Harivamsha 3.24: caturviṃśo'dhyāyaḥ

3.24.p1

varṇāśramadharmaparipālanam

3.24.1

caturṣu āśrameṣu sthitānāṃ brāhmāṇānāṃ brahmaṇaḥ yajñasthalasya puṇyapradeśe vastuṃ kāmanā vaiśampāyana uvāca |
balirhomāśca vardhante ahanyahani bhārata |
dvijānāṃ tapasāḍhyānāṃ gṛhadharmeṣu tiṣṭhatām ||

He gave ten to Dharma, thirteen to Kaśyapa, / twenty-seven to Soma, and four to Ariṣṭanemi,

3.24.2

devatārcāśca pūjyante tadā prabhṛti bhārata |
teṣāṃ brahmavidāṃ rājan pṛthivyāṃ brahmavādibhiḥ ||

3.24.3

tatraiva brahmasadane same nistṛṇakaṇṭake |
prājyendhanatṛṇe deśe puṇye parvatarodhasi ||

3.24.4

vāsaṃ yatra prakurvanti dṛṣṭvā bhagavataḥ kriyām |
tapo'rthino mahābhāgā brahmacaryavrate sthitāḥ ||

3.24.5

gṛhasthadharmaniratā dānaprāptena cetasā |
yatayaścāpi kāṅkṣanti dharmeṇeha vikāṅkṣiṇaḥ ||

3.24.6

vanyaiḥ karmaphalaiścaiva ratā brāhmaṇapuṅgavāḥ |
agnihotravratasnātā jitakrodhāḥ samāhatāḥ ||

3.24.7

daivayuktena vā yuktāḥ karmaṇā brahmasattamāḥ |
cīravalkalasaṃvītā niyatā niyatendriyāḥ ||

3.24.8

caranto brahmacaryaṃ ca vratamāsthāya dāruṇam |
anena vidhinā rājan karmaprāptena sarvaśaḥ ||

3.24.9

kramādye vedasaṃskāraṃ puṇyaṃ prāptāḥ sanātanam |
pūrvairācaritaṃ rājan munibhirbrahmavādibhiḥ ||

3.24.3.24.10

nāvedavidvānāgacchennāpi raudraṃ vrataṃ caret |
na ca tyāgena gaccheta gṛhadharmaṃ na ca tyajet ||

3.24.11

naiva gaccheta duḥsthānamaprāpto vedasañcayam |
ṛcaśca sañcayaḥ pūrvaḥ sāmagānāṃ ca bhārata ||

3.24.12

ye cāpi putriṇo na syuḥ śrutyāpi prāpnuyuḥ phalam |
brāhmaṇāstapasā śrāntā gurośca paricaryayā ||

3.24.13

yasya naiva śrutaṃ brahma na gṛhītaṃ viśāmpate |
kāma taṃ dhārmiko rājā śūdrakarmāṇi kārayet ||

3.24.14

athavā naiva vidyeta yad brahma nādriyed dvijaḥ |
dvābhyāṃ tu śrotraviṣaye manaḥ pūrvaṃ samāhitam ||

3.24.15

evaṃ sarvendriyārambhān vedapūrvān samācaret |
brāhmaṇo bhūtisampanno ya icched bhūtimātmanaḥ ||

3.24.15.c1

iti śrīmahābhārate khilabhāge harivaṃśe bhaviṣyaparvaṇi pauṣkare caturviṃśo'dhyāyaḥ ||