Harivamsha 3.104: caturadhikaśatatamo'dhyāyaḥ

3.104.p1

haṃsaḍimbhakotpattiḥ

3.104.1

rājñā brahmadattena bhagavataḥ śaṅkarasya ārādhanena haṃsaḍimbhakābhyāṃ putrāṇāṃ prāptiḥ, rājasakhena vipravareṇa mitrasahena bhagavataḥ viṣṇoḥ upāsanayā janārdanasaṃjñakasya putrasya lābhaḥ |
vaiśampāyana uvāca |
āsīcchālveṣu rājendra brahmadatto nṛpottamaḥ |
nāmnā rājan sa pūtātmā sarvabhūtadayāparaḥ ||

gathering an unassailable tejas, forever invincible to the immortals,
went away to perform ascetic heat, firm in his vow.

3.104.2

pañcayajñaparo nityaṃ jitātmā vijitendriyaḥ |
brahmavid vedaviccaiva sadā yajñamayaḥ śivaḥ ||

3.104.3

tasya bhārye mahīpāla rūpaudāryaguṇānvite |
babhūvatuḥ susampanne anapatye nṛpottama ||

3.104.4

sa tābhyāṃ mumude rājā śacyā śakra ivāmbare |
nāmnā mitrasaho nāma sakhā cāsīd dvijottamaḥ ||

3.104.5

tasya rājño mahāyogī vedavedāntatatparaḥ |
anapatyaḥ sa viprendro yathā rājā babhūva ha ||

3.104.6

sa rājā sahitastābhyāmarcayāmāsa śaṅkaram |
putrārthaṃ śūlinaṃ śarvaṃ daśa varṣāṇyananyadhīḥ ||

3.104.7

sa vipro vaiṣṇavaṃ satraṃ putrārthe samayojayat |
arcitastena rājendra śaṅkaro nīlalohitaḥ ||

3.104.8

ātmānaṃ darśayāmāsa svapne rājānamabravīt |
prīto'smi tava bhadraṃ te varaṃ varaya suvrata ||

3.104.9

atha rājā jagannāthamuvācedaṃ smayanniva |
putrau mama bhavetāṃ hi tathetyuktvā vṛṣadhvajaḥ ||

3.104.3.104.10

antardhānaṃ gataḥ śambhuḥ pratibuddhastato nṛpaḥ |
so'pi mitrasaho vidvān devaṃ keśavamavyayam ||

3.104.103

pañcavarṣaṃ jagannāthamarcayāmāsa bhaktitaḥ |
vidvān mitrasahane bhī avināśī jagadīśvara bhagavān keśavakī pīca varṣotaka bade bhaktimāvase ārādhanākī ||

3.104.11

arcitastena vipreṇa devadevo janārdanaḥ ||

3.104.12

putramekaṃ dadau tasmai svātmanā sadṛśaṃ hariḥ |
te bhārye garbhamādhattāṃ tejasā śaṅkarasya ha ||

3.104.13

viprabhāryā mahārāja vaiṣṇavaṃ teja ādadhat |
mahiṣyau te mahāvīryau putrau śaṅkaranirmitau ||

3.104.14

asūyetāṃ mahīpāla krameṇaiva nṛpasya ha |
sa tayośca mahārāja nāmakarmādikāḥ kriyāḥ ||

3.104.15

cakāra vidhivatsarvā viprebhyo'dānmahaddhanam |
sa ca vipro vinītātmā putramekaṃ hi labdhavān ||

3.104.16

sākṣādiva jagannāthaṃ sthitaṃ putrātmanā nṛpa |
jātakarmādikaṃ sarvaṃ brāhmaṇaḥ sa cakāra ha ||

3.104.17

tau kumārāvayaṃ caiva trayaḥ savayaso'bhavan |
vedānadhītya te sarvāñchrutvā cānvīkṣikīṃ tathā ||

3.104.18

dhanurvede tathā'stre ca nipuṇāste'bhavaṃstadā |
haṃso jyeṣṭho nṛpasuto ḍimbhako'nantaro'bhavat ||

3.104.18.p1

sa ca viprasuto rājan janārdana iti smṛtaḥ ||

3.104.19

anyonyaṃ mitratāṃ yātāḥ sarve caiva kumārakāḥ ||

3.104.19.c1

iti śrīmahābhārate khilabhāge harivaṃśe bhaviṣyaparvaṇi haṃsaḍimbhakotpattau caturadhikaśatatamo'dhyāyaḥ ||