Harivamsha 3.112: dvādaśādhikaśatatamo'dhyāyaḥ

3.112.p1

kṛṣṇasya haṃsaḍimbhaka vadhapratijñā, yatibhojanaṃ ca

3.112.1

bhagavatā śrīkṛṣṇena haṃsaḍimbhakayoḥ vadhāya pratijñā, kṣamāyācanāpūrvakaṃ yatībhyaḥ bhojanadānaṃ vaiśampāyana uvāca |
yatervacanamākarṇya mandamucchvasya keśavaḥ |
durvāsasaṃ samālokya babhāṣe yādaveśvaraḥ ||

Be attentive, O king of kings, and listen with a one-pointed mind.
Not to the impure, nor to the unpurified, nor ever to a non-disciple
should I describe this, O king, [but] to one who is grateful and benevolent.
For one who knows properly this creation of beings, which grants heaven, renown, and long life, sacred and equal to the Veda,
and who hears or recites the auspicious birth of the Maruts, O bull of the Bharatas,
there is no fear of returning [to rebirth] here; whence fear of the other world?

3.112.2

kṣantavyaṃ bhavatā sarvaṃ doṣa eṣa mamaiva hi |
śṛṇu vākyaṃ mamaitat tu śrutvā śāntiparo bhava ||

3.112.3

jeṣyāmi tau raṇe vipra haṃsaṃ ḍimbhakameva ca |
girīśo vā varaṃ dadyācchakro vā dhanado'pi vā ||

3.112.4

yamo vā varuṇo vāpi brahmā vātha caturmukhaḥ |
sabalau sānujau hatvā punardāsyāmi vo ratim ||

3.112.5

satyenaiva śapāmyadya mā roṣavaśago bhava |
rakṣāṃ vo'haṃ kariṣyāmi hatvā tau ca nṛpādhamau ||

3.112.6

jānāmi tau durātmānau yuṣmaddoṣakarau hi tau |
śrutaṃ ca pūrvamasmābhistīkṣṇadaṇḍadharāviti ||

3.112.7

atyantabalinau mattau girīśavaradarpitau |
nālpaprayatnasaṃsādhyau jarāsandhahitaiṣiṇau ||

3.112.8

prāṇānapi tayo rājā dāsyatyeva na saṃśayaḥ |
jarāsandho na bhūpālo vinā tau jayate mahīm ||

3.112.9

jaye tayorvipravarya tatra śreyo bhavet tataḥ |
yatra yatra tu tau gatvā sthitāvityanuśuśruma ||

3.112.3.112.10

tatra tatra ca hantāhaṃ nātra kāryā vicāraṇā |
gacchadhvaṃ yatayaḥ svairaṃ nijakāryaparāyaṇāḥ ||

3.112.11

acireṇaiva kālena jeṣyāmi raṇapuṅgavau |
tataḥ prītaḥ prasannātmā yādaveśvaramāha saḥ ||

3.112.12

svastyastu bhavate kṛṣṇa jagatāṃ svasti kurvate |
kiṃ nu nāma jagannātha duḥsādhyaṃ tava keśava ||

3.112.13

trilokeśa tridhāmāsi sarvasaṃhārakārakaḥ |
devānāmapi deveśaḥ sarvatra samadarśanaḥ ||

3.112.14

viṣṇo deva hare kṛṣṇa namaste cakrapāṇaye |
namaḥ svabhāvaśuddhāya śuddhāya niyatāya ca ||

3.112.15

śabdagocara deveśa namaste bhaktavatsala |
ajñānādathavā jñānād yanmayoktaṃ kṣamasva tat ||

3.112.16

tvamevāhaṃ jagannātha nāvayorantaraṃ pṛthak |
ataḥ kṣamasva bhagavan kṣamāsārā hi sādhavaḥ ||

3.112.17

śrībhagavānuvāca |
kṣantavyaṃ bhavatā vipra kṣamāsārā vayaṃ sadā |
saṃnyāsinaḥ kṣamāsārāḥ kṣamā teṣāṃ paraṃ balam ||

3.112.18

kṣamā mokṣakarī nityaṃ tattvajñānamiva dvija |
kṣamā dharmaḥ kṣamā satyaṃ kṣamā dānaṃ kṣamā yaśaḥ ||

3.112.19

kṣamā svargasya sopānamiti vedavido viduḥ |
tasmāt sarvaprayatnena kṣamāṃ pālayata svakām ||

3.112.3.112.20

pratyakṣajñānasaṃyuktā yūyaṃ sarve yatīśvarāḥ |
ya ete yatayo viprāḥ pūjanīyā mayādya vai ||

3.112.21

bhoktavyā yatayo viprā bhikṣukāḥ sarva eva hi |
tatheti te pratijñāya bhoktumaicchan harergṛhe ||

3.112.22

tataḥ svabhavanaṃ viṣṇuḥ praviśya harirīśvaraḥ |
caturvidhaṃ tathā''hāraṃ kārayitvā yathāvidhi ||

3.112.23

bhojayāmāsa tān sarvānyatīnyativarārcitaḥ |
chittvā chittvā ca deveśo dukūlāni mṛdūni saḥ ||

3.112.24

dadau tebhyastadā viṣṇuḥ sarvebhyo janamejaya |
te ca prītā yathāyogaṃ yathāpūrvaṃ tato gatāḥ ||

3.112.24.c1

iti śrīmahābhārate khilabhāge harivaṃśe bhaviṣyaparvaṇi haṃsaḍimbhakopākhyāne yatibhojane dvādaśādhikaśatatamo'dhyāyaḥ ||