Harivamsha 3.1: prathamo'dhyāyaḥ

3.1.p1

pāṇḍavavaṃśapratiṣṭhākīrtanam

3.1.p2

janamejayasya santatiḥ, pauravasya pāṇḍavavaṃśasya ca pratiṣṭhāyāḥ varṇanaṃ nārāyaṇaṃ namaskṛtya naraṃ caiva narottamam |
devīṃ sarasvatīṃ caiva tato jayamudīrayet ||

3.1.1

śaunaka uvāca |
janamejayasya ke putrāḥ paṭhyante laumaharṣaṇe |
kasmin pratiṣṭhito vaṃśaḥ pāṇḍavānāṃ mahātmanām ||

Janamejaya said:
Recount in full detail, O Vaiśaṃpāyana,
the origin of the gods, Dānavas, gandharvas, serpents, and rākṣasas.

3.1.2

etadicchāmyahaṃ śrotuṃ paraṃ kautūhalaṃ hi me |
tvattaḥ kathayataḥ sarvaṃ vedmyahaṃ tat parisphuṭam ||

3.1.3

sautiruvāca |
pārīkṣitasya kāśyāyāṃ dvau putrau sambabhūvatuḥ |
candrāpīḍaśca nṛpatiḥ sūryāpīḍaśca mokṣavat ||

3.1.4

candrāpīḍasya putrāṇāṃ śatamuttamadhanvinām |
janamejaya ityevaṃ kṣātraṃ bhuvi pariśrutam ||

3.1.5

teṣāṃ śreṣṭhastu rājāsīt pure vāraṇasāhvaye |
satyakarṇo mahābāhuryajvā vipuladakṣiṇaḥ ||

3.1.6

satyakarṇasya dāyādaḥ śvetakarṇaḥ pratāpavān |
aputraḥ sa tu dharmātmā praviveśa tapovanam ||

3.1.6.p1

tasmād vanagatād garbhaṃ yādavī pratyapadyata |
sucārorduhitā subhrūrmāninī bhrātṛmālinī 7 ||

3.1.8

sa tu janmani garbhasya śvetakarṇaḥ prajeśvaraḥ |
anvagacchad gataṃ pūrvairmahāprasthānamacyutam ||

3.1.9

sā dṛṣṭvā samprayātaṃ taṃ māninī pṛṣṭhato'nvayāt |
pathi sā suṣuve subhrūrvane rājīvalocanam ||

3.1.3.1.10

kumāraṃ taṃ parityajya bhartāraṃ cānvagacchata |
pativratā mahābhāgā draupadīva purā patīn ||

3.1.11

sa tu rājakumāro'sau girikuñje ruroda ha |
chāyārthe tasya meghāstu prādurāsan samantataḥ ||

3.1.12

śraviṣṭhāyāśca putrau dvau pippalādaśca kauśikaḥ |
dṛṣṭvā kṛpānvitau gṛhya taṃ prākṣālayatāṃ jalaiḥ |
nighṛṣṭau tasya tau pārśvau śilāyāṃ rudhiraplutau ||

3.1.13

ajaśyāmau tu pārśvau tāvubhāvapi samāhitau |
tathaiva tu samārūḍhau ajapārśvastato'bhavat ||

3.1.14

tato'japārśva iti tau cakrāte tasya nāma ha |
sa tu vemakaśālāyāṃ dvijābhyāmabhivardhitaḥ ||

3.1.15

vemakasya tu bhāryā tamudvahat putrakāraṇāt |
vemakyāḥ sa tu putro'bhūd brāhmaṇau sacivau ca tau ||

3.1.16

teṣāṃ putrāśca pautrāśca yugapattulyajīvinaḥ |
sa eṣa pauravo vaṃśaḥ pāṇḍavānāṃ pratiṣṭhitaḥ ||

3.1.17

śloko'pi cātra gīto'yaṃ nāhuṣeṇa yayātinā |
jarāsaṅkramaṇe pūrvaṃ bhṛśaṃ prītena dhīmatā ||

3.1.18

acandrārkagrahā bhūmirbhavedapi na saṃśayaḥ |
apauravā na tu mahī bhaviṣyati kadācana ||

3.1.18.c1

iti śrīmahābhārate khilabhāge harivaṃśe bhaviṣyaparvaṇi pāṇḍavavaṃśapratiṣṭhākīrtane prathamo'dhyāyaḥ ||