Harivamsha 3.106: ṣaḍadhikaśatatamo'dhyāyḥ

3.106.p1

haṃsaḍimbhakayor mṛgayā

3.106.1

haṃsaḍimbhakābhyāṃ mṛgayā vaiśampāyana uvāca |
tataḥ kadācit tau vīrau mṛgayāmāṭatuḥ kila |
janārdanena sahitau rathairaśvairgajairapi ||

Without washing her feet, Diti lay down upon her bed
and fell asleep. Entering into her belly,
the thunderbolt-handed one then cut the embryo into seven pieces.

3.106.2

vanaṃ gatvā tu tau vīrau siṃhavyāghrāṃśca jaghnatuḥ |
śitairbāṇairmahārāja varāhānatha sarvaśaḥ ||

3.106.3

vyālānanyān mṛgān hiṃsrāñchvabhiśca sahitau nṛpa |
eṣa āyāti vipulo varāho dīrghalocanaḥ ||

3.106.4

enaṃ vāṇena sañchindhi yāti cāyaṃ mṛgādhipaḥ |
ayamanyo'tha mahiṣaḥ śṛṅgaprotasarīsṛpaḥ ||

3.106.5

ete khalu mṛgāḥ sārdhaṃ śāvairbādhanti sarvaśaḥ |
etad bhramati sarvatra bhītaṃ śaśakulaṃ mahat ||

3.106.6

śāvaṃ stanaṃ pibatsādhu na hantavyamidaṃ śubham |
grahītavyamidaṃ sarvaṃ nirudhya śvagaṇairiha ||

3.106.7

ityādiśabdaḥ sumahān mṛgayāṃ kurvatāṃ nṛpa |
kṣatriyāṇāṃ nṛpaśreṣṭha vyādhānāṃ caiva dhāvatām ||

3.106.8

hatvā mṛgān subahuśo vyāghrān siṃhān nṛpottamau |
śramaṃ ca jagmaturvīrau madhyaṃ yāte divākare ||

3.106.9

alaṃ hi mṛgayāsmākaṃ śramaḥ samupajāyate |
ityūcaturmahārāja puṣkaraṃ jagmatuḥ saraḥ ||

3.106.3.106.10

saraḥsamīpamāgamya munisiddhaniṣevitam |
vījan mārutasānūpaṃ śramāt tatra sukhasthitau ||

3.106.11

tato janāḥ saraḥ sarve vigāhya śramakarṣitāḥ |
bisān pravālān padmānāṃ bhakṣayāmāsurārtavat ||

3.106.12

janārdanena sahitau haṃso ḍimbhaka eva ca |
saraḥ kvacit samāśritya śramaṃ santyajya tiṣṭhataḥ ||

3.106.13

viśramya sarasastīre tadā''sāte sukhaṃ nṛpau |
aśṛṇvātāṃ paraṃ brahma munimukhyaiḥ samīritam ||

3.106.14

madhyandinaṃ tathā sarvaiḥ savanaṃ sasvaraṃ nṛpau |
tataḥ prītau nṛpau bhūtvā śrutvā vedadhvaniṃ tadā ||

3.106.15

aicchetāṃ tau tadā draṣṭuṃ yajñaṃ munikṛtaṃ tadā |
sthāpayitvā tataḥ senāṃ sarvāṃ mṛgasamanvitām ||

3.106.16

ādāya ca mahācāpe śarān katicideva ca |
janārdanastadā vīrau haṃso ḍimbhaka eva ca ||

3.106.17

padātinau mahārāja jagmatuścāśramaṃ kila |
maharṣeḥ kāśyapasyātha satraṃ vaiṣṇavasaṃjñakam |
yajato munibhiḥ sārdhaṃ japahomaparāyaṇaiḥ ||

3.106.17.c1

iti śrīmahābhārate khilabhāge harivaṃśe bhaviṣyaparvaṇi haṃsaḍimbhakopākhyāne mṛgayāvarṇane ṣaḍadhikaśatatamo'dhyāyaḥ ||