Harivamsha 3.22: dvāviṃśo'dhyāyaḥ

3.22.p1

pravṛtidharmaphalam

3.22.1

dakṣeṇa svārddhāṅgena strī bhūtvā anekāḥ kanyānāṃ utpattiḥ, teṣāṃ dharmāya, kaśyapāya, somāya ca dānaṃ, kaśyapasya dakṣakanyānāṃ ca santatīnāṃ varṇanaṃ, devaloke janmagṛhītṝṇāṃ yogyatā janamejaya uvāca |
sādhvahaṃ śrotumicchāmi tretāyāṃ brāhmaṇottama |
yajjñātvā sarvavidyānāṃ paraṃ paśyeyamavyayam ||

From that time forward, O king, a brother who sets out in search of a brother
perishes, O mighty one; therefore a discerning person should not do that.

3.22.2

vaiśampāyana uvāca |
dakṣastu punarālambya strībhāvaṃ puruṣottamaḥ |
yogād yogeśvarātmānaṃ niṣaṇṇo girimūrdhani ||

3.22.3

sujānuḥ pīnajaghanā subhrūraḥ padmanibhānanā |
raktāntanayanā kāntā sarvabhūtamanoramā ||

3.22.4

dakṣaḥ prācetasastasyāṃ kanyāyāṃ janayat prabhuḥ |
dehārdhayogavidhinā kanyāḥ padmanibhānanāḥ ||

3.22.5

dakṣaḥ puruṣarūpeṇa strīrūpamapahāya vai |
darśane sarvabhūtānāṃ kāntaḥ kāntataro'bhavat ||

3.22.6

tāḥ kanyāḥ pradadau dakṣaḥ svayaṃ prācetasaḥ prabhuḥ |
brahmadeyena vidhinā brahmaprāptena bhārata ||

3.22.7

pradadau daśa dharmāya kaśyapāya trayodaśa |
saptaviṃśati somāya patnīhetoḥ samāhitaḥ ||

3.22.8

dakṣo dattvātha tāḥ kanyā brahmakṣetraṃ prapadya ca |
brahmaṇādhyuṣitaṃ puṇyaṃ samāhitamanā muniḥ ||

3.22.9

tapyamāno mṛgaiḥ sārdhaṃ cacāra vasudhāṃ nṛpa |
tṛṇamūlaphalairvṛddho vṛddhaśca tapasāsakṛt ||

3.22.3.22.10

mṛgāstu tasya modanti phalaṃ modanti brāhmaṇāḥ |
dīkṣitāḥ puṇyakarmāṇastapasā dagdhakilbiṣāḥ ||

3.22.11

saṅgrāmakāle kālajñaḥ śarīrādipatirmuniḥ |
karmayajñakṛtāṃ tāta siddhiṃ paśyati lakṣaṇāt ||

3.22.12

dānamānapravīrāśca nirudvegā nirāmiṣāḥ |
mṛgaiḥ saha jarāṃ yānti sapatnīkāḥ suputriṇaḥ ||

3.22.13

brāhmaṇāḥ stotrasaṃsiddhā janitre prathame pade |
brahmaṇādhyuṣitatvācca brahmakṣetramihocyate ||

3.22.14

yatibhiḥ karmabhirmuktairjitakrodhairjitendriyaiḥ |
caradbhirvasudhāṃ viprairakiñcanapathaiṣibhiḥ ||

3.22.15

yā prajā sarvamārūḍhā mānasī brahmacāriṇī |
saivaiṣā vyaktimāpannā svabhāvaduratikramā ||

3.22.16

avyaktā vyaktamāpantā svabhāvād duratikramā |
vyaktāvyaktagatiścaiṣā kāladharmānmahīpate ||

3.22.17

sthāvarā jaṅgamāścaiva sthūlasūkṣmāśca bhārata |
kālayogena yogajñā bhavanti na bhavanti ca ||

3.22.18

etāścaitāḥ prajāḥ sarvā dakṣakanyāsu jajñire |
kaśyapenāvyayeneha saṃyuktāḥ kāladharmaṇā ||

3.22.19

ādityā vasavo rudrā viśvedevā marudgaṇāḥ |
nāgāścānekaśirasaḥ sādhyā vai pannagāstathā ||

3.22.3.22.20

gandharvāḥ kinnarā yakṣāḥ suparṇāśca tathāpare |
garutmān saha yakṣaiśca kinnarāśca suvāsasaḥ ||

3.22.21

gāvaḥ paśugaṇaiḥ sārdhaṃ narāśca vasudhādhipa |
carācarāśca vasudhādhartāraśca dharādharāḥ ||

3.22.22

gajāḥ siṃhāśca vyāghrāśca hayāḥ pakṣadharāstathā |
khaḍgā viṣāṇinaścaiva vṛṣabhāśca mṛgāstathā ||

3.22.23

caturviṣāṇā nāgendrāḥ padmābhā varṇataḥ śubhāḥ |
sarvalakṣaṇasampannāḥ prāṇinaḥ kāmarūpiṇaḥ ||

3.22.24

teṣāṃ rūpaistathā gātraistaiḥ śīlaistaiḥ parākramaiḥ |
munayaḥ punarudbhūtā dharmakṣetre sanātane ||

3.22.25

kṣetrajñā mānase loke dharmiṇo vedagocarāḥ |
yatrodbhūtāḥ surāḥ sarve divi loke pratiṣṭhitāḥ ||

3.22.26

ye cānye tapasā siddhā gṛhasthā manujādhipa |
brahmacaryeṇa saṃsiddhāḥ paricaryāṃ gatā guroḥ ||

3.22.27

ye ca yogagatiṃ prāptāḥ siddhihetormahīpate |
kleśādhikaiḥ karmajanyairvṛttiṃ lapsyanti vai dvijāḥ ||

3.22.28

śiloñchavṛttayaḥ khyātāḥ sapatnīkā dṛḍhavratāḥ |
sarve tvete divicarā bhavanti caritavratāḥ ||

3.22.28.c1

iti śrīmahābhārate khilabhāge harivaṃśe bhaviṣyaparvaṇi pauṣkare dvāviṃśo'dhyāyaḥ ||