Harivamsha 3.21: ekaviṃśo'dhyāyaḥ

3.21.p1

karmamārgakathanam

3.21.1

kṣatrayugasya prasaṅge jñānasiddhānāṃ brāhmaṇānāṃ varṇanaṃ, dakṣeṇa prajāpatinā prāṇināṃ catvāri varṇānāṃ ca sṛṣṭiḥ, tena svaputrebhyaḥ dhātryāḥ antaṃ jñātuṃ ādeśaḥ janamejaya uvāca |
śrutaṃ brahmayugaṃ brahman yugānāṃ prathamaṃ yugama |
kṣatrasyāpi yugaṃ brahmañchrotumicchāmyahaṃ prabho ||

They too set out along that very path in all directions,
and even today they do not return, like rivers that enter oceans.

3.21.2

sasaṅkṣepaṃ savistāraṃ niyamairbahubhiścitam |
upāyajñaiśca kathitaṃ kratubhiścaiva śobhitam ||

3.21.3

vaiśampāyana uvāca |
etatte kathayiṣyāmi yahyakarmabhirarcitam |
dānadharmaiśca vividhaiḥ prajābhirupaśobhitam ||

3.21.4

te'ṅguṣṭhamātrā munaya ādattāḥ sūryaraśmibhiḥ |
mokṣaprāptena vidhinā nirābādhena karmaṇā ||

3.21.5

pravṛtte cāpravṛtte ca nityaṃ brahmaparāyaṇāḥ |
parāyaṇasya saṅgamya brahmaṇastu mahīpate ||

3.21.6

śrīvṛtāḥ pāvanāścaiva brāhmaṇāśca mahīpate |
caritabrahmacaryāśca brahmajñānāvabodhitāḥ ||

3.21.7

pūrṇe yugasahasrānte prabhāve pralayaṃ gatāḥ |
brāhmaṇā vṛtasampannā jñānasiddhāḥ samāhitāḥ ||

3.21.8

vyatiriktendriyo viṣṇuryogātmā brahmasrambhavaḥ |
dakṣaḥ prajāpatirbhūtvā sṛjate vipulāḥ prajāḥ ||

3.21.9

akṣarādbrāhmaṇāḥ saumyāḥ kṣarātkṣatriyabāndhavāḥ |
vaiśyā vikārataścaiva śūdrā dhūmavikārataḥ ||

3.21.3.21.10

śvetalohitakairvarṇaiḥ pītairnīlaiśca brāhmaṇāḥ |
abhinirvartitā varṇāścintayānena viṣṇunā ||

3.21.11

tato varṇatvamāpannāḥ prajā loke caturvidhāḥ |
brāhmaṇāḥ kṣatriyā vaiśyāḥ śūdrāścaiva mahīpate ||

3.21.12

ekaliṅgāḥ pṛthagdharmā dvipadāḥ paramādbhutāḥ |
yātanāyābhisampannā gatijñāḥ sarvakarmasu ||

3.21.13

trayāṇāṃ varṇajātānāṃ vedaproktāḥ kriyāḥ smṛtāḥ |
tena vo brahmayogena vaiṣṇavena mahīpate ||

3.21.14

prajñayā tejasā yogāttasmāt prācetasaḥ prabhuḥ |
viṣṇureva mahāyogī karmaṇāmantaraṃ gataḥ ||

3.21.15

tato nirmāṇasambhūtāḥ śūdrāḥ karmavivarjitāḥ |
tasmānnārhanti saṃskāraṃ na hyatra brahma vidyate ||

3.21.16

yathāgnau dhūmasaṅghāto hyaraṇyā mathyamānayā |
prādurbhūto visarpan vai nopayuñjanti karmaṇi ||

3.21.17

evaṃ śūdrā visarpanto bhuvi kārtsnyena janmanā |
nāsaṃskṛtena dharmeṇa vedaproktena karmaṇā ||

3.21.18

tato'nye dakṣaputrāśca sambhūtā brahmayonayaḥ |
balavanto mahotsāhā mahāvīryā mahaujasaḥ ||

3.21.19

pitrā proktā mahātmāno dakṣiṇā yajñakarmaṇā |
antamicchāmyahaṃ śrotuṃ dhātryāḥ putrā balo hyaham ||

3.21.3.21.20

tato vidhāsye tattvajñāḥ prajānāṃ vipulaṃ balam |
vipulatvāddhi kṣetrāṇāṃ mamāpi vipulāḥ prajāḥ ||

3.21.21

na teṣāṃ darśayad devī cakṣuṣā rūpamātmanaḥ |
prajāpatisutānāṃ vai vipulāsāramicchatām ||

3.21.22

ātmano bhāvanirvṛtte bhāve kṛtayuge tadā |
janitrī sarvabhūtānāmaṇḍajānudbhijāṃstathā ||

3.21.23

saṃvedajananī dhātrī ceti mātrā pracoditā |
aṇutāṃ tanutāṃ caiva jantūnāṃ karmabhoginām ||

3.21.23.c1

iti śrīmahābhārate khilabhāge harivaṃśe bhaviṣyaparvaṇi pauṣkare ekaviṃśo'dhyāyaḥ ||