Harivamsha 3.103: tryadhikaśatatamo'dhyāyaḥ

3.103.p1

vaiśampāyanaṃ prati janamejayapraśnaḥ

3.103.1

haṃsaḍimbhakābhyāṃ viṣaye janamejayasya praśnaṃ janamejaya uvāca |
bhūya eva dvijaśreṣṭha śaṅkhacakragadābhṛtaḥ |
caritaṃ śrotumicchāmi vistareṇa tapodhana ||

Then, having deposited the embryo in Diti according to the agreement,
Kaśyapa, wishing for a supreme host of gods of boundless vigor,

3.103.2

na hi me tṛptirastīha śṛṇvataḥ kaiśavīṃ kathām |
ko nu nāma harerviṣṇordevadevasya cakriṇaḥ ||

3.103.3

śṛṇvaṃstathā raman vāpi tṛptiṃ yāti divāniśam |
puruṣārtho'yamevaiko yatkathāśravaṇaṃ hareḥ ||

3.103.4

kathamāsījjagaddhetorhaṃsasya ḍimbhakasya ca |
samitiḥ sarvabhūtānāṃ sadā vismayadāyinī ||

3.103.5

vicakrasya kathaṃ yuddhaṃ dānavasya mahātmanaḥ |
sa tayormitratāṃ yāta ityevamanuśuśruma ||

3.103.6

tau sutau vīryasampannau śiṣyau bhṛgusutasya ha |
sarvāstrakuśalau vīrau harāllabdhavarau kila ||

3.103.7

saṅgrāmaḥ sumahānāsīdityuktaṃ bhavatā purā |
tayośca nṛpayorvipra keśavasya jagatpateḥ ||

3.103.8

kasya putrau samutpannau yathābhūd vigraho mahān |
aṣṭāśītisahasrāṇi dānavānāṃ tarasvinām ||

3.103.9

balānyatha vicakrasya śitaśūladharāṇi ca |
āsan yuddhe mahārāja dānavasya jayaiṣiṇaḥ ||

3.103.3.103.10

yadūnāmantaraṃ prepsuryadūnāṃ yuddhakāṅkṣayā |
devāsure mahāyuddhe devāñjayati durdharaḥ |
tadvadhārthaṃ sadā yatnamakaroccaiva keśavaḥ ||

3.103.3.103.10.c1

iti śrīmahābhārate khilabhāge harivaṃśe bhaviṣyaparvaṇi haṃsaḍimbhakopākhyāne janamejayavākye tryadhikaśatatamo'dhyāyaḥ ||