Harivamsha 3.18: aṣṭādaśo'dhyāyaḥ

3.18.p1

yogopasargakathanam

3.18.1

yogasya upasargāḥ, yoginaḥ viṣṇurūpeṇa sthitiḥ, karmalayāt muktiḥ, sakāmakarmiṇāṃ dhūmamārgeṇa gatiḥ punarāvṛtti ca, jñāninaṃ yogīṃ ca tattvasya sākṣātkāraṃ, brahmayugasya varṇanaṃ janamejaya uvāca |
upasargaṃ ca yogaṃ ca dhyātavyaṃ caiva yatpadam |
na bhūyaḥ punarāyāti mānuṣaṃ dehavigraham |
siddhiṃ siddhiguṇāṃścaiva śrotumicchāmi tattvataḥ ||

When the Haryaśvas were lost, the lord Dakṣa, son of the Pracetases,
again produced a thousand sons upon Vīraṇa's daughter.

3.18.2

vaiśampāyana uvāca |
śṛṇu vistarataḥ sarvaṃ yathā pṛcchasi medhayā |
upapannena manasā brahmādīnāmanekadhā ||

3.18.3

pañcasiddhiguṇāṃstyaktvā paśyato brahmaṇo nṛpa |
yogayuktena manasā pañcendriyanivāsinaḥ ||

3.18.4

brahmaṇaścintayānasya brahmayajñaṃ sanātanam |
bahurūpamanaiśvaryāt pravartati nirodhanam ||

3.18.5

pañcendriyasya grāmasya navadvārasya bhārata |
kāmakrodhasya lobhasya sanniruddhasya medhayā ||

3.18.6

tejasā mūrdhni cādhāya dhūmo dodhūyate mahān |
nīlalohitavarṇābhaiḥ pītaiḥ śvetaiśca dhātubhiḥ ||

3.18.7

māñjiṣṭharāgavarṇābhaiḥ kapotasadṛśaistathā |
śuddhavaidūryavarṇābhaiḥ padmarāgasamaprabhaiḥ ||

3.18.8

sphāṭikairmaṇivarṇābhaināgendrasadṛśaistathā |
indragopakavarṇābhaiścandrāṃśusalilaprabhaiḥ ||

3.18.9

bahuvarṇaiḥ sudhūmaughairindrāyudhasamaprabhaiḥ |
sampatadbhiśca yugapanmeghairiva samāgataḥ |
nirudhyata ivākāśaṃ pakṣavadbhirivādribhiḥ ||

3.18.3.18.10

te dhūmavarṇāḥ saṅghātā ghanāḥ saliladhāriṇaḥ |
nirvemuścaiva toyaughān viviśurvasudhātale ||

3.18.11

mūrdhni caiva mahānagnirmānaso dhūyate prabhuḥ |
yuktaḥ paramayogena śataśo'rcibhirāvṛtaḥ ||

3.18.12

tasyārcervisphuliṅgānāṃ sahastrāṇi śatāni ca |
visasruḥ sarvagātrebhyo jvalanniva yugāgnayaḥ ||

3.18.13

yāvatyo varṣadhārāstu tāvatyo'rcyo'nalasya ca |
srameyurvāridhārābhirvipule vasudhātale ||

3.18.14

varṇābhyāṃ yujyamānasya vāyurdodhūyate mahān |
divyasiddhaguṇodbhūtaḥ sūkṣmaprāṇavivardhanaḥ ||

3.18.15

vegavān bhīmanirghoṣo balavān prāṇagocaraḥ |
taireva cāgnisaṅghātairdhātubhiḥ saha saṅgataḥ ||

3.18.16

sahasraśo'tha śataśo mūrtiṃ kṛtvā pṛthagvidhām |
agnirvāyurjalaṃ bhūmirdhātavo brahmacoditāḥ ||

3.18.17

samavāyatvamāpannā bījabhūtā mahīpate |
saṅghātaṃ brahmavegena dhātavo gamitā nṛpa ||

3.18.18

yad brahma cakṣupormadhye sa sūkṣmaḥ puruṣo virāṭ |
tayoranyān bahūn sūkṣmān sasṛje puruṣottamaḥ ||

3.18.19

sa eva bhagavānviṣṇurvyaktāvyaktaḥ sanātanaḥ |
ādhāraḥ sarvavidyānāṃ pralaye pralayāntakṛt ||

3.18.3.18.20

taṃ mūrdhni dhātubhirnaddhaṃ viśanti brahmacoditāḥ |
te'ntarāḥ puruṣāḥ sarve jñātāraḥ sukhaduḥkhayoḥ ||

3.18.21

atha ceṣṭitumārabdhā mūrtayo brahmasammitāḥ |
bhittvā ca dharaṇīṃ daivīṃ prāpadyanta diśo daśa ||

3.18.22

ityete pārthavāḥ sarve ṛṣayo brahmanirmitāḥ |
tatraiva pralayaṃ yātā bhūmitvamupayānti ca ||

3.18.23

karmakṣayād vimucyante dhātubhiḥ karmabandhanaiḥ |
karmakṣayād vimuktatvādindriyāṇāṃ ca bandhanāt ||

3.18.24

tāmeva prakṛtiṃ yānti ajñātāṃ karmagocaraiḥ |
kṣarād dhūmakṣayaṃ caiva agnigarbhāstapomayāḥ ||

3.18.25

yena tanturivācchanno bhāvābhāvaḥ pravartate |
dhūmādabhrāstu sambhūtā abhrāttoyaṃ sunirmalam ||

3.18.26

jagatī jalāttu sambhūtā jagatyeva ca yatphalaṃ phalādrasastu sañjajñe rasātprāṇastu dehinām ||

3.18.27

rasaśca tanmayo jajñe yattad brahma sanātanam |
pradhānaṃ brahma coddiṣṭaṃ bahubhiḥ kāraṇāntaraiḥ |
brāhmaṇaistapasi śrāntaiḥ satyavrataparāyaṇaiḥ ||

3.18.28

avyaktād vyaktimāpannaṃ svena bhāvena bhārata |
antaḥsthaṃ sarvabhūteṣu carantaṃ vidyayā saha ||

3.18.29

karma karteti rājendra viṣayasthamanekadhā |
nopalabhyeta cakṣurbhyāṃ tapasā dagdhakilbiṣaiḥ ||

3.18.3.18.30

upalabhyeta cakṣurbhyo jñānibhirbrahmavādibhiḥ |
niḥsṛtastu bhruvormadhyānmeghamukta ivāṃśumān ||

3.18.31

caradbhiḥ pakṣivalloke nirdvandvairniṣparigrahaiḥ |
yogadharmeṇa kauravya dhuvamāsādyate phalam ||

3.18.32

prādurbhāvaṃ kṣayaṃ caiva bhūtasya nidhanaṃ tathā |
vidhatte śataśo brahmā saṅkṣaye ca bhavet tadā ||

3.18.33

karmaṇaḥ karma yogajño bhūtebhyo nātra saṃśayaḥ |
avināśāya lokasya dharmasyāpyāyanena ca ||

3.18.34

yugaṃ dvādaśasāhasraṃ sahasrayugasaṃhitam |
etad brahmayugaṃ nāma yugānāṃ prathamaṃ yugam ||

3.18.35

sahasrayugayorante saṃhāraḥ pralayāntakṛt |
sūkṣmaṃ bhavati lokānāṃ nirvikāramacetanam ||

3.18.36

tathā pralayamāpannaṃ jagat sarvaṃ sanātanam |
brahma sampadyate sūkṣmaṃ nirmitaṃ kāraṇairguṇaiḥ ||

3.18.36.c1

iti śrīmahābhārate khilabhāge harivaṃśe bhaviṣyaparvaṇi pauṣkare aṣṭādaśo'dhyāyaḥ ||