[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [The Mahābhārata and its versions](https://indike.org/pramana/in.lit.mahabharata) › [Harivaṃśa](https://indike.org/pramana/in.lit.mahabharata.harivamsa) › [Vulgate](https://indike.org/pramana/in.lit.mahabharata.harivamsa*vulgate) › 2.112 # Harivamsha 2.112: dvādaśādhikaśatatamo'dhyāyaḥ Vulgate 2.112 - **Language:** Sanskrit ## Contents - [2.112.2](https://indike.org/pramana/in.lit.mahabharata.harivamsa*vulgate.2.112.2) — 1 part ### dvādaśādhikaśatatamo'dhyāyaḥ ### [2.112.p1](https://indike.org/pramana/in.lit.mahabharata.harivamsa*vulgate.2.112.p1) kṛṣṇasyodicīgamanaḥ ### [2.112.1](https://indike.org/pramana/in.lit.mahabharata.harivamsa*vulgate.2.112.1) brāhmaṇabālakasya rakṣaṇe arjunasya viphalatā, brāhmaṇena arjunasya tiraskāraṃ, teṣāṃ śrīkṛṣṇena saha uttarāṃ diśāyāṃ gamanaṃ arjuna uvāca | muhūrtena vayaṃ grāmaṃ taṃ prāpya bharatarṣabha | viśrāntavāhanāḥ sarve nivāsāyopasaṃsthitāḥ || ### [2.112.2](https://indike.org/pramana/in.lit.mahabharata.harivamsa*vulgate.2.112.2) tato grāmasya madhye'haṃ niviṣṭaḥ kurunandana | samantād vṛṣṇisainyena mahatā parivāritaḥ || ### [2.112.3](https://indike.org/pramana/in.lit.mahabharata.harivamsa*vulgate.2.112.3) tataḥ śakunayo dīptā mṛgāśca krūrabhāṣiṇaḥ | dīptāyāṃ diśi vāśanto bhayamāvedayanti me || ### [2.112.4](https://indike.org/pramana/in.lit.mahabharata.harivamsa*vulgate.2.112.4) sandhyārāgo japāvarṇo bhānumāṃścaiva niṣprabhaḥ | papāta mahatī colkā pṛthivī cāpyakampata || ### [2.112.5](https://indike.org/pramana/in.lit.mahabharata.harivamsa*vulgate.2.112.5) tānsamīkṣya mahotpātān dāruṇām̐llomaharṣaṇān | yogamājñāpayaṃstatra janasyotsukacetasaḥ || ### [2.112.6](https://indike.org/pramana/in.lit.mahabharata.harivamsa*vulgate.2.112.6) yuyudhānapurogāśca vṛṣṇyandhakamahārathāḥ | sarve yuktarathāḥ sajjāḥ svayaṃ cāhaṃ tathābhavam || ### [2.112.7](https://indike.org/pramana/in.lit.mahabharata.harivamsa*vulgate.2.112.7) gate'rdharātrasamaye brāhmaṇo bhayaviklavaḥ | upāgamya bhayādasmānidaṃ vacanamabravīt || ### [2.112.8](https://indike.org/pramana/in.lit.mahabharata.harivamsa*vulgate.2.112.8) kālo'yaṃ samanuprāpto brāhmaṇyāḥ prasavasya me | tathā bhavantastiṣṭhantu na bhaved vañcanaṃ yathā || ### [2.112.9](https://indike.org/pramana/in.lit.mahabharata.harivamsa*vulgate.2.112.9) muhūrtādeva cāśrauṣaṃ kṛpaṇaṃ ruditasvanam | tasya viprasya bhavane hriyate'hriyateti ca || ### [2.112.2.112.10](https://indike.org/pramana/in.lit.mahabharata.harivamsa*vulgate.2.112.2.112.10) athākāśe punarvācamaśrauṣaṃ bālakasya vai | ūm̐heti hriyamāṇasya na ca paśyāmi rākṣasam || ### [2.112.11](https://indike.org/pramana/in.lit.mahabharata.harivamsa*vulgate.2.112.11) tato'smābhistadā tāta śaravarṣaiḥ samantataḥ | viṣṭambhitā diśaḥ sarvā hṛta eva sa bālakaḥ || ### [2.112.12](https://indike.org/pramana/in.lit.mahabharata.harivamsa*vulgate.2.112.12) brāhmaṇo''rtasvaraṃ kṛtvā hṛte tasmin kumārake | vācaḥ sa paruṣāstīvrāḥ śrāvayāmāsa māṃ tadā || ### [2.112.13](https://indike.org/pramana/in.lit.mahabharata.harivamsa*vulgate.2.112.13) vṛṣṇayo hatasaṅkalpāstathāhaṃ naṣṭacetanaḥ | māmevaṃ hi viśeṣeṇa brāhmaṇaḥ pratyabhāṣata || ### [2.112.14](https://indike.org/pramana/in.lit.mahabharata.harivamsa*vulgate.2.112.14) rakṣiṣyāmīti coktaṃ te na ca rakṣitavānasi | śṛṇu vākyamidaṃ śeṣaṃ yat tvamarhasi durmate || ### [2.112.15](https://indike.org/pramana/in.lit.mahabharata.harivamsa*vulgate.2.112.15) vṛthā tvaṃ spardhase nityaṃ kṛṣṇenāmitabuddhinā | yadi syādiha govindo naitadatyāhitaṃ bhavet || ### [2.112.16](https://indike.org/pramana/in.lit.mahabharata.harivamsa*vulgate.2.112.16) yathā caturthaṃ dharmasya rakṣitā labhate phalam | pāpasyāpi tathā mūḍha bhāgaṃ prāpnotyarakṣitā || ### [2.112.17](https://indike.org/pramana/in.lit.mahabharata.harivamsa*vulgate.2.112.17) rakṣiṣyāmīti coktaṃ te na ca śakto'si rakṣitum | moghaṃ gāṇḍīvametatte moghaṃ vīryaṃ yaśaśca te || ### [2.112.18](https://indike.org/pramana/in.lit.mahabharata.harivamsa*vulgate.2.112.18) akiñciduktvā taṃ vipraṃ tato'haṃ prasthitastathā | saha vṛṣṇyandhakasutairyatra kṛṣṇo mahādyutiḥ || ### [2.112.19](https://indike.org/pramana/in.lit.mahabharata.harivamsa*vulgate.2.112.19) tato dvāravatīṃ gatvā dṛṣṭvā madhunighātinam | vrīḍitaḥ śokasantapto govindenopalakṣitaḥ || ### [2.112.2.112.20](https://indike.org/pramana/in.lit.mahabharata.harivamsa*vulgate.2.112.2.112.20) sa tu māṃ vrīḍitaṃ dṛṣṭvā vinindan kṛṣṇasannidhau | mauḍhyaṃ paśyata me yo'haṃ śraddadhe klībakatthanam || ### [2.112.21](https://indike.org/pramana/in.lit.mahabharata.harivamsa*vulgate.2.112.21) taṃ pradyumno nāniruddho na rāmo na ca keśavaḥ | yatra śaktāḥ paritrātuṃ ko'nyastadavaneśvaraḥ || ### [2.112.22](https://indike.org/pramana/in.lit.mahabharata.harivamsa*vulgate.2.112.22) dhigarjunaṃ vṛthāvādaṃ dhigātmaślāghino dhanuḥ | daivopasṛṣṭo yo maurkhyādāgacchati ca durmatiḥ || ### [2.112.23](https://indike.org/pramana/in.lit.mahabharata.harivamsa*vulgate.2.112.23) evaṃ śapati viprarṣau vidyāmāsthāya vaiṣṇavīm | yayau saṃyaminīṃ vīro yatrāste bhagavān yamaḥ || ### [2.112.24](https://indike.org/pramana/in.lit.mahabharata.harivamsa*vulgate.2.112.24) viprāpatyamacakṣāṇastata aindrīmagāt purīm | āgneyīṃ nairṛtīṃ saumyāmudīcīṃ vāruṇīṃ tathā || ### [2.112.25](https://indike.org/pramana/in.lit.mahabharata.harivamsa*vulgate.2.112.25) rasātalaṃ nākapṛṣṭhaṃ dhiṣṇyānyanyānyudāyudhaḥ | tato'labdhvā dvijasutamanistīrṇapratiśravaḥ || ### [2.112.26](https://indike.org/pramana/in.lit.mahabharata.harivamsa*vulgate.2.112.26) agniṃ vivikṣuḥ kṛṣṇena pradyumnena niṣedhitaḥ | darśaye dvijasūnuṃ te māvajñātmānamātmanā || ### [2.112.27](https://indike.org/pramana/in.lit.mahabharata.harivamsa*vulgate.2.112.27) kīrtiṃ ta ete vipulāṃ sthāpayiṣyanti mānavāḥ | iti sambhāṣya māṃ snehāt samāśvāsya ca mādhavaḥ || ### [2.112.28](https://indike.org/pramana/in.lit.mahabharata.harivamsa*vulgate.2.112.28) sāntyayitvā tu taṃ vipramidaṃ vacanamabravīt | sugrīvaṃ caiva śaibyaṃ ca meghapuṣpabalāhakau || ### [2.112.29](https://indike.org/pramana/in.lit.mahabharata.harivamsa*vulgate.2.112.29) yojayāśvāniti tadā dārukaṃ pratyabhāṣata | āropya brāhmaṇaṃ kṛṣṇo hyavaropya ca dārukam || ### [2.112.2.112.30](https://indike.org/pramana/in.lit.mahabharata.harivamsa*vulgate.2.112.2.112.30) māmuvāca tataḥ śauriḥ sārathyaṃ kriyatāmiti | tataḥ samāsthāya rathaṃ kṛṣṇo'haṃ brāhmaṇaḥ sa ca | prayātāḥ sma diśaṃ saumyāmudīcīṃ kauravarṣabha || ### [2.112.2.112.30.c1](https://indike.org/pramana/in.lit.mahabharata.harivamsa*vulgate.2.112.2.112.30.c1) iti śrīmahābhārate khilabhāge harivaṃśe viṣṇuparvaṇi vāsudevamāhātmye śrīkṛṣṇasyodīcīgamane dvādaśādhikaśatatamo'dhyāyaḥ || ## Linked texts (1) - [Bhāgavatapurāṇa](https://indike.org/pramana/in.purana.bhagavata.10.89.41) — Vyāsa, Sanskrit --- Source: [https://indike.org/pramana/in.lit.mahabharata.harivamsa*vulgate.2.112](https://indike.org/pramana/in.lit.mahabharata.harivamsa*vulgate.2.112) · Pramāṇa