Harivamsha 3.20: viṃśo'dhyāyaḥ

3.20.p1

manodhāraṇavicāraḥ

3.20.1

brahmaṇā yogadhāraṇāpūrvakena sṛṣṭā mānasika sṛṣṭyāḥ varṇanaṃ vaiśampāyana uvāca |
tato'nyāṃ dhāraṇāṃ gatvā manasā sa pitāmahaḥ |
brahmakarmasamārambhaṃ nirmuktenāntarātmanā ||

They all said to one another, "The great seer speaks rightly:
the path of our brothers must be traversed, of this there is no doubt;
having learned the extent of the earth, we will easily create creatures,"

3.20.2

sarvāṅgadhāraṇāṃ kṛtvā manasā prahasanniva |
brahmayogena ca brahmā sṛjate manasā prajāḥ ||

3.20.3

cakṣuṣo rūpasampannā hyapsarāḥ sṛjate prabhuḥ |
nāsikāgrācca gandharvān sucitrāmbaravāsasaḥ ||

3.20.3.p1

tumburupramukhān sarvāñchataśo'tha sahasraśaḥ |
nṛtyavāditrakuśalān kuśalān sāmagītiṣu 4 ||

3.20.5

brahmayogena yogajñaḥ svayambhūrbhagavān prabhuḥ |
cārunetrāṃ sukeśāntāṃ subhrūṃ cārunibhānanām ||

3.20.6

padmena śatapatreṇa cāruṇā suvirājitām |
svakṣāṃ śucigiraṃ sevyāṃ brāhmīṃ mūrtimatīṃ śriyam ||

3.20.7

sasṛje manasā brahmā samyakproktena cetasā |
bhāvayogena bhūtātmā sarvaprāṇabhṛtāṃ nṛpa ||

3.20.8

cakṣuṣo rūpasampannāḥ sṛjan so'psarasaḥ prabhuḥ |
nāsikāgrācca gandharvān suvāsaḥ supravāditān ||

3.20.9

gānaprabhāṣaṃ sañcakre gandharvāṇāmaśeṣataḥ |
anyeṣāṃ caiva viprāṇāṃ gānaṃ brahmaprabhāṣitam ||

3.20.3.20.10

padbhyāṃ sṛjati bhūtāni gatimanti dhruvāṇi ca |
narakinnarayakṣāṃśca piśācoragarākṣasān ||

3.20.11

gajān siṃhāṃśca vyāghrāṃśca mṛgāṃścaiva sahasraśaḥ |
tṛṇajātīśca bahudhā bhāvahetoścatuṣpadān ||

3.20.12

ye tu hastānnikhādanti karmaprāptena hetunā |
hastebhyaḥ karma sasṛje mantavyaṃ manasā tathā ||

3.20.13

vāyunā sa visargaṃ ca bhūtānāṃ sukhamicchatā |
upatasthe tadānandaṃ pañcendriyasamādhinā ||

3.20.14

hṛdayādasṛjad gāvo bāhubhyāṃ pakṣiṇastathā |
anyāni caiva sattvāni taistairveṣaiḥ pṛthagvidhaiḥ ||

3.20.15

ṛṣiṃ tvaṅgirasaṃ caiva muniṃ jvalitatejasam |
brahmavaṃśakaraṃ divyaṃ vyatiṣiktaṣaḍindriyam ||

3.20.16

bhruvo'ntarādajanayad yogād yogeśvaraḥ prabhuḥ |
brahmavaṃśakaraṃ divyaṃ bhṛguṃ paramadhārmikam ||

3.20.17

lalāṭamadhyādasṛjannāradaṃ priyavigraham |
sanatkumāraṃ mūrdhnaśca mahāyogī pitāmahaḥ ||

3.20.18

abhiṣiktaṃ tu somaṃ ca yauvarājye pitāmahaḥ |
brāhmaṇānāṃ ca rājānaṃ śāśvataṃ rajanīśvaram ||

3.20.19

tapasā mahatā yukto grahaiḥ saha niśākaraḥ |
cacāra nabhaso madhye prabhābhirbhāsayan jagat ||

3.20.3.20.20

sa gātrairbhagavān yogānmanasā siddhimāgataḥ |
sasṛje sarvabhūtāni sthāvarāṇi carāṇi ca ||

3.20.21

tatra sthānāni bhūtānāṃ yogāṃścaiva pṛthagvidhān |
vyadhatta śataśo brahmā sarvabhūtapitāmahaḥ ||

3.20.22

eṣa brahmamayo yajño yogaḥ sāṅkhyaśca tattvataḥ |
vijñānaṃ ca svabhāvaśca kṣetraṃ kṣetrajña eva ca ||

3.20.23

ekatvaṃ ca pṛthaktvaṃ ca sambhavo nidhanaṃ tathā |
kālaḥ kālakṣayaścaiva jñeyo vijñānameva ca ||

3.20.23.c1

iti śrīmahābhārate khilabhāge harivaṃśe bhaviṣyaparvaṇi pauṣkare viṃśo'dhyāyaḥ ||