Harivamsha 3.12: dvādaśo'dhyāyaḥ

3.12.p1

sarvabhūtotpattiḥ

3.12.p2

nārāyaṇasya nābhikamalasya daleṣu samastānāṃ lokānāṃ kalpanaṃ vaiśampāyana uvāca |
atha yogavidāṃ śreṣṭhaṃ sarvabhūtamanomayam ||

3.12.1

sraṣṭāraṃ sarvabhūtānāṃ brahmāṇaṃ sarvatomukham ||

Then Dakṣa made an agreement with Parameṣṭhin:
"Nārada shall become your son upon my daughter."

3.12.2

tasmin hiraṇmaye padme bahuyojanavistṛte |
sarvatejoguṇamaye pārthivailakṣaṇairyute ||

3.12.2.p1

tacca padmaṃ purāṇajñāḥ pṛthivīruhamuttamam ||

3.12.3

nārāyaṇāṅgasambhūtaṃ pravadanti maharṣayaḥ ||

3.12.4

yā tu padmāsanā devī pṛthivīṃ tām̐ pracakṣate |
ye garbhasārāṅkuratastān divyān parvatān viduḥ ||

3.12.5

himavantaṃ ca meruṃ ca nīlaṃ niṣadhameva ca |
kailāsaṃ muñjavantaṃ ca tathādriṃ gandhamādanam ||

3.12.5.p1

puṇyaṃ triśikharaṃ caiva kāntaṃ mandarameva ca ||

3.12.6

udayaṃ kandaraṃ caiva vindhyamastaṃ ca parvatam ||

3.12.7

ete devagaṇānāṃ ca siddhānāṃ ca mahātmanām |
āśramāḥ puṇyaśīlānāṃ sarvakāmayutādrayaḥ ||

3.12.8

eteṣāmantaro deśo jambūdvīpa iti smṛtaḥ |
jambūdvīpasya saṅkhyānaṃ yājñiyā yatra cakrire ||

3.12.9

garbhād yat sravate toyaṃ devāmṛtarasopamam |
divyatīrthaśatāpāṅgyastā divyāḥ saritaḥ smṛtāḥ ||

3.12.10

yānyetāni tu padmasya kesarāṇi samantataḥ |
asaṅkhyātāḥ pṛthivyāṃ tu viśve te dhātuparvatāḥ ||

3.12.11

yāni padmasya patrāṇi bhūrīṇyūrdhvaṃ narādhipa |
te durgamāḥ śailacitā mlecchadeśā vikalpitāḥ ||

3.12.12

yānyadhaḥ padmapatrāṇi vāsārthe tāni bhāgaśaḥ |
daityānāmuragāṇāṃ ca pātālaṃ tanmahātmanām ||

3.12.13

teṣāmadhogataṃ yattadudaketyabhisaṃjñitam |
mahāpātakakarmāṇo majjante yatra mānavāḥ ||

3.12.14

padmasyānte kuśaṃ yattadekārṇavajalaṃ mahat |
proktāste dikṣu saṅghātāścatvāro jalasāgarāḥ ||

3.12.14.p1

ṛṣernārāyaṇasyāyaṃ mahāpuṣkarasambhavaḥ ||

3.12.15

prādurbhāvo'pyayaṃ tasmānnāmnā puṣkarasambhavaḥ ||

3.12.16

etasmāt kāraṇāt tajjñaiḥ purāṇaiḥ paramarṣibhiḥ |
yajñiyairvedadṛṣṭārthairyajñe padmacitī kṛtaḥ ||

3.12.17

evaṃ bhagavatā padme viśvasya paramo vidhiḥ |
parvatānāṃ nadīnāṃ ca deśānāṃ ca vinirmitaḥ ||

3.12.18

vibhustathaivāpratimaprabhāvaḥ prabhākaro vai bhagavān mahātmā |
svayaṃ svayambhūḥ śayane'sṛjat tadā jaganmayaṃ padmanidhiṃ mahārṇave ||

3.12.18.c1

iti śrīmahābhārate khilabhāge harivaṃśe bhaviṣyaparvaṇi pauṣkare sarvabhūtotpattau dvādaśo'dhyāyaḥ ||