[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [The Mahābhārata and its versions](https://indike.org/pramana/in.lit.mahabharata) › [Mahābhāratas in Indian regional languages](https://indike.org/pramana/in.lit.mahabharata.bhasa) › [Karnata Bharata Kathamanjari](https://indike.org/pramana/in.lit.mahabharata.bhasa.kumaravyasa) › 2 # Karnata Bharata Kathamanjari 2: ಕುಮಾರವ್ಯಾಸ ಭಾರತ (ಕವನ) Karṇāṭa Bhārata Kathāmañjarī 2 - **Language:** Kannada ### ಕುಮಾರವ್ಯಾಸ ಭಾರತ (ಕವನ) ### [2.1](https://indike.org/pramana/in.lit.mahabharata.bhasa.kumaravyasa.2.1) ಕುಮಾರವ್ಯಾಸ (ಕವನ) ### [2.2](https://indike.org/pramana/in.lit.mahabharata.bhasa.kumaravyasa.2.2) ಕುಮಾರವ್ಯಾಸನು ಹಾಡಿದನೆಂದರೆ, ಕಲಿಯುಗ ದ್ವಾಪರವಾಗುವುದು ! ಭಾರತ ಕಣ್ಣಲಿ ಕುಣಿವುದು ; ಮೆಯ್ಯಲಿ ಮಿಂಚಿನ ಹೊಳೆ ತುಳುಕಾಡುವುದು ! ಆ ಕುರುಭೂಮಿಯು ತೋರುವುದು ; ಆ ರಣರಂಗದಲಿ, ಆ ಸಂಗ್ರಾಮದಲಿ, ಪಟುಭಟರಾರ್ಭಟ ಕೇಳುವುದು ! ಮೈ ನವಿರೇಳುವುದು ! ೧ ### [2.3](https://indike.org/pramana/in.lit.mahabharata.bhasa.kumaravyasa.2.3) ಹೊಳೆಯುವ ಕೈದುಗಳಾಟದಲಿ, ಕಲಿಗಳ ಕದನದ ಕೂಟದಲಿ, ತಾಗುವ ಗದೆಗಳ ಸಂಘಟ್ಟಣೆಯಲಿ, ರಥಚಕ್ರಧ್ವನಿ ಚೀತ್ಕಾರದಲಿ, ಸಾಯ್ಯರ ಶಾಪದಲಿ, ಬೀಳ್ವರ ತಾಪದಲಿ ನಸುಸೋತಿರುವರ ಕೋಪದಲಿ, ನೆರೆ ಗೆದ್ದಿಹರಾಟೋಪದಲಿ, ಕೆನೆಯುವ ಹಯಗಳ ಹೇಷಾರವದಲಿ, ಕಿವಿ ಬಿರಿಯುವುದು ! ಎದೆ ಮುರಿಯುವುದು ! ಬಸಿಯುವ ಮಜ್ಜೆಯ ಪಂಕದೊಳೂಡಿ ಚಿಮ್ಮುವ ರಕ್ತನ ಬುಗ್ಗೆ ಯ ನೋಡಿ ಕಣ್ಣೊಡೆಯುವುದು ! ಮೈ ನಡುಗುವುದು ! ೨ ### [2.4](https://indike.org/pramana/in.lit.mahabharata.bhasa.kumaravyasa.2.4) ಕೇಳಿರಿ ! ಪಾರ್ಥನ ಸಾರಥಿಯು ರಣ ಗೀತೆಯನು, ರಣ ನೀತಿಯನು, ಬೋಧಿಸುವನು ನಿರ್ಭೀತಿಯನು ! ಕುರುರಂಗದ ಶರಶಯ್ಯೆಯಲಿ | ಭೀಷ್ಮನು ಮಲಗಿಹನು ! ಹೆಣಗಳ ಬಣಬೆಯ ಮಂಚದಲಿ ದ್ರೋಣನು ಬಿದ್ದಿಹನು ! ನೆತ್ತರವೀ೦ಟುತಲಿರುವನು ಭೀಮನು ಅಯ್ಯೋ, ನೋಡಲ್ಲಿ ! ರಥದಿಂದುರುಳುತಲಿರುವನು ಕರ್ಣನು, ಹಾ! ಹಾ! ನೋಡಿಲ್ಲಿ ! ರಣಚಂಡಿಯು ಆ ಬೆಂಕಿಯ ಮಗಳು ಹೆಣ್ಣಿನ ರೂಪದ ಬರಸಿಡಿಲವಳು ! ಮುಗುಳ್ಳಗೆ ಬೀರುತ ನೋಡಲ್ಲಿ ನಿಂತಿರುವಳು ರಣರಂಗದಲಿ ದ್ರೌಪದಿ ಮುಡಿಗೆದರಿ ! ೩ ### [2.5](https://indike.org/pramana/in.lit.mahabharata.bhasa.kumaravyasa.2.5) ವೈಶಂಪಾಯನ ಸರಸಿಯ ತೀರದಿ ತೋರುವರಾರಲ್ಲಿ ! ಕೌರವದೇವನು ಸಿಡಿಲಾಗಿರುವನು ಭೀಮನ ಸರಿಸದಲಿ ! ವೈರಿಯ ಎದೆಯನು ಒಡೆಯುವ ಗದೆಯನು ಮೇಲೆತ್ತಿರುವನು ನೋಡಲ್ಲಿ ! ಭೀಮನು ಬಿದ್ದನೆ! ಕೌರವ ಗೆದ್ದನೆ! ಮುಂದಾಗುವುದನು ಕಾಣಲ್ಲಿ ! ಇದಾವ ನ್ಯಾಯ ! ಏನನ್ಯಾಯ ! ೪ ### [2.6](https://indike.org/pramana/in.lit.mahabharata.bhasa.kumaravyasa.2.6) ಕೃಷ್ಣನ ಕುಹಕವ ನೋಡಲ್ಲಿ ! ಏನನು ನೋಡುವೆ ? ತಡೆಯುವೆ ಏಕೆ ? ಕೌರವರಾಯನು ಮಡಿಯಲೆ ಬೇಕೆ ? ಯುವಕನೆ ತುಡುಕು ಕಠಾರಿಯನು ! ಹೊಡೆ ರಣಭೇರಿಯನು ! ನಡೆ, ನಡೆ, ಊದು ತುತ್ತೂರಿಯನು ! ಕರೆ, ರಣಮಾರಿಯನು ! ೫ ### [2.7](https://indike.org/pramana/in.lit.mahabharata.bhasa.kumaravyasa.2.7) ಕುಮಾರವ್ಯಾಸನು ಹಾಡಿದನೆಂದರೆ, ಕಲಿಯುಗ ದ್ವಾಪರವಾಗುವುದು ! ಭಾರತ ಕಣ್ಣಲಿ ಕುಣಿವುದು ; ಮೆಯ್ಯಲಿ ಮಿಂಚಿನ ಹೊಳೆ ತುಳುಕಾಡುವುದು ! ಕಲಿ ಕೆಚ್ಚಾಗುವನು ! ಕವಿ ಹುಚ್ಚಾಗುವನು ! ೬ ಕವಿ:ಕುವೆಂಪು ### [2.8](https://indike.org/pramana/in.lit.mahabharata.bhasa.kumaravyasa.2.8) ನೋಡಿ ### [2.9](https://indike.org/pramana/in.lit.mahabharata.bhasa.kumaravyasa.2.9) ಕುಮಾರವ್ಯಾಸ ಭಾರತ ಭಾವಗೀತೆಗಳು ### [2.10](https://indike.org/pramana/in.lit.mahabharata.bhasa.kumaravyasa.2.10) ಪರಿವಿಡಿ ### [2.11](https://indike.org/pramana/in.lit.mahabharata.bhasa.kumaravyasa.2.11) ಉಲ್ಲೇಖ --- Source: [https://indike.org/pramana/in.lit.mahabharata.bhasa.kumaravyasa.2](https://indike.org/pramana/in.lit.mahabharata.bhasa.kumaravyasa.2) · Pramāṇa