Harivamsha 3.15: pañcadaśo'dhyāyaḥ

3.15.p1

janamajayapraśnaḥ

3.15.1

janamejayena mahābhāratavarṇitasya caritrasya praśaṃsā janamejaya uvāca |
śrutaṃ naḥ paramaṃ brahman svavaṃśacaritaṃ mahat |
divyamanyonyasambhūtaṃ mānitaṃ bahubhirguṇaiḥ ||

Vaiśaṃpāyana said:
To the sons of Dakṣa, the Haryaśvas of great valour
who had gathered together desiring to multiply creatures, Nārada spoke:

3.15.2

chandobhirvṛttasañjātaiḥ samāsaiśca savistaraiḥ |
laghubhirmadhurābhāṣairgrathitaṃ padavigrahaiḥ ||

3.15.3

trivargeṇābhisampannaṃ dharmeṇārthena bhoginām |
kāmena bahurūpeṇa śarīrāntargatena ca ||

3.15.4

brāhmaṇānāṃ prabhāvaiśca yodhānāṃ ca parākramaiḥ |
vairaniryātanaiścaiva pratijñānāṃ ca pāragaiḥ ||

3.15.5

ripustavasusampannairnānubandhaḥ pracoditaḥ |
vaṃśayornirvināśāya nṛpeṇa dvija vigrahāt ||

3.15.6

ye ca tasmin mahāraudre saṅgrāme nihatā nṛpāḥ |
teṣāṃ sarvāṇi rāṣṭrāṇi putrāḥ sarve prapedire ||

3.15.7

kauravaḥ prathito rājā bhagavacchāsanānugaḥ |
dharmaśca bahudhā proktastrayāṇāṃ varṇasampadām |
śūrāṇāmapi vikhyātaḥ svargaheturdvijarṣabha ||

3.15.8

anugrahārthaṃ bhūtānāṃ notsekāya kathañcana |
caturṇāṃ varṇasaṃjñānāṃ pṛyakpṛthaganekadhā ||

3.15.9

garbhavāsaṃ patantaśca bhūtānāṃ samprabodhitāḥ |
pṛcchanto devasañcāraṃ kṣīṇe puṇye ca karmaṇi ||

3.15.10

dāne yaścāpi saṃyogaḥ sa cāpi bahudhā kṛtaḥ |
dvayoḥ saṃyogavihitaṃ madhu vāgvacanaṃ tayoḥ ||

3.15.11

na tacchakyaṃ mayā''khyātuṃ bhāratādhyayanaṃ mahat |
ekāhena mahān brahmannapi divyena cakṣuṣā ||

3.15.12

brahmaṇo'hnastu vistāraṃ saṅkṣepaṃ ca susaṅgraham |
śrotumicchāmi bhagavanmahatkautūhalaṃ hi me ||

3.15.12.c1

iti śrīmahābhārate khilabhāge harivaṃśe bhaviṣyaparvaṇi pauṣkare janamejayavākye pañcadaśo'dhyāyaḥ ||