿರ ನರ ವೃಕೋದರ ನಕುಲ ಸಹದೇ ವರು ಮುರಾಂತಕ ಸಾತ್ಯಕಿಗಳೊಳಗಿಹರೆ ರೌರವಕೆ | ಹರನ ಖತಿಯೋ ಲಯಕೃತಾಂತನ ವಿರಸಕೃತಿಯೋ ಸರ್ವದಳಸಂ ಹರಣಕೇನು ನಿಮಿತ್ತವೆಂದುದು ಭೂಸುರವ್ರಾತ || ೪೦ || ### [1.55.41](https://indike.org/pramana/in.lit.mahabharata.bhasa.kumaravyasa.1.55.41) ಉಳಿದುದೇಳಕ್ಷೋಹಿಣೀದಳ ದೊಳಗೆ ನಾರೀನಿಕರ ವಿಪ್ರಾ ವಳಿ ಕುಶೀಲವ ಸೂತ ಮಾಗಧ ವಂದಿಸಂದೋಹ | ಸುಳಿವ ಕಾಣೆನು ಕೈದುವಿಡಿದರ ನುಳಿದು ಜೀವಿಸಿದಾನೆ ಕುದುರೆಗ ಳೊಳಗೆ ಜವಿಯಿಲ್ಲೇನನೆಂಬೆನು ಜನಪ ಕೇಳೆಂದ || ೪೧ || ### [1.55.42](https://indike.org/pramana/in.lit.mahabharata.bhasa.kumaravyasa.1.55.42) ಕೂಡೆ ಕಟ್ಟಿತು ಕಿಚ್ಚು ತೆರಪಿನ ಲೋಡುವಡೆ ಗುರುಸುತನ ಶರ ಮಿ ಕ್ಕೋಡುವಡೆ ಬಾಗಿಲುಗಳಲಿ ಕೃತವರ್ಮ ಕೃಪರೆಸುಗೆ | ಕೂಡೆ ಮುಮ್ಮಳಿಯೋದುದೀ ಶರ ಝಾಡಿಯಲಿ ಚತುರಂಗಬಲವ ಕ್ಕಾಡಿತೇನೆಂಬೆನು ಯುಧಿಷ್ಠಿರನೃಪನ ಪರಿವಾರ || ೪೨ || ### [1.55.43](https://indike.org/pramana/in.lit.mahabharata.bhasa.kumaravyasa.1.55.43) ಬಸಿವ ರಕುತದಡಾಯುಧದ ನೆಣ ವಸೆಯ ತೊಂಗಲುಗರುಳ ಬಂಧದ ವಸನ ಕೈಮೈಗಳ ಕಠೋರಭ್ರುಕುಟಿ ಭೀಷಣದ | ಮುಸುಡ ಹೊಗರಿನ ದಂತದಂಶಿತ ದಶನವಾಸದ ವೈರಿಹಿಂಸಾ ವ್ಯಸನ ವೀರಾವೇಶಿ ಬಂದನು ಕೃಪನ ಸಮ್ಮುಖಕೆ || ೪೩ || ### [1.55.44](https://indike.org/pramana/in.lit.mahabharata.bhasa.kumaravyasa.1.55.44) ಹೇಳಿದನು ಸೃಂಜಯವಧೆಯ ಪಾಂ ಚಾಲ ರಾಜಕುಮಾರವರ್ಗದ ಮೌಳಿಗಳ ಬಲಿಗೊಟ್ಟ ಪರಿಯನು ಖಡ್ಗಪೂತನಿಗೆ | ಪಾಳೆಯದೊಳರಸಿದೆನು ಪಾಂಡುನೃ ಪಾಲತನುಜರನವರು ಕೆಡುವರೆ ಮೇಲುಗಾಹಿನ ವೀರನಾರಾಯಣನ ಕರುಣದಲಿ || ೪೪ || ### [1.55.44\_15](https://indike.org/pramana/in.lit.mahabharata.bhasa.kumaravyasa.1.55.44_15) ♠♠♠ ॐ ### [1.55.44\_16](https://indike.org/pramana/in.lit.mahabharata.bhasa.kumaravyasa.1.55.44_16) ನೋಡಿ ### [1.55.44\_17](https://indike.org/pramana/in.lit.mahabharata.bhasa.kumaravyasa.1.55.44_17) ಕುಮಾರವ್ಯಾಸ ಭಾರತ ಕುಮಾರವ್ಯಾಸಭಾರತ-ಸಟೀಕಾ ### [1.55.44\_18](https://indike.org/pramana/in.lit.mahabharata.bhasa.kumaravyasa.1.55.44_18) ಸಂಧಿಗಳು ### [1.55.44\_19](https://indike.org/pramana/in.lit.mahabharata.bhasa.kumaravyasa.1.55.44_19) ಕುಮಾರವ್ಯಾಸ ಭಾರತ/ಸಟೀಕಾ (೧೦.ಗದಾಪರ್ವ::ಸಂಧಿ-೧) ಕುಮಾರವ್ಯಾಸ ಭಾರತ/ಸಟೀಕಾ (೧೦.ಗದಾಪರ್ವ::ಸಂಧಿ-೨) ಕುಮಾರವ್ಯಾಸ ಭಾರತ/ಸಟೀಕಾ (೧೦.ಗದಾಪರ್ವ::ಸಂಧಿ-೩) ಕುಮಾರವ್ಯಾಸ ಭಾರತ/ಸಟೀಕಾ (೧೦.ಗದಾಪರ್ವ::ಸಂಧಿ-೪) ಕುಮಾರವ್ಯಾಸ ಭಾರತ/ಸಟೀಕಾ (೧೦.ಗದಾಪರ್ವ::ಸಂಧಿ-೫) ಕುಮಾರವ್ಯಾಸ ಭಾರತ/ಸಟೀಕಾ (೧೦.ಗದಾಪರ್ವ::ಸಂಧಿ-೬) ಕುಮಾರವ್ಯಾಸ ಭಾರತ/ಸಟೀಕಾ (೧೦.ಗದಾಪರ್ವ::ಸಂಧಿ-೭) ಕುಮಾರವ್ಯಾಸ ಭಾರತ/ಸಟೀಕಾ (೧೦.ಗದಾಪರ್ವ::ಸಂಧಿ-೮) ಕುಮಾರವ್ಯಾಸ ಭಾರತ/ಸಟೀಕಾ (೧೦.ಗದಾಪರ್ವ::ಸಂಧಿ-೯) ಕುಮಾರವ್ಯಾಸ ಭಾರತ/ಸಟೀಕಾ (೧೦.ಗದಾಪರ್ವ::ಸಂಧಿ-೧೦) ಕುಮಾರವ್ಯಾಸ ಭಾರತ/ಸಟೀಕಾ (೧೦.ಗದಾಪರ್ವ::ಸಂಧಿ-೧೧) ಕುಮಾರವ್ಯಾಸ ಭಾರತ/ಸಟೀಕಾ (೧೦.ಗದಾಪರ್ವ::ಸಂಧಿ-೧೨) ಕುಮಾರವ್ಯಾಸ ಭಾರತ/ಸಟೀಕಾ (೧೦.ಗದಾಪರ್ವ::ಸಂಧಿ-೧೩) ### [1.55.44\_20](https://indike.org/pramana/in.lit.mahabharata.bhasa.kumaravyasa.1.55.44_20) ಪರಿವಿಡಿ ### [1.55.44\_21](https://indike.org/pramana/in.lit.mahabharata.bhasa.kumaravyasa.1.55.44_21) ಉಲ್ಲೇಖ --- Source: [https://indike.org/pramana/in.lit.mahabharata.bhasa.kumaravyasa.1.55](https://indike.org/pramana/in.lit.mahabharata.bhasa.kumaravyasa.1.55) · Pramāṇa