[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [The Mahābhārata and its versions](https://indike.org/pramana/in.lit.mahabharata) › [Mahābhāratas in Indian regional languages](https://indike.org/pramana/in.lit.mahabharata.bhasa) › [Karnata Bharata Kathamanjari](https://indike.org/pramana/in.lit.mahabharata.bhasa.kumaravyasa) › 1.7 # Karnata Bharata Kathamanjari 1.7: ಸಟೀಕಾ (ಪರ್ವ-೧::ಸಂಧಿ-೬) Karṇāṭa Bhārata Kathāmañjarī 1.7 - **Language:** Kannada ### ಸಟೀಕಾ (ಪರ್ವ-೧::ಸಂಧಿ-೬) ### [1.7.1](https://indike.org/pramana/in.lit.mahabharata.bhasa.kumaravyasa.1.7.1) \<ಕುಮಾರವ್ಯಾಸ ಭಾರತ/ಸಟೀಕಾ \<ಕುಮಾರವ್ಯಾಸಭಾರತ-ಸಟೀಕಾ ### [1.7.2](https://indike.org/pramana/in.lit.mahabharata.bhasa.kumaravyasa.1.7.2) ಕುಮಾರವ್ಯಾಸ ಭಾರತ/ಸಟೀಕಾ (೧.ಆದಿಪರ್ವ::ಸಂಧಿ-೬) ### [1.7.3](https://indike.org/pramana/in.lit.mahabharata.bhasa.kumaravyasa.1.7.3) ಸೂಚನೆ: ಭೀಮ ದುರ್ಯೋಧನ ಸೆಣಸಿನ ತಾಮಸಿಕೆ ಹೆಚ್ಚಿದುದು ಕದನೋ ದ್ದಾಮರಸ್ತ್ರಾಭ್ಯಾಸವನು ಮಾಡಿದರು ದ್ರೋಣನಲಿ|| ♠♠♠ ### [1.7.4](https://indike.org/pramana/in.lit.mahabharata.bhasa.kumaravyasa.1.7.4) ಭೀಮ ದುರ್ಯೋಧನರ ಸೆಣಸು ### [1.7.5](https://indike.org/pramana/in.lit.mahabharata.bhasa.kumaravyasa.1.7.5) ಕೇಳು ಜನಮೇಜಯ ಮಹೀಪತಿ ಬಾಲಕರು ನೂರಾರು ಮೆರೆದರು ಬಾಲಕೇಳೀವ್ಯಸನಿಗಳು ಹೊರ ವಳಯದಲಿ ಪುರದ || ಆಳಿನೇರಿಕೆ ಹಿಡಿಗವಡೆ ಗುರಿ ಯಾಳು ಚೆಂಡಿನ ಹೊಣಕೆ ಚಿಣಿ ಕೋ ಲಾಳು ಗೊತ್ತಿನ ದಂಡೆಯನೆ ನಾನಾ ವಿನೋದದಲಿ || (೧) || ### [1.7.6](https://indike.org/pramana/in.lit.mahabharata.bhasa.kumaravyasa.1.7.6) ಗುಡುಗು ಗುತ್ತಿನಚೆಂಡು ಗುಮ್ಮನ ಬಡಿವ ಕತ್ತಲೆ ಗುದ್ದುಗಂಬದ ಗಡಣಿ ಕಣ್ಮುಚ್ಚಸಗವರಿ ಹರಿಹಲಗೆ ನಿಡುಗವಣಿ || ಕೆಡಹು ಕುಟ್ಟಿಗನಾದಿಯಾದವ ಗಡ ವಿನೋದದಲಾಡಿದರು ಪಂ ಗಡದಲೈವರು ನೂರ್ವರಿವರಿತ್ತಂಡವೋಂದಾಗಿ || (೨) || ### [1.7.7](https://indike.org/pramana/in.lit.mahabharata.bhasa.kumaravyasa.1.7.7) ಅದರೊಳೊಬ್ಬನೆ ಭೀಮನನಿಬರ ಸದೆವ ತಾ ಸೋತರೆ ವಿಭಾಡಿಸಿ ಕೆದರುವನು ಗೆದ್ದೋಡಿದರೆ ಬೆಂಬತ್ತಿ ಹಿಡಿದೆಳದು || ಸದೆದು ಬಿಡುವನು ಮುನ್ನ ಭೀಷ್ಮಂ ಗೊದರಿ ದೂರವನನಿಬರನು ಮೇ ಳದಲಿ ಮಗುಳೊಂದಾಗಿ ಸಂಗಡವಹರು ಸೂರುಳಿದು || (೩) || ### [1.7.8](https://indike.org/pramana/in.lit.mahabharata.bhasa.kumaravyasa.1.7.8) ಕೆಣಕಿ ದುರ್ಯೋಧನನ ನೆತ್ತಿಯ ನಣಿದು ಹಾಯ್ವನು ನಿಮ್ಮ ನೂರ್ವರ ಬಣಗುಗಳಿಗೆಡಗಾಲ ತೊಡರಿದೆ ಬನ್ನಿ ನೀವೆನುತ | ಗುಣವ ನುಡಿದೊಂದಾಗಿ ಕೆಳೆಗೊಂ ಡಣಕಿಸದೆ ಮೈಮರೆಸಿ ಮರೆಯಲಿ ಹಣಿದು ಬಿಡುವರು ಭೀಮನನು ದುರ್ಯೋಧನಾದಿಗಳು || (೪) ### [1.7.9](https://indike.org/pramana/in.lit.mahabharata.bhasa.kumaravyasa.1.7.9) ಹೇಳುವರು ಯಮಜಂಗೆ ನಿನ್ನವ ನೂಳಿಗವ ನಿಲಿಸೆಂದು ಪಾರ್ಥಗೆ ಹೇಳುವರು ಬಳಿಕವರು ಭೀಮನ ಕರೆದು ಗಾರುಡಿಸೆ || ಕೇಳುವನು ಹೈಯೆಂದು ತನ್ನಯ ಸೋಲದಲಿ ಮೈಯೊಡ್ಡುವನು ಮೇ ಲಾಳನೇರಿಸಿ ಹರಿದು ಸದೆವನು ಗುತ್ತಿನಲಿ ಕೆಡಹಿ || (೫) || ### [1.7.10](https://indike.org/pramana/in.lit.mahabharata.bhasa.kumaravyasa.1.7.10) ಅಳುತ ಧೃತರಾಷ್ಟ್ರಂಗೆ ಭೀಮನು ಕಳೆದ ಹಲುಗಳನೊಡೆದ ಮೊಳಕಾ ಲ್ಗಳನು ತೋರಿಸಿ ದೂರುವರು ದುರ್ಯೋಧನಾದಿಗಳು || ಮುಳು ಮೊನೆಗಳಲಿ ಗೀರಿ ನೆತ್ತರ ಗಳೆದು ಹುಡಿಯಲಿ ಹೊರಳಿ ತಾ ಬಂ ದುಳುತ ಧೃತರಾಷ್ಟ್ರಂಗೆ ಭೀಷ್ಮಗೆ ದೂರುವನು ಭೀಮ || (೬) || ### [1.7.11](https://indike.org/pramana/in.lit.mahabharata.bhasa.kumaravyasa.1.7.11) ಆಕೆವಾ(ಳು)ಳರು ಭೀಷ್ಮ ವಿದುರರು ಸಾಕು ನಿಮ್ಮೊಳು ನೂರು ನಾಲ್ವರು ಆ ಕುಮಾರರು ಬೇರೆ ನೀನಿಹುದೊಬ್ಬ ಬೇರೆಂದು | ನೂಕಿ ಸೂರುಳು ಮಾಡಿ ಬಿಟ್ಟರೆ ನಾಕು ಜಾವದೊಳಿಹರು ಮರುದಿನ ವಾ ಕುಮಾರರು ತಮ್ಮೊಳೊಂದಾಗಿಹರು ಗೆಳೆಯಾಗಿ || (೭) ### [1.7.12](https://indike.org/pramana/in.lit.mahabharata.bhasa.kumaravyasa.1.7.12) ಒಂದು ದಿನ ನೂರಾರು ಮಾನಿಸ ರೊಂದು ಗೆಳೆಯಲಿ ಪುರದ ಹೊರಗಿಹು ದೊಂದು ಠಾವು ಪ್ರಮಾಣ ವೃಕ್ಷವ ಕಂಡು ನಡೆತರಲು | ಬಂದು ನಿಂದರು ಕೋಲ ಬಿಸುಟೀ ವೃಂದ ಹತ್ತಿತ್ತು ಮರನನಿವನೈ ತಂದು ತಂದೆಡೆಯಾಡಿ ಬಳಲಿದು ನೋಡಿದನು ಭೀಮ || (೮) ### [1.7.13](https://indike.org/pramana/in.lit.mahabharata.bhasa.kumaravyasa.1.7.13) ಮರನ ಹಿಡಿದಲುಗಿದರೆ ಬಿದ್ದರು ಭರತಕುಲಪಾಲಕರು ನೂರೈ ವರು ಮಹಾವಾತದಲಿ ತರುಫಲನಿಕರ ಬೀಳ್ವಂತೆ || ಶಿರವೊಡೆದು ಬೆನ್ನೊಡೆದು ಮೊಳಕಾ ಲ್ಜರಿದು ಕೈಗಳು ಮುರಿದು ನೆತ್ತರು ಸುರಿದು ಧೃತರಾಷ್ಟ್ರಂಗೆ ದೂರಿದರನಿಬರೀ ಹದನ || (೯) || ### [1.7.14](https://indike.org/pramana/in.lit.mahabharata.bhasa.kumaravyasa.1.7.14) ದುರುಳನವನೊಡನಾಡ ಬೇಡೆಂ ದರಸನನಿಬರ ಸಂತವಿಟ್ಟನು ಹರಿದು ಹೆಚ್ಚಿತು ಭೀಮ ದುರ್ಯೋಧನರಿಗತಿ ವೈರ | ಮರಳಿ ತಾವೊಂದಾಗುತಾತನ ಕರಸಿ ವಿವಿಧ ಕ್ರೀಡೆಯಲಿ ಮೈ ಮರೆಸಿ ಭೀಮನ ಕಟ್ಟಿಹಾಯ್ಕಿದರೊಂದು ಮಡುವಿನಲಿ || (೧೦) ### [1.7.15](https://indike.org/pramana/in.lit.mahabharata.bhasa.kumaravyasa.1.7.15) ಪಾಶವನು ಹರಿದೆದ್ದು ಬಂದತಿ ರೋಷಿ ಸದೆದನು ಮತ್ತೆ ತಮ್ಮೊಳು ಭಾಷೆಗಳಲೊಂದಾಗಿ ಕೂಡಿದರೊಂದು ದಿವಸದಲಿ | ಆ ಸಿತಗ ಮೈಮರೆದ ಹೊತ್ತು ಮ ಹಾಸುರದ ಫಣಿಗಳಲಿ ಕಚ್ಚಿಸಿ ಘಾಸಿ ಮಾಡಲು ಬದುಕಿ ಬೇಸರನಡಿಗಡಿಗೆ ಭೀಮ || (೧೧) ### [1.7.16](https://indike.org/pramana/in.lit.mahabharata.bhasa.kumaravyasa.1.7.16) ಅರಸ ಕೇಳ್ ಆಯುಷ್ಯವುಳ್ಳರೆ ಹರಿಹರಬ್ರಹ್ಮಾದಿಗಳು ಸಂ ಹರಿಸಲರಿಯರು ಬರಿದೆ ದೈನ್ಯಂಬಡುವುದೀ ಲೋಕ | ಭರತ ವಂಶದ ಬಾಹಿರರು ನಿ ಮ್ಮರಸುಗಳು ಭೀಮಂಗೆ ಮಾಡಿದ ಹುರಿಯನಾ ಹುರಿ ಹರಿದ ಪರಿಯನು ಮತ್ತೆ ಕೇಳೆಂದ || (೧೨) ಕಾಳಿಕೂಟ ಹಾಲಹಲವ ಕಾ ರ್ಕೊಲ ದಾರದ ವತ್ಸನಾಭಿ ಕ ರಾಳ ಸೌರಾಷ್ಟ್ರಿಕಾವ ಶೌಕ್ಲಿಕ ಸುಪ್ರದೀಪಕವ || ಹೇಳಲರಿದೆನಿಪೆಂಟು ವಿಷವನು ಮೇಳವಿಸಿ ಬಳಿಕುಳಿದ ಮಧುರ ವಿ ಶಾಲವಸ್ತುಗಳಿಂದ ಕಜ್ಜಾಯಗಳ ಮಾಡಿಸಿದ || (೧೩) || ### [1.7.17](https://indike.org/pramana/in.lit.mahabharata.bhasa.kumaravyasa.1.7.17) ದಿಟ್ಟಿಸಿದರೆವೆ ಸೀವುದಂಗೈ ಮುಟ್ಟಿದರೆ ಹುಗುಳಹುದು ಬಳಿಕವ ನಟ್ಟ ಕೈಕರಣದ ಸುವಾರದ ವಿದ್ಯವೇನರಿದೊ | ಕೊಟ್ಟರೀತಂಗೆಲ್ಲವನು ಜಗ ಜಟ್ಟಿ ಹಾಯಿಕಿ ಕೊಂಡು ನುಣ್ಣನೆ ಚಿಟ್ಟು ಮುರಿಯಾಟದಲಿ ಸದೆದನು ಮತ್ತೆ ಕೌರವರ || (೧೪) ### [1.7.18](https://indike.org/pramana/in.lit.mahabharata.bhasa.kumaravyasa.1.7.18) ಮಡುವಿನಲಿ ಹಾಯ್ಕಿ ದಿರಿ ಹಾವಿನ ಹೆಡೆಯ ಕೊಂಡೂರಿದಿರಿ ಬಲು ವಿಷ ದಡಿಗೆಗಳ ಮೆಲಿಸಿದಿರಿ ಬಲ್ಲಂದದ ವಿಕಾರದಲಿ || ಕೆಡಹಲನು ಮಾಡಿದಿರಿ ನೂರ್ವರ ಕಡಿದು ಶಾಕಿನಿಯರಿಗೆ ರಕುತವ ಕುಡಿಸಿದಲ್ಲದೆ ಮುನ್ನ ಸಾವೆನೆ ಕೇಳಿ ನೀವೆಂದ || (೧೫) || ### [1.7.19](https://indike.org/pramana/in.lit.mahabharata.bhasa.kumaravyasa.1.7.19) ಒಳಗೆ ಬೆಳೆದುದು ವೈರಶಿಖಿ ಕಡೆ ಗಳಿಕೆ ಹಾಯ್ದುದು ಜನನಿ ಜನಕರ ಬಲು ನುಡಿಗಳಲಿ ನೂರ್ವರಿರ್ದರು ಶಕುನಿ ಮತವಿಡಿದು | ಬಲುಹುಗುಂದದೆ ಬೀಷ್ಮ ವಿದುರರ ಬಳಕೆಯಲಿತಾವಡಗಿ ಗುಣದಲಿ ಕೆಲನ ಮೆಚ್ಚಿಸಿ ನಡೆದರಿವರು ಯುಧಿಷ್ಠಿರಾದಿಗಳು || (೧೬) ### [1.7.20](https://indike.org/pramana/in.lit.mahabharata.bhasa.kumaravyasa.1.7.20) ಆಟದಲಿ ತೊಡಗಿದರು ಮೊದಲಲಿ ತೋಟಿಯನು ಸಾಕೀತಗಳ ಕಾ ಲಾಟವನು ನಿಲಿಸುವೆನು ಶಸ್ತ್ರಾಸ್ತ್ರ ಪ್ರಸಂಗದಲಿ || ಆಟವಿಕರಿವದಿರಲಿ ಬಲಿದೊಳ ತೋಟಿ ಬರಿದೇ ಬಿಡದು ಮೃತ್ಯುವಿ ನೂಟ ಮುಂದಿಹುದೆಂದು ಕರೆಕರೆಗುಂದಿದನು ಭೀಷ್ಮ || (೧೭) || ### [1.7.21](https://indike.org/pramana/in.lit.mahabharata.bhasa.kumaravyasa.1.7.21) ಕೃಪ ಕೃಪೆ ಮತ್ತು ದ್ರೋಣರ ಜನನ ### [1.7.22](https://indike.org/pramana/in.lit.mahabharata.bhasa.kumaravyasa.1.7.22) ಧರಣಿಪತಿ ಚಿತ್ತೈಸು ಗೌತಮ ವರಮುನಿಗೆ ಜನಿಸಿದ ಶರದ್ವನು ಪರಮಋಷಿಯಾತನು ತಪೋಯುತನಾಗಿ ಧನು ಸಹಿತ || ಇರುತ ಕಂಡನು ದೈವ ಗತಿಯಲಿ ಸುರವಧುವನಾ ಕ್ಷಣಕೆ ಕಾಮ ಜ್ವರಿತನಾದನು ಚಲಿಸಿತಾತನ ವೀರ್ಯವವನಿಯಲಿ || (೧೮) || ### [1.7.23](https://indike.org/pramana/in.lit.mahabharata.bhasa.kumaravyasa.1.7.23) ಅದು ಶರಸ್ತಂಭದಲಿ ನೆಲೆಯಾ ದುದು ಮುನಿಚ್ಯುತ ವೀರ್ಯ ಮುನಿಸುತ ರುದಿಸಿದರು ಶಂತನು ಮಹೀಪತಿ ಕಂಡು ಕೃಪೆಯಿಂದ || ಸದನದಲಿ ತನ್ಮಿಥುನವನು ಸಲ ಹಿದನು ಕೃಪ ಕೃಪೆಯೆಂಬ ಹೆಸರಾ ದುದು ಮಹಾ ಬಳನಾದನಾತನ ಕರೆಸಿದನು ಭೀಷ್ಮ || (೧೯) || ### [1.7.24](https://indike.org/pramana/in.lit.mahabharata.bhasa.kumaravyasa.1.7.24) ಆ ಕೃಪಾಚಾರಿಯನ ದೆಸೆಯಿಂ ದೀ ಕುಮಾರರು ನಿಖಿಳ ತರ್ಕ ವ್ಯಾಕರಣ ಮೊದಲೆನೆ ಚತುರ್ದಶ ವಿದ್ಯಗಳನರಿದು || ಲೋಕ ವೈದಿಕಮುಖ್ಯ ಸಕಲ ಕ ಲಾ ಕುಶಲರಾದರು ಧನುಃ ಪ್ರವಿ ವೇಕ ನಿಪುಣರನರಸುತಿದ್ದನು ಮತ್ತೆ ಗಾಂಗೇಯ || (೨೦)|| ### [1.7.25](https://indike.org/pramana/in.lit.mahabharata.bhasa.kumaravyasa.1.7.25) ಮುನಿ ಭರದ್ವಾಜಾಖ್ಯನಿರ್ದನು ಘನ ತಪೋನಿಷ್ಠೆಯಲಿ ದಿವಿಜಾಂ ಗನೆಯ ಕಂಡನು ಗಾಯವಡೆದನು ಮದನನೆಸುಗೆಯಲಿ || ತನು ಪರಿಚ್ಯುತ ವೀರ್ಯವನು ಸ ತ್ಕನಕ ಕಲಶದೊಳಿರಿಸಲಲ್ಲಿಯೆ ಜನಿಸಿದನು ದ್ರೋಣಾಬಿದಾನನು ಮುನಿಯ ದೆಸೆಯಿಂದ || (೨೧) || ### [1.7.26](https://indike.org/pramana/in.lit.mahabharata.bhasa.kumaravyasa.1.7.26) ದ್ರೋಣಕಲಶದೊಳಾದದೆಸೆಯಿಂ ದ್ರೋಣನಾದನು ಬಳಿಕ ಮುನಿಯಾ ದ್ರೋಣಗುಪನಯನಾದಿ ವಿಪ್ರಕ್ರಿಯೆಗಳನು ರಚಿಸಿ || ದ್ರೋಣನೊಡನೋದಿಸಿ ನೃಪಾಲ ಶ್ರೇಣಿಯನು ಶಾಸ್ತ್ರಾಸ್ತ್ರ ಕಳೆಯಲಿ ಜಾಣರನು ಮಾಡಿದನು ಭಾರದ್ವಾಜ ಮುನಿಯಂದು || (೨೨) || ### [1.7.27](https://indike.org/pramana/in.lit.mahabharata.bhasa.kumaravyasa.1.7.27) ಕೃಪನನುಜೆಯನು ತಂದು ದ್ರೋಣಂ ಗುಪಯಮವ ಮಾಡಿದನು ಹರ್ಷದಿ ದ್ರುಪದ ಬಂದೀ ದ್ರೋಣನೊಡನರಿದನು ಧನುಶ್ರುತಿಯ | ಕೃಪೆಯಲೀ ದ್ರೋಣಂಗೆ ಜನಿಸಿದ ನಪರ ಶಂಕರ ರೂಪನಾಹವ ನಿಪುಣನಶ್ವತ್ಥಾಮ ಭಾರದ್ವಾಜ ಗೋತ್ರದಲಿ || (೨೩) ### [1.7.28](https://indike.org/pramana/in.lit.mahabharata.bhasa.kumaravyasa.1.7.28) ತಂದೆಯೊಳ್ ಶ್ರಮ ಮಾಡಿದರು ನೃಪ ವೃಂದಸಹಿತೀ ದ್ರೋಣ ದ್ರುಪದರು ನಿಂದನಾ ದ್ರುಪದಾಖ್ಯನಯ್ಯನು ದಿವಿಜ ನಗರಿಯಲಿ || ಅಂದು ಸಖ್ಯಪ್ರೀತಿಯನು ಸಾ ನಂದದಲಿ ದ್ರೋಣಂಗೆ ವಿರಚಿಸಿ ಬಂದು ನಿಜ ರಾಜ್ಯಭಿಷೇಕವ ಧರಿಸಿದನು ದ್ರುಪದ || (೨೪) || ### [1.7.29](https://indike.org/pramana/in.lit.mahabharata.bhasa.kumaravyasa.1.7.29) ಇತ್ತಲೀ ದ್ರೋಣನ ಪಿತನು ಸುರ ರತ್ತ ಸರಿದನು ಕೆಲವು ದಿವಸಕೆ ತತ್ತಪೋವನದಲ್ಲಿ ವಿಪ್ರಕ್ರಿಯೆಗಳನು ಮಾಡಿ || ಹೊತ್ತ ದಾರಿದ್ರ್ಯದಲಿ ಮನಮರು ಗುತ್ತ ದೇಶಾಂತರದೊಳೆಗೆ ತೊಳ ಲುತ್ತ ಬಂದನು ತನ್ನ ಮಗ ಸಹಿತಡವಿಯಲಿ || (೨೫) || ### [1.7.30](https://indike.org/pramana/in.lit.mahabharata.bhasa.kumaravyasa.1.7.30) ಪರುಶುರಾಮಾಶ್ರಮಕೆ ಮುನಿಯೈ ತರಲು ಭಾರದ್ವಾಜನನು ಸ ತ್ಕರಿಸಿ ನುಡಿದನು ಜಾಮದಗ್ನ್ಯನು ಮಧುರ ವಚನದಲಿ || ಧರೆಯನಿತ್ತನು ದ್ವಿಜರಿ ಗೀಯವ ಸರದೊಳಾ ನಿರ್ಧನನು ನೀನೇ ಪರಮ ಋಷಿಯಾತಿಥ್ಯ ಪೂಜೆಗಭಾಗ್ಯ ನಾನೆಂದ || (೨೬) || ### [1.7.31](https://indike.org/pramana/in.lit.mahabharata.bhasa.kumaravyasa.1.7.31) ಧನರಹಿತ ನಾ ಹೊತ್ತ ಭಾರಿಯ ಧನುವಿದೊಂದಿದೆ ದಿವ್ಯ ಶರವಿದೆ ಮನಕೆ ಬಂದುದ ವರಿಸು ನೀನೆನೆ ದ್ರೋಣ ನಸುನಗುತ || ಎನಗೆ ನಿಮ್ಮಡಿಗಳ ಕೃಪಾಲೋ ಕನವಲೇ ಪರಿಯಾಪ್ತಿ ಲೋಕದ ಜನ ಮನೋರನ್ಜನವೇ ಬೇಹುದು ಶರವ ಕೊಡಿಯೆಂದ || (೨೭) || ### [1.7.32](https://indike.org/pramana/in.lit.mahabharata.bhasa.kumaravyasa.1.7.32) 'ವಾಮ ಪಾದದಿ ತಲೆಯನೊದೆವೆನು' ಎಂದು ದ್ರೋಣನ ಶಪಥ ### [1.7.33](https://indike.org/pramana/in.lit.mahabharata.bhasa.kumaravyasa.1.7.33) ಇವು ಮಹಾ ನಿಸ್ಸೀಮತರ ವೈ ಷ್ಣವವಲೇ ದಿವ್ಯಾಸ್ತ್ರ ನಿವಹವ ನವರು ಕೊಟ್ಟರು ಕೊಂಡನುಚಿತ ವಿಧಾನದಲಿ ದ್ರೋಣ | ಇವು ಮಹಾ ರಣರಂಗದಲಿ ಶಾ ತ್ರವ ನಿವಾರಣವೈಸಲೆಮ್ಮೀ ವ್ಯವಹೃತಿಗೆ ತಾನೇನುಪಾಯುವೆನುತ್ತ ಚಿಂತಿಸಿದ || (೨೮) ### [1.7.34](https://indike.org/pramana/in.lit.mahabharata.bhasa.kumaravyasa.1.7.34) ಮಗನೆ ಬಲ್ಲೈ ದ್ರುಪದ ಭೂಪತಿ ಮಗುವುತನದಿಂದೆಮ್ಮ ಸಖನೋ ಲಗಿಸುವೆವು ನಾವಲ್ಲಿ ಸಲಹನೆ ಮಿತ್ರ ಭಾವದಲಿ |\*\*\* ಹೋಗುವ ನಡೆ ಪಂಚಾಲರಾಯನ ನಗರಿಯನು ನಾವೆಂದು ಮುನಿ ಮೌ ಳಿಗಳ ಮಣಿಯನು ಬೀಳು ಕೊಂಡನು ರೇಣುಕಾ ಸುತನ || (೨೯) ### [1.7.35](https://indike.org/pramana/in.lit.mahabharata.bhasa.kumaravyasa.1.7.35) ಬಂದನೀತನು ದ್ರುಪದ ರಾಯನ ಮಂದಿರಕೆಯಾ ಬಾಗಿಲವನೊಡ ನೆಂದನೆಲವೋ ನಾವು ನಿಮ್ಮರಸಂಗೆ ಪೂರ್ವದಲಿ || ಸಂದ ಮಿತ್ರರು ದ್ರೋಣಮುನಿಪತಿ ಯೆಂದು ನಮ್ಮಭಿಧಾನ ನೀ ಹೇ ಳೆಂದು ಕಳುಹಲು ಬಂದು ಬಿನ್ನಹ ಮಾಡಿದನು ಹದನ || (೩೦) || ### [1.7.36](https://indike.org/pramana/in.lit.mahabharata.bhasa.kumaravyasa.1.7.36) ಸಿರಿಯ ಮದವಧಿಕ ಪ್ರತಾಪೋ ತ್ಕರದ ಮದ ಮೊದಲಾದ ಮದ ಸಂ ಚರಣ ರಜದಲಿ ಮಾಸಿತೀತನ ಮನದ ಮಡಿ ವರ್ಗ | ತಿರಿವ ಹಾರುವರೊಡನೆ ಭೂಮೀ ಶ್ವರರಿಗೆತ್ತಣ ಮೈತ್ರಿ ಹೋಗಲಿ ಕರೆಯ ಬೇಡನೆ ಬಂದು ಬಾಗಿಲಲವ ನಿವಾರಿಸಿದ || (೩೧) ### [1.7.37](https://indike.org/pramana/in.lit.mahabharata.bhasa.kumaravyasa.1.7.37) ಮರೆದನೇ ತಪ್ಪೇನು ನಾ ಕಂ ಡರುಹಿ ಮರಳುವೆವೈಸಲೇಯೆನು ತುರುಬಿದರೆ ತರುಬಿದರು ಕಂಬಿಯನಿಕ್ಕಿ ಬಾಗಿಲಲಿ | ಒರೆಯನುಗುಳಿಚಿ ಖಡ್ಗದಲಿ ಬಿಡ ದರಿದನಿಕ್ಕೆಲದವರನೋಲಗ ಕುರವಣಿಸಿದನು ಮುಂದೆ ನಿಂದನು ದ್ರುಪದ ಭೂಪತಿಯ || (೩೨) ### [1.7.38](https://indike.org/pramana/in.lit.mahabharata.bhasa.kumaravyasa.1.7.38) ಏನೆಲವೋ ಪಾಂಚಾಲ ಚಿಕ್ಕಂ ದಾನು ನೀನೊಂದಾಗಿ ತಂದೆಯೋ ಳೇನನರಿದೆವು ಮರೆದು ಕಳೆದಾ ಹಾ ಮಹಾದೇವ || ಏನು ಬಂದಿರಿಯೆಂಬ ಗುಣವಚ ನಾನುರಾಗವು ಸಾಲದೇ ಧನ ವೇನು ಫಲ ಕಕ್ಕುಲಿತೆಮಗಿಲ್ಲೆಂದನಾ ದ್ರೋಣ || (೩೩) || ### [1.7.39](https://indike.org/pramana/in.lit.mahabharata.bhasa.kumaravyasa.1.7.39) ಸೂರಿಗಳಿಗತಿ ಮೂರ್ಖರಿಗೆ ಗಂ ಭೀರರಿಗೆ ಭಂಡರಿಗೆ ವೇದಾ ಚಾರ ಸಂಯುಕ್ತರಿಗನಾಚಾರ ಪ್ರಸಕ್ತರಿಗೆ | ಧೀರರಿಗೆ ಹಂದೆಗಳಿಗೆತ್ತಣ ಸೇರುವೆಗಳೈ ಭೂಪರಿಗೆ ಬಡ ಹಾರುವರಿಗೆತ್ತಣದು ಸಖತನವೆಂದನಾ ದ್ರುಪದ || (೩೪) ### [1.7.40](https://indike.org/pramana/in.lit.mahabharata.bhasa.kumaravyasa.1.7.40) ಎಲವೋ ನಿನ್ನಾಸ್ಥಾನ ಸಹಿತೀ ಹೊಳಲ ಸುಡುವೆನು ನಿನ್ನ ಸೀಳಿದು ಬಲಿಯ ಕೊಡುವೆನು ಭೂತಗಣಕಿದಿರಲ್ಲ ನೀನೆನಗೆ | ಕಲಿತ ವಿದ್ಯದ ಕೋಲ ಮಕ್ಕಳ ಕಳುಹಿ ಕಟ್ಟಿಸಿ ವಾಮ ಪಾದದಿ ತಲೆಯನೊದೆವೆನು ಮರೆಯದಿರು ನೀನೆಂದನಾ ದ್ರೋಣ || (೩೫) ### [1.7.41](https://indike.org/pramana/in.lit.mahabharata.bhasa.kumaravyasa.1.7.41) ಹಸ್ತಿನಾವತಿಗೆ ಬಂದು ದ್ರೋಣ ಗುರುವಾದ ### [1.7.42](https://indike.org/pramana/in.lit.mahabharata.bhasa.kumaravyasa.1.7.42) ಎಂದು ಭಾಷೆಯ ಮಾಡಿ ತನ್ನಯ ನಂದನನೊಡಗೊಂಡು ಜನಪದ ವೃಂದ ಹಲವನು ಕಳೆದು ಬಂದನು ಹಸ್ತಿನಾಪುರಿಗೆ | ಅಂದು ಸಕಲ ಕುಮಾರಕರು ನಲ ವಿಂದ ನಗರಿಯ ಹೊರೆಗೆ ಗುರಿಗಳ ಮುಂದುವರಿದೆಸುತಿರಲು ಮುದದಲಿ ಕಂಡನಾ ದ್ರೋಣ || (೩೬) ### [1.7.43](https://indike.org/pramana/in.lit.mahabharata.bhasa.kumaravyasa.1.7.43) ಬೆರಸಿದನು ನೆರವಿಯನು ನೋಡು ತ್ತಿರೆ ಯುಧಿಷ್ಠಿರನೃಪನ ಹರಳುಂ ಗುರ ವಿಘಾತಿಯೊಳುಗಿದು ಬಿದ್ದುದಗಾಧ ಕೂಪದಲಿ || ನೆರೆದು ತಡಿಯಲಿ ನಿಂದು ನೂರರು ವರು ನಿರೀಕ್ಷಿಸಿ ಸಾಧ್ಯವಲ್ಲೆನು ತಿರೆ ಮಗಂಗೆ ಮುನೀಂದ್ರನೆಂದನು ಬೇಗ ತೆಗೆಯೆಂದು || (೩೭) || ### [1.7.44](https://indike.org/pramana/in.lit.mahabharata.bhasa.kumaravyasa.1.7.44) ಸರಳ ತೊಡಚಿ ತದೀಯ ಮಣಿ ಬಂ ಧುರದ ಮುದ್ರಿಕೆಗೆಚ್ಚು ಹಿಳುಕಿನ ಶಿರಕೆ ಶರವಾ ಹಿಳುಕಿನಲಿ ಕಣಿಯೆಚ್ಚು ಬಂಧದಲಿ || ಸರಳ ಸಂದರ್ಭದಲಿ ನಿಮಿಷಾಂ ತರಕೆ ಫಣಿಪನ ಹೆಡೆವಣಿಯನು ದ್ಧರಿಸುವಂತಿರೆ ತೆಗೆದು ಬಿಸುಟನು ರತುನ ಮುದ್ರಿಕೆಯ || (೩೮) || ### [1.7.45](https://indike.org/pramana/in.lit.mahabharata.bhasa.kumaravyasa.1.7.45) ಕಂಡು ಬೆರಗಾದುದು ಕುಮಾರರ ತಂಡ ತನತನಗೈದಿ ಭೀಷ್ಮನ ನಂಡಲೆದುದೀ ಮುನಿಯನೀಗಲೆ ಸಂತವಿಡಿಯೆಂದು || ಚಂಡ ಭುಜಬಲನವರ ಕಾಣಿಸಿ ಕೊಂಡು ಕೊಟ್ಟನು ಭೀಷ್ಮನವರಿಗೆ ಖಂಡ ವಿಭವವನತುಳ ಧನಪತಿಯಾದನಾ ದ್ರೋಣ || (೩೯) || ### [1.7.46](https://indike.org/pramana/in.lit.mahabharata.bhasa.kumaravyasa.1.7.46) ವರ ಮುಹೂರ್ತದೊಳವರ ನೂರರು ವರನು ಕೊಟ್ಟನು ಶಸ್ತ್ರವಿದ್ಯಾ ಪರಿಣತರ ಮಾಡೆಂದ ದ್ರೋಣನ ಕೈಯಲಾ ಭೀಷ್ಮ | ಗರುಡಿ ಕಟ್ಟಿತು ನೂರು ಯೋಜನ ವರೆಯ ವಿಸ್ತಾರದಲಿ ಸಾವಿರ ಕುರಿಯ ಹೊಯ್ದರು ಪೂಜಿಸಿದರಾ ಚದುರಚಂಡಿಕೆಯ || (೪೦) ### [1.7.47](https://indike.org/pramana/in.lit.mahabharata.bhasa.kumaravyasa.1.7.47) ಗರುಡಿ ಪೂಜಾ ವಿಭವ ಸಮನಂ ತರದಲನಿಬರು ಸಮವ ತೊಡಗಿದ ರರಸು ಮಕ್ಕಳು ಕೇಳಿದರು ನಾನಾ ದಿಗಂತದಲಿ | ಬರುತಲಿದ್ದರು ಕೊಡೆ ಹಸ್ತಿನ ಪುರಿಗೆ ವಿದ್ಯಾರ್ಥಿಗಳು ಪಾರ್ಥಿವ ವರ ಕುಮಾರರು ಬಂದು ಕಂಡರು ಶಸ್ತ್ರ ಪಂಡಿತನ || (೪೧) ### [1.7.48](https://indike.org/pramana/in.lit.mahabharata.bhasa.kumaravyasa.1.7.48) ರಾಯ ಬಲ್ಲೈ ಮುನ್ನ ಶಿಶುವನು ತಾಯಿ ಬಿಸುಟಳು ಗಂಗೆಯಲಿ ರಾ ಧೇಯನಾದನು ರಾಧೆಯೆಂಬವಳೊಲಿದು ಸಾಕಿದರೆ | ಅಯತಾಕ್ಷನು ಪರಶುರಾಮನೊ ಳಾಯುಧದ ಶ್ರಮಗಲಿತು ಬಳಿಕದು ವಾಯುವಾದೊಡೆ ಬಂದನಾ ಗಜಪುರಿಗೆ ಕಲಿಕರ್ಣ || (೪೨) || ### [1.7.49](https://indike.org/pramana/in.lit.mahabharata.bhasa.kumaravyasa.1.7.49) ಬಂದು ಹಸ್ತಿನಪುರಿಗೆ ರಾಧಾ ನಂದನನು ದುರ್ಯೋಧನನನೈ ತಂದು ಕಂಡನು ಕೌರವೇಶ್ವರನಿವರ ಕಾಣಿಸಿದ | ಅಂದು ಮೊದಲಾಗವರ ಸಖ್ಯಕೆ ಸಂದ ಕಾಣೆನು ಕರ್ಣ ಕುರುಪತಿ ಗೊಂದೆ ಜೀವನವೊಂದೆ ಮನ ಮತವೊಂದೆ ಕೇಳೆಂದ || (೪೩) || ### [1.7.50](https://indike.org/pramana/in.lit.mahabharata.bhasa.kumaravyasa.1.7.50) ಬೇಟೆ ಕರ್ಣನ ಕೂಡೆ ಹಗಲಿರು ಳಾಟ ಕರ್ಣನ ಕೂಡೆ ಷಡು ರಸ ದೂಟ ಕರ್ಣನ ಕೂಡೆ ಶಾಸ್ತ್ರಾಭ್ಯಾಸವವ ಕೂಡೆ| ತೋಟಿ ಮನದಲಿ ನಗೆಯ ಮಧುರದ ನೋಟ ಕಣ್ಣಿನೊಳುಳಿದವರ ಕೂ ಡಾಟಗಳು ತಾವಿಬ್ಬರೊಂದೆನಿಸಿದರು ಜಗವರಿಯೆ || (೪೪) ### [1.7.51](https://indike.org/pramana/in.lit.mahabharata.bhasa.kumaravyasa.1.7.51) ಸುರಗಿ ಸಬಳ ಕಠಾರಿಯುಬ್ಬಣ ಹರಿಗೆ ಹಿರಿಯುಬ್ಬಣವಡಾಯುಧ ಪರಿಘ ಚಕ್ರ ಮುಸುಂಡಿ ತೋಮರ ಭಿಂಡಿವಾಳ ಚಯ || ಪರಶು ಕಕ್ಕಡೆ ಮುಸಲ ಹಲ ಮು ದ್ಗರ ಧನುರ್ದಂಡಾದಿ ಶಾಸ್ತ್ರೋ ತ್ಕರದಲನಿಬರು ಕುಶಲರಾದರು ಮುನಿಯ ಗರುಡಿಯಲಿ || (೪೫) || ### [1.7.52](https://indike.org/pramana/in.lit.mahabharata.bhasa.kumaravyasa.1.7.52) ಜನಪ ಕೇಳೈ ಭೀಮ ದುರ್ಯೋ ಧನರು ಗದೆಯಲಿ ಮಿಗಿಲು ಕರ್ಣಾ ರ್ಜುನರು ಧನುವಿನಲಧಿಕರಾದರು ನೃಪ ಕುಮಾರರಲಿ | ತನತನಗೆ ಸರ್ವಾಯುಧಂಗಳ ಲನಿಬರರಿದರು ಕೊಡೆ ಗುರುವಿನ ಮನಕೆ ಹತ್ತೆಯವಾದನರ್ಜುನನಸ್ತ್ರ ಶಿಕ್ಷೆಯಲಿ || (೪೬) ### [1.7.53](https://indike.org/pramana/in.lit.mahabharata.bhasa.kumaravyasa.1.7.53) ♦ ♦♣♣♣♣♣♣♣♣♣♣♣♣♣♣♣♣♣♣♣♦ ॐ ### [1.7.54](https://indike.org/pramana/in.lit.mahabharata.bhasa.kumaravyasa.1.7.54) ನೋಡಿ ### [1.7.55](https://indike.org/pramana/in.lit.mahabharata.bhasa.kumaravyasa.1.7.55) \*ಕುಮಾರವ್ಯಾಸ ಭಾರತ \* ಕುಮಾರವ್ಯಾಸಭಾರತ-ಸಟೀಕಾ \* ಕುಮಾರವ್ಯಾಸ ಭಾರತ/ಸಟೀಕಾ (ಪರ್ವ-೧::ಸಂಧಿ-೧) \* ಕುಮಾರವ್ಯಾಸ ಭಾರತ/ಸಟೀಕಾ (ಪರ್ವ-೧::ಸಂಧಿ-೨) \* ಕುಮಾರವ್ಯಾಸ ಭಾರತ/ಸಟೀಕಾ (ಪರ್ವ-೧::ಸಂಧಿ-೩) \*ಕುಮಾರವ್ಯಾಸ ಭಾರತ/ಸಟೀಕಾ (ಪರ್ವ-೧::ಸಂಧಿ-೪) \*ಕುಮಾರವ್ಯಾಸ ಭಾರತ/ಸಟೀಕಾ (ಪರ್ವ-೧::ಸಂಧಿ-೫) \*ಕುಮಾರವ್ಯಾಸ ಭಾರತ/ಸಟೀಕಾ (ಪರ್ವ-೧::ಸಂಧಿ-೬) \*ಕುಮಾರವ್ಯಾಸ ಭಾರತ/ಸಟೀಕಾ (ಪರ್ವ-೧::ಸಂಧಿ-೭) \*ಕುಮಾರವ್ಯಾಸ ಭಾರತ/ಸಟೀಕಾ (ಪರ್ವ-೧::ಸಂಧಿ-೮) \*ಕುಮಾರವ್ಯಾಸ ಭಾರತ/ಸಟೀಕಾ (೪-ವಿರಾಟಪರ್ವ::ಸಂಧಿ-೯) \*ಕುಮಾರವ್ಯಾಸ ಭಾರತ/ಸಟೀಕಾ (೪-ವಿರಾಟಪರ್ವ::ಸಂಧಿ-೧೦) ### [1.7.56](https://indike.org/pramana/in.lit.mahabharata.bhasa.kumaravyasa.1.7.56) ಪರಿವಿಡಿ ### [1.7.57](https://indike.org/pramana/in.lit.mahabharata.bhasa.kumaravyasa.1.7.57) ಉಲ್ಲೇಖ --- Source: [https://indike.org/pramana/in.lit.mahabharata.bhasa.kumaravyasa.1.7](https://indike.org/pramana/in.lit.mahabharata.bhasa.kumaravyasa.1.7) · Pramāṇa